عندي 49 سنة بعتبر نفسي شاب رغم عمري يمكن لاني قضيت شبابي بكافح في الغربة مع الحياة شوية لفوق وشوية لتحت واخيرا رجعت لبلدي مطلق منذ 13 سنة وعندي ولد وبنت تقريبا معرفش عنهم حاجة لانهم مع امهم وهيا عاوزة كدة وبعد تعب لقيت شغلانة في بلدتي الصغيرة مدير عام بإحدي الشركات وبحكم تواجدي في المعارض لفت نظري بنت صغيرة عندها 25 سنة زي نور الشمس كلها جمال ورقة وحنية وكمان بنت ناس كويسة انا قولت لنفسي فية فرق 25 سنة يعني ضعف عمرها ابعد وانتا الكسبان ثم انك مدير عام والغلطة بفضيحة وعلشان القلب يحكم مافيش فايدة كلمتها وبرقتها الزايدة شجعتني فزودت في الوقفة وبعدين هدية صغيرة مع كلام حلو شبة صريح وانا عارف ان العلاقة شبة مستحيلة لكن قلبي قالي ومالة لو بتحبك اتجوز علي سنة اللة وكلام في سلام وبوكية ورد هدية دخلتة المعرض سرقة زي اللي عامل عاملة وانا حاسس ان الموظفين الصغيرين عارفين وبيضحكو علي المدير الكبير الحازم ا لكن ضحكة عينيها وابتسامتها الجميلة وكلامها الحلو خلتني افكر ازاي اقرب اكتر عشت حلم جميل وردي لغاية النهاردة اتصدمت زي الافلام !
رحت الصبح كالمعتاد ملهوف ومشتاق قالتلي صاحبتها في المعرض انها زعلانة وعندها مشكلة طلبت منها تطلعلي المكتب .. طلعت وحكت وعيونها بتترجاني افهم اللي بين السطور بتحب زميل ليها في المعرض ابوها جايب لها عريس حبيبها مش قد المقام امها قالت زعلانة ومش عارفة تعمل اية هيا اللي كانت بتحبة في صمت لست شهور امها عارفة ….. حسيت الدنيا بتضحك بكل قوة وهيا بتطلعلي لسانها يالا ياعجوز يااهبل ضحكت الناس عليك لفت الدنيا بيا دقيقة وان بداري احراجي وكسوفي من 10 دقايق كنت بفكر ازاي اتقدم ليها ودلوقتي بقيت مجبر اتكلم معاها كأب عاوز يطمن علي بنتة هديتها طمنتها قولت لها يازين مااخترتي عيشوا عمركم حبوا ودافعوا عن حبكم اديتلها نصايح كما لم افعل مرت لحظات لمحت في عينها السعادة انها دافعت عن حبها قدام اللي جاي يشتريها وكادت تاخد بالها من دمعتين وقفوا علي عيوني عاوزين يقولولي لية ؟؟؟
ودعتها وقلت لها انا جمبكم ومعاكم ومكتبي مفتوح ليكي في اي وقت .. بحبها وبتمنالها كل الخير هيا مغلطتش انا الغلطان واخدت قلم العمر
مشاكل الحب الفاشل
قلم العمر
اضيف بتاريخ: Saturday, September 3rd, 2016 في 04:55
كلمات مشاكل وحلول: الحب, بنت, شاب, مطلق
كويس انها جت علي قد كدة و نقول الحمد لله في الاول و الاخر ربنا بيحبك
و عادي ان يبقي فيه حب رغم فرق سن كبير و كمان اوقات بيبقي متبادل بس بيبقي كل الناس عارفه انه مينفعش
حاول تشوف واحدة ترتبط بيها و يكون فرق السن من ١٠ ل ١٥ سنة مثلا و عيش حياتك اللي معشتهاش مع حد اصغر منك من غير ما تظلم نفسك برضه او تظلم حد و تعوض اللي هترتبط بيها عن اي مشاكل مرت بيها
اخي عايز اضرب لك مثال وهو انني في مثل عمرك 49سنة ومتزوج مرتين الاولى ام اولادي ولها معي 25سنة والثانية فتاة عندها 22سنة وقد تعرفت عليها عندما جاءت للعمل في الشركة وحصل تفاهم وارتياح مني تجاهها وبعد فترة صارحتها بحقيقىة مشاعري وابديت رغبتي الجادة في الارتباط بها وطلبت منها فرصة للتفكير والرد علي وبعد مرور اكثر من 7شهور اعطتني الموافقة وذهبت لامها واخوها الاكبر لكي اخطبها رسمي لان والدها متوفي وفعلا تمت الموافقة والقبول من اهلها وتمت الخطوبة والزواج بعدها بشهرين وتزوجنا والحمدلله وقررت ان تترك العمل وتتفرغ لبيتها وحياتها الزوجية وهي الان حامل ونننتظر مولود جديد وربنا يقومها بالسلامة نشاء الله
اخي انت انسان رائع بمعنى الكلمة ومحترم وتستاهل كل الخير لكن للاسف الشديد خجول زيادة عن اللازم وخجلك ده ضيع شبابك وعمرك وقتل مشاعرك تجاة اي انثى سوف تقابلها في حياتك وكونك مطلق من زيجة فاشلة لايعنى انك شخص فاشل في حياتك الزوجية بس الخجل الزائد معك قد يحبطك ويستمر معك مالم تتخلص منه وتبادر الى مصارحة الانسانة التى تفكر في الارتباط بها وتمتلك الشجاعة والجراة وتعبر لها عن مشاعرك وعواطفك نحن في زمن اصبحت الانثى اكثر جراة من الرجل في مشاعرها دون خجل اواستحياء ليس في العمر ماتبقى انت 49سنة عش حياتك مثل بقية الرجال وتزوج واحسن الاختيار للزوجة من كل النواحي ودع عنك الكسوف والخجل والاستحياء وربي يكرمك بالزوجة الصالحة اللي تكمل معها بقية حياتك وتلاقي السعادة وراحةالبال والاستقرار معها في الحياة