أنا عندى 20 سنه
الحمد لله عمرى ما كلمت ولاد ملتزمه لأن اللى يمسنى هيمس أهلى وأهلى ميستهلوش إلا كل خير
المهم أنا ليا ابن عمى 27 سنه ابن عمى دى هادى جداً ومش من النوع الرغاى احنا عشنا عمرنا كلو كان يتكلم ف المناسبات :))
بس ع ما الواحد بقى ف 2 ثانوى كده كان بدأ يتكلم ويهزر زى بقيه خلق الله
أنا معجبه بيه أو بحبو أو بفكر فيه أياً كان المصطلح من وأنا ف أولى ثانوى , ويعتبر السبب الرئيسى للأعجاب ده أيام المراهقه مامتو كانت كتير تلمح انها عايزنى ليه , طبعا بتفكير بوجى وطمطم وقتها اعتقدت ان ف حاجه من ناحيتو ليا فضلت ف أفكارى كده سنين
المهم : من حوال 2 سنه و نص عملت أكونت ع الفيس بوك وضفتو أكيد لأن أقرب اقرايبى هما ولاد عمى
و ف مره قاعده ع الشات دخل يكلمنى وطلب يضيفنى ع الميل وضافنى وهو مدخلش كلم حد من أخواتى سواء ولاد أو بنات قبل كده , وقاعدنا نشيت حوالى 2 ساعه -وقت كبير بالنسبه لأنسان طابعو هادى وساكت- وكلام بلا توقف هزار وضحك كلام عادى أقولوا قدام اى حد وهكذا كان حوالى مرتين ف الأسبوع أو تلات مرات شات كل مره ساعتين كان يدخل أوف لاين و كان ساعات يقفل مع صحابو ويكلمنى وقتها جه ف بالى أنو معجب بيا , وأختى كان رأيها كده وأى حد سألتو كان رأيو كده
ولكنو كان يقطع ساعات ومش يكلمنى بالشهر وزياده وفجأه يرجع تانى وكومنتات ع الفيس وهو بطبيعتو مش كده
والله ساعات يقولى هييدخل النت امتى ويقولى ابقى ادخلى , وساعات يتحايل ماقفلش وافضل اشيت معاها وده كلو ف حدود القرابه يعنى أنا الحمد لله عمرى ما قولت كلمه ع الشات اخجل اقولها قدام والدتى الحمد لله كلام كلو عادى كلام قرايب , ف النهايه القصد كان يفضل يشيت لحد م نوصل نبقى اصحاب قوووى وفجأه يقطع ويتصرف كأنو اساسا ميعررفش حد بالأسم ده ع الفيس
أنا إلى حد كبير بطلع الحوار الزفت ده من دماغى لأنى تعبت كتير 🙁
بس بجد عندى حب استطلاع افهم بس ايه الحوار , لو أى حد عندو فكره يقولى
اه ولصاحبتى رأى مهم ف المجال ده ” بتقول ده تعبان وناوى يجننك ”
شــكــراً قــوى ومعلش للتطويل وياريت الناس ترد عليا
وانابدات احس ان هناك شيئ في قلب ثجاه ابن عمي لكنني لاارف احساسه وانا لن اتسرع ولن انطق بشيئ حتى اتاكد لكن انتي ادا كنتي متاكدة فحاولي ان تبدئي بالمبادرة وتخرجيه من نطاق الكلام العادي خاصة ادا كان خجول
انا كمان زيك بس هوا قالى بحبك وبيعاملنى كويس بس خايف انى مش استناة لما يخلص انا فى تانيه جامعة وهوا فلى رابعا بس انا قلتلة هستناك لاخر العمر واهلى واهلوا عارفين
ع فكره انا شبهك تمام انا كمان معجبة بابن عمى من زمااااااااان اوى بس بتقل عليه وبكلمه عادى جدا وبتظاهر انى بكلم ابن عمى التانى اكتر منه او انى واخده على ابن عمى التانى اكتر منه مع ان العكس صحيح وانا لو بدالك اتعامل معاه عادى جدااا ومادام هو متقلب المزاج بالشكل ده انتى كمان كونى زيه لما يعاملك وحش قيراط عامليه وحش 24 قيراط لان ده حق كرامتك عليك وانا بعمل كده بالظبط والسلام عليكم وشكرا
حاولى تفهاميه اكتر انتى بتققولى انو هادى وممكن يكون طابعو مختلف شويه حاولى تتقلى عليه شويه وبلاش الأهتمام الذايد ولو انتى بس شايفه انو يستاهل حبك اديهولو واعوعى تبخلى عليه بس ياريت تبقى البداية عندو هو خليه بأسلوب البنت الجميله المتحضرة النعمه الرقيقه تخليه يقولك مش بحبك بس لا مقدرش اعيش من غيرك