الحب على النت

امها تبعدها عني لاني حب على النت

انا شاب عندى 20 سنة انا حبيت واحدة من على النت انا من محافظة وهيا من محافظة تانية بس هيا اصغر منى بخمس سنين وفى سنة اولى ثانوى واتفقنا مع بعض انها اول ما تخلص الثانوية وتدخل الكلية انا هاجى اخطبها

المهم امها عرفت انى بكلمها وعملت معاها مشكلة وكده وامها كلمتنى وقالتلى لو انت جاد تدخل البيت من بابه ومتكلمهاش من ورانا قولتها انا فعلا جاد بس انا هخطبها لما اخلص الكلية والجيش او بمعنى اصح اول ما اشترى شقة وبعدها امها خدت الموبايل منها ومعرفتش اكلمها لمدة اسبوع وبعد الاسبوع اتصرفت وكلمتنى ورجعنا نكلم بعض تانى وامها عرفت تانى وكلمتنى تانى وزعقتلى جامد فى التيليفون وقالتلى مالكش دعوة بيها ودلوقتى مش عارف اكلمها خالص بس بجد هيا وحشتنى اوووووى وعرفت بجد انى مقدرش اعيش من غيرها بس من كام يوم بعتتلى رسالة (كلمنى شكرا) من تيليفون اخوها وبصراحة انا ساعتها مصدقتش واتصلت بيها على طول بس للاسف كانت اخر دقيقة معايا ومعرفتش اكلمها غير دقيقة ودلوقتى انا مش عارف هاكلمها تانى امتى ومش عارف اعمل ايه

انا اموت واكلمها واطمن عليها

حد يقولى اعمل ايه؟

مشاكل وحلول ذات صلة

اضيف بتاريخ: Friday, October 29th, 2010 في 05:56

كلمات مشاكل وحلول: , , , , , , , , , , ,

6 رد to “امها تبعدها عني لاني حب على النت”

  1. ابوبتول
    17/09/2014 at 23:46

    شوف يااخي عيب انك تكلم البنت من وراءاهلها وماحدش يرضاها على نفسه اواحدمن اهله خليك راجل وعافل ومحترم امها معهاالحق في كل ماقالته لك لوعاوز البنت يبقي تجي من الابواب والطرق الشرعية مش تكلمهافي الموبايل اوالهاتف من غير رابط رسمي ودون موافقة الاهل اتقي الله في نفسك وفي بنات الناس وربي يهديك ويكملك بعقلك ويصلح احوالك

  2. HanyMoh
    19/03/2013 at 03:37

    لو عارفها وواثق من نفسك إنك مش هتتخلى عنها وواثق إنها بتحبك

    يبقى متكلمهاش كتير عشان سمعتها وسيرتها متبقاش على كل لسان

    واستناها والب منها تستناك فترة واخطبها بعد كده لما تخلص.

  3. ابواميرة
    29/12/2012 at 23:30

    ماينفعش الكلام داه يابني لوانت صادق في حبك لها اتقدم لامها وخطبهادي الاصول غيركدا عيب في حقهاوانت ماترضهالحد من اخواتك وربنايقدم اللي فيه الخير لكما

  4. سيف
    01/11/2010 at 07:31

    راجع نفسك كتير لانك ان كنت بتحبها بجد ومعرفتش ترتبط بيها هتندم طول عمرك وحاول تكسب ثقه امها وعلي فكره الحريم نقضه ضعفها هو نقضه قوتها

  5. hawkar22
    31/10/2010 at 01:01

    انا بقى خطيبى لما ماما زعقتله واخدت منى الموبيل اتصرف بعقلانيه شويه وصبر اما المواضيع هديت فى البيت واول ماعرف يوصلى تانى طلب العنوان وتليفون ماما وطلب انه يقابلها

  6. noody
    30/10/2010 at 23:22

    السلام عليكم ورحمه الله وبركاته
    اولا انا كان عندى نفس المشكله وماما عملت معايا كده بردو..وده حقها عشان كانت خايفه عليا والحمد لله انا مخطوبه دلوقتى من واحد بردو كنت اعرفه على النت وهنتجوز قريب عقبالك يارب انت وهى
    بس انا بقى خطيبى لما ماما زعقتله واخدت منى الموبيل اتصرف بعقلانيه شويه وصبر اما المواضيع هديت فى البيت واول ماعرف يوصلى تانى طلب العنوان وتليفون ماما وطلب انه يقابلها
    ويوضحلها ظرفه على الاقل عشان يثبتلها انه واخد الموضوع جد وهى تفهمت جدااا والحمد لله قربنا …ربنا يكملكم على خير انتوا كمان

اترك رداً أو حلاً لهذه المشكلة