فى البداية انا فى العشرينات امتلك شكل منسق ومن عيلة كويسة متدينة مشكلتى انى اشتغلت فى شركة كويسة وانا فى شغلى لوحدى وفجأة فى شركة جارتنا فى الشقة اللى جمبنا لقيت فيها شباب بس ومنها ولد معجب بيا جداااا وكل شوية الاقية بيبص عليا من ورا باب شركتهم فحاول التقرب منى فجأة اهتمام ولقيتة بيجبلى حاجات بحبها كجيران وبداية تعرفنا فقلت اعديها مرة واتعرفنا على بعض ولقيتة بيحكيلى عن نفسة وبيتة واسرتة وسنة وانة بيجهز شقتة بنفسة من تعبة بشغلة وانة زى ما فهمت انة شوية وهيتقدم على حسب ما فهمت بسى انا حكيت لوالدتى على كل حاجة وقلت اختبرة ومن المواقف هيظهر على حقيقتة حصل بينا مشاكل وبدأت تظهر شخصيتة مرة ورامرة وكل مرة بتظهرلى حاجات جديدة تخوفنى من شخصيتة اولها عصبى جدا وكان كل ما بنتخانق بيلغينى من الفيس او بيحظرنى من الماسنجر وهو بيرجع تانى وبيعتذر وانا اول مرة عدتها وخدت معاة موقف من اول مرة وبعد فترة حصلت مشكلة تانى وانا اللى بعدت شوية وكل مرة ببعد بلاقية تعباااان جداااا لما بنبعد وبتبقى نفسيتة متدمرة مع العلم اننا جيران والباب جمب الباب بشوفة وهو معدى وهو طالع قدامى وعدت الايام ولما رجعنا اتكلمنا تانى لقيتة غريب جدااا وزى ما يكون حزين جدااا ومبقاش عندة اللهفة عليا زى الاول وحساة متغير جدا زى ما يكون عاوز يبعد ومش قادر ففجأة لقيتة بيقولى فى كلامة ربنا يوعدك بالاحسن اللى يستاهلك وابقى اعزمينى فى فرحك وبيكررها اكتر من مرة فجيت مرة لقيتة بيحكيلى عن حبة القديم انة كان بيحب واحدة واتجوزت وهو مقدرشى يعمل حاجة علشانها وانة بعدها قفل قلبة ومقضيها صداقة وبالمعنى انى صديقة بس علشان كنت بحبة قلت عادى بيبقوا اصدقاء وبعد كدا ممكن يرتبطوا لقيتة فى كل كلامة بيكرر ابقى اعزمينى فى فرحك غريب فعلا جيت فى مرة حبيت اختبرة بقولة انا خطوبتى قريب لقيتة تعب جداااات وكان هاين علية يعيط وخد اجازة من شغلة وروح فقلت يمكن بيحبنى وعلشان ظروفة صعبة لانة حكالى عليها انة مش هيقدر يتقدم بالرغم من انى عارفة اللى بيحب حد بيعمل علشانة المستحيل وبيتغرب علشانة انا عارفة ان الشخصية دى بطيئة فى كل حاجة وظروفة صعبة جدااا لكن هو راجل فعلا اتحمل كتير من ظروفة ومازال بيتحمل لكن اخر حاجة ختمت اى حاجة لقيتة بيقولى انتى فى معزة اختى قولتلة اختك قالى اة قولتلة تمام وقفلنا وانا حسيت بجرح واهانة ولعب بيا وبمشاعرى مش قادرة اصدق هو دا نفس الشخص اللى كان هيموت عليا وعلى اى اهتمام منى لدرجة انة كان هيموت ويعرف بيتنا فين لما حسيت بجرح لغيتة من عندى من الاصدقاء بالفيس وبعتلة رسالة احنا اصدقاء وجيران وربنا يحققلك اللى بتتمناة انا مجروحة جدا عاوزة اعرف اعمل اية او انا اتصرفت صح فعلا على العلم اكبر منى ب٣سنين قرب من الثلاثين ومن ارياف ارجو الرد
