اعرف شاب كويس ومحترم من على النت اعرفه من حوالى اكتر من سنتين الاول كنا اصحاب وبعد سنه ارتبطنا وقابلته كام مره مش كتير المهم هو ينوى الارتباط بيا وانا اتاكده من النيته بطريقه غير مباشر المشكله ان اهله مش موافقين علىطريقه التعارف ( النت) والده رافض ارتباطه بيا وسبنا بعض وبعد ما اتوفى والده رجعنا تانى لبعض وبعدها قال لولدته كان ردها نفس راى والده وكمان عشان والده اتوفى ومكنش موافق …احنا دلوقتى سبنا بعض بس لسه قلوبنا متعلقه مع اننا تقريبا مش بنتكلم انا كان رد فعلى قولتله ما تعصاش اهلك فعلا دى تبقى معصيه ويمكن ربنا ما يبركش فى علاقتنا لو استمرينا ولا مش معصيه وايه اللى فى ايدى اعمله (كل ده وانا اهلى مش عارفين ) ارجو الافاده
الحب على النت
الارتباط من على النت ورأي الاهل
اضيف بتاريخ: Wednesday, January 12th, 2011 في 02:35
كلمات مشاكل وحلول: الحب, الحب على النت, النت, مشاكل الحب
الحب شي عظيم ومقدس لكن لماينصدم بعراقيل امامه يضعف ويكون مصيره الفشل ف النهاية دام امه رافضة زواجكما وهومش قادريقنعهااوياثرعليها الافضل لك الابتعادعنه للابد وكلا يروح لحال سبيله وزي مايقول المثل كل شي قسمةونصيب وربنا بيكرمك بالشاب اللي يستاهلك ويسعدك
الحب ال بيبدا ف النت بينتهى مش بيدوم م الاخر حب فاشل علاقة مفهاش ثقة فيما بعد و ربنا يقدملك ال ف الخير
السلام عليكم ورحمه الله وبركاته
حبيبتي انتي مش بايدك اي حاجة انتي عملتي اللي عليكي وكمان انتي مستنياه في اي وقت
خلاص هو لو بيحبك هيعمل المستحيل وصدقيني حب النت مبيكملش حتي لو فيها جواز
انتي استغفري واستخيري وصدقيني لو في نصيب ختخدو بعض هتجوزو دة حسب ما ربنا يرد
لو محصلش نصيب دة لسة مجاش نصيبك ومتزعليش
بالله عليكي صلي واستغفري كتير وان شاء الله تتحل
البيحب حد مابيتججش ولا بماما ولا ببابا لو بيحبك بجد هايقف قدام اى حد ويقنع مامتة ومش هايسيبك بسهولة دى
انتى مش فى ايدك حاجة تعمليها وصدقنى لو ليكى نصيب فية هتجوزية ممكن يكون بيقول كدة عشان ميتقدمش الشباب مش بتغلب فى الحجج اللى بيعملوها علينا سيبى الموضوع دة للة واتوكلى على ربنا وربنا يقدم اللى فية الخير ومتزعليش على اى حاجة
بصراحة انا حبيت من على النت بس المشكلة ان هى كانت وحشة خالص لانى ما شوفتهاش وهى بعتتلى صورة انا شوفتها على الكاميرا بس وعلى فكرة انا حبيتها قوى وهى كمان حبتنى قوى واهلى راحولها البيت وراحوا شافوها لقيوها وحشة نهائى وتخينة وقصيرة بعكس الكلام اللى هى قالتهولى ولو كانت حلوة فعلا كنت اجوزتها وصدقينى طالما اهلة مش موافقين ياريت انتى اللى تسبية وانتى اللى قررى لان رضا الاهل مهم جدا
موضوع النت دا مش كويس على فكرة وعن تجربه
بس عامةً انتى مش بأيدك حاجه لأنك مش هتروحى تتقدميله !!
استخيرى ربنا فى الموضوع دا وان شاء الله ربنا اكيد هيقدمك اللى فيه الخير
بس صدقينى والله الموضوع اللى بيبقى فيه عدم رضى من الأهل بيبقى دمه تقيل
وممكن تتجوزيه وحماتك دى تفضل كرهاكى طول عمرها وممكن تحصل مشاكل بينها وبين ابنها
لكن المفروض هو يحاول يقنعها لأن الناس عامةً مش بتعترف بالنت وكأننا بنروح ع المريخ ونعرف مخلوقات تانيه من هناك !!
الحلول من وهة نظرى :
– استخيرى ربنا
– يحاول يقنع اهله
– لو انتم قريبين من بعض يقول انه شافك وانسوا انكم عرفتوا بعض من على النت وياريت مش تتكلموا على النت نهائى
– حاولى تفكرى تانى لأن حب النت نادراً لما يبقى جوازه فيه استقرار واحترام
يعنى لو قدرتى تبعدى عنه يبقى افضل واستنى كدا واصبرى وطالما رعيتى ربنا واحترمتى اهلك يبقى
ربنا هيكرمك ودى حاجه مفيهاش اى نقاش واكيد انتى عرفاها
– لو مكنش فيه اى كلام بينكم حالياً خلاص مش تحاولى تكلميه او تردى عليه
وصدقينى اللى بيحب بجد بيعمل المستحيل ولو شاريكى هييجى ويتقدملك ولو اهله مش موافقين يبقى خلاص الموضوع منتهى اساساً
– لو بتحبيه وهتتحملى كل حاجه ,, اذا كلمك قوليله انا موافقه بس انتى تعالى اتقدم
ربنا يقدملك اللى فيه الخير ان شاء الله
صدقيني لو بيحبك هيرجع ويحاول يقنع والدته انكم بتحبوا بعض وانا علي نفسي شايف ان الارتباط هو الارتباط سواء عن طريق النت او عن طريق خاطبه او اي طريقه المهم الحب والارتياح وربنا معاكم
انا من راى انك تعززى نفسك وصدقينى الى بيحب حد بيعمل المستحيل عشان يوصله وانت مش فى ايدك حاجه تعمليها لان البنت هى الى بتكون فى بيتها والولد يجلها لحد عندك وكفايه انك خنتى ثقه اهلك خلاص ابتدى تراعى ربنا فى تصرفاتك وثقه اهلك ومتقبلهوش تانى ومتزعلشيش منى الصبيان ليهم كزا حاجه اوى واحنا طيبين وبنصدقهم لو متاكده من حبه ليكى لازم تتاكدى ان كلامه ده صح وبعدين هو اهلوا شفوكوى لو مش شفوكى يسنى شهر كده ويقولهم شوفت واحده فى كليه فى شغل اى حاجه وبخطبك صدقينى موضوع مش صعب اوى وانتى صلى وسبيها على ربنا بس اوعدينى انك تحفظى من دلوقتى على ثقه اهلك وربنا يوفقك