مشاكل الحب الفاشل

حبيبي بعد عني وظلمني

كنت في اجازة عند عمي وقابلت شاب كويس هناك كان شغال مع عمي وحبينا بعض واتغير كتير اوي اوي للاحسن بعد ما حبيته اتغير علشاني وانا كمان اتغيرت وكنا بنتمنا من ربنا بيت صغير يجمعنا فيه مع بعض وفي يوم انا سافرت وصلني للمحطه وبعد ما وصلت بلدنا فضلنا نكلم بعض في التليفون وكنا متفقين ان انا هرجع هناك تاني ولكن حصلت مشاكل عندي في البيت منعتني من سفري ليه وطلب مني ان اصارح والدتي بالي بينا لانه كان عايز يتجوزني وقلتلها وفي يوم من الايام وهو بيكلمني قالي اني وحشته اوي وانه عاوز يشوفني قلتله انزلي بلدي وقابلني وبعدها بيوم جالي وفجاة وهو معايا بعد ما وصل بخمس دقايق ابن عمي قابلنا مع بعض سبته وروحت اكلم ابن عمي علشان ميحصلش مشاكل وبعدها ابن عمي مشي ورحتله سالني مين ده قلتله ابن عمي قالي انه لو كان ابن عمك كان اتخانق معايا قلتله ما انا كلمته علشان متحصلش مشاكل قالي انه مش مصدقني وسابني ومشي وبعدها اتصلت عليه كان قافل موبيله وفضل مقفول لمدة اربع ايام وبعد ما فتحه كلمته وقلتله اني عمري ما كدبت عليه قالي اني عمري ما حبيته ربع الحب اللي هو حبهوني واني كنت بشتغله وقالي كل واحد فينا يروح لحاله وسبيني دالوقتي لاني تعبان من ساعة اللي حصل وسابني وانا مش عارفه اعمل ايه انا تعبانة اوي وحاسة اني مش هقدر اعيش من غيرة وبالرغم من اننا سبنا بعض الا انه بيروح يطمن عليا ويعرف اخباري من بنت عمي اول باول

مشاكل وحلول ذات صلة

اضيف بتاريخ: Friday, April 6th, 2018 في 16:51

كلمات مشاكل وحلول: , , , , ,

ردود to “حبيبي بعد عني وظلمني”

  1. ابوالبتول
    29/04/2018 at 22:38

    شوفي يابنتي العلاقة بين الشاب والبنت لابد تكون صحيحة وشرعية من خلال رابط رسمي كالخطوبة لوكان الشاب يحبك لصارحك برغبته في التقدم والزواج منك وماينفعش تستمري تتكلم معو او تقابليه من وراء اهلك عيب اوي البنت المحترمة ماتعملش كدا ابدا هو الان زعلان لما شافك تكلمي ابن عمك فاكر انه واحدثاني وانك على علاقة معو مش عاوز يصدق ان ده ابن عمك خلاص ينفلق عمرو ماصدق ماترخصيش نفسك له او تجري وراءه لاجل ارضاءه الكرامة فوق كل شئ لو هو عاوزك يبادر الى الاتصال عليك بنفسه مش عاوز يتصل عنو مااتصل يغور في داهية ماتعملش في نفسك كدا ياقمر على حاجة ماتستاهل الف من يتمناكي ياست البنات تلاقي نصيبك جاي في السكة مع ابن الحلال اللي يستاهلك ويقدرك ويصونك ويسعدك

اترك رداً أو حلاً لهذه المشكلة