السلام عليكم
انا بقالى كتير اخش اتفرج بس على المشاكل وكنت مناقش مشاكلى مع اصحابى بس انا سافرت بلد بعيده عن اصحابى وحقعد كتير فيها فقولت احاول اتكلم مع حد هنا مشكلتى انى كنت بحب واحده من 4 سنين انا عندى 16 سنه وبعدين انا بحبها وهيا بتحب واحد تانى وهو بيحبها عادى بس احنا كنا ف شارع واحد
وبعدين جه من سنتين كده بقينا اصحاب بنتكلم على النت والموبايل وبتدخل عندى المنتدى كتير وكده وعادى بردوا كنت بعتبرها صاحبتى واختى علشان معشمش نفسى بحاجه مش حتحصل وبعدين جه فى نفس السنه الا اتكلمنا فيها عرفت واحده من المنتدى على النت واتكلمت معااها وكده وريحتنى شويه المهم بقيت متعود عليها جامد وبرتاح معاها وبحب اكلمها وكده وبعدين جه موضوع السفر والا شجعنى ان السفر حيكون فى نفس المدينه الا هيا فيها فقولت حتكون جنبى فى الغربه وكده ولم سافرت حسيت انى مليش ليها وبحبها وبفكر فيها كتير وبتخيلها فى كل مكان وتقريبا بحبها وبغير عليها جدا جدا جدا وكانت بتكلم كذا واحد اعرفه خليتها تقطع معاهم وكده علشان بغير عليها وبعدين اتكلمنا كتير لم سافرت على النت وسمعت صوتها فى الموبايل وفى المايك كذا مره بس لسه مش عارف اتواصل معاها كويس على الموب علشان لسه واصل البلد دى ومش اشتريت خط لسه المهم هيا كمان قالت لى بحبك وكده والمفروض دلوقت انها بنحب بعض بس هيا طبعا منقبه ومش راضيه تورينى شكلها ولا صورتها ولا اى حاجه وقولت لها ليه وكده قالت لى علشان احنا مش متأكدين 100% اننا لبعض اقول لها يبقى انتى كده مش بتحبينى تقول لى لا والله بحبك يا روحى والكلام ده بس مينفعش انشاء الله بعدين نقابل بعض لم ننزل مصر مثلا او كده وبكرا تعرف ان كان احسن انك متشوفنيش فى الوقت ده بالذات واصبر شويه ومش عارف ايه بس هيا سمعت صوتى وشافتنى فى الصور فهل ممكن تكون بتحبنى ومتورنيش صورتها معأنى معاها رقمها وبكلمها ؟؟؟؟؟؟؟؟
وانا كده فعلا نسيت البنت الا بحبها من 4 سنين ولحد دلوقت بنكلم بعض بس زى الاخوات والاصحاب ؟؟
لو فى حد عنده معلومه او يقدر يفيدنى بالذات فى موضوع صورتها ده لانه مقلقنى ومأزمنى جدا
بس هيا حلفت لى انه مش سبب مثلا انها طخينه شكلها وحش الكلام ده
هيا وصفت لى نفسها انها حلوه زى كل البنات يعنى
فأيه الحل
ياابني وايه يعني منقبة يامابنات كثير محجبات اومنقبات ويعملن الهوايل والمصايب ابغااحكي لك قصة وحدةمنقبةمتزوجةمن امام مسجد والكل يشهدله بالصلاح والتقوى وكانت مراته دي ماتخرج من البيت الاوالنقاب عليهاوفي يوم راحت عندالخياط عاوزه تفصل لهافستان عشان تحضربه فرح احد اقاربها وقال لهاالخياط لازم تحضرمعهاثوب على مقاسهاعشان ياخدلهاالمقاس المناسب فهي طلبت منه ان يجي البيت لياخده عشان هي ماتقدرتخرج تاني وفعلا ذهب الخياط لكي ياخدالثوب لكن المفاجاةانهاطلبت منه الدخول وشافهاعلى الطبيعةمن غير حجاب وكانت في منتهى الجمال والشيطان ثالثهمافقام فجامعهاوتكررت اللقاءات المحرمةبينهماحتى افتضح امرهاوتطلقت من زوجها وهي الان بلازواج ومكروه من الجميع فلاتفكران البنت هي بلبسهااونقابهاوانمابدينهاواخلاقهاوسيرتهاومحافظتهاعلى شرفهاوسمعتهابين الناس
انا مستغرب حاجة ان المنقبة دي حلال تتكلم معاك كلام الحب وكده وحرام تسيبك تشوفها بالحجاب الشرعي يعني تشوف وشها بس اما انها تكلمك وتسمع صوتها وتقلك يا روحي ده حلال يعني يبني اسمع نصيحتي اول حاجة انتا لسة صغير وتاني حاجة دي بنت بتلعب بيك خلي بالك من دراستك اهم من كل حاجة
بتقول انك كنت بتحب واحده من سنين ودلوقتى عندك 16 سنين .. نفهم من كده ايه بقا ان المفروض علينا نجمعهم ولا نطرحهم… حبيبى انت طفل لسه صغير .. واقلك حاجه كمان انت بيتلعب بيك.. واقلك حاجه كمان مراية الحب عاميه… اقلك حاجه كمان انت لسه بتدرس ولسه متخرجتش ولسه مشتغلتش ولسه ولسه ولسه… عيب عليك التفت لمذاكرتك… اللى انت فيه ده حب مراهقه… هيه لو بتحبك بجد كانت تقلك تعالى اتقدملى لاهلى… مش اماانزل مصر وتمشى براحتها … ماشاء الله عليك وانت قابل ده .. هيه لابسهالحجاب عن اقتناع ولا غصب… ربنا يهديك.. سامحنى فى الحده اللى كلمتك بيها..
يا اخى يالى بتقول البلد وقوانينها احنا الاتنين مصريين وهيا نازله تعيش فى مصر السنه الجايه وانا نازل السنه الا بعدها علطول وندخل كليها هيا اكبر منى بس ب 3/4 شهور بس مش اكتر احنا الاتنين فى نفس السنه الموضوع مش قوانين بلد ولا حتفضل منقبه لم تنزل مصر حتكتفى بالحجاب زى كل الناس وتدخل كليه وكده وبحاول اضغط عليها علشان اشوفها تقول لى بعدين يا حبيبى انشاء الله
UP UP
انا اقول قابلها في محل محاد يعرفة ابدا اتمنى ان ردي حلو
اها انا كنت فاكره انها منقبه اقصد متشدد يعنى عشان كده مش راضيه توريك صورتها.كده انا فهمت .كده طالاما هى بتنزل من غير النقاب يبقى المفروض فعلا تشوفها وتوريك صورتها دى ابسط حاجهعندك كل الحق طبعا.بس اتأكد الاول انها بتحبك زى مانت بتحبهاوانها موافقه بيك .وحاول تعرف السبب الحقيقى انهها مش راضيه توريك صورتها.ممكن تكون مثلا محتاجه تظبط شوية حاجات فشكلها اقصد يعنى انها ممكن تكون فعلا تخينه او حاجه ومش راضيه تقولك ومستنيه اما تظبط نفسهها وبعدين توريك الصوره.بس حاول تعرف السبب القيقى وممكن تكون هى مش واثقه انك بتحبها او ممكن تكون مش مديه امان يعنى فى ناس كده خصوصا اذا كانت المعرفه من النت .ربنا يطمنك ويريح بالك
انا شايفه ان مفيش مشكله لما توريك صورتها ده لو بتحبك بس انت اسال نفسك هي بتتهرب منك ليه احتمال تكون كبيره في السن او بتتسلي اسال نفسك الاول وكرر عليها تاني انك لازم تشوفها
من الخطورة بمكان قبل الحب وغيره أن تعرف قوانين البلد التي أنت بها ومدي المشاكل التي من الممكن أن تتسبب لك. من كلامك أحسب أنه من الصعب أن تتزوج بسهولة من فتاة من البلد العربي غير بلدك وليس من وراء ما تفعل إلا التسلية والتسرية وأنا آمل أن تكون أخير من هذا لذا أنصحك بالبعد وأن تتمنى من قلبك أن يرزق الله هذه الفتاة من يصون دينها ودنياها وأعلم أن الأطفال الناشئين من هذا الزواج يعانون أشد المعاناة فأنأي بنفسك وتخير من تصلح لك إن كنت قادرا على أعباء الزواج ودع هذه الفتاة لمن يصلح لها من ديرتها ومن حولها و أحسب أن أهلها لن يوافقوا على مثل هذا الزواج لكثرة مشاكله
ماشى انا معاك بس هيا منقبه علشان البلد الا احنا فيها كده لكن ساعات بتخرج بالعبايا ولم تنزل مصر بتلبس لبس عادى وبعدين انا بطلب بس اشوف شكلها ملامحا مش حاجه تانيه
سلاام عليكم.انت مش واخد بالك انها منقبه ؟يعنى المنقبات دول مابيكشفوش وشهم لحد اما تروح البيت وتتقدم رسمى اعتقد ان من حقك تشوفها وسط اهلها ودا طبيعى عشان هتكون خلااص دخلت البيت من بابه دا الطبيعى بالنسبه للمنقبات اعتقد يعنى والله اعلم طبعا .وطالاما انت مرتاح لها يبقى ايه المشكله اصبر واسمع كلامها لحد ما ربنا يقسم لك وتدخل البيت من بابه وتروح تخطبها وربنا يقدم لك اللى فيه الخير.ومفيش حاجه اسمها مش بتحبك عشان مش بتوريك نفسها وصورتها .