مستورة : إني وحده إنسانه طموحة وبسيطة وكنت أحب الحياة كثير لمن كبرت ودخلت كلية طبعا ايش بقولكم كنت والله أتصدى لبعض الشباب الي يحاولوا يغروني بأي شيء سواء جنس او. بعلاقات عاطفية سواء جامعة اوغيره بس والله إني تصديت لهم وماخليت لاحد الفرصة انه يستغلني … صحيح وني عمري 19 حبيت انسان بس كان حب من طرف واحد حب حقيقي تعلقت بجد بس الانسان دا ماعبرلي عن حبه ولااعترفلي يكابر رجعت ابتعدت عنه وقلبي يحترق وكنت ابكي كل يوم بس مااعترفتله باني احبه وبعدها بفترة شخص دخل بحياتي وكان اتعرف عليا كصديق وبعدين اعترفلي بحبه وهو الي اصر وخلاني ا حبه ووهمني انه بيتزوجني بس كان كداب اتاري خطب بنت لفترة 5 اشهر من منطقته وماقالي رجع انبه ضميرة وقالي خطبت قلتلة ليه ماكلمتني طول فترة 5 شهور قالي ماكانت عندي فرصه عشان اكلمك المهم اني صايحته وحدفته من حسابي ورقمة من عندي .. وني بالكلية اتعرف عليا شاب هو يدرس بنفس كلية بعدين حبينا بعض كثير لدرجة الجنون ووعدني انه بيتزوجني وقالي انه بيضل معي وبنى ليا احلام وهمية المهم اجالي نصيب واحد يتقدملي قلتلة الي يحبني اجالي واحد قالي وافقي الله يسهلك المهم صدمني كتير بكلامة وصحيح انجرحت من تصرفاتة السيئة الي يعاملني ومن كلامة بس اني نهيت علاقتنا وانخطبت قلت هدا الي بيعوضني عن الماضي الحزين وبفتح صفحة جديدة ولاكن اتاري كان كويس معيا وفجاءة اهملني ولايكلمني ويقطع تواصلة معي بالواتس والاتصال جواله مغلق عملي الحركات دي مرتين وبعدين اخر حركة الي عملي ياها فسخت منه المهم بعد فترة اجالي شاب اني اعتبره كاخ كان يشتي يتعرف عليا المهم اني خليت نفسي عاديه وكان يحكيلي عن همومة وحياته المهم بعدفترة قصيرة اعترفلي بحبه واني بعدين لمن كنت اكلمة مع الايام حبيته .. وكان يوعدني انه اول ماتتحسن ضروفة بيجي يتقدملي وبيكون حاله المهم ضروفة اتحسنت ولاقى شغل وبعد ايام يقولي الله معك انا من طريق وانتي من طريق الله يفتح عليك المهم صدمني بكلامة قلت يمكن دا بينسيني الجراح وبيعوضني بعد مافسخت خطبتي بس اتاري كله كدب للعلم كل الدي حبيتهم عمري ماخرجت معاهم ولااحب الطلعات والخرجات والله . المهم يابنات اني كرهت حياتي والله ونفسي ارتاح والاقي انسان يستاهلني ويفهم تفكيري ويقدرني ويحبني بس مالاقيت انسان يناسبني طبعا اجولي عرسان كتير يتقدمولي تقريبا 16 شاب منهم من كلية ومن الاهل وجيران ومعارف بس مافي نصيب لانهم مش مناسبين ليا اطلاقا الحمدالله على كل حال ..
نفسي ربنا يرضى عني ويوفقني ويرزقني خير الدنيا ويسعدني فيها قليل قبل مااموت …نفسي ارتاح في الدنيا واحقق امنياتي في الحياة العلمية والعملية نفسي افرح زي كل البنات الي فرحوا ..
اني طيبة واخدم الناس واصيلة ووفيه وصادقة واشارك البشر افراحهم واحزانهم واخفف ثقلهم وقلبي طيب معاهم بس للاسف في هدا الزمن لم اجدالوفي والصادق معي كمثل طبعي.. وجدت خدلان من اشخاص توقعت انهم بيسعدوني بس ياحسافة .. حتى البنات الصديقات والزميلات المقربات احسهم مايشاركوني افراحي وحزني ولايحبوني كمثل مااحبهم ولايسالو عليا او يتصلوا ليا او يزوروني وحتى الي يعتبروني اختهم الشباب بالكلية يقولوا اي خدمة مننا ولايهمك وقت مااحتاج منهم شيء يتحججوا ليا ويتهربوا كل واحد يعمل بااصلة بس الحمدالله اشوف حالي فيا طباع حلوه افضل من غيري
ساعات اقول ان لمن اعيش وحيدة افضل ليا من غدر البشر ومكرهم وكدبهم ..وحتى خواتي مايحبوني واخي ا حسه يحب زوجته واني ولايعبرني ولايسال عليا وحتى ابي وامي احس بعض الاحيان اني ثقيلة عليهم ومايحبوني ولايعطوني عطف او حنان عمري ماحسيت بحضن ابي وامي عمرهم ماحضنوني
قررت وعاهدت نفسي اني لااتعلق بأي احد في الوجود ولااحب اي شاب بدون رابط شرعي لان الحب مااستفدت منه شيء ومايأكل عيش فقط الي شفت من الحب الكسر والوجع والالم والحرمان والاكتئاب
بعد علاقاتي العاطفية الفاشلة احس حالي اني تعبت نفسيا وتعب حالي وان البشر كلهم سيئين ومايأتمن عليهم .. وساعات اقرر الانعزال عن البشر نهائيا وعدم الحديت معهم .. واحس الشباب والبنات الصديقات والناس كلها صارت تدور مصالحه وخلاص في الزمن دة مافي وفاء ولاتضحية ولا مروءة تعبت من الواقع المخيف الدي عشت فيه .. الحمدالله اقري قران واصلي واتقرب لله بالدعاء بس ساعات يجيني شعور بالفراغ والعطف والحرمان والوحدة …شعور غريب يمتلكني .. ولاكنا اتجاوزه بالنوم .. كل عيد يجي ومن مكسورة الخاطر وفيا حزن بداخلي حتى العيد هدا ..مابعرف ليه !
مشاكل الحب الفاشل
الحب الفاشل حطمني وكسرني
اضيف بتاريخ: Friday, November 3rd, 2017 في 07:54
كلمات مشاكل وحلول: الحب, بنات, بنت, حب, شاب
