اول حاجة انا عراقية عندي 20 سنة اتعرفت على شخص مصري اكبر مني ب8 سنين اول ما تعرفت عليه كنت طفلة عندي 15 سنة
وهو كان بيعاملني معاملة الاخ الكبير وبينصحني وبيوجهني كثير .. كنت في وقتها انطوائية جدا مليش اي علاقات ولا حتى صحاب بنات .. هو عرف يخليني اطمن ليه وارتاحله ,, بعد سنة تقريبا من معرفتنا قالي انه بيحبني وانا كنت ببادله نفس الشعور بس محدش فينا كان بيقول او بيلمح حتى..وفضلنا 3 سنين من علاقتنا هو مش شايفني غير بصورة واحدة ولا سامع صوتي ختى ومع كدة هو استحمل ومكنش بيجبرني ..خلال الفترة دي كلها كان بيعاملني احسن معامله وباحترام كبير مفتكرش في مرة حتى حصلت مشكلة بينا .. لغاية قبل سنة حصلت مشكلة بسبب بنت من بلدة دخلت حياته حاولت تقنعه انها بتحبه وانه يسبني عشان بعيدة ومش من بلدة..فضل شهر تقريبا على علاقة بيها ..وبعدها اعترفلي بدة وقال انه غلط ومشي في طريق غلط ومخدش باله وانه محبهاش انما اتشد ليها..رجعت ليه بعد ما حلف مية مرة انه مش هيغلط تاني بس من بعد ما عرفها ابتدى كلامة معايا يختلف بقى بيلمح في وسط كلامة بشكل بيحرجني بيه .. بعدين طلب مني اني احلف اني مش هبقى غير ليه واني اجوزة نفسي قدام ربنا عشان ابقى مرتاحة وانا بكلمة قولتله اني بحبه وبتمنى انه يكون جوزي بس مش هغضب ربنا وان دة مش جواز .. بعدها بفترة ابتدى يحاول يشدني لكلام خارج عن علاقة الزوج بزوجته كنت برفض ديما بس بضغط منه جاريتة اكثر من مرة لكن في مرة حاول يزودها معايا وتعبت اوي يومها نفسيا وجسديا وحصلي انهيار عصبي ,,حاول بعدها يثبتلي انه بيحبني واني مش مجرد تسليه ليه ويمنع الكلام في كدة معايا او حتى مجرد التلميح لكنه كان بيرجع ويكلمني وبصد وبرفض وابتدى هو يتعب نفسيا بيقولي فيه مسافة بيني وبينك ومش هقربلك يعني وانه محتاجلي وبيقولي بعد الجواز حاسس انك هترفضيني كدة وكنت برد عليه اني بحبه بس بخاف ربنا .. في الاخر طلبت منه انه يسبني ويتجوز وبكدة مش هيتعب نفسيا ومش هيعمل حاجة حرام ,,بس رفض بردو وقالي انه مش هيتجوز غيري وانه بيحبني وفعلا نفذ وعدة بانه ميتكلمش معايا في كدة بس ساعات بيحاول معايا ولما بفكرة بكلامة يقولي اسف غصب عني ويسكت ,, وبيتعب نفسيا جدا وهو من النوع اللي لو تعب نفسيا بيأثر عليه جسديا .. خايفة عليه وحاسة اني سبب تعبه
انا دلوقتي مش عارفة الحل ايه ؟ انا بحبه اوي وهو بيحبني اوي فيه احترام بينا بشكل كبير اوي حتى مع كل اللي حصل دة فضلنا محافظين عليه وهو لغايه دلوقتي بيحلفلي بحبه وبصراحة اللي شفتة منه ومن حبة ليا مستحيل الاقيه مع حد تاني
الحب على النت
حبيبي طلب نتكلم كازواج وانا صديته ولكن
اضيف بتاريخ: Monday, July 18th, 2011 في 23:32
كلمات مشاكل وحلول: الجحب على الانترنت, الحب على النت, الحب على النت, بنت, مشاكل الحب
حبيبتي احسن تبعدي عن الشر وتغنيلو والباب البجيب ليك الريح سدو واستريح انسيه احسن وعسي ان تكرهو شيا وهو خير لكم وصدقيني من ترك شيا من اجل الله ابدله خيرا منه
بصي ياحبي انا مريت تقريبا بنفس التجربه بس انا حبي لربنا كان ومازال طبعا اكتر من حبي ليه ولذلك سبته عشان كده سبته وكل يوم بتقطع بس مش انا ال ممكن تغضب ربنا عشان واحد
ههههههههههه انا متجوز بقالى سنتين وعمرى ما كلمت المدام فى كلام خارج وبعدين هوه بيتكلم فى الكلام الخارج دا علشان اكيد يتسلى بيها ودا حاجة اسمها هوس جنسى انا لو اتجوز عمرة ما هيفكر انة يتكلم
بصي هو انسان لو بيحبك بجد وبيخاف عليك وحاسس انك في يوم من الايام هتبقي شريكة حياتة عمرة مكان قلك كدا هو بيضغط عليكي بكل الاساليب اوعي تصدقي دي او تضعفي ولما اقلك انا عرفت وحدة هو بيقلك كدا عشان تعرفي اني هو سابها عشانك وتغيري علية وتعطية الي هو عوزة الحب الصادق هو انة يحافظ عليكي يحترمك يصونك الحب اخلاق قبل ما يكون مشاعر ولو هو بجد بيحبك هيجيلك لو حتي انتي في اخر الدنيا بس ذي ما عرفل من علي النت هيعرف غيرك وغيرك وغيرك ويسمع في كلام وياخد الي عوزة وبعد كدا مرحلة وتروح لحلها ولما يجي يتجوز هيفكر في انسانة ملهاش تجارب وهيعملها 100 اختبار عشان يتأكد انة انسانة محترمة هتصونة وتحافظ علية ويتشرف بيها قدام كل الناس وفي الاخر ما حدش بيخسر غير البت يا ريت تفكري في كل كلمة وبكرة الايام تعرفك كل كلمة انا قلتها واوعي تمشي ورا مشاعرك من غير نتيجة عشان مترجعيش تندمي وربنا ينورك طريقك ويدلك علي ما في الخير ليكي بس قبل ما تعملي حاجة الجئ الي ربنا سبحانة وتعالي وانتي عمرك ما هتغلطي وياريت تطمنيني عملتي اي وانا هدعيلك. لو كنت عرفة اوصلك كنت كلمتك.
بصوا مع احترامى لكافه الردود ولكن انا من وجهة نظرى مفيش علاقه ناجحه من على النت صدقينى وحكايت انه عرف واحده دى لازم يقولك كده علشان يجر رجلك بكلامه حتى مش يرجع يعنى للى بيكلمها وده راى انه بيكدب عليكى وازاى تحبى واحد مش شفتى غير صورة له وهوا كده النت مفيش اسهل منه فى الكدب
يا قلبى ابعذى عن الشر و غنيله المحترم الحقيقى مابيفتحش مواضيع زى د ى قبل الزواج و لما بتصذىه بيتاثر نفسيا ده معناه ايه احسن ابعد ى عنه
انا اعرف حاجة واحدة الا بيحب حد بيجيى يتقدملوة حتى لو كان من بلد بعيد هو دة الا اعرفة غير كدة يبقى تسلية وبعدين هو ممكن يكونعايز يحس بانكم متجوزرين وربنا يهدية بس لو متقدمش ليك يبقى تسيبة وبعدين انا شايفة ان فرق السن بعيد اوى دة كمان مشكلة
حبيبتي هو اكيد بيحبك بدليل انو صاحب وحده ومعرفش يكمل معاها احسن حاجة تعمليها انك تحافظي علي نفسك وعلي حبك ونادر جدالماتلاقي حديحبك بجد
حبيبتي احسن تبعدي عن الشر وتغنيلو والباب البجيب ليك الريح سدو واستريح انسيه احسن وعسي ان تكرهو شيا وهو خير لكم وصدقيني من ترك شيا من اجل الله ابدله خيرا منه
من اختك وفاءابتعدي عن النت محدش يستاهل لونصيبك هيجيلك كلامك علي النت حرام ومتجريش ورانصيبك
نصيحه مني انتي بس اساليه سوال واحد قولي له انته تقبل ان اختك تعمل هذا الشي مع اي حد من غير ما يكون جوزها وهوه اكيد ح يجوبك ساعتهاانتي حاتتاكدي من جوابوا ان كان بيحبك وبيحافظ عليك ولا لا
انا برده حصل معايا نفس اللى حصل معاكى بس مكنتش معرفه نت وحاول كذا مره يكلمنى كلام خارج وانا كنت بصده وبعد ما جريته بشوف اخر فى الاخر اتعصبت عليه جدا راح قالى ده كان مجرد اختبار
ابنتى الغالية احكى لك تجربة واقعية وتنطبق تماما على تجربتك
لقد حدثت نفس العلاقة مع اختلاف العمر اولا لم يستطيع اى منهما ان يأخذ تأشيرة البلد الاخر وفكروا فى حل وسط ان يتقابلا فى الاردن وفعلا تقابلا وبدءا فى عمل الاجراءات للزواج فى المحكمة الشرعية فى عمان وبعد عمل فحص الزواج واخد موافقة السفارة العراقية وبدأت المشكلة انه لا بد ان يحصل لها على موافقة امنية من القنصلية المصرية وفعلا قام بتقديم طلب الموافقة الامنية وعلم ان ا لموافقة الامنية لا تعطى ولا بعد سنوات وغير مضمونة وانصحك بصرف النظر نهائياً عن تلك العلاقة التى لا طائل من ورائها وانت تتصرفى بحكمة عنه وتخافى من الوقوع فى الحرام وهو غير حريص لا عليك مهما اقسم بالله على انه لن يتزوج غيرك والموضوع صدقينى معقد جداااااااااا من ناحية السلطات المصرية
ahssan chi ya okhti inik tinsi harijal mbayin ktir cho gharado minik ana bsaraha mabamin bhob nit lani blaih tasliya w bas
لو بيحبك بجد اكيد كان هيخاف عليكى ويخاف انه يجرح مشاعرك
واضح انة بيحبك بدليل انة حافظ عليكى من نفسة بس صلى استخارة دة الاهم وكل شئ هايكون واضح ليكى والاهم حافظى على دينك واتقى اللة وان شاء اللة ربنا هايرضيكى
عملك ايه انتي شوفتيه اساسا انتا مش بيجي عليكي اوقات وتحسي انك نفسي تتكلم مع روح وجسد اعده قدامك بصي يا بنت الحلال الحب دا بيجي من مواقف تحصل ادامك مش تتحكالك لان اعرف اي انسان لازم يجمل صورته انا مش بقولك كدا بشكك فيه الله اعلم بس بجد مفيش حب من ع النت
لا حول ولا قوة إلا بالله أنا بصراحة ما بدي انزل من معنوياتك لكني لازم اقولك رايي هذا الشخص حسب كلامك لا بيحبك ولا شي مبين من كل حرف كتبتيه لأنو مستحيل حد يحب حد من غير لا يشوفو ولا حتى يسمع صوتو ده مجرد وهم لأنها أول تجربة ليك صدقيني ده مش حب يمكن انتي حبك صادق بس هو أنا متأكدة كما إني متأكدة انو هلا عايش حياته عادي وعلى علاقة او عدة علاقات بس انتي حاطك على جنب جتى يغيرلك فكرك لأن في رجال ما يقدرو يتقبلو الرفض ولازم يوصلو للشي يلي بدهم ياه مش بدافع شي غير انو يمشي كلامه وفي الاخر يقولك طلعت زي كل البنات أنا رح انصحك نصيحة اخوية اتركيه في سبيل الله والله رح يكون معك ورح يجازيك على حسب نيتك وقلبك الصادق له إن الله مع الصابرين اصبرو ورح تلاقي نصيبي حتى ولو كان في الصين مش في مصر بس …لا تثقي بالناس خاصة ع النت لانهم مش كلهم مثلك خدي حذرك حطيه امام الامر الواقع قولو لو صحيح حب مثل ما تقول شو ناطر يلللللا تعا اخطب لو مش قادر كل واحد من طريق ولو الله كتب لنا نكون مع بعض اكيد رح يجي يوم ويجمعنا …صدقيني لو جاريتيه في الكلام الجنسي على فرض انو بيحبك اصلا ربنا رح يعاقبكم على ما فعلتم في حياتكم قبل اخرتكم وعقابو رح يكون انو رح يحرمكم من بعض …كل نصائحي ناتجة عن تجارب حقيقية مش كلام وخلاص ..فكري بكلامي منيح ما رح تندمي ابدا ولو ما عجبك استخيري لربك وهو رح يبينلك الخير من الشر اسأليه لو خير الك رح يقربو ولو كان شر رح يبعدو وربنا معك ودعواتي من قلبي ..اتمنى تتوصلي لحل وتبشرينا و السلام عليكم ورحمة الله تعالى وبركاته
بصي اول حاجه لوبيحبك فعلا يسافرلك يتقدم لكن شكلو بيطمنك بالجواز لحد ماتوافقي تتكلمو ف كلام جنسي
واوعي ف يوم ابدا انك توافقي حافظي ع دينك واخلاقك وانا افتكر لو بيحبك بجد كان حافظ عليكي ومفتحش مواضيع جنسيه كدا بعيد عن ده انامش بؤمن بحب النت وان كانت نسبه نادره جدا ف هذا الحب الا انه سيوجد الشك
اجمل شئ الحب واضح فعلا انه بيحبك وبيحترمك يبقي فاضل ايه عشان ترطبتو ببعض ياتجيله يايروحلك واتاكدي انه هيحميكي لانه قدر يحميكي من نفسه حتي علي حساب نفسه وربنا يوفقنا ويوفقك ويجمعنا جميعا بااحبابنا