انا بحب شاب واتعرفت عليه عن طريق النت بس حصل فيه مشاكل بينا وانفصلنا وكنت بحبه وقتها حب جنوني وعلشان اخرج من الحاله دي اتعرفت علي ناس تانيه بس كانوا مجرد اصدقاء وبعدها بفتره رجعنا تاني لبعض وعرف انه ليا اصدقاء علي الايمال وزعل اوي مني وبعدها اتصلحنا ومكنتش بكلم حد تاني بس انا غلط ورجعت كلمت ناس تانيه غيره وعرف واخد موقف مني وانا اعتذرت وقلتله انه ده مش هايحصل تاني بس للاسف حصل تاني وعرف ومن ساعتها وهو مش بيثق فيا خالص انا غلط ثلاث مرات وكل مرة كان بيكتشف الغلط ده لما هو دلوقتي معندوش اي ثقه فيا ابدا بس هو بيكلمني كل يوم وقالي انه بيعمل كل ده علشان خايف عليا من الوقوع في الغلط انا بحبه قلولي اعمل ايه علشان ارجع ثقته فيا تاني ولا هذا الشئ مستحيل انه يرجع تاني انا والله العظيم متحيره ومش عارفه اعمل ايه افيدوني اعمل ايه
الحب على النت
الحب على النت وعدم الثقة
اضيف بتاريخ: Tuesday, October 5th, 2010 في 12:22
كلمات مشاكل وحلول: الانترنت, الحب, الحب على النت, الحب على النت, اميل, حب, شاب, نت
والله هذا الرجل عم بيضحك عليك واذا سنحت له الفرصة يأذيك فلن يتردد أبدا أنت بسبب حبك له لن تكشفيه أنصحك بأن تأتي باحدى صديقاتك الوفيات وتستمع لمكالماتك معه وماذا يطلب منك فانها وبلا شك سوف ترى الخداع الذي يخدعك فيه
السلام عليكم
انا هقولك تعملى ااايه وبخطوات عملية وواقعية جدا
اولا احب اقوال لكل الناس اللى بيقولوا مفيش حب على النت انكم غلط..هو فى حب موجود على النت وفى اى حته لان ده ف الاخر مجرد شعور..لكنه عشان يكمل بالزواج بيبقى صعب ااوى
المهم انصحك اختى لا تتركيه وانتى فى موقف ضعف ابداا ده هياثر عليكى اوى حاولى تتقلى عليه شوية بحيث يعبر لك عن شعور جيد من ناحيته اتجاهك فى الوقت ده انتى هترتفع معنوياتك بمجرد احساسك ببعض الثقة فى نفسك اتركيه فورا وحولى طاقتك وحبك له الى الله وعبادته ومتحاوليش تكلمى حد تانى بحجة ايجاد بديل عنه ..طريقك الوحيد والصحيح هو ربنا سبحانة وتعالى..قومى بانشااء ايميل جديد وحسابات جديدة وغيرى حياتك وادعوا الله لكى ان يهديكى للحق واليقين ويثبت قلبك وعقلك على الدين
يابنتي الرجاله دلوقت مايعرافوش حاجه اسمها حب كلهم بيتسلوا ارجعي لربنا والله وانا بحلفلك بثقه بكره هاتندمي علي انك سمحتي ترخصي نفسك بالشكل دا بذمتك بتحبي فيه ايه الكلمات اللي بيكتبهلك ولا الكلمات اللي بيسمعهالك وكلاهما محفوظ الب عمره مبيجي في يوم وليه
Okhti hada machi hob lhob 9bal kolchi howa li7tiram bin jojo okima galti rakh hadok ghir asdi9a2 wanti katabghigh howa ila kan mataya9ch fik rah makayabghikch Sorry:(
انا قريت كتير من الردود اللى مبعوته بس انا شايفه انكوا بتقولوا رايكوا وخلاص لاكن ممكن هى تجرب تساله ايه اخرت الحب ده انا عن نفسى ضد الحب على النت تماما لاكن يمكن فيه والله اعلم اما عن موضوع الثقه انتى غلطتى بس حاولى تقوليه انه يجربك ولاخر مره واوعى تكررى غلطك مش عشانه بس عشان نفسك بكره تندمى على كل ده صدقينى
ميشو اخي لقد ابدعت بالكلمات تحياتي لك
يا صاحبه المشكله انك ملامه مرتين
مره لترخيص نفسك لكل من هب و دب
و مره للحب من علي النت
خطأك الاول سهل اصلاحه بالرجوع الي الله
اما خطأك الثاني فهو مصيبه يعاني منها الشباب وهي الطاقه العاطفيه التي تحتاج للتفريغ فأصبح الشباب يفكرون في الحب من سن السابعه
و يبحثون عنه في اي مكان
يا صاحبه المشكله ان علاقتك بشاب من علي النت لا يظهر منه الا كلمات تشبه حب رجل لمؤلف احدي الكتب
وهذا والله لا يرضي شخصا عاقل بل عندما يعود اليكي عقلك ستندمين اشد الندم و تشعرين بتفاهه الموضوع
واخرت الحب دا ايه
والله ده يرجع لشخصيته هو فى ناس لما بتفقد الثقة فى حد استحالة ترجع تانى بس صدقينى لو بتحبيه فعلا اكيد هتعملى بصورة تلقائية منك اللى يرضيه ويبقى نتيجة لكده ان ثقته فيكى ترجع تانى اتفانى فى حبه مدام فعلا بتحبيه وربنا يوفقك ويجعله من نصيبك
اذا كنت انت غلطتي 3 مرات فهو غلط 30 مرة لانك مش انت البنت الوحيدة اللي اتعرف عليها على النت بس اقدر اقولك ان عودته لك مش اكثر من مجرد جمع العابه المبعثرة التي اعتاد عليها واعتذر على تعبير العابه لانه يهوى ذلك فاذا مل من هذه تركها ولعب باخرى وانصحك بعدم العبث كثيرا بمشاعرك وخاااااااااااااصة على اغلفة مجلات النت التي لا يحمد عقباها ..
عليكى ان تحبى الثقة ولاتثقى بالحب _واسألى مجرب
اللى المفروض تعمليه عشان ترجعى ثقته فيكى تانى انك ماتكلميش شباب على النت ولا تكلميه هو شخصيا
يا اختى مفيش حاجة اسمها حب على النت … هو اصلا مش واثق فيكى ولا عمره هيقبل يتجوزك اصلا
ما تزعليش من كلامى بس هى دى الحقيقة اللى المفروض تعرفيها … الشاب اللى عرف واحدة من على النت مستحيل يتجوزها الا اذا كان واحد عبيط لانه اكيد بيشك كل لحظة انها بتكلم غيره .. فما بالك انه متاكد انك كنتى بتكلمى غيره
تمسكه بيكى مش تمسك حب … تمسكه بيكى عباره عن غرور فى نفسه بمعنى انه مش عايز حد تانى ياخدك منه لانه بكدة هيفقد ثقته فى نفسة كولد .. وهو مش خايف عليكى زى ما بيقولك … هو بس مش عايز يحس ان فى حد تانى انتصر عليه واخد البت بتاعته منه
صدقينى والله هو دة اللى بيحصل على النت وانا راجل وعارف ايه اللى بيدور فى دماغ الرجالة بتوع النت لانى اعرف كتير بالشكل دة وكل واحد فيهم عايز تكون البنت بتاعته هو بغض النظر عن انه بيحبها ولا لا
اتقى الله وبطلى حب على النت وغير النت كمان … واصبرى لحد ما ربنا يكرمك بواحد كويس مايشكش فيكى ولا يذلك بحاجة انتى غلطى فيها قبل كدة … لانك لو اتجوزتى حد من على النت صدقينى حياتك بعد كدة هتكون مبنية على عدم الثقة وعلى الشك وهتفضلى طول حياتك تندمى على انك حبيتى من على النت
فى مبدا عند الرجالة معرف ..وهو ان البنت اللى انا مشيت معاها مستحيل اتجوزها لانها زى ما مشيت معايا اكيد مشيت مع غيرى وزى ماتكلمت معايا اكيد اتكلمت مع غيرى .. وحتى لو اثبتيله انك ماتعرفيش غيره بردو مش هيصدق