مرحبا بدي احكي مشكلتي هون لاني ولا مرة قدرت احكيها لاي شخص … انا اليوم عمري 21 سنة ، لما كان عمري 15 سنة كان ابن خالي يحبني و هو عمرو 22 سنة و دايما يحاول يحكي معي بس انا مكنتش احس انو هو بحبني كنت احس انو بستحليني كتير و حاول يتقرب مني و يحكي معي لحد ما صرت احس اشي اتجاهو و من بعدها بطل كتير يحكي معي كنت احس انو هو بخاف و مش جريء و من وقت ما بطل يحكي معي حبيتو اكتر و اكتر و بيوم روحت عند ستي (هو ساكن تحت ستي ) نزلت عندهن على البيت و كان هو لحالو و قعدت على الكمبيوتر و بعد بشوي اجا قعد حدي و بلشنا نحكي بعد شوي بلش يحط ايديه علي و يلمسني و صارت هاي الشغلة عدة مرات على امل انو احنا مع بعض بس هو كان كل مرا يتركني و يروح و لا كأنو في بينا اي اشي و لا مرة رنيلي و لامرة حتى حكالي كلمة حلوة لمدة سنة بقي هيك يعاملني و انا كل مرة اروح من عندهن او من عند ستي اكون منهارة كل مرة كنت افكر انو خلص هو بحبني و رح نكون مع بعض بس كل مرة نفس الشي المهم من بعد سنة كنا سهرانين عندهن بعيد الميلاد عبطني و قلي انو هو بحبني وبوقتها حسيت حالي اني اسعد انسانة كنت مبسوطة كتير قعدنا مع بعض ثلاثة ايام و من بعدها صارت معنا مشكلة و انا قلتلو انو بديش اياك و بدي نترك هو قلي طيب و تركنا رجع حكا معي تاني يوم انو على اساس يصالحني و انا قلتلو بحكي معك بكرا و بقلك اتركني افكر و تاني يوم رجعلي بجواب بقولي انا خلص بديش اياكي و بطل يقبل يحكي معي لعدة اشهر من بعد بفترة رجع كمان مرة قرب علي و انا كنت مفكرة انو خلص رجعنا لبعض بس للاسف هو كان مع واحدة تانية و بعدين صرت احس انو بكرهني مع انو مضايقتوش بالعكس هو خربلي حياتي و ازاني و انا كنت مستعدة اني اسامحك و نبدا كلشي من جديد و مع كلشي كان يعملو فيي كنت اترجا انو يرجعلي و حاولت عدة مرات اني ارجعو كنت اتعزب كتير و كنت عايشة بكابوس و مش غادرة انساه لانو كل ما بروح عند ستي بشوفو لحد اليوم بعدني بحبو صار مارق ٧ سنين على هاي القصة و بعدو بقلبي هو اول شخص حبيتو و لحد اليوم انا اللي بعدني بحكي معو و هاي ازا رد علي بس انا صرلي فترة منيحة محكيتيش معو شيلي حتى مرحبا بقولوش بس انا عم بتعزب كتير انا معدتش بدي ايا يرجعلي بس انا بدي ايا يتربى انو بنات الناس مش لعبة بين ايدي بدي اربي و بدي استرجع كرامتي اللي دعسلي عليها بدون ميهتم و زتني و مفرقش عندو بدي احسسو بالندم انو خسرني بدي ادعسلو ع كرامتو يمكن هاد اكتر اشي تمنيتو بحياتي اني استرجع كرامتي و ارجع متل ما كنت هو اللي راكض وراي بتمنى انكو عنجد تقوليلي ايش اساوي بديش اضيع سنين من حياتي عشانو بكفيني اني ضيعت من حياتي ٧ سنين عشان ثلاثة ايام ….شكرا
كرامتك سترجع عندما تتزوجين برجل على خلق وله شخصية ورجل بمعنى الكلمة الرجل ليس شكل كالامراة الرجل مواقف وابن خالتك كنتي نزوة فقط وارضا لغرائز حيوانية فقط لا تضعيه في اهتمامك ولا تنتقمي منه ولا اي شيء وابحثي عن رجل يكون معه الحب الصادق و الحلال الانتقام لن يفيدك ولن يزيد الا من متاعبك فكري في حياتك وانسيه خالص واذهبي عند خالتك لكن بإرادة انك لن تهتمي لامره راح تكون الامور في البداية صعبة لكن المشاعر ستبدأ تفقد معناها لديك مع الوقت ولا تضعفي ابدا ودائما تذكري ان السعاده لا تعتمد على شخص وان ضعفتي او احسست بالضعف تذكري الامور السلبية وانه لو احبك بصدق كان على الاقل يقول لامه على زواج منك اذن هو ينظر اليك على انك بنت لا تستهلين الزواج منه كل ما تضعفي تذكري هذا وراح تنسي لكن بإرادة