انا محتاجه حد ينصحني ضروري اعمل اي :
اسفه لو كنت هطول شويه لكن مشكلتي حصلت لما حبيت شاب بس هو كان متدين اوي وكان بيقول كلامنا حرام واهله عرفو وساعتها كنا صغيرين ع انه يخطبني ف اهله منعوه وحاولت ساعتها اوصله باي طريقه معرفتش لكن هو محاولش خالص وانا مقدره كل الظروف الي فيها والمشاكل الي حصلتله بسببي وبعدها يأست من اننا نرجع لبعض بعد ما استنيته سنه كامله وهو محاولش يكلمني حسيت ساعتها باحساس وحش اوي لانه كان اول حب ليا واكتر حد حبيته ف الدنيا دي ولاني مكنتش اعرف عنه حاجه لبعد المسافه الي بيننا !! .. بعدها بفتره بالصدفه كمان حصلت اني حبيت واحد مع اني كنت متخيله اني محبش تاني لكن دي صدفه وربنا يعلم !! .. فضلنا نتكلم سنتين لكن للاسف كان طبعه وحش اوي كان بيشتمني ويهزقني وانا كنت بستحمل لان عندي احساس بالخوف ان اي حد اتعلق بيه يبعد عني تاني ف كنت بقبل وبرضي وكان طبعه وحش اوي غير ان مستواه المادي تعبان جدا ومفيش توافق بينا وانا كنت راضيه بكدا بالعكس مش بعيبه .. بس كنت بستحمله كتير اوي وبستحمل مشاكله الماديه وهو مكنش بيقدر وكان بيردهالي بالوحش اتكمنا سنتين بس لحد ما زهقت وسيبته وهو معتقد اني سبته علشان السبب ده لكن ابدا والله انا سبته بسبب طبعه وتهزيقه ليا ومعاملته الوحشه وكان بيظلمني كتير .. هو دلوقت بيحاول يكلمني وانا برفض وف وسط كل ده كنت بحاوب اوصل لحبيبي الاولاني ف تشابه اسماء كلمت واحد غيره وكنت فكراه هو واتعرفنا وكانت صدفه غريبه جدا لانه كان جاره وساكن معاه ف نفس المكان بس الشخص ده اتعلق بيا وقالي انه عاوز يخطبني وانه مش هيقبل نتكلم غير بخطوبه غير اني شفت حنيته ليا وحبه وطيبته …. لكن انا بعد الي حصلي ده دلوقت ومش قادره احب حد ولا اتعلق بحد ساعات بحس ان عندي حاله نفسيه مبقتش افرح بجد من قلبي ولا احس باي مشاعر حتي ف حياتي العاديه .. انا خايفه يكون ده فرصتي الي بضيعها وخايفه ف نفس الوقت اظلمه وانا مكدبتش عليه وقلتله الكلام ده وهو متفهم جدا .. يا ريت تنصحوني اعمل ايه
مشاكل الحب الفاشل
خايفة احب وارتبط بعد علاقات حب فاشلة
اضيف بتاريخ: Saturday, August 5th, 2017 في 23:49
كلمات مشاكل وحلول: الحب, بنت, حب, شاب
انت تعاني من فراغ عاطفي كبير في حياتك يجعلك تلهثين وراء الشياب دون وعي ولاتفكير لعواقب ماتفعلين من تصرفات محرمة وغير اخلاقية قد تجلب لك ولااهلك العار والفضائح لم تستفيدي مما حصل لك من تجارب فاشلة وعلاقات وبرضو مستمرة في الخطا وطريق الضياع اتقي الله عزوجل في دينك وفي شرفك واخلاقك وفي اهلك وتربيتهم لك وابتعدي عن هذا السلوك المشين اللي انت فيه واحرصي على التقرب من الله واداء العبادات له من صلاة وصيام وقراءة للقران والاستغفار والدعاء له سبحانه بان يكرمك بالزوج الصالح في حياتك وتاكدي بان الله سوف يكرمك ويفرج همك ويجعلك مخرج مماانت فيه ويوفقك ويسترعليك ويصلح حالك ان شاءالله تعالى
مشكلتى انى مطلقه وبحب ابن خال ماما وهو بيحبنى ووالدته مش موافقه نهائى لان هو متجوزش قبل كده وهى شويه بتقوله براحتك اعمل إللى انت عاوزه وشويه بتقوله لا ومش عارفين ايه الحل ارجو الرد مع سرية الأمر