انا مشكلتي اني حبيت واحد بجد في زمان مفهوش حب وان الحب كلمة بس انا عندي 20سنة وفي كلية قعدت 3سنوات قافلة ع قلبي لحد ما احببت شخص من بعيد بس فاجاة لاقيتة بيصراحني بالحب فرحت بيني وبين نفسي وتردد كتير بس في الاخير وافقت وحبيته جدو قالي هتقدم في اخر السنة وافقت بس بعد اسبوعين قالي لا انا هجاي اتقدم قولي لاهلك واقناعي اهلي ان طالب وفعلا اقنعت اهلي وقالت ان هو شاب محترم مش زي شباب الجامعة قاللوي ع ضمنتك ووفقوا وقابلوا اهلوا واعجابوا ببعض لدرجة انهم قالوا خطوبة 3شهور ثم كتب الكتاب وفرحت لاستجابة الله لدعواتي وتيسير الامور اكثر من الازم المهم كان معية 3الشهور طيب وكويس ساعات بيغلط بس بيكون عصبي وقولت خلية خطوبة بس قالي لا عشان مش اي مشكلة نسيب بعض ووافقت وبعد كتب الكتاب اتغير معايا كتير اوى وعامل مشاكل كتير ودلوقتي اعترف لية ان هو خاني وكلم بنت وقابلة كلمته عشان اقول لي مسامحك اتعصب وقالي انا كرهتك وزهقت منك وقالي متنزليش الكلية ولا تخرجي من البيت خالص تعبت اتصلت قالوا اني هروح لدكتور قالي لا لو هتموتي موتي في بيتك اختي مبقولي ان هو بيعمل كدة عشان انا اقول مش عابزة عشان يخد كل حاجة انا كنت فاكرها انا هو تعبانة عشان اخر سنة وهو خايف ومتعصب وهو دلوقتي حرمني اكلم اي حد او انزل انا بجد مش عارفة احاول افتح صفحة جديدة او اقولوا انا مش عايزاك مع العلم اني بحبه اوي ومعية ليا ذكريات جميلة وبعشقه ارجو الرد ضروري جدا
مشاكل الحب والزواج
هكون اصغر مطلقة قبل ما اتم العشرين
اضيف بتاريخ: Monday, October 11th, 2010 في 07:14
كلمات مشاكل وحلول: الحب, الزواج, بنت, حب, خطوبة, ذكريات, زواج, شاب, شباب, شباب الجامعة, كتب الكتاب, كلية, مشاكل, مشاكل الحب, مشاكل الحب والزواج, مشكلة
اختي الفاضلة للاسف انت خدعت في هذالشخص تماما وتصورتي انه الزوج المثالي اللي تحلم به اي بنت ربماكلامه المعسول ونظراته جعلتك مفتونة به لحدالجنون حتى لوكان ده على حساب كرامتك وكرامةاهلك وعندماجدالجد وصرتي له اصبح يتحكم فيك ويمعن في اذلاك ويفرض سيطرته عليك ودا اسلوب لايقبله دين ولاعقل ولاحتى الحيوان يرضى به فكيف انت يالانسانة فوقي من غفلتك قبل فوات الاوان وقبل ان تجدي نفسك اضحوكة للاخرين واشتري كرامتك وسعادتك وافسخى تلك الخطوبة ورفضي البقاءمعه لسوء اخلاقه وتصرفاته الغيرمقبولة نهايا وربنابيكرمك بخيرمنه هتلاقي ابن الحلال الصالح فعلا اللي يستاهلك ويقدريصون كرامتك وشرفك وتلاقي معه السعادةوالهناءوراحةالبال في حياتك
لوكان مافي بالدنيا غيره مافكرتي فيه ابدا والمثل يقول اللي باعك بالرخيص بيعه بالغالي والف من يتمناكي ياعزيزتي انت خسارةفي الكلب الواطي الصافل ومايستاهل الجزمة اللي لابستها اتفوووه على رجال زي كدا وربي يكرمك بابن الحلال اللي يستاهلك ويسعدك في حياتك
انامش عارف ايه اللي عاجبك في الولدده بعدكل اللي عمله معاك اين عقلك واين كرامتك وعزةنفسك والامالهم ايو قيمةعندك اتركيه فورا ولعادتتكلم معه نهاياوالف مين يتمناك ياحلوةالبنات
الانسة صاحبة المشكلة .. الانسان اللي يهين انسانة بتحبة يبقى شخصية مش كويسة المهم كرامتك لو خسرتيها هتخسري كل حاجة
مدام هو مش شاريكي انتي كمان بيعيه لانه الي باعك بيعه
حتى لوبتحبيه انتي مش هتموتي بعده لانك كنتي عايشه قبله وانتي ما تولدتيش وهو معاكي
يعني سيبيه واكيد ربنا هيبعتلك الي يتسحقك
يابنتي افسخي الخطوبة من الوادالانتهازي الواطي اللي مايقدرش بنات الناس واحمدي انكم لسه على البر ماتزوجتوش وانسيه خالص والله بيعوضك خيرامنه الف مرة
اذا ضاعت كرامتك وانتى فعلا بتضيعيها يبقى عمر معاملته ليكى ما هتتغير مهو شايفك بتتهزئى وساكته وتقوليله بحبك وهو بيطفشك اصلا سيبيه بقى متهنيش نفسك اكتر من كدا
استنى نصيبك واللى يستهلك وبعدين انتى فى جامعة يعنى لسا صغيرة قلقانه ليه الجواز دا نصيب زى الرزق تمام
المهم سيبى البنى ادم المستفز دا ومترخصيش نفسك اكتر من كدا
ع فكرة انا متعاطفة معاكى لانك انسانة صادقة وطيبه بس لازم طيبتك دى تبقى للى يستاهلها وبس
علي فكره ده انسان شكاك اوي وهيتعبك في الجواز من الافضل تتكلمي معاه بكل هدوء
ووضوح وتعرفي اي اللي بيدور في دماغه ولو قالك بكرهك دي تاني يبقي لازم تسيبي
بس انتي يااختي استعجلتي في موضوع كتب الكتاب ده لما يتقدملك واحد تاني هيقول طلقها ليه
السلام عليكم ورحمة الله وبركاته
والله يا اختى موضوعك مؤثر جدا بصى يا اختى وانا شايف انك تسيبه وانتى لسه صغيره والف مين يتمناكى ميكون انتو على كدا بيقولك كارهك ومش عاوزك مال اول مايكون فى بيت واحد هيعمل ايه وعلى كدا قلك بلسانه انه خانك اتمنى يا اختى انت تسيبه وربنا يرزقك بالى احسن منه وانا ممكن اقولك ليه هو تغير كدا والله واعلم ممكن يكون هو كان متراهن مع احد من صحابه علشان يجيبك وكسب الرهان علشان كدا هو تغير واكيد هو محبكش والله واعلم فى الاول والاخر صلى صلاة استخاره وادعى ربنا
السلام عليكم ورحمه الله وبركاته
ادخال الاقارب فى الموضوع افضل حل
دا مش حب … لو كان من البداية كدااا بعد 2 سنتين جوزا حا يكون شكلكم ايه اكييييييييييييد زواجكم مش حا ينجح …… و حا تعيشي حياة تعيسة جدااااا كلها مشكل خصوصي انه قالك انه خانك …فاسبيه يا اختي انتي لسة صغيرة و ربنا يجيب اللي فيه الخير ليكي
انا بقول ان انتى بتحبية وهو بيقول كرهك فا مش عارفة اقيم العلاقة موش مشكلة انك كاتبة الكتاب بس الاصعب انك ترتبطى بى واحد بيقول بيكرهك بجد سيبية كرامتك فوق كل شيىء
انك تحبيه وتلاقيه بيقولك بحبك ده من امتع الاشياء في الدنيا ،فبلاش تضيعي ده كله .وطبيعي انه يكون متعصب لانه لسه طالب وبدأ يتحمل مسؤوليات فلازم تعذريه .وطبعا لازم يمنعك من كلام اي حد لانك اصبحتي متزوجة .وياريت ما تديش حد فرصة انه يوقعكم في بعض او يخليكي تفكري بنية سيئة ناحيته .واخيرا هو ليس له حكم عليكي مادمتي في بيت ابوك لكن حاولي على الاقل تاخدي رأيه في كل حاجة
الحل الوحيد هو الطلاق لان زوجك لا يحبك و لا تخافي من كلمة مطلقة فالمهم هي راحث بالك و يمكن ان الله يبعتلك زوج اخر محترم و بحبك حقا
كلامك صراحة مستفذ
يعني ايه بيكرهني وبحبه
ربنا لما العبد بيعصيه فترة ومش بيتوب ربنا بيكرهه
وأنتي بتتهزأي ويشتمك ويتحكم فيكي من قبل ما تتجوزوا بشكل كامل وتقولي بحبه..
والله أنتي ساذجة وغلبانة أوي..
يا أختي طالما مش عايزك يغور في ستين سلامة اطلبي الانفصال من سكات أحسن
حتى والكتاب مكتوب عادي طالما مفيش دخلة وفرح الأمر بيعدي ومحدش بياخد باله من الحكاية وكأنها خطوبة، وبكرة ربنا يرزقك بأحسن منه ألف مرة والله..
وجع ساعة ولا كل ساعة متعرفيش اية المكتوب عند ربنا ان شاء الله يعوضك خير ومتتنزليش عن حقوقك اختي
اختى العزيزه انتى لسه صغيره وهيجيلك بدل الواحد مليون والزواج قسمه ونصيب سبيه قبل ماهو يسيبك وتبقى انتى اللى غلطانه
السلام عليكم اختى موضوعك مؤثر جدا واكيد صعب وانتى بكدة تكونى عملتى اللى عليكى وبدل ان هو مش بيحترمك دلوقتى يبقى اكيد مش هيحترمك فى المستقبل واكيد هتكونى ظلمتى نفسك طول عمرك وهتظلمى اطفالك فى المستقبل يبقى لازم انك تسبيه وتشوفى حياتك وتشوفى الشخص اللى يقدرك ويخاف عليكى ويحترمك وربنا يوفقك فى حياتك
اختي ارجو ان تعملي بالقول الشهير ( من لم يجعلني رموشا لعينه لا اريده ترابا ادوس عليه ) فأنتي مازلتي صغيره واحمدي الله ان هذه الامور وضحت اليكي قبل اتمام الزفاف .. واعتقد بأنه يقسو عليكي كي تبادري انتي بطلب الانفصال … فيرد هو اي هدايا من شبكه وخلافه … ولكن لاتفعلي ذلك نهائيا وكوني اكثر هدوء كي يكون هو البادئ كي يخسر كل شئ حتي يكون هذا درسا له وعبره يجعله اكثر احتراما مع من يرتبط بها بعدك . وان شاء الله سوف تجدين من يهوي ويحب هذا القلب الجميل وهذا الاحساس الرقيق .. فلاتحزني وهوني علي نفسك …….
انا رأي انك تتركيه لان الرجل اللي مابيحترمك بالوقت ما راح يحترمك ابداواكيد حتلاقي اللي راح يحترمك وبحبك ويقدرك
مرحبا انا عارف انك بعد ما عرفتي على حقيقته انصدمتي بس الصح انك ما تتنازلي عن حقك ولازم اعطيتي نفسك وقت اكبر لفترة الخطوبة ما علينا المهم انك تشيلي من تفكيرك نهائيا حتى لو انه زوجك والدنيا فيها كثير وكثير بس الصح انك بعد ما تخلصي منه تعرفي تختاري حتى لو اضطريتي انك ما توخذي مؤخرك بس المهم انك ترتاحي من هالكابوس المزعج ***** والله غير ترتاحي من هالكابوس والله كثر الله خيره انه مش مانعك تقعدي على النت والله يصبرك على بلوتك لان الله اذا احب عبد ابتلاه والله المعز والمذل وعليك بدعاء نوح عندما كان في بطن الحوت سبحانك اللهم اني كنت من الضالمين
سيبيه وانقذى نفسك منه يمكن تتعبى شوية لكن مع الوقت هتنسى..انا كان عندى مشكلة قريبة جدا من دى وسبته وبعد سنتين حبيت واحد غيره واتجوزنا ومبسوطة جدا..فى الاول هتتعبى لكن هاترتاحى جدا بعدين..واحمدى ربنا انه اتغير بدرى بدل ما كان اتغير بعد ما يكون عندك اولاد…ربنا معاكى
هاي ربنا معاكي بجد ودة انسان مش يستحق الحب دة والا كلمك لية يا ست الكل وافتكري انه قالك انه كرعك وصلي صلاة استخارة وربنا الموفق باذن الله ويعوضك احسن منه يا ست الكل
من باعنى بفلوس ابيعه ببلاش
ي ياحبيبتي انتي لسه صغيره والف من يتمناكي حاولي تنسيه وطنشيه خالص واهتمي بدروسك وكليتك واتركيه لحدما يجي ليكي ويعتزر ولو هو بيمر بظروف هيتغير لاكن من الواضح ان هو استعجل في عواطفه وكان بيحب غيرك وكان بنهم مشكله فحب يكدها بيكي ودلوقتي انت مش لازماه معلش انتي تعالي علي نفسك واتركيه ولو موقتلحد مكاتشوفي تصرفاته هتوصل لفين واوعي تتنزلي عن حقوقك لو كان هيطلقك
انا حاسة بيكى اوى بس صدقينى اللى بيحب بجد عمرة ما يخون ولا يكرة ممكن يبطل حب لكن توصل للكره مستحيل واعرفى ان تغير الراجل يعنى واحدة تانية فى حياتة ابعدى من دلوقتى احسن ما تتجوزى وتخلفى وتطلقى وانتى معاكى ابنك او بنتك يعانوا طول عمرهم بسبب قلبك الضغيف تناسية وافتكرى قسوتة وانتى هتقسى علية اوعى نضعفى اقوى بنفسك واعرفى انة لوقسى عليكى يوم يبقى يقدر يقسى سنين
عشان امة كانت عزمني ع الغداء وان اقضي اليوم معهم وكدة بس رفض
انا دلوقتي كلمتة تاني عشان اقولة اني بحبك وعايزك وعايزة اجاي اقعد مع ماماتك في البيت واختك قالي لا واياك تخرجي من البيت وان هخليكي تكرهي الدنيا وتكرهي نفسك قالتلوا اموت واعرف انت لية اتغيرت قالي انا كدة من زمان بس كنت بتحك عليكي انا مش عايزك هي دية شروطي عجابك انتظريني 7سنين اكون نفسي ما ان هو كان قيل ان عندة شقة وخلال سنة هيتم الزفاف قولتلو بحبك انت طيب لية بتعمل كدة قالي الكلام دة اتحكي بية ع واحد تاني قالي كلام جارح ووحش جدا لدرجة انا وبسمعة ايدي وقفت فقفلت وبعد كدة لساني وقف انا تعبانة اوى وبعدين كلم اختي وقال لية اختك مش الازمني ارجو المساعدة انا قرارت اسيبة وانسي كل شئ بس مش قادرة وبحبة وصعبنا عليا حاسة ان هو كويس بس مش عارفة لية يارب ساعدني وساعدوني بالرد
just let him go
اختي الصغيرة العزيزة احب اذكرك بقول الرسول (ص) ( حبك الشئ يعمي ويصم ) اذا احب الشخص شئ تغاض عن رؤية عيوبه فيكون اعمي واذا سمع شئ عن سلوكه السيئ حبه له جعله اصم عن سماع الحقيقة فيكون اصم – فلا تكوني عمياء او صماء كما قال الرسور(ص) وانت الان علي البر قبل ان تدخلي البحر فتغرقي ولا تسطيعي العودة- اعتبريها تجربة في حياتك – والتجارب هي التي تصنع الاقوياء
اختى صاحبة المشكله
الموضوع مش واضح يظهر ان فيه كلمات ناقصه ارجوا توضيح الكلام حتى نستطيع الرد عليكى
هذا الشخص لا يريدك وزاهد فيك بدرجة كبيرة ويقوم بمثل تلك التصرفات ليأتى الرفض من قبلك وأكاد أجزم أنك لو طلبت منه الانفصال فسيوافق على الفور … ومع ذلك أنت متمسكة به وهذا يجعله يتجرأ عليك أكثر وأكثر مع الوقت … يا أختى حتى لو كنت تحبينه … فأنت أحببت الشخص ذا المعاملة الحسنة والذى كان يحبك … أما هذا فتصرفاته ومعاملته لا تدل على الحب وقد قالها بصريح العبارة … يا أختى الكريمة : لا تجعلى أولوية فى حياتك لشخص أنت ثانوية فى حياته … الخلاصة : إذا أحببت شخصا … فأطلق سراحه فإذا لم يعد إليك فهو لم يكن لك منذ البداية.
السلام عليكم
انا مريت باللى انتى بتقوليه واكتر من كدة وحصل معايا نفس الموقف بتاع الدكتور وفى الاخر سبنا بعض ياريتك تتجاهليه وتسيبسه هو اللى ينهى الموضوع مع اهلك وانتى ياريت تقسى قلبك عليه علشان تقدرى تنسيه وافتكرى يوم انه اهانك وهوكاتب كتابك وبعد الجواز هتكون الاهانة اكبر(فكرى فى انه قالك انه كرهك)وطول مانتى فاكرة الاهانة مش هتبقى قابلاه
وربنا يرزقك باحسن منه
والله الموفق…..