لسه معاه مع انى مش مبسوطه من العلاقه

انا بنت عندى 29 سنه حبيت مرتين فى حياتى والمرتين اتعذبت فيهم شفت أيام سودا كنت بتمنى امووت . من حوالى شهرين عرفت واحد على النت طبعا فى الاول كنت بكلمه عادى أضيع وقت بعد كده اتعودت عليه بعد كده اتعلقت بيه لحد ما حبيته اتكلمنا موبايل واتقابلنا بس كنت بحس دايما ان فى حاجه غلط دايما يكلمنى وهو بره البيت اول ما يدخل البيت يقولى خلاص بقى هكلمك بكره أقوله طب ماتكلمنى لما تطلع لسه بدرى يقولى لا اصلى هنام المهم شكيت انه متجوز لما سألته كان بيحلف لا. المهم فى يوم كان طالع رحله وبعتلى صوره لقيت الدبله فى ايده الشمال اتجننت وقلبت الدنيا وشتمته وقولتله انه كذاب وهبعد عنه فضل يحلف انه لابس دبله وخلاص لحد ما فى الاخر قولتله انت شكلك وحش اعترف احسن راح قالى انه متجوز وعنده مشاكل وهيطلق والجو ده المهم علشان مطولش عليكو معرفتش ابعد عنه لانه لحوح اوى وبيهتم بيا اوى اوى وبيكلمنى كتير وبيسمعنى محاصرنى جدا بس كمان كذاااااب جدا موضوع الجواز مش اول ولا اخر كذبه على طول بيقولى حاجات ويحصل موقف يبين انه بيكذب انا لسه معاه مع انى مش مبسوطه من العلاقه دى عارفه انه غلط وحرام بس خايفه ارجع لوحدى. تعبانه جدا والله ما عايزه اكمل بس مش عارفه اسيبه حد يقولى اعمل ايه ؟؟

مشاكل وحلول ذات صلة

• مش عارفة اخد قرار اسيبه ولا هارجع اندم
• هل ارجع لخطيبي الاولاني او اوافق على العريس الجديد
• بحب صاحب اخويا واتعرفت على بنت بيحبها
• ارجع ثقتي في خطيبي تانى ازاى
• خنت زوجي واتطلقت والان اريد حبيبي
• بيعرف بنات وبيشرب حشيش وبرضه بحبه
• بحب بنت واصحابها فرقوا بيننا