انا بنت عندى 19 سنه وكنت رافضه تماما انى احب وكنت شايفه ان الانسان الى حكمل معاه عمرى من حقو يكون اول حد ف حياتى وكنت مقرره كده بس ف يوم اتعرفت على واحد معايا ف الكلية عن طريق ناس صحابى وبعد فتره حبيتو وهو قال انو معجب بيا وبشخصيتى وبعديها اتكلمنا وبعد شهر بعتلى مسدج انو خايف يكون عايش ف وهم كبير لانو كان بيحب قبلى بنت 4 سنين وبعديها سابتو وبعد المسدج اختفى وماعرفتش اوصلو وبعدها حاولت انسى واعيش تانى بس بعد اقل من شهر رجع وقالى اسف واننا نرجع واستحملو من جديد وانو حيقف جنبى ويعوضنى عن الى فات وفعلا صدقتو ورجعتو حياتى تانى بس لالاسف عمل نفس الحكايه تانى واختفى بس المره دى بحجه انو خايف عليا من نفسو عشان انا قولتلو انك لو ناوى تسبنى سبنى دلوقتى بس انا كان نفسى يطمنى مش يعمل الحاجه الى خايفه منها المشكله انى مش قادره انسى ولا عارفه اعيش من غيره ع طول بستناه يرجع تانى مع انى استحاله اسامحوو وكتير بيوحشنى والمشكله الاكبر ان صحابى هما صحابو واكيد حشوفو ف يوم مش عارفه ساعتها اعمل ايه ؟؟؟؟؟؟؟؟؟؟؟؟؟؟
مشاكل الحب الفاشل
عذاب اول حب
اضيف بتاريخ: Thursday, October 7th, 2010 في 21:34
كلمات مشاكل وحلول: الج, الحب الفاشل, الكلية, مشاكل, مشاكل الحب
حاولى تنسيه ومتفكريش فيه تانى لانو بيلعب بيكى وده مش معنى للحب الحقيقى وخليكى انسانه واثقه من نفسك وحافظى على نفسك وشرفك وسمعتك بين الناس اختك نور
بصي انا بنت زيك وحاسه بالي انتي فيه دا لان حكايتك زى حكايتي بظبط بظبط في كل المواقف والكلام شكل الشباب كلها بقت كدا اليومين دول ولا اى انا عارفه انك مش هتقدرى لاني مجربه واعدت سنه لحد مارجعت بطبيعتي تاني ومع ذالك بفتكرو برضو لان دى ايام عشناها في حياتي وماينفعش تتنسي بسرعه بجد انا مقدره اللي انتي فيه ياريتني كنت اعرفك كنت وقفت جنبك اكتر من كدا انا هاستنى منك رد علي رائى اوكي
طبعا انا مع رأي الاخ ميشو لأن كلامه اكيد ميه في الميه واقولك حاجه بصرااحه انا واحد من الشباب اللي بتعمل كدا بس دا مجرد تسليه مش اكتر وبعدين شكلك بنت طيبه وغلبانه وبنت ناس فكك منه وحاولي تعرفي اغيره وربنا معاكي يا قمر
انا سنى 16 سنة جربت الحب مرة واحدة بس الحب دة عاش 4 سنين وانتهى فى نص السنة الخامسة بس بصراحة الخيانة كانت من عندى انا بس انا بجد ندمان اوى انى سبتها او خونتها بس ناوى ان شاء الله اعيش على ذكراها وساعت الجواز هتجوز اللى تقولى عليها امى
فى الاول من المستحيل ان الانسان يعرف قدر اللى امامه لكن الظروف اقوى ممكن تكون نزوه لوحب مت طريق اصحابك ممكن الحب يكون مش موجوداذاكنتى مش انثى المختصر الحب من الحلوة فى القلب من الممكن تذؤقيه
اختى الفاضله
عايز اقولك سيبك من اللى انتى بتحبيه ده
الانسان اللى ما يخفش عليكى وما يقدرش مشاعرك يبقى ما بيحبكيس
ده بيتسلى بيكى وبتقولى عرف بنات قبلك وممكن يكون بيعرف بنات وهو معاكى
انا انصحك نصيحه عشان تسيبيه وانتى مرتاحه وتقدرى تنسيه وماتحسيش انك ظلمتيه
اقرب فرصه تشوفيه او تكلميه حتى فى التليفون قوليله انت عايز ايه بالظبط منى
حب واخلاص وجواز وعيشه سعيده ولا عايز تتسلى وشويه تسيبنى وشويه ترجعلى وتعذب فيا
ومن خلال كلامه وتصرفاته هتعرفى هو ناوى على ايه وان كان عايزك بجد يعمل اى حاجه تثبت كلامه لو حتى تطلبى منه يخطبك
اما لو لقتيه مش عايزك فما تزعليش احمدى ربنا انه كشفهولك قبل العلاقه ما تتمد اكتر من كده
وانتى ان شاء الله ربنا هيرزقك بانسان قويس طالما انك نيتك قويسه خدى بنصيحتى وربنا يوفقك
بس ابقى قوليلنا عملتى ايه
يا انسه حاولى تكونى اقوى من كده وماتخليش قلبك يتحكم فى شخصيتك فى كل وقت انا ان النسيان حاجه ص صعبه بس حاولى تفتكرى انه باعك بحجج تافها وانه بيلعب بيكى لانه اكيد حس انك بتحبيه اووووى **** وربنا يريح بالك وقلبك
الى يبيع مرة يبيع الف مرة والى يخون مرة يخون ميت مرة والى يبعد شويه يقدر يبعد كتير الحب ليس به قيود ولا تحكمات انما هوا نتيجة غريزة داخلة فى الانسان هى التى تتحكم به ليس هو من يسيرها
اتمنى لكى التوفيق مع حب صادق
يا اختى الكريمة … والله العظيم ده بيضحك عليكى … اقسم بالله بيضحك عليكى وبيمثل عليكى الحب
اللى انتى ما تعرفيهش .. ان اول ما الواحد بيعلق واحدة لازم يعمل حركة الباعد دى عشان يعرف قد ايه هى اتعلقت بيه وبعدين يبدا يلعب على التقيل
ليه ترخصى نفسك وتبيعى نفسك لواحد بيعلب بيكى ؟؟؟ وبعدين الكلام دة ما يرضيش ربنا لانه حرام
هتعرفى فى يوم من الايام انه بيلعب بيكى لانك لسة جديدة فى المواضيع دى وللاسف البنات بتتخدع بالكلام الجميل المزوق