أنا بنت عندي 21 سنه كنت بحب واحد قبل كده وبعد ما عشنا مع بعض قصة حب الظروف فرقتنا وما كملنا مع بعض
المهم بعد كده اتقد ملى واحد وانا وافقت عليه وخطبني وهو قريبي كان بيحبنى من قبل حبيبى الاول وهو كان عارف ان أنا كنت بحب واحد قبل كده من ورا اهلى لانهم كانوا رافضينوا ومنعونى انى اكلمه وكانوا هيقطعونى لو عرفوا
المهم هو ستر عليا وعشان بيحبنى اوى قرر انه يضحى عشانى ويخرجنى من الحاله اللى إنا فيها لانه بعد ما سبت حبيبى الاولانى لقانى تعبانه وبفكر انتحر ومش عايزه اتجوز خالص
المهم من خلال علاقتنا مع بعض ومن خلال كلامه وتصرفاتوا واختبارى ليه واللى فهمتوا عنوا لقيته انسان كويس جدآ فيه كل المواصفات اللى اى بنت تتمناها
لقيته بيحبنى اوى من سنين وعمره ما عرف بنات قبلى خالص ولا حتى بص ولا عاكس بنت قبل كده وكان طول السنين اللى فاتت بيحبنى وبيفكر فيا وبيدعى ربنا انى اكون من نصيبه واول ما ظروفه سمحت انه يخطبنى جه وخطبني
وهو مخلص لى جدآ ودايمآ بيخاف عليا ومهتم بيا وكل تفكيره ازاى يسعدنى ودايمآ يوعدنى انه عمره ما يزعلنى ولا هيسيبنى ان شاء الله
وكمان هو بيراعى مشاعرى اوى وعمره ما عمل حاجه تضايقنى
كمان هو هادى ومتفاهم جدآ ومتدين ومؤدب ومحترم واخلاقه كلها كويسه وبيعامل الكل بمعامله كويسه و الناس بتحبه وبتحسدنى عليه حتى اهلى إنا بيحبوه جدآ ومتمسكين بيه اوى ووافقوا عليه بسرعه وما اشترطوش عليه اى شروط
واهلوا كمان ناس كويسين جدآ وهما بيحبونى وانأ كمان بحبهم اوى وبرتاح جدآ وانأ معاهم
وبيعجنى جدآ فى تفكيره عن الحب والخطوبه والجواز يعنى بسراحه كل حاجه فيه تدل على انه هيسعدنى جدآ وانه مش هيسيبنى ابدآ
وبناءآ على ذلك إنا حبيته وبادلته نفس الشعور واعترفتله ان انت فتى احلامى وانت حلم جميل ربنا حققهولى وانت هتبقى زوج مثالى وخططنا لكل حياتنا واتكلمنا عن كل حاجه تخص موضوع جوازنا
طبعآ اللى يسمع كلامى ده عنوا هيقول يا بختك بيه لكن للاسف إنا عندي مشاكل ممكن تخلينى اخسره واخسر حياتى كلها
ومنها ان أنا مش قادره انسى حبيبى الاولانى وكل ما يحصل موقف يفكرنى بيه بتضايق واتغير من ناحية خطيبي واطلع قرفى عليه واحيانآ بجرحه من غير ما اقصد يعنى مره قلتله انت عمرك ما هتوصل للى حبيبى وصله ومره قلتله أنا مهما عملت عمرى ما هنسى حبيبى الاولانى بنسبة ميه فى الميه وغير ذلك من كلام
تانى حاجه ان أنا عندي طباع مش كويسه عكسه تمامآ
يعنى هو هادى لكن أنا عصبيه جدآ خصوصآ انى لما بابقى متضايقه بتعصب على الكل حتى هو
وهو متفاهم جدآ لكن أنا عنديه ما بتفاهمش واحب انفذ اللى فى مزاجى حتى لو غلط وهيزعل من الحاجه دى
وكمان هو لو غلط ومن غير ما يقصد بيتأسف ويصالحنى بسرعه لكن أنا اغلط وما احبش اعترف بغلطى ولا اتأسف واتمسك ان أنا على حق واستنى ان هو ييجى يصالحنى
وحاجات تانى من ماضيا وطباعى بتحصل منى وبيتضايق بسببها عشان كده أنا زعلانه عليه ونفسى اتغير وابقى كويسه واعامله زى ما هو بيعاملنى عشان احس ان أنا استحق حبه ليا لكن أنا على نظامى ده أنا ما استاهلوش وهو خساره فيا بس ما ينفعش اسيبوا وحتى لو سبتوا هعمل ايه مش هينفع انتحر ولا ينفع اقعد من غير جواز وبدل ما اتجوز واحد تانى يا عالم هيبقى ايه ويعاملنى ازاى وكده كده هفضل بنفس الماضى والطباع معا طب أنا ارضى بالانسان الكويس ده احسن واخلينى فى المضمون بس أنا مش قادره اتغير وابقى كويسه حاسه انى مش هقدر اسعده زى ماهو هيسعدنى وخصوصآ ان هو نفسوا اننا نعيش مع بعض احلى قصة حب واحلى حياه زوجيه سعيده طب ازاى واحنا بقالنا فتره مع بعض وهو دايمأ بينصحنى انى اتغير ويعرفنى الصح من الغلط وانأ احيانآ اقوله احاول واحيانآ اقوله أنا طبعى كده ومش هتغير
مع انه هو اتعذب بسببى كتير وضحى عشانى كتير
اول حاجه عرف انى على علاقه بواحد قبله واتقدملى لانه بيحبنى وعايز يحافظ عليا ويسعدنى
تانى حاجه اتقد ملى اول مره ورفضته وحافظ على سرى وما قالش لاهلى انى كنت على علاقه بواحد من وراهم وجه على نفسوا واتقدملى تانى مره ووافقت
تالت حاجه عرف انى كنت عايزه انتحر ورافضه الجواز ووقف جمبى وحببنى فيه وفى الجواز من تانى مع انى قعدت شويه فى اول الخطوبه ما اكلموش وما اردش عليه
رابع حاجه انى كلفته فوق طاقته بحاجات صعبه عليه ودى مجرد امنيات وليست شروط يعنى شبكه غاليه كويسه وشقه كويسه وشهر عسل فى اماكن كويسه وهياخدنى معا لما يسافر يعنى وعدنى بتحقيق كل احلامى
رابع حاجه ودى الاهم انى قلتله انى ضعيفه ومش عايزه احمل واخلف عشان كده إنا مش هخلف عشان ما اتعبش وهو وافق وقالى أنا هفضل معاكى لاخر عمرنا ومش هبص لغيرك مهما حصل وقالى المهم انك تعوضينى بمعامله كويسه منك
شفتوا بقى هو كويس ازاى وضحى واتعذب قد ايه طب أنا اعمل ايه أنا حاسه انى مش طبيعيه او انى عندي مرض نفسى ولا ايه مش عارفه
مش قادره اسيبوا ولا قادره اكمل معا وانأ كده ومش قادره اتغير أنا نفسى اموت وارتاح بس بردوا هو هيتعذب بسببى
من ناحية اهله واهلى ومن ناحيته هو كله تمام لكن أنا اللى مش تمام
وعلى فكره هو حاليآ بقاله كام يوم زعلان منى اوى لانى ضايقته جدآ فى الفتره الاخيره دى بسبب طباعي دى اللى مش عارفه اخلص منها
اكمل معا وانأ كده واظلمه معايا ولا اسيبه واعذبه واجرحه عمره كله بسببى وانأ كمان اتعذب من غيروا
ياريت تفيدونى بالله عليكم
انت في ما بعدها نعمة تقد وهبك الله هذا الشاب الذي تتمناه كل فتاة ستر عليك واحبك رغم معرفته بماضيك مع الشاب الاول ورغم رفضك له سابقا وتمسك بك ويبذل قصارى جهده لاسعادك ويسامحك على سوء معاملتك معه ولا يرفض لك طلبافهل يستحق هذا الانسان هذه المعاملة منك اختي العزيزه انصحك نسيان ماضيك مع الحبيب الاول لانه لا يستحق منك هذا الاهتمام اهتمي بخطيبك واتق اللة فيه واقنعي بما رزقك الله من شاب محترم عامليه باللطف واللين والمعاملة الحسنة ولكي تتحن طباعك اقرأي القران وصلي وتوبي لربك وتأكدي ان الله عز وجل سيساعدك ويوفقكما وتعيشا حياة مليئة بالحب والسعادة والهناء اختي العزيزة لو لفيتي الدنيا كلها لن تجدي افضل من خطيبك الذي قسمة الله لك ففي الاقع انت محظوظة ومحسوده على خطيبك فلا تضيعي هذه الفرصة واتمنى لكالتوفيق
بلا حب بلا بطيخ …….صحيح انك وقح….ولسانك سليط …..نصيحة …الشخص الصحيح مع انسان الغلط لو أجد واحد مثل بس يتحمل صدقي مو طبعي وعصبية. ..أخدم طول حياتي…حظك يكسر الحجر
اتقى الله فى خطيبك الزى يراعى ربنا فيكى يااختى وبلاش شوية حب واوهام تاخدك من خطيبك الزى تتمناه اى بنت لمجرد حب تافه ومحصلش نصيب بينكم مع حبك الاولانى ولو كان حبيبك معاكى الان اسالى نفسك هل كان يعاملك مثل هزا الرجل الزى احبك بدون قصة حب او علاقة بينكما فهاهوالشخص الزى تحافظى عليه جدا وبالله التوفيق
صدقينى انتى هضيعى لو سبته اصل الانسان دايما بيحب اللى بيخنق واللى معذبه وانتى عايزه كده حطى فى دماغك ان لو هو عمل كده انتى هتعملى ايه .؟اكيد هتسبيه دا كتر خيره ان هو لسه معاكى يابنتى احمدى ربنا على النعمه اللى في ايدك وحولى تتغيرى للاحسن
ايه ده شوفي لازم تفوقي من الدلع الا انت فيه وتصلحي من نفسك علشان اتقي شر الحليم اذا غضب
ممكن جدا تكرهه فيكي ويسيبك وياخد غيرك تقدره وتبوس التراب الا بيمشي عليه. وسعتها يجيليك الا يعرف يتعامل معاكيابلاش تستبدلي الذي هو خير بالذي هو ادني
يابختك بيه والله بس نصيحه مني خليكي معاه والله ربنا بيحبك ان كرمك بواحد زي دا وماتزعليش علشان سبتي اللي انتي كنتي بتحبيه في الاول وعلي فكره ربنا اختار ليكي دا واكيد خير ليكي انتي ماتعرفيش لو كنتي خدتي اللي انتي بتحبيه كان هيعاملك ازاي والله العظيم انا كنت واحد اوي وبعد عني بعد اما حبيته سنتين سابني وبان علي حقيقته وخلي سمعتي وحشه اوي بس الحمد لله علي كل حاجه واحمدي ربنا وماتزعليش من حاجه ربنا يخلي لك خطيبك وانشاء الله هيسعدك
بوصى هو انا اعتقد انك بتكلمى حبيبك القديم ف الفون يعنى لسا متواصله معاه ..وف فترة ما انتى حبيتى تجربى نوع من التغيير اللى من شكله حاجه حلوه اللى هو خطيبك الجديد ولما جربتيه حسيتى انه مفيش تغيير ..لانه مارضاش غرورك ..لانك انتى من زمان دماغك ناشفه وبتمشى بدماغك والكل بيستسلم لده عشان ميزعلوكيش لانك ضعيفه يعنى بتتعبى كتير ..وطبعا فى واحد جديد انضم لقائمة الناسس اللى بتستحملك …يعنى هو معندوش ملامح جديده عشان يكسرك ويخليكى تعمليله حساب ع فكره بدون ضرب ولا حاجه مجرد كلام بس …اعتقد انك هوائيه ..يعنى بتحبى شويه تكلمى حبيبك الاولانى ويحسسك انك مبسوطه ف يصعب عليكى خطيبك ف تعامليه كويس والدليل اعترفتيله بحبك مره …ومره تانيه تحسى انك مخنوقه من نفسك وتبعدى عن حبيبك اللى بتكلميه ف بالتالى تطلعى عقدك ع خطيبك…طب ف النهايه ..انا من رايى انك واحده معقده عاوزه كل حاجه …ولو استمريتى …هتلاقى نفسك خسرتى كل حاجه ووممكن بطريقتك تحولى خطيبك لشيطان وتلاقيه يقول انا هسيبها لانها كانت بتكلم واحد من ورا اهلها ..فكرى واتلهى ع عينك لانه بنات غيرك واحسن منك بيتمنوا تراب ولد محترم
انتى المفروض تتخلصى من الطباع ده لانك لو فضلتى بالطبع ده هتتعبى اووووى مغيش حد يستحمل الطبع ده سورى يعنى انتى اووووفر اوى مغيش راجل فى الزمن ده كده و هو شاريكى المفروض انتى كمان تشتريه مش تبعيه و تعذبيه و على فكره انتى اللى عمله فى نفسك كده حاولى على فد ما تقدرى تقربى منو و تحتويه و كفايه انو بينفذلك كل اللى انتى عيزاه انتى لو سبتيه هترجعى تندمى و هو هيتعذب فحرام عليكى ولما انتى مش بتحبيه ليه اتختخطبتيلوا من الاول بجد حرااام عليكى هو مش عمل فيكى حاجه وحشه وحبيبك الاولانى ده لو بيحبك مكنش ياعك هو مش يستحق حبك ليه فكرى فى مستقبلك وانتى هتعرفى ان مستقبلك مع خطيبك هيكون حلو اووووى وانتى اللى هتكونى عايزه تخلفى منو بجد اوعى تضيعيه من اديكى عشان هتندمى اووى فى الاخر
انتى انسانه اننيه متعرفيش معنى الحب حرام عليكى يعنى هو يعمل كل ده عشانك وعارف ماضيكى القديم وانك كنتى بتحبى واحد قبلو وقبل على نفسو وخطبك وانتى بتقولى انو بيحبك وانسان كويس وبيتقى الله فيكى انتى عاوزة ايه تانى ياشيخه حرام عليكى هو فعلا ميستهلكيش انتى مفتريه واللهى انالو منو اسيبك وربنايعوض عليه بوحده احسن منك تستاهل حبو وطيبة قلبو يعنى ايه انتى ديما بتقرنى بينو هو وبين حبيبك الاول ما الراجل مش مقصر معاكى فحاجه وانسان صادق معاكى صاحب بالين كدب بتحنى لحبك الاول ومستخصرة تسيبى الراجل الطيب ده يارب هو كمان يسيبك عشان ترتاحى اوعى تزعلى من كلامى انتى نفسك بتقولى انو انسان كويس اتقى الله فى الراجل ده وفكرى كويس
انا مش هعرف انصحك لانى معايا نفس المشكلة ومريت انا وخطيبتى بنفس المشكلة مع اختلاف بسيط وانا بتعذب حاليا زى خطيبك وسترت على خطيبتى بعد ماعرفت انها كانت بتحب شخص غيرى وكانت بتكلمه فى فترة الخطوبة فانا بقولك بجد انه قرف وزهق زيى بالظبط وعايش فى هم وغم وقلق وحيرة وحاسس انه مفيش مستقبل وبيلعن ابو اليوم اللى حب فيه انا أسف بس الكلام كان خنقنى وفكرنى بمشكلتى
اسمعي كل الكلام اللي بقوله عليك انت بجد انانيةماعمرك تعرفي الحب ولافيك خير لنفسك المريضة الدنيااخذ وعطاء وانت تحبي تاخدي ماتعطيش ابد والوادهذا خسارةفيك ماتستاهليه هذاجزاءه منك بعدماتخلى عنك الزفت اللي كان بيلعب بيك وفي الاخر رماك ولاسال فيك ووقف الواد معك وخلصك من محنتك اللي كنتي فيها وكلهذا مش جايب عقاد نافع معك انت جنسك ايه ولا انت انسانة ولاحيوانة بلااحساس ولاعقل حرام عليك تعمل بالواد اللي حبك من كل قلبه فوقي لنفسك واعرفي ان عاقبة الظلم وخيمة وان الله يمهل ولايهمل
فى شئ لازم تعرفيه ان انتى لو شايفه راجل ليه كلمه وشخصيه مش كنتى تجرؤى تعملى كده لكن الواضح انه مش ليه شخصيه وبيحبك وانت بتستغلى عامل الحب ده خطأ وبتتكبرى عليه وشايفه نفسك حاجه والشباب كلها بتحبك ده والقديم وده سبب غرورك والحل الوحيد انه يسيبك عشان تعرفى انك واحده والسلام وزى ماالقديم نساكى هو كمان هينسى لان دى طبيعة الرجاله وهيجيب واحده تحتويه بحبها وتنسيه اى حد والبنات كتير وفى قمة الجمال
barbestar
الحل عندك يعني من الاخر ليه سبتي حبيبك وله حبيبك الاولاني هو اللي سابك إيه الظروف اللي خلتكوا تسسيبوا بعض
طب ليه متحوليش ترجعي لحبيبك الاولاني مادام هو كويس و إنت لسه بتحبيه
بدل ما تظلمي الراجل معاكي
وبعدين مفيش حاجه إسمها مش هخلف في الجواز و إذا كان هو بيقولك كده سوري معلش يبقى بيتحك عليكي اصلا
و كمان هتحصل مشاكل كتيره جدا بسبب الموضوع ه
من الاخر أعرفي إنت عايذه إيه و أعمليه
و من الاخر إنت ايذه ترجعي لحبيبك الاولاني بس عايزه هو اللي جيري وراكي مش إنت مع إني حاسس إنك برده إنت اللي غلطانه ومش عايزه تعترفي بغلطك بس هيا كده عندك صوتك من الاخر من دماغك
أعرفي إنت عايزه إيه و أعمليه
بس سؤال هل كانت والدتك عارفه ب الموضوع ده يعني
سؤال يطرح نفسه ( ليش تعامليه كذا ) لو ما تحبيه اتركيه مو تعذبي ولد الناس معك
اولا السلام عليكم
اقول لكي اختي الكريمة اني ربنا ادالك راجل نادر ما نلاقيه في زمنا ده ولو ما حافظتي عليه بشتى الطرق في غيرك حيعرف اقدرو ا كويس يعني من الاخر انتي الخسرانة مش هو
ربنا يعينك على نفسك
تحياتي
انصحك انك تعرضي نفسك علي دكتور امراض نفسيه يمكن تتغيري شويه ويقدر يعالجك لان اللي يبقي معاه حد كده وميحفظش عليه هيندم عمره كله لو ضاع منه وعلي فكرة انتي لو سبتيه يبقي بتظلمي نفسك وبتظلميه معاكي ولو فضلتي عصبيه ووحشه اوي كده هو اللي هيقرف منك وحيسيبك لانة مش هيستحمل جرح كرامته زياده عن اللي لازم والشئ اللي بيزيد عن حده بيتقلب ضده وعلي فكرة كمان لو كنتي فكرة انه لما تقوليله مهقدرش انسي حبيبي الاولاني يبقي معني كده انه هيسكت بالعكس انتي هتشوفي منه معايرة بعد جوازك منه عمرك ما هتقدري تقاوميها وكمان لو فكرتي انك تسبيه وتنتحري يبقي هتموتي كافرة اتقي ربنا في نفسك وفي الانسان اللي بيحبك وهيحملك اسمة وشرفه وربنا يهديكي يارب
حراااااااام عليكى متعمليش فى كداااااا حرم بجد الحكاية دى خلتنى اعيط انا نفسى فى حد نصة طيب انا بحب واحد بس مش زيك ال بيحبك دا حرام عليكى اتقى الله فى وحرام عليكى لو اتجوزتى وانتى بتعملى معاة كدا
حرام عليكى اتقى اللة والراجل دة مايستاهلشى منك كدة والواضح انك مدلعة جامد
اقسم بلله انا لو من خطيبك دهوانتى قولتيلى الكلام الكبير ده اللى يصعب علي اى رجل يسمعه اصلآ حتا لو كان فى لحظة غضب اقسم بلله اقسم بلله انى اعطيكى علقة موت عشان تحترمي نفسك وتفوقى من اللى انتى فيه عشان تدعدلي صح وتعرفي ان الله حق اى نعم مش اسلوب متحضر بس فيه ناس مينفعش يتعامل معه كيد ه انا اسف بس الكلام اللى انتى قولتيه اثرفيه جامد وقولة الله يرحمك يارجوله معلش انا اسف علي تعبيري ده بس انتى عايزه كيده
والله انا نفس المشكلة لكن عمري ماحبيت غيره بس هو معاه كلية علوم وبيشتغل كاتب في النيابه وانا دكتورة تحاليل وبحس دايما بفارق عاملي شاغل تفكيري ليل ونهار وخايفه افضل كده بعد الزواج لدرجة اني بتحرج اقول لصحابي انه بيشتغل ايه وبحس بالغيره لما حد يقولي منم ان خطيبهم مهندس اودكتور مع العلم انه انسان كويس جدااااااااااااااااا وبيموت فيا وفي اهلي وبيحترمهم ومستحملني في كل حاجه بس انا بتعذب وخايفه ومش عارفه اعمل ايه ممكن حد يرد عليا
حرام عليكى يااختى الفاضله انتى ماشاء الله عليكى وعلى خطيبك واضح جدا انه بيحبك وواضح كمان ان قلبه رقيق ومش فى حد تانى غيرك هو دلوقتى زعلان منك جدا وممكن يخاصمك او يبعدك عنك فترة كبيرة ياترى هتقدرى تتحملى زعله وبعده يابنتى الحياه صعبه والوحده اصعب اوعى تضيعى فرصه ان يكون لكى حبيب يخاف عليكى ويضحى علشانك وتضيعيهاحسن ماتندمى باقى عمرك روحى ليه او كلميه وقوليله انك ممكن تتحملى كل حاجه الا زعله قوليله انك هتتغيرى بس محتاجه وقت قوليله اقف جانبى عشان اتغير وهو هيسامحك بس خلى بالك مش كل مرة هيسامحك وربنا يوفقك
حلاوة وجمال المراءة فى ضعفها واحساسها بقوة الرجل ودى من اجمل الحاجات ايلى اعتقد الراجل بيحبها فى البنت ومش انتى الغلطانة خطيبك هو الغلطان انه عودك على كدة اصلا
اتنمي منك انك تفكري في الموضوع ومش تخسري خطيبك
ايه ده احنا نعامل الكائنات دي ازاي (البنات) واللهي حيرتونا
تسدئي بالله ده انا انصحو هو يبعد عنك مش هنصحك انتي لان مفش فايدة منك
ده شخص ستر عليكي واتحملك وساعدك وعاملك احسن معاملة وانتي بتلبطي
طب واللهي ده يلزم يتركك ويخطب غيرك ويحرق قلبك وانتي تستاهلي يختي
يعني بعد كل ده وانتي بتعيريه بحبيبك الاولاني الله هوا استحمل كدة ازاي
خلاص يا بنتي اتركيه حرام تذلي شخص بالطيبة دي
ربنا يحميه ويخلصو منك الاهي
(زماااااااااااااان)
والله زمان
السلام عليكم حبيبتى اى بنت بدور على شاب وزوج بالطريقة دى وبالشكل ده اخلاق كويسة وكرم وطيبة وحب وعطف يعنى انتى اللى هتخسرى لما تبعدى عنه يعنى ياريت تغيرى من طباعك علشانه وعلشان حياتك وبعدين لازم تنسى اللى كنتى بتحبيه لان هو لو كان بيحبك كان هيقف جمبك لكن هو نساكى وسابك اما خطيبك ده فضلك بالرغم انه يعرف عنك حاجات اهلك لو عرفتها اكيد هتزعل منك وهو بيستحمل تصرفاتك يبقى اكيد بيحبك مووووووووووت يعنى حافظى عليه ومضيعوش من ايدك وده بجد هو اللى هيسعدك حاولى بكل الطرق وبكل وسعك انك تغيرى من نفسك ومن طباعك احسن ليكى ولحياتك ولمستقبلك واتمنالك كل خير
بجد الراجل دة يقلق الطيبة بالشكل دة مش طبيعية يمكن يكون نفسه يجوزك وبعدين يطلع كل دة عليكى ؟؟؟
و أنتى كمان محبتهوش بجد وإلا كانت نفسك هديت ومكنش طلع منك كل دة.
بصراحة لو تتركيه وتهدى شوية أفضل
وخصوصا أن سنك صغير يعنى لو إنتظرت شوية مش هيجرى حاجة
وربنا يرزقك بإنسان تقتنعى به و تحبيه و مايكونش مر معاكى بالمراحل دى يكون أفضل لأنه بعد الزواج ممكن يعايرك بحبيبك القديم و يقول كلام مكنتيش تتوقعية من الشخص البلسم دة.
أتركية أفضل…
انصحك بشي واحد يخاليه يزيد يحبك و يزيد تعلق فيك انك تذهبي ليه و تقالي له انك هيك و هيك و تحاكي بكل صراح و هو سوف يفهم اقسم بالله لو تحداثتي بصدق سوف يعلم لاني عندي واحد مثالك و لم واجهتها بطبعها معي قالت انها هيك و لكن تحبني و انا من يومها لم تعمل شي يزعالني ما ازعال اضحك لين هداء طبعها شوي شوي
أنا متعجب جدا مما قرأت….
كيف لك أن تعاملي خطيبك بهذه الطريقة غير المقبولة وأنت تعلمين أنه يكن لك مشاعر تتمناها أي فتاة مثلك…..
ولكن أنا أتوقع أن يكون له ردود أفعال مختلفة في المستقبل……
أتوقع أن يكون أكثر حزما وشدة بعد ذلك…. ولكن
ستكون شدته عليك بالطريقة التي تحبها المرأة….
فهناك نوع من النساء لا تحب التساهل في المعاملة ولكن تحب الشدة النسبية…..
وأنا أعترف أن خطيبك هذا أكثر شخص هدوءا للأعصاب سمعت عنه طيلة حياتي…..
فكنت أظن أني أكثر هدوءا من الجميع ولكني لو كنتُ مكانه وقالت لي خطيبتي ما قلتيه له لتركتها في الحال وما عدت لها إلا باعتذار كبير ووعد بألا تفعل ذلك مجددا وإن فعلته فلن أقبل لها اعتذار….
اعلمي أن أشد ما يقع على الرجل من المرأة أن تخبره أنها تحب شخصا أكثر منه وهو خطيبها أو زوجها،،، وهذا الكلام يعتبر من الخيانة…. لذا أباح الإسلام للمرأة والرجل الكذب في إخبار بعضهما بالحب وإن لم يكن موجودا من أحدهما……
أما بما يخص الحمل والأطفال،،، فلا أظن أنكِ ستوافقين على ذلك،،، فالمرأة دائما أملها بعد الزواج في طفل يملأ الحياة عليها وزوجها….. وإن كنتِ ضعيفة فلا مشكلة فأين الطب إذن،،، عليك ببعض التمرينات الرياضية والاهتمام بالتغذية والصحة العامة كي تتحسن صحتك وتكوني قادرة على الحمل والولادة…..
وأنصحك ألا تبتعدي عن هذا الشاب الرائع جدا جدا…..
واعلمي أن الله زرقك به لأنه لو رزقك بزوج عصبي مثلك فإنكما لن تتفاهما أبدا أبدا،،، أما الشخص الهادئ يُحسن التصرف في وقت الشدة……
واعلمي أنك ستهدأين بعد ذلك مرة بعد أخرى،،، ولكن يجب أن تهتمي لذلك…..
فمثلا إن كنت تتعصبين عليه مرة كل أسبوع فحاولي أن تهدئي من نفسك مرة بعد مرة حتى تستطيعين القضاء على هذه الحالة ولا تتعجلينها….
وأقول لك أنك لو ابتعدت عنه فإنك بذلك ظلمت نفسك قبل أن تظلمينه،،، وبالطبع ليس هناك مجالا للقول بالانتحار وغيره فهو أمر محرم ولا يقبله الدين ولن يقبله الله…..
توكلي على الله ووافقي عليه وأتمي الزواج بأسرع وقت حتى يتمم الله عليكما بنوره وهداه….
يا مدعى الكبر هوه الكبر علا مين
فوقى وحافظى على خطيب
وعليكى بقراه القران
والتقرب الى الله
انا بنت زيك وفاهماك اوي لاني كنت بعامل الرجالة اللي بحس ان هم معجبين بي بطريقة وحشة جدا وبقلة ذوق … وخطيبي طيب جدا ومحترم زي خطيبك لكن مع اول مرة كلمته بقلة ذوق وزعقت له سكت وقاللي نكمل كلامنا بكرة .. واليوم التاني جه لي البيت واتحول الانسان الذوق و اللطيف لراجل بيزعق وبيقولي انه ميسمحش لمراته في المستقبل انها تكلمه كدا ابدا ومن يومها وانا فهمت يعني ايه انك تحطي راجلك فوق راسك وتحترميه وتفرحي لما تكبريه وترفعي من قدره وخصوصا قدام اهله وقدام الناس.
بصراحة يا اختي اغبي امراة هي اللي تقارن بين خطيبها وراجل تاني ، وانا حعلمك حاجة انا بذلت مجهود كبير لحد ما اتعلمتها: فكري قبل ما تقولي الكلمة و اسالي نفسك لو حد قالك الكلمة دي حتجرحك ولا لا؟؟ ولو حتجرحك يبقا اسكتي احسن
حرام عليكي تضيعي اجمل ايام عمرك الخطوبة في خناق ونكد خليكي لذيذة وهزري واضحكي معاه من غير ما تغضبي ربنا او تعدي الحدود الشرعية للخطبة اللي هي وعد بالزواج
روحي اعتذري له واعرفي ان اللي يتكبر ربنا بيكسره اوعي تتكبري واعرفي ان الاعتذار عن الخطا ده منتهى القوة
انت عارفة ، انت شكلك بتحبي خطيبك اوي وكل اللي بتعمليه ده هو انك بتقاومي حبك ليه لانك حسا انه ضحا كتير علشانك وانت حاسة برضو انك ما تستحقيش كل التضحية ده …انصحك تروحي تتكلمي مع دكتورنفسي لان انت مش فاهمة نفسك خااااااااااالص
صلحى طباعك احسن تندمى بعد كده
هو يعتبر نعمه ربنا بعتهالك
مش هتحسى بيها الا لو فقدتيها
لو خسرتيه هتندمى..انتى عارفة انه بيحبك جدا عشان كدة بتدلعى عليه لكن لما تتجوزيه انتى هاتتحايلى عليه عشان تخلفى…خدى بالك لو خسرتيه ممكن ترتبطى بشخص تانى يكرهك فى الحياة كلها …الرجل الطيب ميزة احترميها بلاش تستغليها..لانها عملة نادرة مش هاتحسى بيها الا لو خسرتيها …اتمسكى بيه وعامليه بحب وانسانية وضمير
اولا انا مبسووطة لأنك عارفة نفسك بأن طباعك مش حلوة صلحي من نفسك صدقيني الدنيا مش محتاجة كل اللي انتي بتعمليه ده وفكري بعقلك لأن واضح انه مجرد صعبان عليكي بس مدام شاريكي يبقي خلاص وانتي متأكده من كده يبقي ايه لزمة كل ده صلحي من نفسك ولوضيعتيه مش هتلاقي حد غير يتقدملك متزعليش مني كويس انه مستحمل طباعك دي وتأكدي ان مفيش راجل هيقبل كل ده علي نفسه الا خطيبك ده بجد حرام عليكي ومتيعهوش من ايدك وبلاش توصليه لدرجة الملل وفتور العلاقة العاطفية بينكم انتي
اووووووووووووووووووووووووووفر
حبيبتي انتي بتحكي مفس مشكلتي ماعدا انك مخطوبه وانك حبيتي قبله انا طباعي تقريبا نفس طباعك وهو نفس طباع خطيبك بس انا مش حبيت قبله هو اول حب في حياتي بس مش عارفه ليه ساعات بتغير معاه يمكن علشان هو بيأجل في الخطوبه كل شويه وانا مش عاجبني الوضع ده لاننا بقالنا 3 سنين مع بعض مع العلم ان والدتي عارفه وهو على طول بيكلمها وهي بتحبه جدا وهو كمان بيحبها وبيحترمها جدا وانا بحب اهله وبكلم مامته وبحس انها فعلا زي مامتي بس ساعات ببقى مستريحه اوي في الكلام معاه وساعات بقلب عليه وبتنرفز من غير اي سبب او لاتفه الاسباب وهو بيحاول يرضيني باي شكل من الاشكال وعمره ما بينلي انه زعلان مني حتى لو سألته يقولي عمري ماقدر ازعل منك لاني مش هلاقي زيك انا حاسه اني مقصره معاه بس مش عارفه اتعامل ازاي مع موقفي انا كتير اوي بعتذرله اني بتنرفز عليه واني بزعل كتير منه لاتفه الاسباب بس والله مش بايدي هو بيبقى موقف غصب عني
مشكلتك مش هقدر افيدك فيها لان نفسي حد يفيدني انا فيها ربنا يعينك ويعيني
ومن قال لك بأنك قادرة على الاستمرار معه وانا سيبقى متمسكا بك ؟ هذا على إن عاد!!
يقولون : احذروا الحليم إذا غضب.. إن عاد إليك حاولي ان تغيري من طباعك .. ولا تذكري ابدا سيرة حبيبك السابق ولا تعقدي مقارنات بينهما .. وتجنبي الحماقة والغضب ..
أنا لو كنت مكانه كنت تركتك من اول مقارنة وقلت لك عودي إليه واشبعي بوهمك ( ونا مالي )
اختى الكريمة
هقولك كلمتين ويا ريت متزعليش منى أولا يؤسفنى إنى أقولك أن خطيبك خساره فيكى مع انى بحملوا جزء كبير من المسؤليه لانه بيعاملك بأسلوب انتى بتفهميه غلط انتى فاكره ان حبه ليكى نقطة ضعف وبتحاولى تتطلعى كل عقدك النفسيه فيه
ثانيا احب اوعدك انك لو سيبتيه هتقابلى انسان مش محترم وهيخلص القديم والجديد منك (إن الله يمهل ولا يهمل)
العلاج:- اتقى الله واحمدى الله انه رزقك بانسان به كل تلك الصفات الطيبه حتى انه استغنى عن اكبر امنيه لاى رجل الا وهى الاولاد
وفى حاجه انا حاسسها من اسلوبك فى الكلام هو انك عندك قدر كبير من الكبر ويكفى أن أذكرك بحديث النبى صلى الله علية وسلم (لا يدخل الجنة من كان فى قلبة مثقال ذرة من كبر)(ص)
نصيحه حاولى الا تفقدية لانه لا يوجد شخص بهذة الصفات هذة الايام لانى وانا اقرأ مشكلتك تخيلت نفسى مكان خطيبك ولا اريد ان أذكر لكى ماذا كنت سأفعل معك
اتمنى التواصل