ظننت انى أحب شخص وهو يكبرنى ب25 عاما كانت علاقتى به اولا ابوية وعندما أعترف لى أنه يحبنى بعدت فترة وبعدها شاءت الظروف وجمعتنا مرة اخرى وعندما قربت منه أكثر وجدته أنانى فاهم أنه أذكى من كل الناس يحب نفسه كثيرا ومن مواقف بينا أحسست بانه لا يحبنى من قلبه ولكن حبه لى شهوانى قبل أكتشافى كل ذلك كنت متعلقة بيه لدرجة كبيرة كنت اطمن عليه كل نصف ساعة ولكن الان بعدما أكتشفته على حقيقته أريد البعد عنه وخاصة أنه متزوج ولديه أبناء ويريدنى أن أعادى أهلى وكل ما ابعد عنه الاقيه أمامى وبيهددنى انه هيقول لاهلى انى كنت على علاقة بيه من وراهم . انا فعلا اتعقدت منه لانى مكنتش أتوقع منه كده أبدا
مشاكل الحب الفاشل
احببت رجل متزوج يبحث عن الشهوة وليس العاطفة
اضيف بتاريخ: Saturday, December 4th, 2010 في 16:22
كلمات مشاكل وحلول: الحب, حب, متزوج, مشاكل الحب, مشاكل الحب الفاشل
اختي لاتخشى منه فهوشخص سافل وجبان ولن يقدر على ايذاك او التعرض لك بسوء دام انه لم يحصل بينكما شي غير الكلام ولم يكن في معاشرة جنسية حصلت بينكما مثل ماهو يهددك ايضا انت هدديه انك سوف تفضحيه امام زوجته واولاده واهله وصدقينى انه سوف يخاف منك ويتركك في حالك وده درس لك عشان تتعلم منه في حياتك بان تحافظي على شرفك وسمعتك وتربية اهلك لك وماتتكلم مع اي راجل غريب عنك مهما كانت الظروف
شوفي يااختي الصغيرة ماعرفناكم عمرك لكي طولةالعمرانشاءالله ومسالةانك عرفتي رجل اكبرمنك ب25سنةومتزوج وعنده اولاد احب اعرف من اين عرفتيه وكيف عرفتيه وهل هو جار لكم في الحي ام زميل لك في العمل وهل امك على علم بعلاقتك بالرجل ام لا وهل خرجت معه اوركبت معه السيارة وهل مارس الجنس معك ام لا وكيف عرفتي انه شهواني وبماذايهددك وهل معه صور لك في اجابتك على كل هذةالتساولات بكل صدق وشفافية تلاقي الحلول لمشكلتك مع هذا الرجل الخاين السافل الغير محترم نفسه ولاكبرسنه وانا منتظر ردودك لكي اطمن عليك ونسمع الاخبار الزينة عنك
سلام عليكم انا كمان عندي نفس المشكل بتاعك انا بحب واحد اكبر مني 12سنة متزوج وعندو بنت وهو كل هموا مني جسمي وبس يعني بدو يعمل معي علاقة غير شرعية وانا ما بدي لي اني بخاف من الله المشكلة فيني اني انا بعرف شو بدو مني بس رغم كلشي انا بموت فيه ومتمنية انو يتزوجني حتى لو كنت زوجة تانية بس كون جنبوا بلحلال
اولا حبيبتي ومتزعليش من كلامكي انتي غلطانة اللي متجوز وبيقابلك من ورا مراتو وكده يعني خاين خصوصا لما بتيقى المرا كويسة يعني لو كان في مشكلة ومش مفاهمين وانتو حبيتو بعض يمكن بس ده خاين وغدار يبقى كمان هيخونك انتي وفعل خاان ثقتك فيهومش هيقدر هيقول لهم ايه تعالو انا مرتبط ببنتكو ههههههه يعني انتي هيضربوكي هو هيقطعوه ومتجوز يعني يخاف على لتوصل لمراتو الاولاول حاجة وبعدين شباب زغنونين بيخاف الواد توصل لاهل البت خايف على نفسو يعني هو هيروح عندهم ويقول وانتي قد بنتو هههههه يعني ابوكي لو مقتلهوش هيوديه المستشفى ههههههههه تعالى يا راجل انا مرتبط ببنتك اسيمعي ده مريض سيبيه ولو قالك حاجة قولي لو ايدك واللي بتوصل يعني مش هيقدر يعمل حاجة لو كان راجل بكلمة رجالة جذعان كان اتجوزك قدام الناس مش خايف من مراتو وبيهددك اساسا وضيع جدا احسن انو اتكشف قدامك ونصيحة ابعدي عن المتجوزين علاقاتهم محدودة 1 في المية اللي بتطلع قصة حب زي الافلام بلاش تتعلقي بالوهم
حبيبتي متخافيش من اي حاجه هو مش ماسك حاجه عليكي عشان تخافي هو اللي المفروض يخافمش انتي انتي اهم حاجه تبعدي عنه خالص وغيري شريحتك عشان ميعرفش يوصلك تاني ومتفكريش فيه ده اصلا انسان زباله عشان يستغل انسانه في سن بنته ويضحك عليها يبقي ميستهلش انك تفكري فيه وانا والله بدعيلك من كل قلبي ربنا يخلصك من المشكله دي في اسرع وقت
اتركية وانت مطمنة
متتكلميش معاه ولا تردي عليه على تلفون علشان ممكن يسجلك مكالمه ويمسك عليكي ممسك
في الوقت الحالي قولي له ازا مابعدتش عني انا اللي هقول لاهلي انك بتعاكسني وبتدايقني وابهدل كرامتك وقولي له اني هقول لمراتك انك عايز ترتبط فيا
حسنا الله ونعم الوكيل
ده شخص غير محترم باالمرة
ازاى يكون متجوز وعندو اولاد ويعمل
كما تدين تدان ولو بعد حين
والحمد لله انك فوقتى
ربنا يوفقك
دانتى عاقله جدا والحمد لله انك فوقتى من الوهم ده والله يسامح اب والام عشان لو ما شابعناش من حبهم ماكناش باصينا لاب اكبر منينا فى السن وينبص له كازوج وحبيب
اولا احب أشكركم على وقوفكم جنبى أحب أشكر smsm (سيد من المطرية )
لانى بالفعل بعمل بالنصيحة وبدأت ابعد عنه خالص وحتى لو كلمته بكلمه بكل برود
2: الى الاخ كمال والذى علق ” انتى غلطانة انك سمحتى لنفسك انك تقربى من ذلك الشخص ” انا فعلا اكبر غلطانة وبتمنى من كل قلبى ان ربنا يغفرلى
3: بشكرك كتير يا ” أختك بالله ” وتأكدى أنى بعمل بنصيحتك فجزاكى الله كل خير
4 : بشكر كتير “هاجميه” وفعلا انا لو كلمته بكلمه بكل سخرية وبدات اوضحله عيوبه .
5 : الى السندباد أنا مجروحة منك كتير لانى انا عارفة انى انا الى وضعت نفسى فى المشكلة دى بس اقسم لك بالله انى كنت لا اراه الا انه ابى وخاصة ان والدى متوفى اما بالنسبة للفلوس فهى آخرشئ ممكن افكر فيه لانى استطيع باذن الله ان اصنع بيدى مستقبلى
6 : “أبو يوسف ” “جرحك أبكانى” انا عارفة انى مخطئة وأكيد ربنا هيعاقبنى بس اقسملك بأنى حاولت كتير جدا ان ابعد عنه ولكنه بحيله الماكرة كان بيرجع تانى دى حتى آخر مرة بعدت عنه 7 اشهر وكنت لا أجيب على مكالماته وفى أحدى الايام بعث لى مع احد اقاربى انه يريدنى للاهمية القصوى فذهبت اليه وألى انه عايزنى اسامحه وان الموضوع كان هينفع لو انا اريباله فى السن شويه عن كدة والى شوية كلام حسسنى انه كده خلاص كل حاجةانتهت فرحت كتير وحسيت براحةقلبى لم احس بها من قبل بس كلمنى بعدها بحجة الاطمئنان عليا بس انا لغبائى وسزاجتى كنت برد عليه عادى واكلمه وفى يوم فوجئت بانه بيقولى انا لازم اتجوزك ويأما أتجوزك ياأما تموتى ومن ساعتها مش قادرة ابعده عنى رغم انى اولتله انا لا يمكن اعادى اهلى عشان خاطر اى مخلوق فى الدنيا وانى مادرش اتجوز واحد متجوز غيرى بس برده لم يقتنع والى مهما تبعدى مش هسيبك وتأكدى بأنى استحالة اسبك لحضن واحد تانى حتى لو هيكون فيها موتك.
7:الى ” لولى 12″ شكر خالص على نصيحتك وفعلا هخليها فى بالى دايما بس احب أرد على تعليقك ” يا خوفى لا تكونى انتى ضعيفة ” انا ممكن أكون ضعيفة شوية بس عدم ايقافى اوردعى للشخص ده من الاول لانى أعرفه منذ 4 سنوات منهم سنتين كنت اعتبره ابى لدرجة انى فى يوم قولتله انا نفسى اناديك ابى فرد عليا وقال لى بأن الاب أب لاولاده فقط والكلمة دى جرحتنى وظللت بعدها فترة لا اكلمه . بس هو مشكلته الكبيرة انه يجرح بس ميتجرحش وده كلامه ليا لانى فى مرة بعدت عنه وهو لم يستريح الا بعد ما قابلنى وقال لى انتى ازاى تبعدى عنى ومترديش على تليفوتاتى انا الراجل يعنى لو حد كان المفروض يعمل كده يبقى انا .واحسست من كلا مه انه لم يهمه بعدى ولكنه فى اى شى ينظر لها من وجهة نظر انه الرجل وهو الذى يحق له عمل اى شئ لذلك هو واخد الموضوع تحدى .
8 : الى saad بشكرك خالص وبالفعل انا بدات انى ابعد عنه نهائى.
9 : الى الاخ magdy بشكرك لنصسحتك جدا لان فعلا رأيك ريح قلبى شوية .
10 :الى الاخت nano شكرا لنصحيك بس يا ريت تعتبرى من قصتى هذه لانى اخشى عليكى وخاصة انى اللى عرفته ان المتزوجين خاصة بيفكروا فى البنت بطريقة خاطئة .وربنا يغفر لنا جميعا.
11:الى الاخ” كوامبو ” رايك جميل جدا جزاك الله كل خير.
12: شكرا ليكى يا shimooo ويا ريت تدعيلى ان ربنا يسامحنى ويخرجنى من المحنة دى على خير.
13:الى الاخ “abdo” انت عندك حق لانه فعلابيخاف على نفسه كتير أوى وباذن الله هغير شريحة موبايلى اليوم.
14:الى ” حل ” انت كمان محق جدا لانه فعلا شهوانى ربنا يهديه للحق.
15:الى “ادهم” شكرا خالص لردك واحب اطمنك انى كلامى معاه اصلا كلام عادى جدا واصلا هو ميقدرش يسجل حاجة لانه بيخاف لمراته تشوفها.
16: “سندباد دمياط ” كلامك عجبنى وتأكد انه مش ماسك عليا شئ اما انى ابلغه انو عاااار على الرجالة فسامحنى ممكن مقدرش اقولهاله دلواتى انما اكيد هبلغهاله بعد كده .
بشكر كل من ساهم فى حل مشكلتى وجزاكم الله كل خير ويا ريت تدعولى ان ربنا يسامحنى ويرزقنى بمن يتقيه ويخافه .
والله الحب مالوش سن ولا له معاد المهم انه يكون من القلب بخلاف انا شايف البنت دى جميله اوى اوى ….
المهم ان اكون بحبها بجد وفى مشكلتك هو مش يقدر يقول لاهلك حاجه وخصوصا ان فرق السن كبير اوى هيروح يقلهم ايه انا على علاقه ببنتكم( ابسط حل من والدك ان مش مكسوف على دمك تكلم واحده قد بنتك) اهم حاجه انك تبعدى عنه متخلهوش يشوفك ما تحاوليش تدخلى معاه فى اى نقاش وان جت فرصه واتكلمتم اتكلمى معاه ببرود وماتحسسهوش انك خايفه منه وان شاء الله هو هيحس على دمه ويبعد عنك وربنا يوفقك ويخرجك من الى انتى فيه سيد من المطريه
اسمعينى كويس انتى اللى غلطانة من الاول انك سمحتى ليه ولنفسك انك تتقربى من هذا الشخص الغيل مهذب ذى ما الصديقة نانا قالت فالاول سيحى لة وحاولى تسجلى له مكالمة تليفون وحولى انك توقيه فالكلام فى هذة المكامة وبعد ذالك هددية انك هتقولى لبباكى لهذة المكالمة ةهتقولى لزوجتة دة الحل الصحيح
اتركيه الله ينتقم منه اذا هو هددك انتي كمان هدديه انو انت حتقولي لزوجته انو بيطاردك ويريد يتزوجك ولا تخافين منه احسن ماتتمادي معاه اكثر واستغفري الله وتوبي اليه واعرفي انو عمر العلاقات ماتسعد الانسان لانها محرمه والزواج هو الحل الله يفرج همك
بصى هما كلمتين الراجل دة ضعييييييف جدا لا يمكن يفضحك عند اهلك نهائى لان مافيش حد هايصدقه وممكن ليكى بكل سهولة تكذبيه ولو حد فاتحك فى الموضع دة من اهلك كل اللى عليكى تقولى هو عم فلان بيقول عليا كدا ليه هو عبيط انا بحترمه زى ابويا وبس وكل الناس هاتصدقك بس انا خوفى لاحسن انتى اللى تكونى ضعيفة !!!!!!
اتقى الله وابعدى عنه با الحسنه وان شاء الله يعوضك احسن منه يارب
انا عارفة ياجماعة انى غلطانة كتيييير أوى بس والله قربى منه كان بصفاء نيةوخاصة انى محرومة من حنان الاب ومليش أخوات أولاد عشان أصاحب حد وأتكلم معاه ومفيش حد فى أهلى سنه قريب منى عشان أصاحبه حتى كان ليا صديقة كنت أحبها أكثر من نفسى وفجأة أكتشفت أنهابتخونى وبتنقل اخبارى لاى حد من ورايا لذلك قربى من الشخص ده انا بسميه نقص حب او احتياج لحد كبير لاخذ رايه لانه لما قلى انه بيحبنى محستهاش بل صدمت اولا لانى مكنتش اظن انه بيفكر كده وانا عارفة انى مذنبة بس املى فى ربنا كبير انه يسامحنى ويغفرلى لانى خايفة من عقابه أوى وعلى فكرة كلامى معاه فى التليفون كان عادى جدا وانا بدات بالفعل انى ازهأه منى واوضحله انى خايفة من عقاب ربنا بس هومش مقتنع بكلامى رغم انه المفروض يكون بيعرف ربنا أكتر منى ادعولى أخرج من الازمة دى بسلام لانى مش مستريحاله
حاولى تسجيليلة مكالمة او تاخدى منه حاجه يكون دليل علية لو رجع يهددك انت كمان هددية ودقه بدقة او اطلبى منه حجات تعجيزية حتى يمل منك ونكدى علية قبل متجوزية عشن يعرف انك نكدية وميفكرش فيك وعرفية بعيوبة وانه اكيد عنده مشاكل جنسية
والله انتوا بتحطوا نفسكم في مواقف مش حلوه خالص اذا كان هو اكبر منك بكتير تفتكري هيعوز منك ايه غير الشهوه طبعا مبتفكروش في حاجه زي دي كل همكم انه راجل وممكن يكون عنده فلوس وما شابه ذلك (انا لله وانا اليه راجعون )
اعتقد ان العلاقات دائما لها طرفين – فلما الهجوم على الرجل فقط – أليست هى مخطئة اكثر منه- بالتأكيد هى التى شجعته على ذلك وما خفى أعظم
عايز اقولك حاجه مهمه وياريت تقريها كذا مره
الانسان ده جبان ما يمتلكش اى شجاعه يقول لحد اى حاجه
ازاى هيقدر يقول لأهلك انا على علاقة ببنتكم
صدقينى جبان
اتصلى انتى بيه وهدديه انك انتى اللى هتقولى لاهلك على تهدديه لكى وهما اللى هيتصرفو معاه وخليكى جد معاه لابعد الحدود وما تدخليش معاه فى نقاش
جربى وان شاء الرحمن هتدعيلى
اما الاخت نونه ربنا يسامحها فى اللى بتعمله فى نفسها وفى اهلها
و الله انتي لفتتي انتباهي لحاجة مهمة جدا انا كمان بحب رجل أكبر مني ب 30 س20 متزوج و هو كمان بيحبني لمن كل الي حولي شايثن انو ده غلط و عمري مقتنعت برأيهم انمل بعد الي انا سمعتو منك بدا لي انو نهايتي هتكون كده لازم انسحب بقى و انا بقولك متخافش من تهديداتو قولي لو اعلى ما في خيلك اركبو
سيحي له هدديه انك هتقولي لمراته ويا ريت تسجلي له التهديد الي بيقوله لك ولو فيه حد كبير من عيلته الجئي له وعرفيه ان مش كل الطير لحمه يؤكل ولا تستسلمي لتهديداته ابدا
لازم تبعدى عنه فورا وعلى فكره قوليله انه لو قال لاهلك مش حيعملوا حاجه وحايسمحوكى بالعكس دول حيستحقروه وحيفضحوه عند مراته ويقولولها انه ضحك عليكى.ولو فعلا قال لاهلك بجد حيزعلوا منك شويه وبعدين حينسوا مهما كان اهلك صاعبين
والله انا مشكلتي ذيك بالظبط بس ياريت تحافظي علي نفسك وتتقي الله فيها لاني ده المخرج الوحيد ليكي وقوليله قول لاهلي لو انتي كنتي ماشيه صح معاه متخافيش من حد وطول مانتي مع الله ماتخافي
ابعدى عنة باى طريقة غيرى تليفونك ولو ساكن جانبك حاولى انك ما توريهوش نفسك اما بالنسبة انة يقول لاهلك مش هيقدر يعمل حاجة ذى دى لا نة هيخاف على نفسة قبل ما يخاف عليكى واصحى لنفسك شوية
علاقتك بيه من وراء اهلك غلط
اذا هددك معناه عاوز ياخد منك حاجة
ابعدي احسن
اذا نفذ تهديده وكلم اهلك انكري
يهددك ازاى
اذا عمل حاجة ابقى قولى عليه انه كداب
وطالما انت معملتيش معاه حاجة غلط يبقى تخافى من ايه
الخوف الحقيقى اذا كان مسجللك مكالمات صوتية تدينك او مصورك فيديو
غير كده طظ فيه خليه يشرب من البحر
لأن اى حاجة يعملها لا هى هتفيده هو ولا هتضرك انت
احمدى ربنا انت اخف من مشكلات بنات كتير
ومدام مفرطيش فى شرفك واخلاقك يهون اى شىء اخر
واذا كانت غلطتك انك حبيتى واحد قد ابوكى نقول الحب مش عيب لكن المرة الجاية لازم تدققى الاختيار وتختارى الشخص والسن المناسب
اولا انتى غلطانه اوى وان كان ماسك عليكى دليل على العلاقه تقه مشكله بس لو كان ماسك يبقه هيطلب منك الزنا فى الحاله دى يبقه لو اهلك عرفم هيكون ارحم ما تقعى فى زنا او ما شابه ذالك اما لو مكنش ماسك فيدرب دماغو فى الحيط ويا ريت تبلغيه انو عااااااااااار على الرجاله