السلام عليكم ورحمه الله وبركاته..
انا عندي 21 سنه واتمني اني اجد حل ومساعدتكم ليا انا كنت الاول مخطوبة لانسان معيد معايا بالجامعه بس ما ارتاحتش ليه نهائي ومحصلش نصيب ومكملناش مع بعض والحمد لله لانو طلع انسان مش كويس بكل المقاييس..المهم بعد الفتره دي ما عدت انا كانت نفسيتي وحشه جدا بعدها ما اعتقدش ان التجربه دي عدت عليا بسهوله وبرضوا اقدر اقولكم ان محدش وقف جنبي ولا قالي كلمه تطيب خاطري حتي الكل صار يقولي ده اختيارك وايا كان اختياري انا عارفه انو خدعني جدا وكانت تجربه مؤلمه جدا بالنسبه ليا تجربه وحشه وندمت عليها ندم عمري وطبعا الواحد بيكون خارج من التجارب دي حزين جدا ومخنوق قوى ومستني اي قشايه امل يتعلق ويجري وراهاا وهو ده فعلا الي حصل معاياا …اتعرف ع شاب بعدها من على الفيس بوك وطبعا انا في بدايه كلامي معاه كان زي اي اتنين اصحاب خالص وكنت رافضه نهائي العلاقات الي من على النت دي لاني كان من وجهه نظري انها علاقات كلها فاشله المهم اعدت حوالي 5 شهور نتكلم على النت فقط بدون اي كلام ع الموبايل نهائي وهو بيشتغل مهندس ومن النوع الي عرف يجذبني باسلوبه وطبيته وشهامته وهو فعلا كده وهو شخصيه تفوق الوصف بصراحه وليه احلام وطموح عاليا قوى وشخصيه جذابه كتير ..المهم بعد ما عدت ال 5 شهور كل فين وفين كنا بنتكلم على النت لحد ما كانت تيجي المناسبات الي في العيد كنا بنتكلم ومعندكوش فكره انا ارتاحت للشخصيه دي ازاي ارتاحت فعلا جدا معاه مش عارفه ازاي حتي كان كلاموه معايا قليل في الموبايل وعلى النت كذلك ع اي حال بعدها تكررت المكالمات لحد ما نزلي بلدي هو في محافظه وانا في محافظه تانيه بيني وبينو حوالي ساعتين لحد ما اتقابلنااا انا بعترف اني فعلا حبيت البني ادام ده جدا بس هو للاسف حبني بس قالي ظروفه متسمحش ان هو يرتبط بيا حاليا وهو مش عايز يجرحني وخايف عليا وهو قالي الكلام ده بعد ما اانا اتعلقت بيه جدااا جدااا وقالي خلينا اصدقاء …وكنت بفكر فيه باستمرار بصراحه ومعرفش الظروف مرضاش يتكلم فيها بالتفصيل بس انا بقول هي الظروف تقريبا وغالبا هي ظروف ماديه لانو والده متوفي تقريبا وليه اختين بنات وهو حاسس ان هو الراجل البيت من بعد والده عشان كده رافض فكره الزواج او انو يوعدني ويلاقي نفسوا مش قادر ع الجواز حاليا وخايف يجرحني لانو عارف قد ايه انا مجروحه جداا من جوايا مشكلتي هنا اني اتعلقت بيه فعلا لدرجه الجنون …وكان مره حصلتلوا ظروف وتعب جامد وبصراحه هو عشان كان بعيد عني كنت ع طول بتصل اطمن عليه وتقريبا في الفتره دي قربنا من بعض جدا هو اختار اني اكون معاه وانا نفس الحكايه اختارت اكون معاه لكن مش ع النهايه الي بتمناها وده الي معذبني جدا ..وطبعا اي واحد حيقرأ المشكله ع طول حيقولي لازم تسبيه وتنسيه وتبعدي عنو تماما ومتفكريش فيه وده اصعب حل اني اعمل كده بعد ما اتفقنا ان انا وهو حنكون اصدقاء بس انا للاسف تفكيري ونظرتي ليه مش اصدقاء خالص وانا مقدرش ابعد عنو ولو بعت عنو حبعد وعارفه اني في يوم من الايام حرجعلوا برضوا الي حيقرأ مشكلتي انا عارفه حيقولي الحل اني ابعد عنو بس صدقوني انا فعلا متعذبه جدا من بعادي عنو وانا فعلا اخت قرار مبدئي مع نفسي بس معرفتهوش حاجه زي دي بس هو لو كلمني انا حضعف وحرجعلوا تاني انا اتمني الاهتمام بالمشكله بشئ من الصدق والحل السليم الي ميعذبنيش لاني فعلا انا بحبو واتعلقت فيه جدا ويمكن انا منهاره كتير وانا بحكي مشكلتي وبفضفض معاكم ع امل اني الاقي حل لاني مخنوووووئه قوووووى وبعد مع نفسي حاليا بالساعات ومش عارفه اوصل لحل نفسي في حل كويس بس معادا اني ابعد مش عاوزه ابعد عنو لاني فعلا محتجالوا قوى ومش بسهوله حقدر انساه لان يمكن انا لقيت فيه صفات مش موجوده عند اي حد تاني لقيت فيه الي كنت بدور عليه من سنين بس هو انا علقت نفسي بحلم وطلع وهم في النهايه وده الي مخليني حزينه قوووى واتعقدت فعلا حاسه اني بقيت فاشله في كل اختياراتي في الحب بالذات انا فعلا تعبت وتعبت قوووى انا حكيت المشكله ليكم بس اتمني الاهتمام واتمني الرد يكون باسلوب محترم واسلوب مقبول منكم مش عاوزه رد قاسي ياريت اتمني الاهتمام والرد بكل ادب وتحياتي ليكم ولكل الي قرأ المشكله وشكرا لسعه صدركم وتحياتي كتير ليكم …ومنتظره اكيد ردكم ويشرفني اسمع اراكم…؟
واضح انك تعبانة نفسيا بسبب الموضوع و انا بقدر احس بالالم اللي بتحسيه لما تكون مع حدا بتعرف انه لازم تتركه بس انتا مش قادر تتركه لانه رح تحس بوجع و الم كتير جواتك , ما في حل فوري بس حاولي تقللي علاقتك معاه تدريجيا و تحاولي تشغلي تفكيرك بامور تانية انتي بتحبيها بس انا مش قادر افهم شو هي الظروف اللي ما بتخليه يقدر يرتبط فيكي انا مش مقتنع و بعدين مادام هوي ما بده يرتبط ليش بكون اناني و بزيد تعلقك فيه و حبك اله لازم ما يضل على حياد متل كأنه ماله دخل
انني اتفهم وضعك وان ليس لنا حكم علي قلبنا وقد يكون بينكم حب متبادل ولاكن التوقيت مخطي
فانتظري ولكن لا تتعلقي به اكثر ولا تكلميه لانك لاتكلميه علي انه صديق وهذا يعلقق به اكثر
تحياتي ليكم كتير وع كلامك الجميل …وكتير بشكركم لاهتمامك وتعلقكم ع موضوعي وجزاء الله لكم كل خير
بصي معلش فالي هقوله اولا لو هوه قالك بحبك ولاكن الظروف ممكن تستنوا شويه بس لو كان الحب ده بجد بس انا من رائي لوكان بيحبك بجد كان اتمسك بيكي لان مفيش ظروف تبعد حد عن اللي بيحبه
بس في النهايه حبك غلطتك لازم تتحملي شويه ياتصبري يا تنسي
معلش انا رأيى مختلف شويه عن كل الكلام … غالبا فى النت الواحد بيعمل لنفسه صوره تختلف تماما عن الواقع … ممكن يكون صادق فى كل كلمه قالها..ممكن كان بيكذب فى حاجات…ممكن كان بيكذب فى كل حاجه…لكن المشكله انك بتحبيه مع انك مش متأكده اذا كان بيحبك…الانسان مهما كانت ظروفه بيحاول يحافظ ع الانسانه اللى بتحبه حتى لو هتنتظره سنين…لكن ممكن هو يكون تخيلك فى صوره معينه ولما قابلك حس باختلاف كبير…ممكن يكون كل كلامى غلط ..لكن الاحتمال الاكبر انك لما بتحبى لازم تحبى بعقلك مش بقلبك وبس ..بتقولى لينا انك عارفه اننا هنقول انسيه و مش عيزه حد يقول كده لانك مش عايزه رأى غير اللى انتى شايفاه…طب هل معقول نقولك “روحى اترجيه يرجعلك وتكملوا مع بعض,ولا نقولك استنيه لحد ما يفكر,ولا نقولك خليكوا اصدقاء؟؟؟؟” طبعا مش ممكن لان ده جواز والقرار مشترك وهو فضل يبعد….و غير كده كمان الصداقه صعب تستمر واكيد هيكون فيها نوع من التكلف لانه ممكن يحس انك عبء عليه..آسف لكن هو ده الواقع…انا اخويا كانت ظروفه ضعيفه جدا جدا و ياريت كان مهندس لكن عمله كان يعتبر بدون مرتب ,كن بيحس بميل لواحده و سافر اربع سنين و هى انتظرته وربنا وفقهم واتجوزوا..هو ممكن يسافر ويعمل كل حاجه عشانك…لكن هو جاب من الآخر..انا عن نفسى لو لقيت واحده بنت ناس وبتحبنى بصدق واخلاص مس ممكن اتخلى عندها واكيد هحبها…..انتى بقى بذكائك حاولى تعرفه اخباره من بلده نفسها وظروفه ايه وتعليمه وممكن تختبريه فى الفيس بك كأنك بنت تانى متعرفهوش …وربنا يوفقك ويكرمك …وآسف لو كنت قلت كلام جرحك
افضل حاجة تقدري تعمليها وبجد ربنا هيدلك علي الطريق الصحيح اللي تمشي فية هو انك تصلي صلاة الاستخارة دي سهلة وربنا هيوقف جنبك وربنا معاكي
مش عارف انا حاسس بيكى ياعنى ايه بتحبى بجنون الله يكون فى عونك بس الجواز نصيب هو لو بيحبك زى مابتحبيه اكيد مش هيسيبك وانتى عارفه ياعنى ايه حب حاولى تمسكى نفسك كلميه صبرى نفسك بكلامك معاه لغايه مايحس انه محتاجلك وفى حاجه تانيه حاولى تقربى من شخص تانى ينسيكى الشخص دا ربنا يصبرك
اولا انتى انسانه مهذبه باسلوبك وبحوارك وهو مهذب بافكارو لاكن بنفس الوقت هو احوج الناس ليكى فى الفتره دى وانا واثق تماما انو مش انسان انانى هو لو انسان انانى كان خدعك باسم الحب وتمادى بالخداع لاكنو كان صادق بحبو ولانو مش مستعد ماديا او معنويا بادر بسعادتك على حبو انا واثق انو يحبك اكثر مانتى تحبيه انتى لازم تقفى جنبو لانو لو مش عايزك مش هيقولك نكون اصدقاء هو بس بيترك خيط بينك وبينو حتى تتيسر حياتو لاكن بنفس الوقت هو محترم لانو حاس انو ممكن يكون عقبه فى سعادتك الزوجيه بحيث انو لو اتقدملك اى حد توافقى عليه لانو ممكن يتاخر وانتى ذنبك ايه تنتظريه علشان كده قالك نكون اصدقاء لاكن بداخلو هو بيتمناكى الحل بقى انو انتى اول شي يكون عندك ثقه بنفسك لانو لو افتقدتى الثقه بتفتقدى معها امور شتى وعدم الثقه يؤدى غالبا الى الاستسلام والفشل اما الثقه بالنفس تؤدى الى الوصول للغايه والهدف المرجو _ انتى مش فاشله ولا حاجه انتى بداخلك مشاعر وعاطفه جياشه وان شاء الله هتتحقق كل امالك بس نصيحتى تحتفظى بالحبيب ومتتخليش عنو وبكره هتعرفى انو يحبك جدا لاكن الظروف هيه الى كانت واقفه بينك وبينو لاكن ان شاء الله انا واثق انو بمرور بعض الايام هتدخلى هنا تانى وترسلى برقيه زفاف وكلنا هنباركلك ان شاء الله وخلى املك فى الله كبير طالما انتى من داخلك صادقه مع نفسك وشكرا
اختى العزيزة بعد التحية انا عارف ان الحب الاول صعب على اى انسان نسيانة وانا جربت دة من على النت بردو بس فى ظروف مختلفة بس سدئينى لزم تسبية ونسية وعارف ان دة شيئ صعب عليكى بس لزم تجمدى قلبك علشان تعرفى تستمرى فى الحياة حولى تغيرى رقم التليفون والاميل بتاعك علشان متكلمهوش تانى لان لو كلمتية تانى مش حتعرفى تنسية ابدن معلش استحملى وصبرى دة اكيد فى مصلحتك انتى فى الاخر وصلى وتقربى الى ربنا وقرئى قران دة حيسعدك بجد وانشاء الله ربنا حيكرمك بئنسان طيب وفية كل الموصفاة اللى انتى عوزة بس لزم تعملى كدة علشان تعرفى تخرجى من اللى انتى فية وربنا يوفقق ويكرمك بحياة سعيدة انشاء الله
انا مقدر حضرتك وعارف يعني ايه بينت في السن ده تحب وانتي قولتي الحل مش هنقول الحل الي انتي قولتيه
انشغلي بحاجه تقدر تنسيكي لو ذزه من حبوا اجتهدي في الكليه كل متفكري انشغلي باي حاجه خرجي الي جواكي من طاقه موجود للانسان ده متقعديش علي النت وغيري نمرت الموبيل اقلبي حياتك واعرفي لو فضلتي معاه مش هتشوفي حد حلو قدامك وهيفضل في ذاكرتك هيدمرلك حياتك فبل جوازك وبعدها
وادعي ربنا تخرجي من الموضوع علشان تعرفي تشوفي حياتك وبالمناسبه هو بردوا اتعلق بيكي
بصي انا مش بعقده بصراحه
الموضوع مش متوقف عليكي انتي الموضوع متوقف عليه هو
هو لازم يتحرك ويتغير علي شانك …
ولازم يكون عايزك ..
هو مين اللي هيدقدم لمين انتي ولا هو …
مينفعش انتي تخطبيه صح
هو لازم يكون عايزك وشريكي …
الحل الامثل انك تحاولي تنسية بكل قوه ومتقلويش مش هقدر لازم تقاومي ..
اما تتعايشي معاه علي اساس صداقه مش اكتر من كده …
واتمني ليك الخير ان شاء الله