السﻻم عليكم أنا أنسة عمري 40 سنة ولم يسبق لي الزواج وﻻ اﻹرتباط بأي عﻻقة عاطفية ولكن منذسنة تعرفت على شخص وهو صديق جوز زميلتي في الشغل وفي البداية كانت عبارة عن رسائل صداقة ثم بعد ذلك وجدته يعبر لي عن حبه وأنه معجب بي ويريد الزواج مني ولكنه متزوج وليس عنده اطفال لعيب عند زوجته حيث أنها حملت 3 مرات ولم يكمل الحمل وبصراحة هو دخل في حياتي في وقت كنت أشعر فيه بالفراغ العاطفي حيث إنني طوال حياتي كنت أرفض اﻹرتباط بأي شخص متزوج حتى ﻻ أكون سبب في خراب بيت واحدة ليس لها أي ذنب ولكن هذا الشخص ﻻ أعرف كيف سيطر عليا وأنا الحمد قولت أشغل وقت فراغي بالدراسة في دار القرآن حتي يأذن الله لي بالزواج فدرست ست سنوات حفظت خﻻلها 11 جزء من القرآن وعملت مدرسة تربية إسﻻمية ولكن مشكلتي مع هذا الشخص إني حيرانة في شخصيته فأنابصراحة أحببته يمكن بسبب فراغي العاطفي أويمكن بسبب إحتياجي للحب والحنان خاصة إني فقدت والدي منذ كان عمري 6سنوات ومشكلتي مع هذا الشخص إني ﻻافهمه ساعات أشعر بإنه يحبني حيث إنني ﻻحظت أن فيه حاجات كتير كنت بكرهها فيه وهو غيﻻها من أجلي ولكنه ساعات يطلب مني حاجات وعلى سبيل المثال منساش هدية عيد ميﻻده وعندما أحضرتها رفض يأخذها يطلب مني وحتى اﻷن ﻻزالت عنديومرة ثانيةطلب أن أقابله ثم يرفض ﻷنه ملهوش مزاج ومرات أخرج من الشغل أجده ينتظرني حتى يراني وأنا رايحة الشغل أو راجعة ومرات يجي يقف تحت البيت ويلكلمني في التليفون وبصراحة مع كل موقف كان يصدر منه يضايقني كنت بطلب منه إنه يبعد بعيد عني ويتركني في حالي ولكن مع إصراره وتصرفاته دي أنهار وأضعف ﻷني فعﻻ والله العظيم عمري ما كان لي عﻻقات سابقة وفعﻻ تصرفاتة دي خلتني أحبه ولكن منذ أربع أيام حدث أنه قالي لي مازحا إني بايرة ومنذهذه اللحظة وأنا طلبت منه أن يبتعد عني نهائي حتى ﻻيأخذحاجة بايرة ولكنه رجع تاني ينتظرني عند الشغل حتى يراني أنامش عارفةالخطأ فيا وﻻ فيه هل أنا اللي حساسة زيادة عن اللزوم وهو دائما يتهمني بإني نكدية مع العلم إني غير نكدية وهو عارغ كدة كويس بدليل لما كنت بكلمه مكناش نبطل ضحك وهو كان يقعد يقولي بطلي ضحك وﻻ هو شخص مش طبيعي وأنا مرة قولتله إنت عايز مني أية اللي بيحب شخص مش بيضايقه بتصرفاته وكﻻمه زي مأنت بتعمل معايا ولكنه بيقسم بالله إنه بيحبني وبصراحة حتى لما كنت بقابله مكنش بيعمل أي تصرف قليل اﻵدب لدرجة إنه مكنش بيسلم عليا وسألته لية مش بيسلم عليا قالي علشان أما بشوفك بنسى كل حاجة وأنا دلوقتي مش عارفة أتصرف إزاي هل هو اللي مش طبيعي وﻻ أنا اللي مش طبيعية مع العلم إن مؤهله يعتبر ثانوية عامة وأنا حاصلة على مؤهل تربوي أرجوكم ساعدوني عى أخذ القرار السليم
اختي العزيزة صدقيني انه شخص خاين وغير محترم وعاوز يوقعك في الحرام باي طريقة كل تصرفاته توحي بذلك احذري منه تماما واقطع علاقتكي به ولاتنسى انه زوج زميلتك في العمل ودي خيانة لها كيف ترضين بخيانتك لزميلتك مع زوجها انت ماشاءالله عليك امراة على دين وخلق ومحترمة وتحفظي القران فلا يليق بك ان تفسدي كلهذا لاجل واحد سافل وحقير وخاين اتقي الله في نفسكي وفي دينكي وفي شرفكي وفي سمعة اهلكي وفي زميلتكي هذة وابتعدي عنه نهاية وللابد واصبري حتى يكرمكي الله بابن الحلال اللي فعلا جدير بك ويستاهلكي ويقدرمشاعركي ويصونكي ويسعدكي في حياتكي من يتقي الله يجعلله مخرجا ويرزقه من حيث لايحتسب
قصتك دية مشابهة لقصة وحدة زميلة كانت تعمل معنا في الشركة كانت امراة على خلق وتربية والتزام عمرها 38سنة تعرفت على احد العملاء في الشركة وهورجل متزوج وعنده اولاد من زوجته ويكبرها ب18سنة صارحتنى بان الشخص ده فاتحها في موضوع الزواج منها وهي مترددة في القبول به وتكلمت معي لانها تعتبرني زي اخ لها وتثق في كلامي لها مع انها عايشة مع امها واختها الصغيرة بعد وفاة ابوهم منذ زمن طويل وظروفهم مستورة والحمدلله ونصحتها بالتريث وعدم الاستعجال حتى تتاكد من الرجل وتسال عنه كويس ولكنها لم تحكم عقلها وجريت وراء عواطفها المتسرعة وقبلت بالزواج من هذالرجل الثري اللي كانت تحلم انها سوف تكون سعيدة ومرتاحة معه في حياتها واخذت اجازة من العمل وتزوجت من هذالشخص ولم احضر ذلك الزواج لانني كنت زعلان منها لانها كسرت كلامي ولم تعمل به وبعد مرور اكثرمن 6شهور على هذالزواج لم ترجع لعملها لانه منعها من العمل وانقطعت اخبارها عنا في الشركة وقلت لازم اتصل بها واطمن عليها ورحت لزيارة اهلها في بيتهم وقابلتني السيدة امها بالترحاب وعندما سالتها عن ابنتها انخرطت الام في البكاء بشدة فقلت لها ماذا حدث فاخبرتني بالحقيقة وقالت ياولدي نحن انخدعنا في هذالرجل وكدب علينا طلع متزوج من 3نسوان ويتعاطي الخمور ويعامل بنتي بكل قسوة وحشية ومانعها من زيارتنا او الاتصال بنا وقعدها في البيت زي الخدامة له ولزوجته الاولى واولاده وابغاك تساعدها في المحنة دي وتخلصها من هذ الزوج اللي مايخاف الله وترجع ابنتي لي واخذت من الام عنوانها وراحت معي لبيتها وشوفنها في حالة يرثى لها من العذاب والحرمان والذل اثار الضرب باينه على وشهها ولاتقدر على الكلام معنا خوفا من هالزوج السافل اواولاده وقررت ان اتصدى له واخلصها من هذالعذاب باي طريقة كانت وخصوصا انه معاملات خاصة وتعاقدات مع شركتنا فذهبت وتكلمت مع صاحب الشركة مديرنا العام وطلبت منه ان يوقف كل تعاملات هذالرجل وشرحت له تفاصيل القصة باكملها والرجل جزاءه الله كل الخير تجاوب معنا وقرر ايقاف كل التعاملات التجارية مع شركة هذالرجل والزامه بدفع كل ماعلية من استحقاقات لشركتنا وفعلا الرجل انصاع وحرص على سمعته التجارية واسمه وجاءنا لاجل التفاهم والموافقة على كل مطالبنا واولها ان يطلق تلك الزميلة اللي كانت تعمل عندنا في الشركة ويعطيها كافة حقوقها دون مشاكل اوقضايا في المحاكم وفعلا نفذ كل هذا المطالب وتطلقت المراة منه ورجعت لااهلها معززة ومكرمة واستعادت كل حقوقها المادية والمعنوية منه ورجعت للعمل في الشركة مرة اخرى وظلت معنا حتى انني حبت لها عريس مناسب وهو من احد الاقارب كان يعيش في الخارج لاجل العمل واراد الاستقرار في بلده والزواج من ابنة الحلال واقنعته بالزواج من تلك الزميلة بعدما كلمته عنها فوافق على الزواج منها وذهبنا لاجل نخطبها من امها وحصل القبول والموافقة من الجميع وبعد 3شهور تزوجا وراحت لتعيش مع زوجها في المدينة اللي يعمل بها وتاتي كل شهر لزيارة امها واختها الصغيرة وتتواصل معي عبر الهاتف وتقول انت بمثابة الاب والاخ الكبير لنا والله لايحرمنا منك ويطول بعمرك ودي نعمة كبرى ان تخلى الناس تحبك وتشعر بالرضا عن كل مافعلت في حياتك
شوفي يااختي العزيزة انت في سن 40سنة يعنى امراة فاهمة الحياة وناضجة وايضا متعلمة ومثقفة وتعرفي الحلال من الحرام وكمان تقولي انك تحفظي شي من القران الكريم هل تعتقدي ان كل مابينك وبين الرجل من كلام ونظرات ومقابلات حلال ام حرام اكيد هتقولي حنا مانعملمش غلط ومن الكلام ده لكن بقولك انت واقعة في الغلط من راسك الى ساسك وكلدا اللي تعملوه حرام لايجوز مافيش رابط يربطك بالرجل الغريب عنك ولاداعي انك تتكلمي معه او تخرجي معه نهائيا كل تصرفاتكم غير طبيعية انتما الاثنان هوشخص خاين وسافل وحقير وكداب وانت امراة متناقضة تدعين انك على دين وخلق وتربية وتقري قران وتعرفي الحلال والحرام وانت عكس كلهذا تمام دي الحقيقة اللي لازم تقال لك اقطعي علاقتك بهذا الشخص العابث معك واللي عايز يوقعك في الحرام واتقي الله في نفسك وفي شرفك وفي كرامتك وكرامة اهلك وثقتهم فيك وابتعدي عن الاختلاط المحرم بالرجال سوا في عملك اوفي اي مكان والتزمي بالحجاب الشرعي للمراة المسلمة واستري نفسك عن طريق المحرمات والمعاصي وتاكدي ان الله عزوجل سوف يفرج همومك ويرزقك بالزوج الصالح اللي يستاهلك ويقدرمشاعرك ويسعدك في حياتك ومن يتقى الله يجعله مخرجا ويرزقه من حيث لايحتسب
انت انسانةطيبةالقلب ومحترمة وتعرفي ربناكويس وعارفةالحلال والحرام مش عاوزك تنخدعي لكل مايقوله لك اوترخص نفسك له ابدا خليك صادقةوحازمةمعه لوهوعاوزك فعلا يتقدم لاهلك غيركده يبقى مضيعةللوقت ومايستاهلكيش ابدا ومسالة انه يقول انك نكديةاوبايرة فده كله كلام لاجل يجس نبضك ويعرف ردةفعلك والافضل انك تبعدي عنه اكثر حتى تعرفي حقيقةمشاعره تجاهك وفي الاخر كل شي قسمةونصيب ربنايسترعليك ويوفقك
نصيحة ابعدي عنو هوى بيخون زوجتو يعني راح تدمري حياتك وحيات انسانة من شان سعدتك وياريت تصرحي صدقتك بكل اشي علشان ترتاحي وهيا كمان تعرف حقيقة لو ما حكيتي الها راح تعرف حقيقة اكيد وراح تنصدم وتعتتبرها خيانة
خلى بالك بيقول عليكى نكديه كمان بيقول لمراته نفس الكلمة ولو اتجوزت هذا الرجل الخاين لزوجته حيبقى مصيرك زى مصيره هو لو صادق فى كلامه معاكى يتزوجك بس من كلامك عليه هو طمعان فيكى من طريقة كلامك انت طيبة ارجوا محدش يضحك عليكى بالكلام وربنا يزرقك بزوج الصالح
السلام عليكم….اختي الكريمة اتمني ان تكوني قراتي التعليقين السابقين خاصة للاخت دولي جزاها الله كل خير…والله العطيم حاسة بيك لكن الحمد لله انك امراة مؤمنة وهذا ما يطمن…اتمني ان تقطعي علاقتك بهذا الشخص لانه خائن باين عليه فلو كان يريدك في الحلال لتقدم لك ولا تماطل واعلمي ايضا ان الحب احترام سؤال واهتمام واللي يحب لا يضر ولا يجرح بالكلام كما عمل معك ولا بالتصرفات…صحيح الشرع حلل اربع للرجل لكن هذا الشخص يبدوا ان نيته ليست سليمة والا كان طرق الباب…اعرف ان كلامي قاسي نوعاما لكن اتمني ان تتقبلي هذا حفاظا علي نفسك وكرامتك وان شاء الله ربي سيعوضك احسن منه وكذلك فكري في الزوجة المسكينه وحالتها النفسية لو علمت بهذا…تقبلي مني بصدر رحب.
أختى العزيزة……..
الحاجات ديه طبيعية كلللللها من أولها لأخرها ووارد جدا يحصل الموضوع ده فى أى علاقة يعنى متخديش أى حاجة جديدة على أساس أنها حاجة مش طبيعية أو حاجة مش صح أو الغلط فيا ولا فيه لا قابلي المواضيع عادى تماااااما….
أولا…
ربنا يقوى ايمانك ويباركلك فى صحتك ويزيدك من حفظ القرأن
ثانيا …
كلامك عنه انسان محترم وانا متأكد أنك عارفة كدة بس اللى بيعجبني شخصيتك يعى مش أى حاجة بتفوت من تحت ايدك
انا متأكد أن شخصيتك ديه ممكن تكبر أى راجل قبل مايعمل أى موقف معاكى كويس أو حلو أو أو
يفكر الاول بتصرفاتك اتجاه فعله
ثالثا…..
يأيها الذين امنوا انا خلقنكم من ذكر وأنثى
فدائما ما تجدين الانسان بغريزته مهما طالت حياته يحتاج لوجود الطرف الاخر من حياته ليكمله بالحب والعطف والحنااااان مش حنغلط نفسنا بقا ونقوووول فراغ عاطفى
بس قبل الموضوع ده نقول لبعض سؤالين……
1-أنتى بتحبيه؟؟؟؟؟؟
2-اذا كان يريدك حيتقدم أمتى؟ ده السؤال التانى اللى لازم تسأليه له ؟؟؟
3-تقبلي تبقي زوجة تانية ولا تستني نصيبك؟؟؟؟؟
أختى دائما اعلمى عسى أن تكرهوا شيئا وهو خير لكم وعسى أن تحبوا شيئا وهو شر لكم وأعلمى أنه لا خطوة نقدمها الا بمشيئة الله تعالى
ودائما واظبي وادعى على أن يرزقك الله تعالى بابن الحلال مهما طال العمر لا تفقدى الامل وابقي ادعلنا معاكي
أخوكي الانسان الطيــــــــــــــــــــــب
والسلام عليكم ورحمة الله وبركاته
أى واحدة فى السن ده الكل بيبقى عارف انها فى أشد الاحتياج لحب وهو بيستغل النقظة دى جدااااا بيحاول يعمل حركات يفاجاك بيها عشان تتعلقى بيه حاجات تخليكى تعيشى مراهقتك من جديد ووقت ما يتاكد انك اتعلقتى هيبيع ويشترى فيكى لو كان ناوى على جواز كان أصر عليه وفى أقرب وقت خوفا من ارتكاب حاجة غلط لكن هو عايز الغلط ده بدليل انه بيحاول يشدك ليه وأوقات تانية بيشعر بملل انه لسة ما وصلش معاكى لحاجة فيزهق ويتصرف بغباء بعدين يحس بفراغ فيدور عليكى يتسلى من تانى .. يكفى انه بيخون مراته عشان تعرفى انه مش أمين وما تصدقيش موضوع الانجاب ده الله أعلم المشكلة عند مين .. لو بيحبك كنتى هتبقى فى عينه حاجة كبيرة وعشانه متجوز كان هيحاول يثبتلك انه هيسعدك لكن ده أصلا شايف انه بينقذك العنوسة وكتر خيره يبقى ده إنسان ” بيحب ” اللى بيحب بيبقى مش شايف غير حبيبته وبيحسها ملكة فى عينه لكن ده حد بيتسلى .. ربنا يرزقك بزوج مناسب وياريت تقطعى أى كلام ليكى معاه لأنه حرام وخيانة وظلم لواحدة ست غيرك قد تكون عندها مشاكل فى الانجاب فعلا وحاجة زى دى تكسرها هتبقى مش عارفة تكون أم وكمان مش مالية عين زوجها
شوفي يااختي هولوكان صادق في حبه لك ويريدك زوجةله لفعل وتقدم لاهلك فورا دون اي تردد لكنه في الحقيقة شيطان رجيم يريد العبث معك وايقاعك في الحرام والرذيلة وكل تصرفاته معك تدل على وقاحته وسفالته اقطع علاقتك معه نهايا ولاعاد تتكلم معه خالص وربي يسترعليك وبيكرمك بالزوج الصالح اللي يستاهلك ويسعدك