اناشاب وكان سني في الوقت ده ٢٤ سنه وقابلت بنت كانت بتدرس في الجامعه وانا كنت ساكن بالقرب من الجامعه في بيتنا وهي كانت في المدينه الجامعيه وكنت باستمرار بشوفها وحسيت اني حبيت الانسانه دي قوي وكل يوم استناها وهي خارجه من الجامعه ورايحه للمدينه الجامعيه والله انا كنت محترم جدا معاها ولحد ما اتاكدت فعلا ان الاحساس ده حقيقي استنتها وحاولت اتكلم معاها فرفضت وبعدين حاولت اجيب رقم تليفونها وفعلا جبته وكلمتها واخدت منها ميعاد واتكلمت معاها وكنت مرتبك جدا وهي فكرت وردت عليا وقالتلي انها مش عايزه اكون السبب في جرحها في يوم من الايام وفعلا بقينا بنموت في بعض لحد ما ظهر شخص في حياتها وسالتها مين ده قالت ده ابن خالتي وقلتلها تقطعي علاقتك بيه وقالت اوك خلاص المهم انا اكتشفت بعد كده انه حبيبها الاول واتنرفزت عليها وكنت عايز اقتلها وبعدت عنها لحد ما الشخص الاول عملها مشكله وهي كلمتني واستنجدت بيا وفعلا مقدرتش اتخلي عنها خصوصا انها غريبه ومفيش حد جمبها في البلد بتاع الجامعه طبعا وقفت جمبها وجبتلها حقها لدرجه اني هددت الشاب ده انه لو حاول يبصلها انا ممكن اقتله المهم رجعت تاني ليا مع اني كنت رافض المهم مشيت الامور كويس جدا واصبحت انسانه مختلفه حتي في يوم من الايام قالتلي انا بحمد ربنا اني عرفتك في الوقت المناسب لاني كنت ماشيه في طريق اخرته مجهوله او اخرته ظلمات الحمد لله وانا قلتلها انه توفيق من ربنا مش اكتر وانا مش ليا فضل عليك الفضل لربنا المهم حبيتها لدرجه الجنون وهي كمان حسستني بكده وفي يوم بتصل بيها لقيت تليفونها مع ابوها ورد عليا المهم حاولت اتصل بزميلتها قالتلي ان ابوها عرف فقلت مينفعش اتخلي عنها وفعلا كلمت ابوها واخدت منه ميعاد ولا زرته في البيت حسيت منه كده انه مش موافق طبعا بعدها رجعت الكليه ولما رجعت قالتلي ان ابوها مش موافق وقالت ان لازم تتجوزني فورا او تخطبني فعلا سمعت كلامها واشتريت ليها دهب(سلسله وخاتم ودبله )المهم بعدها قالتلي انت هتسافر وتسيبني مش هينفع لانك هترجع تلاقيني اتجوزت وقلتلها عايزه ايه قالت اكتب كتابك عليا فعلا اخدتها وذهبت عند محامي صاحبي وبعلاقاتي واتصالاتي احضرت ثلاثه مأذون وصاحبي المحامي كلهم اجمعو ان البنت قاصر ومش هينفع نكتب ليك كتاب الا (نكاح صداق ) وهو يعني انني افقدتها عذريتها قبل الزواج وسوف يكون وصمه عار لي ولها طوال حياتنا طبعا رفضت وخفت عليها وغضبت من المأزون واكد باقي الحضور ان كلامه صحيح ولا ينفع سوي الصداق لانها قاصر وابيها غير موجود المهم عرضو حلا وهو ان نكتب عقدا ورقيا مشابه للعقد الصحيح سوف اقوم بإمضاء علي ورقه قائمه بحقوقها وطبعا كتبت علي نفسي وصل امانه للمازون كي يحافظ علي حقوق الفتاه المهم اخذ المحامي الاوراق وقال بانني لن استلمها الا في حضور البنت اذا اردت الغاء العقد واقسم بالله انني لم ولن المسها الا في الحلال وفعلا لم اتجرأ علي لمسها لانني قبل كل شئ احبها بجنون واخاف عليها المهم حضرت نفسي للسفر وهنا حدثت مشكله انني اكتشفت انها ما زالت علي علاقه بالشاب الاول في حياتها وانهرت انهيار تام وبدآت في ابتزازي وارادت العقد وقلت لها انك امرأتي ولن اتركك وذهبت من ورائي للمحامي واخذت العقد وقام بحرقه هو والقائمه المهم عندما عرفت ان العقد حرق غضبت من المحامي وقال لي اتركها وقلتله هي دي الامانه المهم عرفت بعدها انها علي علاقه بالشاب الاول وزاد تاكيدي حسبي الله ونعم الوكيل فيها المهم طولت عليكم انا بسال سؤال البنت دي فعلا زوجتي ولا مش زوجتي خايف من ربنا يعاقبني وانا الي اليوم احبها جدا جدا ومش عارف اعمل ايه هي دي قصتي بالله عليكم حد يجاوبني
مشاكل الحب الفاشل
لم استطع ان انسى خيانتها و لكنى احبها
اضيف بتاريخ: Friday, January 13th, 2012 في 17:54
كلمات مشاكل وحلول: الحب الاول, الحب الفاشل
بسم الله الرحمن الرحيم :
* أخي الفاضل : الخيانة اللي انت بتتكلم عليها دي انت جزء منها ، لأنك كنت بتقابلها من ورا أهلها و لما مشاكلها زادت وافقت تتجوزها من وراهم برضه ، وعند محامي : يعني مش مأذون شرعي بشهود و عقد صحيح .
* إزاي كنت عايزها تبقى مراتك و هي لسة قاصر قانونا ؟!! و يعني إيه تكتب عقد و هو أساسا باطل؟!! أيوه يا أخي / باطل ، ” لا نكاح إلا بوليٍّ وشاهدي عَدْل ” ، فين الولي وفين الشهود العدول ؟ مش دي برضه خيانة ولا انت بتسميها إيه ، بطولة ؟! مروءة ؟!
* أهنيك على السلامة من شر نفسك و شر الشيطان ، لأنك ما لمستهاش ، وده كان هيبقى خطأ كبير ارتكبته في حقها و حق نفسك .
* انت راجل وتعرف إن الرجالة لازم تحكم عقلها في الأمور : مش تمشي ورا كلام القلوب و العواطف . اللي انت فيه ده لأنك لغيت عقلك : اشتريت دبلة وخاتم و ..، لوحدك كده من غير مشورة الأهل و أصحاب الدين و الخبرة !!
* عارف هي خانتك ليه ؟ لأنك انت كمان خنتها : خنتها لأنك وافقت على عواطفها وهي بترمي نفسها عليك علشان ( تتجوزها )بدل ما ترجعها لعقلها و تقولها لأ ، كرامتك وشرفك عندي بالدنيا ،.لكنك وافقتها في تفكيرها .
* هي حسبتها صح أوي – في نظرها – لأنه ابن خالتها و مين عارف بتحبه ولا لأ : أكيد قالت في نفسها ” ده ابن خالتي و ستر وغطا عليا مهما حصل ، و ده علاقتي بيه مش مضمونة ” .
* الخطأ بينكم مشترك : انتى ما لمستهاش صحيح ، بس ده مش فضل منك عليها : ده كرم و لطف من الله بك ، لكنك كنت هتستحل ما حرّم الله ، بطريق اتهيألك انه شرعي و قانوني . انتى خنت أهلها وهي خانت حبيبها وخانتك ، وانتوا التنين خنتوا ضمايركم و المحامي خانكم – يا عزيزي كلنا لصوص .
* صلح غلطك و شوف تسوية قانونية للأمر ده ، و احمد ربنا على النجاة .
* ما فيش حاجة اسمها ” مش قادر أنسى ” : لأ تقدر ؛ صحيح هيبقى في النفس شيئ ، بس مش كل حاجة . مش هتتكم فيك عواطفك و لا هتعيش مع الماضي بكل أوجاعه وآلامه .
– الحياة ما بتنتهيش عند حب فاشل ، بس بتلخبط شوية .
– صاحب الإرادة ما بيقعش بسهولة ، ولو حصل ده لازم يقوم بسرعة و ينفض عنه تراب الوقوع ، ولازم يكم في حياته و بشكل صحيح ؛ يرضي فيه ربنا ، و ضميره .
* ادعى ربنا يسامحكم كلكم ، و يساعدكم على شرور أنفسكم و يغفر لكم جميعا .
– آمين .
*** و الله أعلم ***
*
بص كدا انا ونته والاخ عايش الواقع زمايل فى الخيانة مع اختلاف قصة كل واحد فينا بس هى النتيجة وحده وانا عملت زى ما عمل الاخ عايش الواقع بس انا سافرت برة مصر وحطيت فى بالى انها لاتصلح زوجة ونسيتها لانو لقيت انو شغلى وفولسى هى دراعى فى زمن الوحش ده اعمل زينا وهتلاقى تفسك كنت غلطااان كتير كتير كتير لما حبيتها وانك لسه بتحبها حى بعد خيانتها ليك
اما الامور الشرعية دى فانا مليش فيها عشان ما اعرفهاش اذهب لاهل العلم هم من يفيدونك
بسم الله
بص يااخى الفاضل انت اجرمت فى حق نفسك وحق الاخرين كيف تتجرأ ان تتزوج ابنة رجل وهو عايش ولا يرضاك زوجة لابنته وهى قاصر وعندنا حديث يقول لازواج الا بولى وشاهدى عدل فهذا الزواج باطل
وهل ترضى لنفسك ان يقول لك الناس ان ابنتك هربت وتزوجت رغم عن انفك
لماذا ترضى هذا لبنات الناس اتقوا الله فى اعراض الناس ياعباد الله
والحرم الذى اجرمته فى حق نفسك هو ان تأتمن هذا الفتاه المتهورة ان تحمل اسمك وكيف ذلك وتزوجت من غير علم ابيها وكان ممكن ان يحدث هذا بعد سنين من زواجكم وتكون العثرات افدح واكبر فاتقى الله فى نفسك وانس هذا الامر واختار اختيار صحيح واستعن بالله
هى كلمه واحدة الضربة اللى ما تموتش تقوى
يقطع الحب وسنينه
السلام عليكم ورحمة الله وبركاته
ببساطه لان الله يحبك فتاكد انه لم يرضى ان ترتبط بمثل هذه الفتاة وهذه نعمة من الله فاحمد ربنا وانسى الموضوع واعرف انها مش تستاهلك حتى متشيلش في نافسك وسامحها واعتبر انها ماتت
وابدا حياتك من جديد في رضا الله
دى مش تستاهل اصلا
قول الحمد لله انت ربك بيحبك ومش عايز تتعظقال تعالي عسي ان تحبوا شئ وهو شر لكم ثانياالعقد من الاول باطل لانه غير مستوفي للشروط لانه لانكاح الا بولي وشاهدي عدل والبكر لابد ان يزوجها ابيها والعلم للهولو هي زوجتك قول لها انتي طالق وانفد بجلدك انتي لسه علي البر قبل ماتتورط
الضربة التى لا تقتلنى. .تزيدنى صلابة. . ضع هذه الحكمة فى ذهنك اخى. .وثق ان الله يحبك لانك انسان صادق وخلوق وشهم. .ولذلك فقد نجاك من الارتباط بهذه الخائنة. .وكان من الممكن ان تستمر معك وتتما علاقة الزواج وهى مع الآخر الا اننى لا اعلم والله أعلم ماذا كانت تنوى عندما جعلتك تعقد عليهاوما الذى كانت تريد ان تورطك فيه. .بصراحة انا شاكك ان المحامى حرق العقد والقائمة وأرى انك يجب ان تذهب اليه وتجبره على التوقيع على ورقة بكل ما حدث ضمانا لحقك لأنهم ممكن يتهموك بانك دخلت بها ويطالبوك بالقائمة وايصال الامانة. .فلازم تأمن نفسك. .لأننى لا أفهم ماذا كان هدفهم من كل ما حدث! اما عن موضوع الحب والنسيان. . ارى ان تتذكر و لا تنسى كيف خدعتك وكيف كان الوضع اذا لم تكن بهذه الأخلاق وفكرت بالدخخول بها لتكتشف انها استغفر الله. .وتلبسها انت! انا حاسس انها كانت محاولة تدبيس وفشلت والا ليه الواد سابك تهدده وبعدين رجع لها تانى وهو عارف انها معاك. ؟ فيه حاجة مش مظبوطة .معلش افكارى سودة اصل كتر البكا يعلم النواح. .ان شاء الله ربنا يستر والموضوع يخلص على كده. .وربنا يوعدك ببنت الحلال اللى تستاهلك صحيح الطيبون للطيبات
يااااااااااه هو في حد كده صدقني انت حد كويس بس ساااااااذج جدا وده عيب لازم تنسي انت اتقرصت منها كتير انا بذممك دي اصلا تنفع زوجه فكر
عزيزى اترك هذا الامر لفتره ولا تحاول الارتباط باخرى لانك لن تحسن الاختيار لانك محتاج لتعويض وفى هذه الحاله الجوعان كل مره حلو
علي فكره البنت لو مش كنت راجل في معاملتك معاها ومالي عينها عمرها مهتحترمك وده اسف اللي حصل معاك حتي لو كنت بتموت فيها مش لازم تدلق اوي صدقني مينفعش معاهم الكلام ده الا قليل جدا اللي بتقدروا ……….. وبعدين احمد ربنا انو نجاك منها لانها انسانه مش كويسه بالمره شوف حياتك ودور علي واحده تربي اولادك وتحفظ بيتك ده خاينه والخيانه في دمها ……
بص احنا كدة طلعنا زمايل فى الخيانة مع اختلاف طريقة الخيانة اللى حصلت معايا الله يصبرك ويصبرنا بص يا سيدى بالنسبة هى مراتك ولا لاء انت تسأل المأذون فى الموضوع ده او تسأل عالم من العلماء وولازم تتوب لربنا عز وجل والجزء بقى الاخير فانت مش حتنساهازى ما عجايب الدنيا قالت حتى لو اتجوزت وابنك على ايديك مش حتنساها لكن اللى حصل معايا انى اتنقلت من مكان شغلى
وبعدت عن المكان اللى كانت فيه وبعدين مع مرور السنين منستهاش لكن مبقتش احبها خلاص وبقت واحدة عادية زيها زى اى واحدة واللى ساعدنى على كدة انى حطيت فى دماغى ان اللى زى دى متنفعش زوجة لانها مكانتش امينة عليا ولا على نفسها فمفيش حل ليك الا البعد عن المكان اللى موجودة فيه ومع الزمن الموضوع حيبقى عادى وده اللى حصل معايا
كويس اللي حكيته بس ايه السؤال اللي انتا عايز تسأله عشان نجاوب عليك
حضرتك مسكت دليل خيانتها اكتر من مرة و تأكدت من كده بنفسك ومع ذلك بتقول انك بتحبها جدا
طب عاوزنا نرد عليك نقولك ايه؟؟؟ نقولك روح اتجوز واحده خاينه؟؟؟؟ ولا نقولك اخطفها؟؟؟
لازم تعرف يا اخي انك مراهق و الان تعيش فتره من الجنون و الحاله دي مسيطرة عليك سيطرة تامه وواضح كده من خلال حكاويك — ولازم تعرف ان اللي انت فيه ده مش حب ده اسمة رغبة في التملك يعني لما هيا سابتك وراحت لغيرك انت حسيت انك نفسك تملتلكها تاني وصدقني لو رجعتلك وامتلكتها هتكرهها اشد الكرة و مش هتعرف تعيش معاها لانها خانتك وهتشك فيها وهتكون حياتك جحيم
اخي الفاضل انتا بتحس انك بتحبها لانك مابتفكرش غير فيها و مش قدامك غيرها ان شاء الله لما تقابل بنت الحلال اللي تستاهلك وتكون اخلاقها عاليه هتفتكر الايام دي وتقول الحمد لله ان ربنا نجاني من الخاينه دي
بجد دى انسانه عجيبه انت منك قليل ونادر مش عارفه انا من راي روح ماذون تاني واسالوا لمجرد سوال بس وسيبك منها وحاول تنسها مع اني عارفه انك مش هتنسها حته لو اتجوزت وابنك على ايدك بس هتعمل ايه الحياه مش هتقف عليها
ربنا يكون ف عونك ويحرسك انت وكل الشباب الصالح اللى زيك انت مشكلتك ف انك تعرف اذا كان الجواز او العقد اللى اتفقتو عليه صحيح ولا غير صحيح واللى يقدر يحدد ده يا محامى يا شيخ وربنا يهديك للصواب ويكرمك ف حياتك
انت علي فكرة انسان محترم جدا هي لو كانت كويسة كانت حافظة عليك ومكلمتش حد تاني وكانت اصلا مجوزتش من غير ما اهلها يعرفوا ود ال انا اقدر اقولهولك وربنا يرزقك بوحدة كويسة
1- اللى اعرفه فى عقد الزواج للبنت البكر لابد ان يكون هنالك ولى امر وفى حالتها ولى امرها ابوها وهو غير موافق ولم يحضر العقد ولذلك فالقاعدة الفقهية تقول ( مابنى على باطل فهو باطل )وفى حالات كثيرة تم فسخ عقود باطلة لعدم حضور ولى الامر — والله اعلم )
2- انت شاب طيب وعلى نياتك فهذه البنت لاتستاهلك ابدا واحمد الله ان ثمثيليتها انتهت عند هذا الحد وستجد الزوجة التى تستاهلك ان شاء الله فالتسرع فى الاختيار يورث المشاكل لامحالة .
3- نصيحة اخيرة وللتاكيد اطلب فتوى قانونية من قاضى الاحوال الشخصية او من احد رجال الدين
اولا احيك علي اخلاقك بجد انت مفيش منك اتنين في حد لاقي حد يحبه كدا ويخونه تعرف انا بلاش احكيلك انا بقع في شباب عامله ازاى ومن غير اى سبب بيعملو معايا اى بس تعرف انا حاسه بيك لاني جربت الظلم وعرفت قد اى الاحساس دا صعب مش هقدر اقولك غير انك تنساها وانا عارفه ان دا صعب عليك دلوقتي بس لازم تنساها بواحده تانيه بنت ناس محترامين تخاف علي نفسها مش تجوز من ورا اهلها دى اساسا واحده خيانه في كل حياتها واكيد هتندم عليك ندم عمرها علي فكره انا عرفه ان الموضوع دا في دماغك علي طول لانك مكنتش متصور منها كدا فاكيد البنت دى علمت عليك وربنا معاك ويصبرك علي الهم اللي انت فيه