السلام عليكم
انا عندى مشكله بتمنى انكم تساعدونى فى حلها
انا عندى 17 سنه انا عارفه ان سنى صغير على الكلام ده بس انا مجروحه ونفسى انتقم من الانسان اللى دمرلى حياتى
المشكله هى انى اتعرفت على شاب اكبر منى بسنتين على الفيس بوك وقالى انو معجب بيا انا كنت متردده بس هو قالى انو بيحبنى وكان اسلوبو محترم لدرجه انى انخدعت فيه بس اول معرفته كان بادئ حياتو معايا بكدبه كان كادب عليا فى كل حاجه اسمو وسنو وكل التفاصيل بس بعد فطره قالى على الحقيقه وقالى انو اعترفلى لانو بيحبنى بجد عشت معاه سنه كانت من اسؤ ايام حياتى كان كل كلامه كدب ولو هو اللى غلطان انا اللى كنت بصالحو وباجى على كرامتى على شانو بس مكنش بيقدر هو كان ليه ماضى كان بيحب واحده قبل ما يعرفنى بس هو قالى انو بعد عنها بس اكتشفت انو مبعدش ولا حاجه وكنا بنتخانق كتير بسببها وكان بيقولى هى بالنسبه ليا مجرد صديقه دلوقتى مفيش بينا حاجه اكتر من الصداقه ومش مستعد اخسرها وكنت بستحمل لانى بحبو المهم هو قرر انو يتقدملى بس اهلى رفضو فى بدايه الامر لانو من محافظه بعيده ومنعرفهوش بس اهلى وصلو لحل انهم يسالو عليه ووافقو بس هو اللى قالى مدام اهلك رفضو مره تبقى متى بالنسبه ليا وانا مش عايزك وقرر انو يرجع لحبيبتو الاولى لانها كانت عايزه ترجعلو وباع اللى بينا بكل سهوله وانا عملت المستحيل مع اهلى على شان يوافقو عليه
انا عارفه انى طولت عليكو اعزرونى الكلام ده بسيط عن اللى جوايا انا جوايا جرح كبير من كتر كدبه وخداعه وخيانته ونفسى بجد انتقم منه
مشاكل الحب الفاشل
كيف انتقم من انسان جرحنى
اضيف بتاريخ: Thursday, January 25th, 2018 في 02:30
كلمات مشاكل وحلول: الحب, الفيس بوك, بنت, حب, شاب
ازاي تفكري فيه بعد كل اللي عمله فيك خلاص مافيش عندك ذرة من الكرامة ولا العقل عايزه ترخصي روحك لواحد خاين ومايستاهلكيش ابدا ولاعمرو هيقدرك او يحافظ عليك ولايسعدك عجيب امرك يابنت الناس حتى لوجاء لااهلك وقدم لك كل الاعذار فلاتصدقيه ابدا وارفضيه حتى لو كان اخر واحد في هذة الدنيا وربنا بيكرمك باحسن منو مليون مرة يازينة البنات جرى لك ايه