أنا بنت عندى 25 سنة قصتى تبدأ من 7 سنين تقريباً لما تقدم لى شاب عمره 21 سنة لسة متخرج و ظروفه الماديه صعبة كنت لسة فى أول سنة فى الكلية أمى رفضت أى خطوبة رسمية لحد ما أنتهى من دراستى .. عشقنا بعض و حبيبنا بعض جداً جداً للأسف بدأنا نتقابل فى السر و حدث بيننا كل شىء ما عدا الدخول .. تبنا كتير و قررنا منتقبلش لحد ما نتجوز .. و هو عمل ما يستطيع مع أمى عشان نعجل بالزواج لكن بدون داعى .. إشترينا الشبكة و قرأنا الفاتحة و بردو رفضت حتى نلبس دبلة … كان بيزورنا فى البيت و يذاكرلى دروسى و كان بياخد باله منى جداً جداً .. أنا رغم حبه الكبير ليا كنت دايماً بتعمد أغيظه و أخليه يغير عليا و مسمعش كلامه .. قعدنا على الحال ده 4 سنين نتكلم فى التليفون .. يزورنا فى البيت .. نتقابل وحدنا فى بعض الأحيان .. و كل منطقتنا عارفين إننا مخطوبين و لبعض لحد ما سقطت سنة فى الكلية و حصل مشادة كلامية بين شخصين من العيلتين فقرر حبيبى بعد إهانة الكرامة و التلميح على إنهم طمعانين فينا .. بعد ما اتأكد انى امى رافضة زواجنا و انى عيلة و مش بحبه .. قرر يتزوج فقط فى 4 شهور هرباً من حبه ليا و تأكيداً إن الموضوع كدة هيموت .. تزوج بنت جميلة و زكية و من أسرة محترمة و خلف طفلة و الان هوا متزوج بقاله 3 سنين .. أنا خلال الفترة دى اتغيرت جداً , نضجت و عقلت فى تصرفاتى و حسيت إنى خسرته و عشت أسود أيام ممكن أى حد يعيشها فى حياته .. كل ما أتخيله مع مراته أو أسمع عنهم أى أخبار ..بس رجع كلامنا زى الأول فقط بعد 10 أيام من زواجه !! كلامه ليا إنه لسة بيعشقنى و إنه حاول يهرب منى بالزواج لكن معرفش و إنه ندمان ندم شديد على تسرعه فى الزواج ..و بدأنا نتقابل تانى زى الأول و من شدة خوفنا من الحرام قررنا نتجوز فى السر عشان كنت لسة طالبة .. بس أنا جيت على أخر لحظة و رفضت .. فضل بيتحايل عليا انه يتقدم لى و يتزوجنى و أكون زوجة تانية بس طبعاً فضلت شايفة الموضوع مستحيل إنى أتجوز واحد متجوز .. لحد ما إتخرجت و لقيت إنى مش هعرف أحب حد تانى غيره .. و كل ما يتقدم لى حد بقارن ما بينهم و هوا الكسبان دايماً .. .. حاولنا كتير الإبتعاد لكن ما فيش فايدة على الأقل شهر أو شهرين و نعاود الإتصال .. أخر سنة لم نتقابل مرة واحدة و لم يلمسنى و لا يشوفنى .. مؤخراًرجع ما بنا الإتصال و ألح عليا فى الزواج و إنه فعلاً مش قادر يعيش من غيرى و وجودى معاه بيحسسه بفرق شاسع فى كل شىء .. صارح زوجته إنه لسة بيحبنى و عايز يتجوزنى غضبت و سابت البيت و طلبت الطلاق.. و قابل أمى و إعترفلها إنه عمره ما نسينى لحظة و انه بيندم على زواجه و عايز يتجوزنى دلوقتى خصوصاً إنه حالته المادية اتحسنت و أنا خلاص إتخرجت .. أمى رافضة رفضاً تاماً و أمه و أبوه رافضييين و إحنا بنحب بعض و حاولنا فعلاً كل واحد يعيش حياته بعيد عن التانى بس كنا دايماً بنرجع لبعض.. إحنا بنحب بعض و ضحية مجتمع مادى أقنع الناس ان البنت لازم تتجوز لما تخلص تعليمها و ان العريس لازم يجيب شقة تمليك مش إيجار .. دلوقتى إحنا صارحنا كل الأطراف و عايزين الحلال .. مش عايزين نغلط تانى .. أنا بين غضب أمى و غضب ربنا و حبى ليه و حزنى على زوجته .. كل ما احس إنى مستعدة جداً للظروف دى كلام الناس و زنهم فى ودانى إنى مش هقدر أستحمل يخلينى أرجع.. أعمل إيه
اختي الصراحة لازم تنقال لك ولازم تعرفيها مهما كانت قاسية انت غلطانة مليون مرة ورخصت نفسك له واساءتي لكرامتك وكرامة اهلك بتصرفاتك المحرمة والغير اخلاقية مع هذا الشاب وماحدش عارف الى اين وصلتم في علاقتكما المحرمة لابد لك من الرجوع الى الله والتوبة الصادقة له والندم على ماحصل منك من معاصي وذنوب وتصرفي النظر كلية عن هذالشاب دام انو اهلك واهله رافضين زواجكما وكمان لاتنسي انه متزوج من امراة اخرى وحرام تخربي حياتها وتبنى سعادتك على تعاسة الاخرين او تتسببي في طلاقهما وخراب حياتهما الزوجية استمعي للغة العقل والمنطق واحترمي رغبة اهلك وطاعتهما في كل مايقولوه لك تلاقي الرضا والخيروالسعادة طوال حياتك كلها وربنا بيكرمك باحسن منه مليون مرة هتلاقي ابن الحلال الصالح اللي يستاهلك ويشرفك ويصونك ويسعدك في هذي الدنيا
أقلبي الأدوار حطي مكانك في مكان زوجتو هل تقبلي حبيبته السابقة تفرق بينك و بين زوجك الجواب طبعا لاأتركيه لوجه الله عشان زوجته و خاصة ابنته و راح يعوضك عنو ربنا كل خير ” من ترك شيئا لله عوضه الله خيرا منه” و زوجتو راح يحبها مع الوقت لو أنت تركتيه في حالوو لا تقارني شاب بآخر لأنك مش راح ترتاحي بهذه الطريقة طول حياتك عشان كل واحد فينا فيه سلبيات و ايجابيات
من رايي ان الموضوع بقي صعب جدا بعد زواجه
وان هو اللي صعبه عليكي اكتر وانه انسان اناني اخذ بنت ناس وظلمها وليس لها ذنب في ماضيه واصبح له طفلة ومصمم علي هدم منزله فلا تكوني الاداة التي تساعده علي هدم منزل انسانة بريئة تانيا سوفي تخسري امك واهلك وسوفي يتخلون عنك واعلمي طاعت الام من الرب
ويكون هناك عداء من اهله ليكي ولن ترتاحي وتسعدي في هذه الحياة ومع كثرة المشاكل هتقرر الانفصال ولن تجدي اهلك جنبك ليسعدوكي وبكده فرصط للارتباط بشخص افضل هتقل وتكوني دمرتي حياتك وهو مع كثرة المشاكل لن يركز في عمله او حياته وهيكون عليه ان يختار بينكم
نصيحة اتركيه في حاله ولا تكوني بنت عاقه لاهلها
وسيعوضك ربك بخير منه ولكن ولكن ولكن اتقي الله الاول في تصرفاتك ولا نتفردي به في مكان لوحدكم واعرفي ان دعوة انسانة مظلومة ليس بنها وبين ربنا حجاب
اتركيه وزوجته وإن شاء الله سيرزقكي بمن أحسن منه انتي ماترضيش انك تكوني مكان زوجته وواحده تاخد منك جوزك ثم ان لازم رضا والدتك لأن رأيها الصح وهي أكيد شايفه حاجات انتي مش شايفاها والسلام عليكم
شوفي يااختي والكلام لك ولكل البنات اللي في سنك ويتصرفون تصرفات غيراخلاقية ومنافيةللدين والاعراف مافعلتيه انت والشاب حرام شرعا لايجوز من خلوةمحرمةوحدوث جماع اوغيره يعتبر كالزنا وانالم يتب ايلاج بينكما توبي لله واستغفريه من الذنوب والمعاصي واقطع علاقتك به نهاياوللابد واعلمي ان رضاالام من رضاالله عزوجل وغضبهامن غضبه دام انهامش موافقة عليه يبقى استحالة تتزوجيه وان فعلت فزواجك باطل شرعا ولايعد زواج شرعي الابموافقة الام لانهاوليةامرك واتركي الشاب وماتخرب بيته وتخلي زوجته تطلق منه بسببك ماحدش يرضى باللي تعملوه ده وتاكدي انه غير محترم وخاين ولايستاهل ان يكون زوجا لك اسمع كلام مامتك واكسب رضاها تنالي الرضامن رب العباد وتلاقي الخيروالسعادةفي حياتك وربنابيكرمك بخيرمنه بابن الحلال الصالح اللي بجد يعزك ويقدريسعدك ويصونك