السلام عليكم
مشكلتى انى من سنتين عرفت واحد على النت وبقينا مع الوقت نا وهو اصحاب اوى لدرجة انه عرفنى على اللى البنت اللى كان مرتبط بيها وبقيت انا وهى اصحاب واى مشكله او حاجه كنت بدخل بينهم واحلها وفى الوقت ده انا كمان كنت مرتبطه وهو كان برضه عارف واى مشكله بينى وبين حبيبى كنت بحكيهاله بس كان لما بيحكيلى هو بيحبها ازاى وبيعمل ايه عشانها كنت بحسدها وبتمنى اكون مكانها وهو كمان كان دايما بيقولى حبيبك ده يا بخته بيكى…لحد مابعد فترة 6 شهور معرفتش ساعتها اى حاجه عنه وساعتها انا انفصلت عن حبيبى الاولانى وكنت محتاجه اتكلم معاه لحد ماعرفت رقم موبايله وكلمته وعرفت منه انه سافر عشان يعمل عمليه وانه ساب حبيبته او بمعنى ادق هى سابته عشان مريض بالقلب…ومن ساعتها انا وهو بقينا بنتكلم كتير وقربنا من بعض اوى وحسيت انه ابتدى يتعلق بيا فى وقت انا كنت محتاجه حد جنبى وفى نفس الوقت مش عايزه ادخل تجربه فاشله تانى وفعلا كان ظنى مظبوط واعترفلى بحبه وانا حاولت اصده لفترة اسبوعين لحد ما قالى خليكى صريحه انتى مش عايزه ترتبطى بواحد مريض..وده مش صح وحاولت اقنعه وبعدها عرفت انه تعب وكان فى المستشفى ساعتها من خوفى عليه حسيت انى بجد بحبه وقلت مافيش مشكله لو اديته فرصه واديت انا كمان لنفسى فرصه واحبه..ومن بعدها فعلا ارتبطنا وهو كان مدينى كل ايميلاته والباس ورد بتاعتهم واكتشفت انه فى فترة ال6شهور دى ارتبط بعد حبيبته الاولى حوالى 4 مرات ولما واجهته وسألته ليه محكتليش كان بيقولى عشان دول مش محسوبين عليا لانى عرفتهم فى فتره كنت محتاج فيها حد معايا والسلام…ومن شهر كنا متحانقين انا وهو وماكنش بيرد عليا وخليت صاحبتى تكلمه وقالها انه تعب ومازال تعبان ومش قادر يتكلم معايا وفى الوقت ده جالى عريس ورفضته عشانه وعرفت انه خطب دلوقتى واتصالحنا…ومن كام يوم كنت فاتحه ميله لاقيته باعت مسجات لوحده صاحبت حبيبته الاولانيه وبيطلب منها رقمها وبصيت فى التاريخ لاقيته وقت ما كنا متحانقين ولما بعدها بكام يوم سألته اذا لسه بيكلمها ولا لأ قالى انهم بيتكلمه ولما عتبته انه مش بيقولى قالى دى خصوصيات ومهما كان انا وهى كان فى عشره بينا ومش كل حاجه لازم تعرفيها…مع العلم ان اى حاجه بتحصل معايا بيبقى لازم اقولها لانه فى وجهة نظرى اللى بيحبه بعض ماينفعش يخبوا على بعض اى حاجه واللى بيخبى يبقى بيعمل حاجه غلط….هو قالى كلام بجد وجعنى اوى لانى حسيت انه لسه بيفكر فيها واللى تعبنى اكتر وخلانى اشك اكتر انه خبى عليا …..انا بجد بحبه اوى ومش هنكر انه هو كمان بيحبنى بس انا تعبت من كتر المشاكل اللى بتحصل بنا ولانى بحبه مش بحب ازعله وبخاف عليه من الزعل بس فى نفس الوقت انا مش عايزه اتجرح تانى ولو اتجرحت دلوقتى ارحم من انى انجرح بعدين وانابجد خايفه من اللى جاى وهو بيعمل تصرفات بتخوفنى اكتر….انا عارفه انى طولت عليكم اوى بس انا نفسى حد يدينى ولو نصيحه واحده لانى بجد تعبانه اوى مع العلم انه مكلم اهله عنى واهلى كمان عارفين.
فكك من اي علاقه خاصه بالنت
انا انا الحمد لله وبكل فخر اقدر اقولك ان اى بنت او ولد يقد يعيش من غير حب بل ويقدر يتغلب على مشاعره بالحب لشخص اخر و اسال مجرب ودىه احسن حاجه والحمدلله وانا عن نفسى حبيت واحد محترم جدا وقدرت انساه ومحبتش تانى رغم انو موجود ادامى واريبى
انا مع رئى الاستاذ محمود بس لانه فعلا بجد هو مريض ازم يكون قريب من ربنا ويدور على بنت الحلال اللى تقدر تحبة وتسعدة بجد ابعدى عنة هو لسة بيحب البنت الاولانية وانتى كنتى مجرد فترة وهتعدى او كمان عديت لانه خلاص بيكلم حبيبتة الاولانية بجد ابعدى عنة واسال الله انه يشفى وادعيلة بالشفاء وللمسلمين اجمعين وادعي اليكى بالهداية والزوج الصالح ولتوفيق امييييييييييييييييين
انامع راى الاستاذ محمودجدا ياريت تقطعى علاقتك بة لانة مش بيحبك انتى مجرد وقت فراغ بس بيملا بة الوقت الاى تخاصم مع البنت الاولى ربنا يرزقك بى زوج صالح
يا اختي العزيزة انتي مريتي بتجربة سابقة ولازم تكوني تعلمتي من تجربتك الاولانية مو المشكلة انك بتحبيه وهو بيحبك بس المشكلة انوا العلاقة اذا ماكانت مبنية على الثقة بين الطرفين فكوني على علم انوا ها العلاقة او الحب بمعنى اخر فاشل مع احترامي الك لانوا مافي حب مع عدم ثقة وكوني واثقة اللي بيحب مابينسى الحب الاولاني وبتمنى انك تكوني قوية بارائك والك كل الامنيات با التوفيق
بصى انا مش عايزه احبطك بس الواضح انه لسه بيحبها
وانتى مجرد دخلتى فى وقت غلط عيدى تفكير
على فكره انا شاب وممكن اديكى معلومه تفيدك انا عماتا معرفش دماغه بس انا هقولك حاجه اى انسان فى الدنيا لما يحس ان انتى مش عملاله اهمية بيتشعلق فيكى لو حس انك انتى مدياله كل حاجه هيذهق او انتى جرحتى الى انتى كنتى بتكلميه وهو دماغه ان انتى ممكن فى يوم من الايام تعملى فيه كده وغير ده وده الى بيحب بيحب مره واحده فى العمر مش مرتين او سورى ممكن تكونى انتى لسه سنك صغير مش معديه ال20 سنه فده كله حب مراهقه
د
السلام عليكــــــــــــــم
بالنسبة لمشكلتك أنا عندي حلها بإذن الله :-
1- يجب أن تعلمي أن هذه العلاقة محرمة وتأكدي أن المعاصي تذهب النعم
فلو كان حبيب نعمة من الممكن أن لا يوفق الله بينكما
2- من الممكن أن يعاقبك الله لأنك قلتي أنه أتى إليك عريس وتم رفضه وللأسف
أهلك على نياتهم مش عارفين حاجه إلا بنتهم رفضت والسبب هو وجود حب وهمي
ويمكن العريس الراجل الذي تقدم لك ودخل البيوت من أبوابها يكون أفضل لك
لأنه دخل من الباب وده باختصار يحل كلام كثير جدااآآآآ
3- الشاب المريض بالقلـــــب أسأل الله له ولي الشفاء ولجميع المسلمين
ألا يفكر بأن يتقي الله حتى يرزقه بنعمة العافية والصحة
بدل معاكسة البنات والكلام مع كل الفتيات بل واللعب بعواطفهــــــــم
ألم يفكر أن الموت لا يفرق بين أحد ولكن بالأسابا التي نمشي عليها في الدنيا
مرضه هذا من الممكن أن يكون سببا في وفاته في أي وقت
وبالتالي إذا لم يتذكر هذا الشاب العودة إلى الله والتوبة فلا خير فيه
فاإنسان عادة ما يرجع إلى الله في الشدة … وبالتالـــــــــــــي
لن يكون معكي شخص جيدا كيف لا وهو لم يقترب من الله باتباع أوامره في أشد حالاتـــه
العمليــــــــــــة والأوقات الصعبة
4- آخر نصيحة لا تكلمي الشباب بدون علم أهلك
ولو واحد بيحبك قولي له تعال على البيت وادخل البيت من بابـــــه
وإياكي ثم إياكي أن تنتظري شاب لو رأيتي شخص محرتم وتقدم
صلي إستخارة وتوكلي على الله فيما بعــــــــــــــــــد