أولا السلام عليكم أرجكم إنكم تسمعوني لأني محتاجه لنصيحتكم
أنا عندي 16 سنه في الأول كنت بحب واحد زميلي، كنت بحبه بجنون لدرجتي إني كنت ببكي كل يوم قبل مأنام بعدين إكتشفت إنه مش بيحبني!
أنا كنت مجروحه جدا مش ليا إخوات بنات ولا ليا أصحاب أحكي لهم المهم إبن عمي ساكن معانا في نفس العماره وكل أولاد عمي إتنين وبعدين إبن عمي ده عنده 17 سنه كان بيطلع عندنا علشان يصلح الكمبيوتر وينزل أغاني أفلام وهكذا
وبعدين إبتديت أحكي معاه وقلت له علي حبي بكل التفاصيل هو كان بيسمع ليا منغير ميتكلم وفي يوم قال ليا إنت مش في وعيك هو مش بيحبك هو بيلعب بيكي أنا إبتديت أفكر في كلمه وحسيت إنه صح مع مراعاة إني عمري مكلمت إلي بحبه، إبتديت أفكر في واحد ينسيني حبي الأول فكرت في إبن عمي لقيته أنسب واحد كنت شيفه مؤدب شيك محترم وكل الميزات وكنت بشوف فيه إنه مهتم بيا أكتر من أولاد عمي إلي في سني، إبتديت ألمح له وهو كذالك المهم دنتني وراح لحد مخليته يقول{ أنا بحبك} بس برضه مش إستريحت معاه بعد فتره هو إتأكد إني بحبه ومش أقدر أستغني عنه إبتدا يهمل ويبعد وبعدين في مره إيجا ليا وبعدين قعد وقال ليا أنا حلمت بيكي قلتله حلمت بيه قالي حلمت إني بوستك أنا دهشت وسكت وهو كذالك وبعد يومين قال أنا نفسي أبوسك أنا دهشت أكتر وسكت قال يعني إنت مش عوزه قلت أيوه ومره تانيه قال أنا عمري ماأعمل معاكي حاجه غلط أنا قلت أنا مصدقك وأنا مستغربه هو في أزهر وحافظ القرآن كله وبيصلي الفروض كلها في الجامع حتي الفجر إذي يكون عيز يبوسني؟
ولما يكلمني بيحط إيده علي وجهه برفق أنا مش كنت عرفه أعمل إيه كنت حبيته ومش قدره أستغني عنه وفي يوم من الأيام كنت عندهم وكنت بلعب في محموله وبعدين جبت الرسائل وشفت رسائل غربيه أكتر من 10رسائل وراء بعض من نمره بإسم ولد وفيها بحبك وبموت فيك هي مبعوتها له أنا قلت له دي بنت إلي بعتالك الرسايل دي صح مش إبتسم ومش رد عليا أنا قلت له إنت كذاب ومش بتحبني وبعدين سكت شويه، كان قاعد وبسمع أغاني وبشرب عصير وأنا قدامه هموت من الغيظ وهو قال ليا تشربي عصير قلت له بص إنت في حالك وأنا في حالي ومشيت إتصلت عليه في يومه علشان أفهم إيه الرسايل دي مش رد عليا وقفل المحمول قبلته بصدفه قلت له بص إنت بتحبني ولا بتحبها قال هي مين دي أصلا قلته صحبت الرسايل سكت ومش رد وبعد فتره رجع ليا تاني وقال كل حاجه ترجع ذي مكانت الأول أنا علشان بحبه قلت ماشي بس هو قال أنا في 3 ثانوي ولازم أذاكر علشان أنا عوز أدخل كلية الطب أنا قلت موفقه بس من أيام قريبه عرفت من بنت عمي إنه كان بيكلم وحده علي التليفون وماشي معاها أنا قلت له هو نكر ده تماما وقال من إلي قال كده المهم هو مش موضح ليا إنه بيحبني ولا لا هو ساعه يحسني إنه بيموت فيا ومحتاج ليا وساعه بحس بعكس كده وأنا مش مستحمله أروح له تاني وأجرح كرمتي ومش قدره أبعد عنه أنا بحبه جدا ومش عرفه أعمل إيه
أسفه علي التطويل بس أتمني إنكم تنصحوني وتعتبروني أختكم ومش تبخلوا عليا بإجباتكم
الحب بين الاقارب
أحب إبن عمي ومش عرفه أعمل إيه
اضيف بتاريخ: Wednesday, January 11th, 2012 في 23:37
كلمات مشاكل وحلول: ابن عمي, الحب ما بين الاقارب, مشاكل الحب
الحب جميل استمري انابشجعك يمكن يكون من نصيبك
انصحك انك تبتعدي عنو لانو كداب لوكان يحبك ماقلك عاوزابوسك هو مابحيبك دي حركات عيال صايعين وعيال شوارع وانا بعرف حزكات العيال
انا بنت بعمرك وبقول لكي ازا انتي شاكة في لا تكملي معا لانه اهم اشي بالحب الثقة
لاطبعا هو مش بيحبك لانه لو كان بيحبك كان خاف عليكي والمفروض انه اصلا ابن عمك يعني يخاف عليكي من الناس مش يطلب هو كده
شوفي انا هنصحك نصيحه اخويه ، انا ولد و فاهم تفكير الولاد ابن عمك ده لا بيحبك و لا عمره فكر في كده و انتم الاتنين قادم بعض طول عمركم زي ما قلتي مع بعض في نفس العماره لو كان في اعجاب بينكم كان ظهر من زمان و هو من الي انتي قلتيه شكله كده بتاع بنات و موضوع انه حافظ القرآن و بيصلي الفروض انا اعتقد ان ده بسبب ان عائلته متدينه و ان والده فارض عليه كده و ده الي مخليه مسمي البنت التانيه الي بيكلمها باسم ولد و ده لان تقاليد عيلته متسمحلوش انه بكلم بنات اظن كده و ان كل ده بيبقى عن غير اقتناع عشان كده مبيعملش بيه ، فمن الاخر هو عمره ماحبك و كل الي في دماغه انه يتسلى بدليل لما قلك ابوسك و كده لان الي بيحب بجد عمره مايقبل على حبيبته كده لانها المفروض هتبقى مراته بعد كده و حتى البنت الي بيكلمها دي هتلاقيه بيتسلى بيها .
انتي بقى المفروض متقبليش على نفسك حاجه زي دي راحت فين كرامتك ازاي تقبلي على نفسك ان واحد يهينك بالشكل ده انا مقدرش افسر حبك ليه ده غير انك كنتي عايزه جد يشفيلك جرحك من حبك القديم لانك المفروض لما تحبي حد تحبيه عشان بيحترمك و بيصونك و كمان الحب انك تشوفيه بيعمل مواقف تثبت رجولته وشهامته مع بنت عمه.
نصيحتي ليكي و انتي زي اختي …. انتي شكلك بنت طيبه و متعاملتيش كتير ابن عمك ده المفروض كل علاقتك بيه هي صلة الرحم وبس ، انا عارف انك هتقولي بحبه و بضعف لما بيجيلي و الكلام ده و الي عندي و الي اتمنى انك تعمليه لازم تعرفي انك لو كملتي معاه كده ممكن تحصل مصيبه لاقدر الله لانك طيبه و على نياتك و ممكن يضحك عليكي بسهوله عايزك تتخيلي ده و تعيشي الوضع كانك فيه و تشوفي هتعملي ايه ساعتها دي اول حاجه تاني حاجه و دي الاهم لازم تقنعي نفسك و انتي متأكده انه مبيحبكيش و انك اصلا مبتحبيهوش لان هو معملش تخليكي تحبيه …
يا رب اكون افادتك وربنا يوفقك
اولا احنا بنات زى بعض وف نفس العمر
انا عندى حل لازم تكونى قادرة ع تنفيذه
استجمعى قوتك وافهمينى انتى تروحى تساليه
وتقلبى الموضوع بجد وتساليه اذا كان بيحبك
وميعرفش حد غيرك لو اتهرب منك تمسكى دراعه
وتضربيه الم على وشه وتقوليه كلمه واحده
انا ندمانه على حبى ليك وتسبيه وتمشى وانا
متاكده انه هييجى راكع
وبردهف الاول لو قالك انه بيحبك لو حستيها
بجد خليكى عادى وبصى فى عينيه وهى اللى هتحكم
لوحسيتى بخداع تعملى زى ماقولتلك
ردى عليه لما تقرئى الرد وانا هتابعك كل يوم
اختى انا شاب فى نفس سنك على فكره هو محلمش بيكى ولا حاجه دى بيعتبرها وسيله كى يقرب
منكى اكثر من اللزوم احنا شباب وفاهمين الحوارات دى نصيحه حرصى منه لان هو لو بيحبك عمره
ميقلك الكلام ده حتى لو حصل فعلاا
كفايه تشويه فى مشاعرك انتى اهم حاجه عندك انك عاوزه تغطى على حبك القديم لكن غلط اللى انتى بتعمليه الانسان لما يخرج من علاقه فاشله بيدى لقلبه مهله علشان يصفى قلبه ويكون قادر على خوض تجربه حب بجد ادى لنفسك هدنه شويه اللى انتى بتقوليه ده مش حب متبحثيش عن الحب الحب هييجى فى وقته ركزى فى مستقبلك فقط
ههههه ايه لعب العيال دهـ .. علي فكرة انا مش كبير اوي يعني
بس شايف ان ده حب مراهقة مش اكتر وخلي بالك منه علشان شكله نمس وممكن يوقعك في الغلط
حذاري منه ولا يحط ايده علي خدك ولا هباب عيب مايصحش تسيبيه يعمل كدهـ
فكري في دراستك وانت عندك 16 سنة يعني المشووار طويل قدامك ان شاء اللــه
اولا انا حسين 18 سنه انا حبيت كتير بس كل اللى اديته حبى يخونى بس هو طبيعت الانسان اللى ينفضله يموت فيه واللى يحبه يطنشه يعنى انا حصل معايه وحبيت اول مره فى حياتى كلمت واحده وحبيته اكتر من حياتى بس جرحتنى بس الانسانه اللى تجرح انسان تبقى متستهلوش معلش يعنى فا نفضى وعيشى حياتك ودا درس اتعلمت منه كتير لدرجه انى اكلم اى بنت متفرقش معايه تسيبنى تمشى مع غيرى لانى عارف اللى هيحصل بس هى حكايه قلب بيتحكم فينا ؟؟؟؟؟؟يعنى المطلوب منك اللى مش مهتم بيكى اظهريله انك مش مهتميه بيه ولا يفرق معاكى بشئ وكل ما تشفيه ما تحسيش انك هتموتى عليه ولا اكنه يفرق معاكى فى الحاله دى هيحس بى انه بنسبالك ولا حاجه وهتلئيه رجعلك هو وفى الحاله دى ارفضى باى باى ياقمر