بسم الله الرحمن الرحمن الرحيم
مساء الخير على الجميع
انا مش عارف انا فى حيرة ولا مبصوط ولا زعلان مش عارف
بس اللى انا متأكد منة طالما انا دخلت وعرضت المشكلة يبقى انا فى حيرة
المشلكة انى حبيت وحدة على النت كنا اصحاب من زمان اوووى وحبتها ومن شهر اعترفتلها وهيا كمان كانت بتحبنى وحبينا بعض
من يومين كدا اعترفتلى بسر خطير جداااااا انا متوقعتش خالص لاننا قبل اما نرتبط ببعض كنا اصحاب اوى
السر هو (( انها طلعت كانت متجوزة قبل كدا من فترة )) انا طبعا مصدقتش بس طلعت دى الحقيقة انا اول لما عرفت كدا اتصدمت صدمة كبيرة اوى
وانا دلوقتى قولتلها خلاص انا مش هقدر اصدقك تانى وكل واحد يشوف نصيبة وربنا يوفقك وخلاص سبتها لان اكتر حاجة بكرها هيا الكدب
بس قالتلى انا مقولتلكش عشان بحبك ومش عايزاك تسبنى بس انا قولت فى بالى مهو احنا اصحاب لفترة طويلة ازاى معرفش حاجة زى دى
بصراحة مش مقتنع وانا مش عارف ومتحار
ارجعلها عشان بحبها وهيا بتحبنى وفى نفس الوقت اقبل انها كدب عليا بالرغم من انها عارفة ان بكره حاجة اسمها الكدب ودا خداع
بس بردة الحب مش كله حاجة صح
مش عارف قولولى رايكم اية فى المشكلة دى ؟؟
السلام عليكم .. اولا هي كدبت عليك لسببين اما انها في حاجه غلط في زوجها الاول او في حاجه غلط في حياتها مخبيها …ثانيا ممكن تكون كدبت او بمعني مصرحتكش لان خايفه او مكسوفه انها كانت متزوجه لان البنت شعورها غير الرجل في الامور دي ..وممكن تكون عانت من زوجها ومحبتش تفتح الموضوع وممكن تكون خافت تقولك زي ماقالت ليك انها مطلقه فخافت نظرتك تختلف ليها لان نظرت المجتمع للمطلقه وحشه وانا برحج السبب الاخير .. لو انت بتحبها بجد روح اتقدملها واسال عليها كويس ولو ملقتش فيها عيب اتجوزها لاننا كلنا بنغلط ..وربنا بيسامح بالعكس انت هتدل لحبك ليها لما تسامحها ..اما لو مسمحتهاش هتحس انك من الاول محبتهاش لان اللي بيحب حد بيتمسك بيه ..اتفق معاها انها تصارحك بكل حاجه ابل متتقدملها ..وربنا يوفقك واعرف انك لو سمحتها يبقي بتحبها بجد ..ربناااااااايوفقك يارب
توكل على الله واذهب وتزوجها
ومن ستر مسلم افى الدنيا ستره الله فى الدنيا والاخره
ربنا بيسامح يبقة انت مش هتسامح وبعدين اللى بيحب بيعمل حاجات كتير عشان اللى بيحبه وبعدين هى اكيد خافت انك تبعد عنها لما تعرف فياريت تسامحها لان الحب بيجى مرة واحدة ومدام انت حبيتها مش هتعرف تنساها وياريت اكون مش ضايقتك بكلامى
السلام عليكم انا مش عارفه الي هقوله هيعجبك ولا لاء سمحها المرادي واتكد اذا كانت بتحبك بجد ممكن خافت انك تبعد عنها وكانت اكيد هتقول بس هيا متردده حول تاني وافتكر ليه حاجه كويس حول تتعرف عليها من جديد واكيد انته هتنسا واكيد كل انسان بيكدب سمح وحول تاني وشكرا لو ردي زعلك انا اسفه وشكرا وعل فكره مش مشكله لوكنت مجوزة ده مش عيب مش هيا اطلقت اكيد عوزة تعيش حياه جديده وشكرا تاني
كل اللى انا زعلان منة
انها مصرحتنيش من البداية
المفروض كانت تقولى انها كانت متجوزة من قبل
بس هيا كدبت عليا ودا كل اللى مزعلنى
خايف ليكون فى شىء تانى مخبياة عليا وانا معرفشى
ابنى الرسول عليه الصلى والسلام تزوج من ثيب اهم حاجة يا ابنى انها تكون كويسة ومحترمة وسيبك من انها تزوجة من قبل ولا لا ويا بخت من سترة مسلمة وانا لله وانا اليه راجعون
انا من رأيى انك تبعد عنها وبتفق مع كلام النبيل الشارد
مشكور يا جماعة على الردرو كنت اامل فى ردرو اكتر من كدا لانى لسة بردة مش عارف
اة على فكرة هيا البنت دى كانت متجوزة من فترة بس دلوقتى مش متجوزة
كل اللى بتكلم علية انها كدبت عليا ومقالتليش انها كانت متجوزة
ااخي البنت متزوجه تدري وش يعني متزوجه يعني عندها زوج وهي تخون زوجها اخي تخيل نفسك وقد تزوجت بها هل تأمن ان تتركها امام النت من دون مراقبه طبعا لا لانك ستكون خايف يصير لك مثل زوجها السابق اخي اتركها لزوجها فهي له وانت ستجد غيرها
بص لازم تقعد مع نفسك تحدد انك فعلا بتحبها وهيه كل حياتك ومتقدرش تستغني عنها ولا لا والحب اللي جواك يقدر يغفرها خطا زي ده ولا لا لان لو علي انها غلطت فكلنا بنغلط بس ده يتوقف علي مدي حبك ليها هل حبك ليها يخليك تسامحها بس ياريت تفكر في انها كانت متزوجه متقبل ده ولا لا ده الاهم عشان متظلمهاش معاك ولا تظلم نفسك ياريت تفكر كويس ومتتسرعش في قرارك وبالتوفيق
انسى كل ما يأتى عن طريق النت فهو وهم ومبنى على الكذب والخداع
احمد ربنا انك ما اتورطتش فى حاجه اكبر
ربنا يهدينا واياك