انا بحب واحد وبعد فتره اتخطبنا وحصل مشكله بسسب ظروفه وسيبنا بعض ومرت الايام ورجعنا نكلم بعض تاني واتفقت معا انه يجهز نفسه وبعد كده يجي يتكلم مع اهلي علي الجواز واهله هو كانو عارفين وموفقين وكنت بكلم والدته في التليفون
وفي يوم سبنا بعض علي مشكله تفهه اني اتخنقت معا من غير سبب و امه عرفت اننا سبنا بعض
وبعدها فتره كلمنا بعض تاني وفاتح امه في موضوع الزواج لكن امه رفضت وقالت له لو انت مصمم علي الزواج منها سيب البيت وامشي
وهو محتار بيني وبين امه وانا قولتله وامك طبعا لاني الام مش بتتعوض
وانا مش عارفه اعمل اي انا بجد بحبه ياريت تسعدوني بالله عليكم
مشاكل الحب والزواج
بحبه وهو محتار بيني وبين امه
اضيف بتاريخ: Sunday, December 5th, 2010 في 12:39
كلمات مشاكل وحلول: الحب, الزواج, ام, مشاكل الحب
طبعا لازم توصلي لقلب امه لو انت بتحبيه وعاوزها الامهات بيبقوا عاوزين سعادة ولادهم بهدية صغيرة وكلمتين حلوين توصلي لقلبها وطول ماأنت كويسة معاها حتحبك بس إنشاء الله يحصل نص وتحاولي تبقي مشاكلك أسرار وهو برده لو ألح عليها في طلبه حتوافق بس من نحيتك شوية أنا كنت زيك بس دلوقتي أنا روحها ومتقدرش تستغني عني بكلمتين حلوين وربنا يوفقك
سايسى امورك وحاولى تكونى لطيفه مع والدته وخليها تحبك عشان ترضى عنك بس مش معنى كده ترخصى من نفسك وتنزلى كرامتك لا بس خليكى ذكيه واكسبى الطرف اللى قدامك فىصفك
انا بشوف ان الدور دلوقتى عليكى انتى *** انتى الى لازم تقربى من والدتو لانو انتى كمان الى هتقضى اغلب الاوقات مع والدتو لو اتجوزتو لو مقدرتيش تصلحى امورمك مع والدتو يستحيل هيكون زواج ناجح واقولك تقربى ازاى هديه مثلا باى مناسبه مش مهم بعدا اتصال تليفونى للاطمئنان لاكن كونى حريصه فى معاملتمك انو مبتعمليش كده لاجل ابنها والزواج منو لاكن بدافع حب واحترام اكيد الام هترضخ ودايما الام بتحب سعاده ابتنائها لاكن كرامتها رفضت ان واحده ترفض ابنها ربنا يوفقك ويتمم زواجكو على خير ان شاء الله
اولا الام عندها حق وده بسبب تصرفاتكم من الاول وهى تصرفات عيال سبتو بعض مرة ممكن تعملوها تانى
ياحبيبتي ايه المشاكل ال ما بينكم ديه المفروض انتوا اتخطبتوا ماشي لكن مش اي مشكله صغيرة تكبروها وكل شويا تسيبوا بعض وترجعوا ديه مش معامله وباين انكم مش عاقلين لان طريقة تعاملكم مع بعض في فترة الخطوبه هي ال هتمشوا عليها في مرحلة الزواج ومعني كده ان اقل مشكله مابينكم انتي كل شويا هتروحي عند بيت والدتك بسهوله وده اسلوب غلط في التعامل وبعدين مش كل حاجه لازم يعرفوها الاهل من الطرفين انتوا اكيد انتوا الاتنين غالطانين في حاجات كتير وبعدين اكيد فيه سبب كبير خالي والدته تقول كده ومش هتتعامل معاكي ولا معاه كده غير لما يكون فيه سبب هام وبعدين انتوا لو بتحبوا بعض اوي ياريت اولا تعقلوا وتتفقوا مع بعض علي اسس تتفقوا عليها لتكملة المشوار ثانيا يحاول يقنع والدته بالراحه ويعرف سبب رفضها وممكن حل المشكله ولو صممت علي الرفض او سبب رفضها سبب مقنع وكبير يبقي انتوا ال عملتوا في نفسكم كده ويتستحملوا وتغيروا من نفسكم الاول وتحاول تقنعوا والدته ياما مافيش نصيب وتتعلمي من اخطاء التجربه وفي الحالتين احمدي ربنا علي كل شئ وهو لو من نصيبك هتبقي معاه مهما ان كانت الظروف وربنا يوفقكم …………