السلام عليكم..
انا فتاه عندى 19 سنه اتعرفت على شاب من خلال الشات الموضوع دا مضيقنى جدا انا مش بحب الشات اصلا المحب حسيت انى مرتحاله وهو كمان قالى كدا المشكله ان فى حاجات كتير بحس انه بيكدب عليا فيها انا بكلمه ميل بس عمرى مكلمته موبايل ولا هكلمه هو بيقول انه عايز يتقدملى انا مش عارفه اذا كان كداب ولا لا بس نفسى يكون كلامه صح ولو طلع صح وجه اتقدم اوافق ولا اتجوز واحد ملتزم احسن ولو اتجوزته حسه انى مش هبقى مرتاحه عشان اتعرفت عليه عن طريق غلط من البدايه ساعدونى وجزاكم الله خيرا…
بصى يا حبيبتى بلاش حب اصلا هتتعبى والله اعلم اذا كان كويس ولا لا ومتضمنيش ايه الى يحصل وانه صادق ولا لايعنى
بصي النت مش غلط الواحد يتعرف عحد طالما انك واثقة فيه وده اكتر شي انو اتقدملك مادام اتقدملك يبقى بيحبك واتوكلي عالله
كدااااااب كبيرررررر
اسالينى ان على مواضيع النت دى
انا بوافق اخواني اللي ابلي وكلامهم كلو صحيح ميه فل ميه بس خدو بالك توافقي لانه مفيش حب من ورى الشاشه وهو ما شفكيش وانت كمان ومشكلت المراه بتتاسر كتير من الكلام الرومانسي والبها رقيق اوى فاتمنى انك تفكري فالموضوع كويس لانه ده من مصلحتك
لو حاسة انه بيكدب عليكى ومش مرتحالو يبقى ده عامل كويس انك تقدرى تبعدى عنه لكن لو مصدقاه ومرتحالة مش هتحسى انك عاملتى حاجة غلط بالعكس انتى هتكشرى الظروف اللى خلتك تتعرفى عليه بس مدام زى مابتقولى مش مرتاحة يبقى خلاص انسيه وعيشى حياتك عادى والانسان مننا طول ماهو عايش يتعلم وربنا يوفقك انشاء الله
جزاكم الله خيرا كلكم بجد وربنا يكرمكم جميعا وادعولى بالله عليكم انا الموضوع لسه متقفلش وانا عايزاه ينتهى ادعولى ….
انا الدوره بقالها كام شهر ماجاتليش مع العلم انى كنت على علاقه برجل
ان كنت تريد شيئا بشده اطلق صراحه فأن عاد اليه فهو ملكا لك الى الابد وان لم يعد فهو ليس لك من البدايه
وحيات ربنا كل ده كلام فى الهوا انا بقالى 7 سنين هاوى موضوع النت والشات وكدا
خدى من معلومة لوجه الله انتى حاسة انك بتحبيه وهو حاسس انه بيحبك بس والله كل ده عكس
وفترة وبتنتهى ومحدش خالص اتعرف على حد من النت وكملو
انا قلت نصيحتى النت ده ممكن يبقى تسلية شغل اما حب نو نو نو
بالمناسبة انا كل يوم احب ع النت بس عارف راسى من رجلى
بيس انا
أختي الفاضلة
انا كنت بشارك فالشات وعمري ما دخلت على شان أحب وحده كل الشباب يفكر أزاي يجمع اكبر عدد ممكن من البنات ،، وانا ارى فيك انسانه اعلى من هذا المستوى
لذا لو تحج البقرة على قرونها مش حيتقدم لك ،، لأن حينظر لك كأنك لعبة يرميك بعد يلعب
أتمنى أنك ما تدخلي الشات دا أبدا لأنه ياما وياما … الله يغفرلنا ويغفر لك
مشكلة النت والشات ان كله بيكدب ومبقلش الحقيقة ولو كلمتى غيره عاالشات هيقولك نفس الكلام يعنى كله بيضحك على كله وممكن تكونى انتى خايفة لاانك كدبتى عليه انتى كمان ريحى نفسك من الموضوع ده احسن ونصيبك هيجيلك لاتقلقى وسيبك من الشات لانه مكارثة
أختى العزيزه يعنى أنتى بتقولى أنك أنتى مبتحبيش الشات أصلآ وكمان حاسه أنك أتعرفتى عليه بطريقه غلط وكمان حاسه أنه لو حصل أرتباط مش هتبقى مرتاحه معاه وكمان مشعرفه إذا كان صادق ولاكذاب ولاكلمتيه فى التليفون ؟!!!!!!! تبقى أنتى عايزه رد إيه …. طبعآ مرفوض مقدمآ لأنها علاقه فشله من الأساس …………
حب النت مش مشكله المشكله لو مكنتوش صدقين مع بعض لكن لو حكين ظرفكم لى بعض وبصراحه حب زى اى حب والنت شئ مش عيب لان فى كل بيت نت لو عيب محدش كان دخله بيتو فى جوزات كتير تمت ونجحت من خلال النت وربنا معاكى ويوفقك
تحيه طيبه وبعد بصي انتي تستخيري ربنا واكيد ها توصلي الي الطريق الصحيح لان مفيش حد هايطمن الا الله وربنا يوفقك تحياتي مره اخري
لا توافقي علي هذا الزواج لانها علاقة تمت عن طريق النت وسوف يكون هناك علاقات مع اخرين بعد تمام الزواج لانه كما تعرف عليك من خلال النت سوف يتعرف علي غيرك
على العموم بما ان كل عقلك اساسو غلط فالافضل تشوفي الحب البطريقه يريحك انا عايز اقو ان الانت ده مؤسسه زي اي مؤسسه حاجه عاديه زي المدرسه والنادي بس المشكله الناس بتفهمه غلط مش عارف ليه ياختي اذا جد مش مشكله تفهمي وجهه نظرو على الموبايل او يقابلك معاه اختو وانتي يكون حد معاكي
بصي طلما هو طلب يتقدملك صدقيني يبقى انسان كويس علشان هو مش قال انا معجب بيكي وتعالي نتقابل والكلام ده هو بينلك حبه بوقف انه عاوز يتقدملك وده اكبر حاجه تثبتلك انه بيحبك عارفه الحب مش كلام انه كل شويه يقولك بحبك بحبك بحبك لا هو فعلا طلع جاد وقالك اتقدم انما انك اتعرفتي عليه غلط دي ممكن تنسيها لما تتخطبوا وتتعرفوا بجد والله انا حاسس اني اعرف حضرتك مع تحياتي بابا علي علي علي
اقولك حاجة لما اساسا مفيش حب فى الحقيقة هييجى حب من الشات ولو حتى حصل كده وحبتيه عمره ما هو هيكون بيحبك وبرضه لو حصل ده مفكرتيش ان ممكن ييجى فى يوم ويعايرك بانه عرفك على النت وكمان هيبقى الشك فى دماغه على طول ابسط حاجة هيقول فى نفسه هى ممكن تكون تعرلف حد غيرى نصيحتى ليكى على قد ما اعرف عيشى حياتك الطبيعية سلام
احسن حل
انك تقوليله لو انت بتحبنى بجد وعايزنى تعالى اخطبنى ولحد ما يقرر ما تكلميهوش وما تضعفيش قدام كلامه وهو لو بيحبك بجد هييجى يخطبك ولو ما بيحبكيش هيطنش او يخترع اسباب وساعتها هتفهمى
ولو حصل نصيب انتى ما تديلوش حاجه ولا تأمنيلوا الا لما تختبريه كويس عشان تعرفيه كويس وتتأكدى من كل حاجه ولو لقتيه كويس يبقى مبروك عليكى ومش مشكله الطريقه اللى اتعرفتوا بيها ممكن تكون احسن من طرق تانى ومحدش عارف الخير فين والجواز قسمه ونصيب
اما بقى لو طلع مش كويس ساعتها انسيه وانتى مرتاحه لانك عملتى اللى عليكى وما ظلمتيهوش معاكى خدى بنصيحتى واوعى تكملى علاقتك معاه الا لو كان صادق واتقدملك وخطبك وربنا يوفقك
اولا انا نفسي اعرف حضرتك مين والله الاول كده سبحان الله الموقع ده جه معايا صدفه بصي طلما انتي قولتي كده تبقى مش مقتنعه بيه خلاص قوليلوا كده في وشه علشان يبطل يقولك كده تاني على فكره انا حاسس اني اعرف حضرتك
أنا شايف إن الشات فى حد ذاته مش غلط بشرط إن العلاقة ما تكونش أكتر من التعارف بس إذا كان جاد فى إنه يتقدم علشان يخلى العلاقة تكون أكتر من مجرد تعارف ده شىء كويس ، وساعتها من خلال التعامل معاه فى الواقع هتتأكدى من صدقه أو كذبه بس إذا إتقدم لك بشكل رسمى هتبقى بادرة كويسة ، والنصيحة ساعتها إنك تتعرفى عليه من أول وجديد وتنسى كل إللى قاله على النت وتحاولى تتأكدى من كل كلمة قالها على النت صدق فعلاً والا كذب ، بس إذا ما إتقدمش بشكل رسمى إنسى الموضوع ده خالص وما تشغليش بالك بيه لأنه يبقى مجرد كلام فى الهوا وغير صادق
تحية لكى سيدتى…
الفتاة دائماً بحاجة للعاطفة والحب والمودة ودائماً تحاول أن تتبادل هذه المشاعر مع الآخرين خصوصاً من أفراد أسرتها أو صديقاتها، وهذا أمر طبيعي ولا تستقيم الحالة النفسية للفتاة إلا بعد تلبية كل احتياجاتها الأساسية وخصوصاً الحاجة العاطفية وهذا يقع على عاتق الاسرة وخصوصاً الأب والأم فهم المسئولين بشكل مباشر عن توفير العاطفة لفتياتهم والمحافظة عليهم خصوصاً في سن المراهقة لما تمر به الفتاة في هذا السن من تغيرات قد تؤدي بها للانحراف إذا لم تتم متابعتها من قبل الاسرة بشكل مباشر فعلاقة الفتاة مع أبيها وأمها لا بد أن تكون ذات عمق عاطفي وشخصي أي لابد أن يوفر لها الأبوان كل ما تحتاجه من عاطفة وحنان لكي لا يدفعها نقص الاهتمام العاطفي في البحث عن ذلك الاهتمام والحنان المفقود لدى الآخرين ويجب أن تشعر بأن الأبوين يوفران لها الحماية والعطف والاهتمام بشكل كامل وهذا يغنيها عن البحث عن الاهتمام في مكان اخر خارج أسوار المنزل والأسرة كما أن العلاقات الزوجية المتوترة لها دور كبير في انحراف الفتيات ويبدأ البحث عن الحبيب الذي سيمثل دور الأب المفقود مما يسهل عملية دخول الفتاة لهذا النفق المظلم .
ولا شك أنه في حالة غياب متابعةالاسرة وافتقار الفتاة للعاطفة في المحيط الأسري ستبحث عن تلك العاطفة والاهتمام خارج المنزل وهنا تبدأ المشكلة ويصبح الموقف خطراً فقد تجد ضالتها في تلك العلاقات المحرمة التي قد تسبب لها مشكلات كبيرة في المستقبل لذلك يجب على الأبوين توفير كل الحب والحنان لأبنائهم بشكل عام والفتيات بشكل خاص، حيث إن الفتاة تتعامل بعاطفتها أكثر من الشاب وتحتاج لاهتمام عاطفي يجعلها بعيدة كل البعد عن الانجراف وراء الاحلام الكاذبة التي يصورها بعض الشباب للفتيات.
الرجاء الرد اذا قرأتى تعليقى….
حازم حمام/محاسب الكترونى فى الخليج..
تحية لكى سيدتى…
اعلمى سيدتى… انكى فتاه مراهقة ,هذا بالاضافة الى انكى تفتقدى الحب داخل البيت, وفقدانك للحب داخل محيط الاسرة, يدفعك وبقوة الى البحث عن ذلك الحب خارج البيت,وبأى وسيلة. فكان الانترنت هو الوسيلة المتاحة امامك, وربما كانت الوسيلة الوحيدة.
واثناء بحثك عن الحب على النت, صادفكى شاب لا تعرفى عنه شئ, سوى صوته وأوهمك بانه يحبك.
والحقيقة انه لا يحبك,بل هو يريد ان يقضى معكى وقت سعيد على النت.
وانا انصحك بان تبتعدى عن هذا الشاب, ولا تصدقى هذا الوهم. وعودى الى احضان ابويكى لانك لا تشعرى بالحب الحقيقى والحنان والامان الا فى احضان اسرتك.
الحب على النت وهم وكذب وغش وتضليل ونفاق……….فلا تصدقيه…….وكيف تحبى رجل انت لا تعرفى عنه اى شئ سوى سماع صوته؟…هل هذا عقل ؟
هل هذا منطق؟ …هل هذا تفكير سليم؟؟..اعتقد ان هذا لا هو منطق ولا هو عقل ولا هو تفكير سليم.
الرجاء الرد اذا قرأتى تعليقى…
حازم حمام/ محاسب الكترونى فى الخليج
هو انتى ممكن تحويلى تقبلى وتعرفى ازا كان بيكز ب ولى لا وانتى هاتعرفى من نظره العين فهمنى ولى لا ولو وصلتى لى حل كلمنى وطمنينى