مشكلتى صعبه كتييير
ومش عارفه اعمل ايه انا مصرية عمري 18 سنه حبيت واحد تعرفت عليه على النت بس هو فلسطيني انا بحبه اوي ومقدرش اعيش من غيره لكن هو ظروفه صعبه اوى واهلى مش ممكن يوافقو عليه مفيش ولا فلوس ولا وظيفه ولا اي حاجه هو عمره 23 وفوق كل ده انو عايش فى فلسطين وميقدرش يسيبها انا بحبه جداا ومقدرش اعيش من غيره مش عارفه اعمل ايه
لدرجه انى اوقات فكرت اسافر له على فلسطين ونتزوج بس مقدرش اهلى مش حيسامحوني حكيتله يجي يعيش فى مصر بس معهوش فلوس حتى يشتري بيت وماما مش موافقه يعيش معانا في البيت وهو لسا بالجامعة ما خلص دراسته
ماما بتقولى ان دي مراهقة وهتعدي وبتقولي اهم حاجه الاستقرار وانتى لو اتجوزتيه حياتكم مش هتكون مستقره لكن انا فعلا بحبه كتيير ونفسي اكون زوجته وافضل معاه طول عمري وما يفرق بينا غيرنا غير الموت
لدرجه انى قلت لنفسي انى مش هتجوز خالص لو متجوزتوش يعنى ياما هو ياما مش هتجوز خالص
هو مش بيحبنى زى ما انا بحبه كده لكن انا مقدرش اعيش من غيره بلييييييييييييييز ساعدونى 🙁
انتي لسه صغيرة ومش عارفة مصلحتك فين المشكلة مش في جنسية الشاب في وضعه وظروفه لسه بيدرس وماعندو فلوس عشان يفتح بيت ويتزوجك امك بتدورمصلحتك وادرى منك اسمع كلامها واهتمي في دراستك وكل شي بااوانه ربي يهديك
حبيبتى المشكله مش فى النت ولا فى انو فلسطيني المشكله فى ظروفو
الشب الجاد بيكون ظروفو كويسه وبيدخل من الباب
انا تعرفت ع شاب فلسطيني من النت وجه اتقدملى واتخطبنا ؟؟ وده لانو كان جاهز وجد المفروض الشب ميدخلش اى علاقه الا لما يكون جاهز والا ميكونش جد وبيكون كذااب
صغيرتي الغالية أقدر مشاعرك والحب ليس بالشعور الذي يستهان به ولا ينسى بأمر أو استشارة يعني الشباب قدامك وأولاد بلدك كان ممكن تلتفتي ليهم لكن قلبك اختار هذا الفلسطيني الذي بغض النظر عن ظروفه هو انسان من لحم ودم ومشاعر أنا فهماك كويس وللأسف الكل يتهم الوسيلة وهي النت رغم أنها كغيرها من وسائل التعارف والاتصال وكثير قصص نجحت وخسرت من خلالها وهذا طبعا يعود للمكتوب والقدر ، لو شايفة أنك لا تقدري تعيشي من غير هذا الشاب ورأيت أنه هو الآخر متمسك بك فاصبري عليه وعلى ظروفه وعيشي معه في فلسطين ما دمت على استعداد لتقبلي به كشخص من دون أي شيئ آخر وليس هناك عيب في العيش في فلسطين فالموت بقدر والرزق بقدر ولن يصيبنا إلا ما كتب الله لنا لكن شيئ واحد لا تتخلي عن دراستك وفقك الله
يارب اللى عمل النت ده يموت ويخش النار علشانه دخل بيوتنا شياطين صامته وخلت عيالنا اتجننت وعقولها خفت قال هو فلسطيني انا بحبه اوي ومقدرش اعيش من غيره لكن هو ظروفه صعبه اوى طيب روحى على الحدود علشان يضربوكى بالنار هناك وتبقى كده ارتحتى من النت ومن هجايصه
ولسا انتي زهرة خسارة واحد متل ده وغيروا يقطفك وانت لسا بالعمر ده ابعدي عن النت وركزي
حبيبتي بجد لازم تبعدى وبالذات دا واحد مش من بلدك ابعدى ارجوكي انا كنت بكلم واحد فلسطيني برضو من الجامعه بتاعتي اعدنا تلات سنين وبعد كدا سابني في لحظه بس بصراحه انا مكنتش بحبك لاني كنت واثقه تماما ان دا اللي هيحصل وحصل فعلا بصي يابنت الناس ابن بلدك اوله بيكي صدقيني وبعدين احنا عندنا احلي واجمد شباب اعقلي بالله عليكي
انت بتخوضي بطريق الانهيار النفسي والمعنوي وانغلاق على الذات عودي لشخصيتك قبل النت واستعيدي ثقتك بنفسك وكوني قريبه من الواقع لان الخيال هو خيال والكذب هو كذب
انتى كاتبه مشكلتى صعبة كتير انا افتكرت فعلا ان عندك مشكلة بجد انتى معندكيش مشكلة اصلا انتى بتحبى واحد فى خيالك و بكرة تضحكى على نفسك زى ما انا بعمل دلوقتى ده واحد عمرك ما شوفتيه ولا اتكلمتى معاه غير على النت الله يقطع النت وسنينه السودا بكرة تعرفى الحب للى بجد و صدقينى انتى داخلة شارع سد
لا فلوس ولا ظروف سامحه ولا كمل لسه دراسه ومش هيقدر يجيلك مصر تتعبى نفسك ليه ؟؟ ثم والدتك نصحتك وكلامها هو الصح ركزى فى دراستك واجتهدى وربنا يكرمك بإبن الحلال وضعه ممتاز يتحمل مسؤليتك ويقدرك ويحبك اكتر من حبك ليه وان شاء الله يكون من بلدك افضل كتير وبلاش النت لانه تسليه واستغلال نصيبك كاتبه ليكى رب العامين
ده مش اسمه حب ده احتياج للحب وده سببه انك مش لاقيه حد حواليك يحبك ويخاف عليك وبالتالى اضطريتى تتعاملى مع شباب النت وده امر صعب لان الشباب كله بيدخل يتسلى مع البنات اللى زيك
انتي هاتي 3 لمونات اعصريهم علي كوب ماء ساقع علي علي شات تهدي وتفكري في مذكرتك وتبعدي عن الهبل ده حب ايه اللي عن طريق النت ده اسمه لعب عيال ووقاحه منه لانه عارف انه ظروفه صعبه جدا وافتكري كلام امك انه ده فتره وهاتعدي لانها فترة مراهقه خالي بالك بكره هاتحبي وتتحبي وياختي عيشي سنك دي احلي ايامك راحه تلخمي وتتعبي نفسك بكلام فارغ
يعنى اما تكونى بدبلوم او ثانوى وحابه شخص والله اعلم بتحبيه من امتى واضح انو اكثر من سنه لان والدتك كمان تعرف يعنى الموضوع اخد اكتر من حجمو وكمان فى نهايه رسالتك صدر منك اعتراف صريح بعدم حبو الك مثل مانتى تحبيه وكمان بتفكرى تسافريلو علشان تتجوزيه وكان الموضوع سهل اوى وفاكره ان الماذون منتظر عند المعبر فوقى حبييبتى لنفسك انتى بتحلمى حتى لو سافرتيلو انا هقولك ايه الى هيحصل لو سافرتيلو اول حاجه مش هتلاقى فى فلسطين بالكامل اسم حبيبك الى اتعرفتى عليه لانو اكيد قالك على اسم مزيف وانتى صدقتيه تانى حاجه حتى لو كان اسمو حقيقي عنوانو مش هيكون حقيقي لان الى انتى فيه ده وهم وخيال هو بكل بساطه اتقابل مع واحده ساذجه وهبله واوهمها انو بيحبها طيب قولى انتى هو فيه حد فى الدنيا كلها بيحب بنت وعايزها تكون مراتو ويتخلى عنها انتى لازم تفوقى لنفسك هو بيتسلى عليكى ومن الاحسن بقى انو انتى متتجوزيش وخلك كده على النت وكمان ممكن يكون هو متجوز طبعا انتى مش هتقتنعى باى رد وحل لمشكلتك لانك بتشوفى الغلط وبس ومش عايزه غيرو انتى مش مراهقه انتى لسه عيله صغيره متعرفيش اى حاجه عن اى حاجه فوقى لنفسك حبيبتى اقسملك بالله انو بيتسلى عليكى وانتى بقى عقلك فى راسك واعرفى خلاصك وبكره هتندمى اشد ندم لما تلاقى عمرك بيجرى ومحدش هيسئل فيكى وشكرا
السلام عليكم مفيش حاجه اسمها حب على النت ده كلام كدب فى كدب وانتى لسه صغيره والعمر قدامك طويل وان شاء الله ربنا يرزقك بواحد افضل منه ويكون من بلدك واسمعى كلام ماما هى بتخاف عليكى وعارفه مصلحتك اكتر منك