اخواتي افيدوني من سنه ونصف اتعرفت علي شاب على النت وكنت مكتئبه وكان اول تعارف ليا على النت باختصار حبينا بعض هو يصغرني في السن ومن محافظه غير التي اسكن بها حبيته وحبني جدا انا اكبره في العمر حوالي 5 سنين ولكن دي عمرها ماكانت مشكله حدثت لي مشكله في البيت وعرفوا اني بحبه وصارحت والدتي وهو بدوره لم يتخلي عني وكلم والدتي ولكن تليفونيا ووعدها بالمقابله ولكن له شهر يقول انه عنده ظروف وانا قلقه وايضا اخجل وكرامتي لاتسمح اني اساله انه ييجي امتي ارجوكم افيدوني
الحب على النت
هل هذا الحب حقيقي؟
اضيف بتاريخ: Tuesday, December 14th, 2010 في 02:16
كلمات مشاكل وحلول: الحب, الحب على النت, النت, تعارف, فرق السن, مشاكل الحب
اختي ربنا يتمم لكم بالخير وخلي بالك من نفسك ومن شرفك وكرامتك دول اغلى ماعند البنت وربي يسعدك مع الانسان اللي اختاره قلبك
اخواتي الاعزاء يارب يخليكم ويبارك فيكم استفدت كتير من كلامكم والحمد لله جه البيت وتقابل مع مع اهلي وتعارف عليهم وهم فرحين بيه وعلي انتظار زياره اهله حبيت افرحكم لانكم اخواتي الاعزاء عليا وافدتوني وكنتم بجانبي في محنتي ادعو لي ان يتمم موضوعي علي خير اختكم
انا مؤيد كلام الاخ سامح لان علاقات النت علاقات تشوبها بعض الاخطاء وتترك اثرا حتى اذا تم الزواج بالفعل وهذا نادرا ما يحدث لو حبينا ناخد الموضوع ببساطة انا شايف ان معظم الاولاد اللى بيعملوا علاقات بيكونا بيضيعواوقت او بيلعبوا ببنات الناس لعلمهم ان البنات عاوزة تتجوز وخلاص وممكن يكون بيحب يختبر مهارته انه يوقع بنات على النت والقلة القليلة علشان ما اظلمش كل الناس فيه قله هما اللى بياخدوها جد وده نادرا الكلام اللى بقوله بناءا على انى ولد وبناءا على تجارب انا عشته بنفسى
اخواتي الاعزاء اشكركم علي رايكم ويارب يكرمكم جميعا حابه بس اوضح لكم ان هو بيعرف سني من اول يوم تكلمنا فيه وقالي انه مش قصه موضوع السن ده لانه كمان سني مش ظاهر عليا ده شيء ثانيا احنا امس تكلمنا مع بعض وكنا علي خلاف وتصافينا الحد لله وانا كده حعطيه فرصه مش كبيره لكن حكون حازمه فيها لاني بجد تعبت وايضا حالي ماهو حال من كتر التفكير ارجو منكم الدعاء لي واشكركم وديما نكون علي تواصل
أختي أتمني أن ينجح في هذه الفرصة ولكن إن لم ينجح فعليكي أن ل تكلميه مرة أخرى وأن تقولي له أنك لا تكلميه إلى بعد الخطوبة فإذا جاء وخطبك في أسرع وقت فهو يحبك ولم يقضر على فراق صوتك أم إذا لم يأتي ولم يحول لإتصال بعد مدة تقاب أسبوع وما فوق فهو تأكد أنه لا يحبك مع طلبي إذا كان لا يعلم بسنك فأخبريه. مع تمنياتي لكي بالتوفيق
لو هو بيعرف انو انتى اكبر منو بالعمر يبقى متتعبيش نفسك مش هيييجى انتى بس حطيه فى موضع يخليه يكلم والدتك علشان ميزعلكيش لاكن بكل الاحوال صعب يتقدملك ومظنش انو فيه انشغال يدوم شهر ثم مامتك اكيد عرفت انو جاى يتقدملك شوفى نظره ماما ليكى ايه دلوقتى اكيد بتشفق عليكى بس بتخفى فى قلبها علشان متزعلكيش خلك واقعيه ومتتصليش عليه تانى لو عايزك هييجى ويتقدم وكمان نصيحه اخيره لو جه ياريت ميجيش لوحدو ياريت يكون اهلو معو لانو ممكن ييجى علشان بردو ميزعلكيش لاكن الخطوه الايجابيه انو انتى متساليش عنو بالذات فى الوقت الحالى حتى تثبتى لنفسك انو كان بيخدعك اما لو اتقدم لخطوبه رسميه باحضار اهلو يبقى وقتها هيكون حب فى النور مش على النت وشكرا
الله يوفقك ويسعدك والعفو هاذا واجبنا
اخي النبيل شارل اشكرك لاهتمامك وردك ورايك بجد شلت من عليا حمل كبير لاهتمامك وفعلا انا اخدت برايك وحديه فرصه اخري واتمني انه لايخذلني فيها وارجو منك الدعاء لي واشكرك يااخي الفاضل
اختي اعطيه فرصه جديدة لكن يجب عليكي اخبارة انه خلال شهر او خلال اي فترة ترينها مناسبه ان يأتي لخطبتك واذا لم يأتي فسوق يكون خسرك وانتي لاتحزني واستمري في حياتك فسيأتي الشخص الذي تتمني
ا اخواتي واصدقائي
اشكركـــــــــم جدا جدا علي ارائكم وردودكم عليا
بجد حسيت ان لي اخوات واصدقاء كتير مكنتش احلم بيهم الحمد لله
طبعا انتم افدتوني ولكن لي طلب واسفه ان كنت بجد بطول عليكم لكن انا بجد ماليش اخوات ولااصحاب غيركم
بجد انافي حيره من امري ولااعارفه اتصرف ولااعلم ماذا افعل معه
للعلم ان انا وهو علي خلاف عادي مش لسبب هام يعني لنا يومين مش عارفه هل اخد الخلاف ده لصالحي وانقطع عن مكالمته
واو السؤال عنه
او استمر لغايه فتره معينه اشوف رد فعله ايه وتصرفاته حتكون ايه
بجد انا مش صغيره في السن ولكن ربي يعلم ان انا بحاجه اليه للاسف هو كل حاجه حلوه ليا انا فعلا احبه من كل قلبي
واسفه للاطاله ومنتظره ردودكم
انا كمان حبيت واحد هو تانى واحد احبة هو اصغر منى بسنة بس …الوضوع بأختصار انى اخر ما زهئت انا كلمت مامى وقولتلها و قالتلى انها مواقة لانها مش هاتغصبنى على حاجة بس فى الاخر الاقى ان الرفض من عندة هو و قالى ان مامتة ممكن توافق بس الرفض بردوا من عندة هو……ومن هنا افترقنا…….فممكن ان الى بتقولى علية مابقاش يحبك ..يعنى ممكن هو من النوع الغير صريح عشان كدة بلاش تفكرى فية لانة لوحبك صح كان هايعمل المستحيل عشانك وبعدين دا يعلمنا اننا نختار صح من البداية وانا بحاول اتعود وافضل فى ذكرى لحبيبى الاول الى انا عمرى ما هانسيتة وعلى طول فقلبى
اختي فى الاسلام ليست هناك مشكلة ان تحبى ولكن عليكى ان تختارى ما يناسبك فان التعرف على الشباب من النت لا يجلب السعادة فهذا الحب ليس صادقا بل انكى كنتى تحتاجين الى صديق تتحدثين معه ليس الا ارجو ان يوفقك الله ويرزقك برجل صالح
سلام صديقتي
انا برايي انك تعطي وقت…يمكن يكون عنجد مشغول ولو بحبك ما بيتخلى عنك وحيجي يطلبك من اهللك…ولكن اذا طال كتير الموضوع انهي العلاقة…بالنهاية اذا كان في نصيب رح تعيشوا مع بعض…
اختي لا مانع من الحب عبر النت فهو حب مثل اي حب لكن يجب تدعيم هاذا الحب بخطوات إيجابيه منه كأني يأتي لخطبتك او ان يرسل اهله ليتعرفوا على اهلك فأذا وجدتي منه تلك الخطوات فهنيئا لك الزواج منه واذا لم تجدي منه اي خطوة ايجابيه فلا تنظري اليه فأنتي تستحقي ما هو افضل
مع احترمى لكى اى حب من النت عن الشباب مالوش لازمه انتبه لمستقبلك ده مش حب ولا مستقبلك الحب قادم اليك وربنا هايعوضك عنه واحد احسن منه ان شاء الله
وبعدين السن يمكن ماكونش لكى مشكله بس اكيد هايبقى مشكله ليه لانى مفيش اب هايجوز ابنه بنت عرفها من النت و اكبر منه
اختى العزيزة .. انا مريت بنجربة مماثلة لتجربتك ولكن بعد طول تفكير قررت ان انهى هذه العلاقة لسبب ان لا يوجد شىء اسمه حب من خلال النت ومن وجهة نظرى لو تم ارتباط اعتقد انه ستكون هناك مشاكل كثيرة فيما بعد بسبب التعارف من النت