بسم الله الرحمن الرحيم
السلام عليكم ورحمه الله وبركاته
انا بجد محتاجه ربنا ومحتاجاكوا ومحتاجه مساعدتكوا
انا حبيت واحد زميلى فى الكليه بس ده كان حب من غير ما اقوله خالص وبعدين ربنا اراد ان يجمع بينا فى منتدى واتكلمنا كام مره فى المنتدى وصارحته بحبى هو كان فى الاول رافض لانه مش كان يعرفنى خالص ومش كان مصدق اللى بقولهوله وانا كنت ايام ما اتعرفت عليه نفسيتى تعبانه جدا والله وهو كان عارف ان نفسيتى تعبانه وكان مصدق او متاكد انى شويه لما نفسيتى تخف هنساه وخلاص
بس الحقيقه غير كده
المهم هو سال عليا فى الكليه والناس الحمد لله مش فى حد قاله عنى كلمه وحشه خالص وهو كمان طلع عارفنى شكلا بحكم اننا فى كليه واحده بس مش كان يعرف انى هو انا الشخصيه دى بس لما عرف انى هو انا دى حبنى فعلا وطلع هو كمان بيحترمنى زى بقيت زمايلى وانا الحمد لله مش ليا كلام مع اى ولد فى الكليه ولا فى اى مكان والله كل اصحابى بنات وبس
المهم هو صلى استخاره والحمد لله مرتاح
وانا صليت استخاره بدل المره اربعه والله ومش شوفت حاجه وفى اوقات صلاتى الاستخاره كنت ببقى قايلاله ان انا هصلى استخاره ومش كنت بكلمه فى الايام دى بس بعد صلاه الاستخاره كان بيحصل حاجات لازم احكيهاله وكنت برجع اكلمه تانى
المهم الانسان ده راجل بمعنى الكلمه والله مش بقول كده عشان بحبه لكن لاء والله هو فعلا راجل وانسان كلمته واحده بيحافظ على اللى فى ايده وبيخاف ربنا حتى اول ما بدانا كلام مع بعض قالى عرفى مامتك اننا بنتكلم على لم معاه تانى ونفضل على وعدنا وهو مش ينسانى ويجى يتقدم باذن الله بس مش عارفه اعمل ايه لان الحاجه الوحيده اللى بتوصلنى بيه هى النت احنا لا بنكلم بعض على الموبايل ولا بنقابل بعض ولا عمرها حصلت ولا هتحصل الا لما اهلى يعرفوا وتبقى رسمى كل كلامنا على النت بس والحمد لله هو واقف معايا بيدافع عنىالنت ودايما بيقولى انا عارف معنى كما تدين تدان ازاى وعندى اخت وبخاف على قد عنيا والى مش ارضاه ليكى مش ارضاه لاختى وانا مصدقاه الحمد لله والله بس خايفه مش عارف اعمل ايه وخاصه انى لما قولت لماما اننا بنتكلم على النت رفضت خالص وقالتلى ابعدى عنه وان اللى بيحب حد وشارى حد بيجى البيت مش بيشتريه من النت وانا وعدتها بكده وفعلا نفذت وعدى والله العظيم نفذت وعدى بس قدر ربنا ان يبقى فى كلام ما بنا تانى عارفه انى لما اتكلمت معاه تانى خونت وعدى ونفسى ومنى عينى انفذ وعدى ومش عدت اتك قدام اى حد يجيب فى سيرتى وبيرد غيبتى ومش قايل لحد اننا بنتكلم على النت ولا قايل لحد انه يعرفنى اصلا
مصدقاه والله وواثقه فيه وبحبه وهو الحمد لله بيحبنى بس مش عارفه اعمل ايه انا بصلى كتير وبدعى ربنا كتير بس خايفه اكون كده بغضب ربنا واهلى عشان بكلمه انا بقول لربنا لو شر ابعده عنى بس ربنا بيقربه منى تانى ومش بيبعده
المشكله انى خايفه وكمان مش فى حد فى بيتنا عارف انى بكلمه بس فى ليا صاحبه بحكيلها على اللى بيا قالتلى ابعدى عنه فا مش عدت بحكيلها حاجه بس انا غصب عنى عايزه احكى لاى حد نفسى افضفض واعرف انا صح ولا غلط
قولولى الله يخليكوا اعمل ايه
بس على فكره انا مش اعرف من النت والله انا شوفته فى الكليه مره قبل ما اكلمه على النت وحبيته فعلا من اول مره شوفته فيها ومش كنت ناويه اقوله ولا كنت ناويه اكلمه قولت هدعى ربنا وخلاص انه يبقى من نصيبى ولولا المنتدى مش كان هيبقى بينا كلام اصلا وطبعا كل الناس اللى فى المنتدى بيكلموا بعض مش فيها حاجه دى خالص ولا خونت اهلى فى دى ولا خونت ربنا فيها
ساعدونى الله يخليكوا انا صح ولا غلط مع العلم ان ربنا مش بيبعده عنى وكمان هو انسان وراجل وبيخاف عليا
بس المشكله ان انا اللى خايفه ومش عارفه اعمل ايه خالص
انا باذن الله هستناه العمر كله لحد ما يبقى جاهز ويجى يتقدم وهو فعلا بيعمل لكده وحتى قالى انه لما هيجى يتقدم لبابا عمره ما هيقوله انه بيكلمنى من النت
قولولى اعمل ايه ربنا يخليكوا
وشكرا
الحب على النت
هل كلامي لحبيبي على النت خيانة لاهلي
اضيف بتاريخ: Tuesday, August 2nd, 2011 في 21:44
كلمات مشاكل وحلول: الحب على النت, الحب على النت, مشاكل الحب
اختي المحترمة انت ونعم التربية والاخلاق اللي انت فيهاوالراجل دام انويخاف الله ومحترم ومودب خليه يتقدم لاهلك يخطبك رسمي غيركدا اقلك ماينفع تتكلم معه خالص لاعبرالنت اوالموبايل لاجل ماتوقع في الحرام وتجلب العاروالفضيحةلك ولاهلك ربي يسعدك ويوفقك
:7 انا ها قولك لو انتى بتحبية بجد سبية خافى علية من عزاب القبر علشان هو كدة ها يتعذب فى قبرة بجد علشان ربنا الوحيد الى يعلم انة ها يتجوزك ولا لاء وربنا يوفقق وتجوزية يارب علشان انتى انسانة محتر
بصى يا اختى انتى انسانه طيبه
من ترك شيئا لله ابدله الله خيرا منه
كونى كالتفاحه ع الشجره
ايلى عاوزك يتعب ويبص فوق عشان يخدك
مش تكونى ع الارض فى الوحل يوطى عشان يخدك
غيرى رقم تليفونك واميلك
ولو عاوزك فى الحلال هيجيلك يخطبك
بس متزعليش منى هقولك حاجه تزعلك
اى ولد اما يجى يتجوز
عاوز واحده متكلمتش مع حد
ولا مشيت مع حد ولا حتى معاه
صونى نفسك فى بيتك
وزوجك مكتوب فى اللوح المحفوظ من قبل متتولدى
وتقربى الى الله
وربنا يكرمك
وعسى ان تحبوا شيئا وهوه شر لكم
انتي بجد انسانة محترمة بس انا رئيي اني هو لو بيحبك بجد زي ما انتي بتحبية خلية يجي يتقدم لاهلكويشرحلهم ظروفةانشلة يقرا فتحة مؤكدابس عشان الناس كلها تبقي عرفة انك مخطوبة وتقدري تكلمية برحتك ومنتبقيش خيفة وقلقانة وانا حسة بيكي عشان الي بيحب بجد بيعمل المستحيل عشان يقدر يوصل للي بيحبها وربنا يوفقك يارب وتجوزية ويجعلة من اسمتك ونصيبك عشان انا بحب زيك بس هو مسافر السعودية وهينزل علي العيد الطبير وادعيلي احنا ننجوز علي طول من غير مشاكل احنا مش مخطوبين رسمي عشان هو كانت ظروفة صعبة بس في كلام بين الاهالي واهلي واهلة يعرفوا واجمل حاجة ان هو يعرف انك غير كل بنت عرفة وانك انسانة مختلفة ومحترمة في كلامك معاة دي اكتر حاجة تشد تخلية يتمسك بيكي عشان حاسس انك مختلفة وخليكي حذرة في مشاعرك معاة وهو عمرة ما هيفرض فيكي ابدا ربنا يارب يحققلك كا ما تتمنية.
انا رأى انه لو غايزك حيتقدملك فى البيت لانكم مش صغيرين دا حتى لو اتقدم لقرات الفاتحه مع اهلك وبلاش تكلميه تانى طالما مامتك قالتلك كدا
وربنا معاكى ويحققلك كل الى بتتمنيه
يا اختى فى الله هو لو عاوزك يجى يتكلم عليكى رسمى وبعدين يبقى كلميه زى ما انتى عاوزه اوك بااااااااااااى
بسم الله الرجمن الرحيم بصى يا أختى الفاضله انا اختك فى الله انا مريت بنفس التجربه دى بالضبط بس هو كان قريبنا وكنت بكلمه وحاولت بدل المره مية مره انى ابعد عنه لحد الموضوع ما يبقى رسمى بس صدقينى والله ما قدرت بس انتى لو عندك القدره انك متكلميهوش اعملى كدا لأن دا والله افضل ليكم قدام ربنا وربنا يوفقك ان شاء الله
انا ها قولك لو انتى بتحبية بجد سبية خافى علية من عزاب القبر علشان هو كدة ها يتعذب فى قبرة بجد علشان ربنا الوحيد الى يعلم انة ها يتجوزك ولا لاء وربنا يوفقق وتجوزية يارب علشان انتى انسانة محترمة
دة فعلا بيحبك ولازم يتئدملك وانا موافقة وربنا معاكى دة حل كويس
بجد ياريت تفضلي علي كده وانتي بجد انسانه محترمه قليل في زمن ده حد يلاقي زيها وكون انك ولا قابلته ولا كلمتيه موبيل وكمان كون انه عرضي مشكلتك وفكرتي باهلك هل دي خيانه ليهم فبجد ربنا يحميكي ويخليكوا لبعض وعاوزة اقولك علي حاجه الحياه مليه بالمشاكل بس مع الحب بعد كل مشكله الحب بيبقي اقوي واقوي وبالنسبه لاهلك لو حنتكلم عن الصح في دايما مقوله بقولها لنفسي في اي موقف ان اللي بيخبي حاجه بيبقي حاسس انها غلط بس احيانا الانسان فيه حاجات مينفعش يقولها بس صدقيني اللي انتي فيه ده ولا غلط ولا عيب انتي حبيتي وعمره الحب مكان غلط وحتي تصرفاتك في الحب وافعالك مش غلط واعتقد انك مستعده تقولي لاي حد اه انا بحب الانسان ده فليه تخبئ عن اهلك مهما كان رد فعلها بس كده انتي حتزيدي ثقه في اهلك لما كان ممكن تخبئ بس انتي مش بتعملي حاجه غلط وفهمي لماماتك كل حاجه وخليه يقرب من ماماتك وممكن ماماتك ترفض وتعارض بس برضوا استمري ومتستسلميش ابدا لانه فعلا انسان بالمواصفات اللي انتي قولتيها دي يتستحق انك تدافعي عنه الحب مسئوليه وانتوا لاثنين لازم تتحملوا اي ضغوط وبتمنالكوا ربنا يوفقوا وحياه سعيده اختك شمس
بصى يا حببتى انا بمر بنفس المشكلة دى وراى وانا باردو هعمل كدةاهمحاجة كلمةوقوليلو انك هتبعدى لانك مش متحملة ان ربنا واهلك يغضبوعليكى وشوفى رد فعلو هتبقى ايه بجد انا بقلك خليكى مع ربك والوقت الربنا ياذن فيةانكو ترجعو لبعض تانى هترجعو وثالثا والله والله حبى ربك وتوجهى اليه وابعدى عن الخص دة لغيت مربنا ياذن هتلاقى ربنا بيبركلكمفى بعض اكتر واكتر (ان الله لايغير ما بقوما حتى يغروما بانفسهم اريت اكون نصيحتى افاتدك وافادتنى
بسم الله الرحمن الرحيم
بصى يا* ناصحه لوجه الله *
انا هقول عليه انا كمان انه خطيبى لانه باذن واحد احد هيبقى خطيبى
بصى انا فعلا عارفه اخته وبكلمها وهو فعلا قايل لمامته وحاكيلها وفعلا فعلا قايل لباباه انه بيبنى نفسه وبيكونها يبقى كلامك فى حقه غلط ومش حقيقى مش تاخدى قاعده وتطبقيها على الكل يابنتى انا مش كاتبه المشكله عشان مش واثقه فيه لاء والله انا كاتباها اعرف انا صح ولا غلط
اكمل بقى ردى على باقى الناس
بالنسبه ل * يخيخ*
الف شكر ليكى يا حبيبتى على مشاركتك ليا ويارب يبقى حبيبك من نصيبك يارب ونباركلك على خير ويارب انا كمان باذن الله تكمل على خير وادعولى انا كمان وبجد مرسى ليكى مره تانيه
بالنسبه ل*راما *
بصى يا راما هو قايلى من الاول انه مش جاهز وانا موافقه ومستنياه ومتقبله ومش بيضحك ولا بيتسلى ولا ليه اى حاجه فى الكلام ده وبعدين مهو انا لازم برضه اقف معاه واستناه وبعدين هو هيجى يتقدم ازاى فهمينى كده مهو الواحد برضه لازم يبقى عارف ايه اللى هيطلبه منه مهو هيجى يقول لبابا ايه انا بحب بنتك وعايز اتقدملها هيقوله وماله بتشتغل ايه يا حبيبى هيقوله ايه بقى معلش انا لسه متخرج !!!طيب يا بنتى مهو هيترفض على طول يبقى انا بغامر بيه بصى كلامك يبقى صح لو كان هو جاهز لكن لسه وعالعموم الف شكر لرايك
بالنسبه ل* توتا*
الف شكر ليكى يا توتا وباذن الله انا بصلى اهو لحد ما ربنا يهدينى للطريق الصح والف شكر ليكى مره تانيه
بالنسبه ل* هانى*
اولا بشكرك على مشاركتك فى مشكلتى
ثانيا بقى وده الاهم
كلام خارج ايه اللى بنتكلمه ؟احنا اصلا كل كلامى معاه مشاكل بمر بيها وهو بيحلهالى وبيقف جمبى وباخد رايه فى حاجات وبشكيله مشاكلى يعنى زى ماتقول بنت وبتكلم حبيبها واخوها فى نفس الوقت مش فى حاجه من اللى انت بتقولها دى على فكره انا انسانه عندى حياء فى المقام الاول يعنى واعرف ربنا كويس يعنى وهو كمان انسان يعرف ربنا كويس ومحترم مش ينفع خالص اللى بتقوله ده
وبعدين هو انا لما اعرف الناس اللى فى المنتدى انى بحبه واخبى عن اهلى هو ده الصح من وجهه نظر حضرتك لاء طبعا بيتهيالى لاء مش صح وبعدين بقى انا بثق فيه الثقه دى لانه انسان بجد نعم الثقه واهل للثقه دى ومش فى حد يقدر يهز ثقته عندى وباذن الله ثقتى بتزيد يوم بعد يوم وهتزيد وهتفضل تزيد وبعدين امور خاصه ايه اللى بكلمه عنها ؟؟انت فاهم الموضوع بشكل مش فاهماه انا اصلا بس اللى اقدر اقولهولك ان ربنا عندنا فوق كل حاجه الحمد لله
بالنسبه ل* دندونه *
يارب يصلح ليكى وليا وللمسلمين اجمعين امورنا ويحقق لينا اللى بنتمناه والف شكر لمشاركتك
بالنسبه ل*صونيا *
يعنى ايه مشت معاه دى ؟؟بقولك والله العظيم انا عمرى ما كلمته الا على النت تقوليلى مشت معاه يا جماعه انتوا فاهمين المشكله والكلام غلط حاولوا تقروا الكلام تانى بتانى مش كل حد يحكم عليه من خلال قاعده عنده او تجربه مر بيها دا غلط على فكره وكل قاعده وليها شواز وبعدين بقى على فكره انا مش احب حد يغلط فى حتى لو كان ايه برضه مش احب الكلام ده وعالعموم الف شكر ليكى
بالنسبه ل* وفاء*
اولا الف شكر ليكى ثانيا يا بنتى والله اصلا هو مش بيقول لحد انى بكلمه فضيحه ايه اللى بتتكلمى عنها ؟؟وبعدين معلش يعنى مهو كل الناس بتكلم كل الناس على النت يعنى مش فى دى فضايح
بالنسبه ل * سمر *
الف الف الف شكر ليكى يا سمر ويارب يوفقك ويوفقنى ويوفق المسلمين اجمعين وباذن الله ربنا مش هيخيب ظنى فيه
والسلام عليكم ورحمه الله وبركاته
بسم الله الرحمن الرحيم
اولا
كل سنه وانتوا طيبين ويارب ايام رمضان اللى فاتت نكون كسبنا فيها رضا ربنا علينا وباذن الله الايام اللى جايه نكملها على خير
ثانيا
الف شكر لكل اللى ردوا على موضوعوى وحاولوا يساعدونى والف شكر برضه لكل اللى لسه هيردوا
ثالثا
بالنسبه ل*هجورة*
والله يا هاجر انا صليت كتير جدا جدا حتى طول ايام رمضان اللى فاتت دى فى التراويح وفى الفجر بصلى وبدعى ربنا وبصلى استخاره ومش بشوف حاجه خالص بس الحمد لله مرتاحه وانا اصلا اليومين دول مش فى بيتنا خالص ومش بنتكلم بقالنا يجى شهر اصلا عشان مش فى نت الا فى بيتنا انا بس جايه النهارده اشوف اخواتى وراجعه تانى واهو كمان عشان ربنا يرضى عننا ويتقبل مننا قيامنا وصلاتنا مش بنتكلم فى رمضان والله العظيم احنا حاطيين الحمد لله مكانه ربنا فوق كل شئ وعارفه ان ربنا زعلان منى عشان وعدى اللى خونته وانا بستغفره كل يوم وبجد هنفز وعدى والف شكر ليكى لمساعدتك ليا
رابعا
بالنسبه ل* اسامه *
بشكرك يا اسامه على كلامك بس يا اسامه يعنى هو انا لما اكلمه على النت ممكن يقلل من احترامه ليا ولما هكلمه فى الجامعه مش هيقلله ؟؟ لاء يا اساممه بالعكس دا انا اعندى لو عايزه اعرف اخباره اساله على النت ومش اساله فى الجامعه خالص فى الجامعه يعنى خيانه اكبر لاهلى ولربنا وساعتها الناس هتتكلم صح ولا مش صح ؟؟وبعدين مش ينفع انا مش اعرف اكلم ولد فى الحقيقه الا اخواتى دى حاجه من الحاجات يعنى وبعدين انا اقف معاه بصفتى ايه يعنى ؟؟
خامسا
بالنسبه ل*ماريا*
بجد الف شكر ليكى يا ماريا وانتى مش بتحطميلى معنوياتى يا حبيبتى ولا حاجه انتى بتنصحينى بحكايتك وانا متقبله ده وكمان زى ما انا حاطه لقصتى انها هتكمل حاطه كمان انها ممكن لاقدر الله مش تكمل بس يا ماريا هو مش جاهز ومن الاول قايلى وحاكيلى وانا متقبله ده مش معقول دلوقت هاجى اقوله اخطبنى بدبله واتغير عليه لاء الانسان لازم يصبر على اللى بيحبه ويقدره والا يبقى مش يستاهله صح ولا مش صح ؟؟
سادسا
بالنسبه ل* ميمى *
مش عارفه يا ميمى بصراحه اقولك ايه والله انا مش جت عليا افكر فى الحته دى خالص خالص بس ليا رد صغير ويارب مش اكون غلطانه فى ظنى بصى هو ممكن يكون ثقته فى نفسه هى اللى اديتله الحق انه يرضى ليا ان اكلمه وثقته برضه انه مش هيبعد عنى وثقته ان كلمته واحده هى اللى خلته يرضى عالعموم الف شكر لكلامك
سابعا
بالنسبه ل*لواحد من الناس*
الف شكر ليك بجد وباذن الله هو ده اللى ناويه اعمله مش عشان مش واثقه فيه وفى كلامه لاء انا قولتلكوا من الاول مشكلتى انى خايفه من غضب ربنا مش انى خايفه منه ولا من كلامه والف شكر مره تانيه
ثامنا
بالنسبه ل *مسلم *
الف شكر ليك يا مسلم بس هقولك برضه اللى قولته لميمى ومش عارفه اقول اكتر من كده ويارب يكون ظنى فى محله
تاسعا
بالنسبه ل*ناصحه لوجه الله *
يابنتى انا لو خليته يوعد مامته وعد ويخونه عشانى ابقى انا كده انسانه جبانه ومش استاهله عارفه ليه لانى المفروض انى اخليه كبير مش فى نظر مامته بس لاء فى نظر نفسه والناس كلهم بس خيانتى لوعدى دى مش كانت بايدى ولا بايده وانا ان شاء الله هحاول انفذ وعدى بس يا حبيبتى انتى بتحكمى على قصتى من خلال ايه ؟؟؟هو على فكره فعلا معترف بيا ومورينى شات ليه مع بنت على الفيس كانت بتقوله انها بتحبه قالها معلش انا بحب خطيبتى يعنى شوفى انا وصلت معاه انى خلاص بقيت خطيبته بصى مش تقولى فى حقه كده تانى وادعيلى تكمل على خير باذن الله
اما بالنسبه لباقى الناس باذن الله ليا رد على كلامهم واستاذنكوا دلوقت
والسلام عليكم ورحمه الله وبركاته
بصى الانسان بيظهر مره واحده واكيد عدت مواقف كده وطلاما انتى حكية والدتك كل حاجة يبقى خلاص وبعدين الناس مش زى بعضها زى صوابع ايديك زى مافى الحلو ف الوحش وانتى قولتى انك صليتى صلاه استخاره وهو كمان يبقى خلاص وربنا يوفقوا يا رب
بصى يا حبيبتى انتى شكلك كدة بنت محترمة وفى حالك بس انا جربت الحب 3 مرات كل الشباب خينة يعنى اليومين دول مش لازم تقمنى لاى شب يحبك وتحبية لان فى شب يحبك اوى ويبقا عاوز يتطلبك من بباكى وفى شب بيقا عاوز يفضحك وتبقى على كل لسان
والله ما بعرف شو قلك بس بدياكي تعرفي انو لي بيحب عن جد بيجي يتقدملك بعدين تراسليه و صدقيني الشاب مابيتزوج وحدة مشت معو واسالية ادا كان هو بيردى اختو تحاكي شاب عالنات وطبعا انت هيك عم تخوني ربك و اهلك.نصيحتي لالك ماتكلميش هاي الشاب و ابتعدي عنو احسنلك و رح تنسيه رويدا رويدا بس هاي يحتاج منك عزيمة و صبر ومتني علاقتك مع الله اولا وصدقيني ازا كان هو بيحبك عن جد مثل ما قلتو رح يجي و يتقدملك كوني اهل للنصيحة.
انا مش عارفه اقولك ايه لان انابمربرضو بنفس التجربه دي وضميري مانبني جدالان خنت ثقه اهلي وخصوصامامالان اناحبيت شخص عن طريق النت حبيتو بطريقه عميابعت عن كل اللي حوليا علشان ارضيه
والفتره دي طلب ميني اننا نبعد عن البعض ولو لينا نصيب هنرجع لبعض ونكون لبعض قدام الناس كلها ولو ملناش نصيب فكل واحد ربنا يوفقو ف حياتو وانا مش عارفه كده كان بيتسلي بيا ولا كده بيحبني
بس ف نصيحه ميني صلي وادعي لربناوابعدو شويه انا عارفه انو صعب والله بس هو الكلام دا انا بعملو وانتي كمان اعمليه
وصارحي مامتك لو تقدري وعرفيها عليه واللي فيه الخير ليكي ربنا يقدمهولك ان شاء الله
السلام عليكم ورحمة الله وبركاته..
أحييك أختي على اهتمامك برضا الله أولا..
وأحييك على صراحتك التي ستوصلنا لحل وسط يرضيك ويرضيه ويرض الله في المقام الأول ويصونك كذلك…
أولا الأمر يتوقف على نوعية الكلام على المنتدى،، فلو كان كلاما خارجا فلا يجوز مطلقا بأي حال من الأحوال،، حتى وإن كان بين زوجين،، لأنه قد يحدث شيئا ما ويرى أي شخص غريب هذا الكلام..
وإن كان كلاما عاديا،، مثل كيف أخبارك أو أنا أجهز نفسي وأبحث عن عمل أو سأبني شقتي قريبا لأتقدم إليك،، فلا تكثري منه وخاصة أنه سري عن طريق الرسائل الخاصة،، ولا تسمحي له بأن يتعد هذا الكلام ولا لنفسك أيضا والأفضل تركه…
أما إن كان كلامكما أمام الناس في رسائل الزوار أو داخل موضوعات المنتدى،، فلا أظن أن هناك مشكلة لأن الكلام لن يتعدى حدود اللياقة أبدا لأنه ظاهر للأعضاء والزوار..
أرى أنك تثقين به ثقة عمياء،، وهذا غير جائز..
أرى أنه شخصا يستحق الاحترام ولكن لا تثقي به ثقة عمياء لأنك قد تندمين بعد ذلك،، لا قدر الله..
وما أود نصحك به،، طالما هو يريدك وأنت تريدينه،، فأخبريه أنكما لن تتحدثا في الأمور الخاصة كثيرا منعا للوقوع في الخطأ،، وأخبريه أنك تنتظرينه وقتما كان جاهزا،، والأفضل أن تعلنا خطوبتكما حتى وإن طالت،، وإلا فلا يجوز لك أن تحادثينه بشكل سري..
بصى انا هقولك على حاجه انا كنت زيك كده وفى نفس التجربه بس انا تعبت جدا لما سبته بس انا من راى انك تبعدى عنه ولا تكلميه على النت وتشوفىى هيعمل ايه لو رجعلك تانى وكلمك تانى يبقى ربنا كاتب انكوا تكونو لبعض لو متكلمش ونسى الموضوع والحب اللى بينكم يبقى لازم وضرورى انك تنسيه نهائيا علشان ترتاحى مع ان انك هتتعبى جدا بس تعب خفيف احسن ما يكون كبير وصلى تانى وادعى ربنا انه يقربكو من بعض ولا تخونى الثقه اللى مامتك ادتهالك ابدا لان دى لو راحت مش هترجهع تانى ابداوربنا يقدم اللى فيه الخير
عارفه انتى لو قلتيله تعالى اتقدملى دلوقتى هيجبلك اعذار كتير لانه لو كان عاوز يتقدم كان هيجى من نفسه انا مريت بنفس تجربتك دى وكنت فاكره انه بيحبنى اوى بس الحمدلله ربناهدانى ولما قلتله ييجى يتقدملى قعد يلف ويدور رغم انه ف الاول كان بيقولى انه هيخطبنى وانه بيحبنى وميقدرش يعيش من غيرى ارجعى لربنا وساعتها هتكونى مرتاحه
انا بمر بنفس الظروف بس الاختلاف الي بيني وبينك ان اصلا معرفتي بية نت فانا مش هقدر افيدك لاني لو اتكلمت هقولك اوعي تبعدي عنة وكان انا اكيد اصغر منك واصغر من كل الي قالو رايهم بس موضوعك شدني اوي لاني بمر بييية بالكلمة ربنا معاكي يارب ويكون من نصيبك ويكون حبيبي من نصيبي يا رب
بحيكى كتير على احترامك وادبك وضميرك الصاحى كل ما اريد ان اقوله لكى حافظى عليهم وربنا يحميكى
وبنصحك تخلى بالك منه لانه فعلا لو بيحبك عمره ميخليكى تخونى وعد امك وهيحافظ عليكى لحد ميتقدم
نصيحتى ليكى الانسان ده مش بيحبك ومبيخفش عليكى فعلا لو شاريكى كان عرف اهله ويعرفك على اخته وهيا اللى تكلمك وتوصله اخبارك لاكن هو فكر فى نفسه وخلاص
خليه يوعد مامته وعد ويجرب يخونه على شانك مش هيقدر ولا هيقبلها على نفسه تماما
فكرى فى اهلك والثقه اللى اعطوها ليكى صدقينى محدش يستاهل تماما انه يخون ربه واهله على شانه
صدقينى شوفى كلامه مع اصدقائه هتلاقيه مبيعترفش بيكى كحبيبه وهتلاقيه دايما بيبحث عن انسانه يحبها وكانك لم تكونى وان واجهتيه هيقولك كل ده كلام فى الفاضى انتى فى قلبى ونفسى احكى للعالم عنك بس انا بخبى على شان خايف عليكى لاكنه فى الحقيقه غير معترف بيكى بالمره
صدقينى حاولى تنهى كل اللى بينك وبينه ولو شاريكى فعلا هيجى ويتقدم
والله الموفق
بصى انتى بتقولى انه عارف ان كما تدين تدان يعنى لو شاف اخته قاعده تكلم واحد ع النت ده عادى بالنسبه له ما اعتقدش مفيش حد كده الا لو مكانش راجل …. بصى انتى متقدريش تكلميه واهلك شايفينك وانتى بتعملى كده لكن ربنا شايفك يعنى كده انتا بتستخبى من اهلك ومن الناس ومش بتتجراءى غير على ربنا بصى اللى بيحب حد بيخاف عليه من ان ربنا يغضب عليه قبل ما يخاف عليه من الناس قال رسول الله(الاثم ما حاك في صدرك وكرهت الناس ان يطلعوا عليه) وهو ده اللى حالصل انك متقدريش تكلميه قدام اهلك وهتخافى لو اتكشفتى يبقى ده حرام كمان الكلام ده حرام لان الشخص ده غريب عنك مينفعش يكون فى بينكم كلام …اخيرا لو هو بيحبك بجد هيبعد عنك خاالص وهيقطع كل الحاجات الحرام دى واول ما هيكون جاهز هيتقدملك ده كده يبقى بيخاف عليكى بجد قوليله الكلام ده لو احترمك اكثر ووافق وفعلا بطل الكلام ع النت يبقى ده فعلا محترم ولو قال اى حرف غير كده اعرفى ان مش ده الحب الحقيقى وفى الحالتين لازم تبعدى لان ده حرام
حياك الله يااختي
الي بقوله احيان الانسان اذا حب يشوف كل شي وردي
لكن بالنهايه تختفي الحياة الورديه وتتحول الى شي ليس بالحسبان
بقدم لك نصيحة من أخ لأخته
اقطعي المحادثة بالنت نهائيا حتى لو ماتقدري يااختي اقطعيها نهائيا نهائيا
وقبل ان تقطعي محادثة فولي له
انا مقدر استمر معاك بالنت لاني كذا بكون خاينه لاهلي ولربنا قبل كل شيء
اذا كنت جاد في موضوع الزواج تعال واخطبني من والدي
حتى لو قالك انا والله انسان كويس ومافي مثلي بالدنيا ووالي ماارضاه على اختي مارضاه عليك
(( حاولي مايؤثر فيك وانا اخوك اذا كان فعلا صادق باب بيتكم مفتوح يجي يخطب غير كذا لا))
يا حبيبتى كل حاجه باينه قداك
هو لو كان فعلا مايرضاش ليكى اللى ميرضهوش على اخته مكنش قبل اساسا انه يكلمك على النت لانه ميرضاش لاخته انها تكلم ولد على النت حتى لو كان بمواصفاته
استخيرى ربنا تانى وفكرى كويس
كتير كويس حبيبتي انك ماحكيتي معو شخصيا ولاتلفون وخليكي هيك لاتحاكي الاعنت وعم تئولي انو امك التلك لاتحكي نت فلازم تسمعي كلمة امك انامتلك حبيت شخص عنت وشفتو عالواقع من بعيد وماحكيتو شخصيا ابدا لان بخاف عحالي وعملت كتير استخارة تميت حبو شي سنتين ونص وكنت شوف منامات حلوة وهو كان كتير كويس وبيعرف الله بس تركنا بعض يعني مابعرف شو بدي الك انامابدي حطملك معنوياتك وانا حاسة فيكي لان مريت بتجربة بتشابهك لي مبتخلي يتئدملك بس انو علامة بمحبس حاليا في رفيئتي انخطبت عخاتم وهلئ خطيبا اتخرج سافر واشتغل واحوالواتحسنت بركي كمان هو اوضاعو بتتحسن لاتنسي الحب بدو كتــــر تضحيات واذا انتي قادرة ضحي بكلشي طبعا التضحة بحدود الدين والاخلاء فحافظي عحبك واذا ماقادرة ضحي باحلامك اتركي يعني فكري منيح ومنيح كتير والله يوفئنا جميعا
اختي : انتي ماشاء الله انسانه واعيه وضميرك لسه صاحي بس انا هقولك حاجه الضمير ده بيبقي شئ جميل ومنه بنقدر نحكم علي كل شئ حوالينا لما يكون صاحي .. لكن لما بنعمل شئ وحش اول مره بيفضل تاعبنا جامد اوي وبيقول لينا ده غلط ومش نكرره تاني .. لكن مع الوقت لما بنكرر الخطأ بيبقي شئ عادي ومش هي هيأنبنا تاني لانه بيبقي مات او في طريقه للموت وبتكون دي
بدايه المشاكل في حياتنا … علشان كده خلي ضميرك صاحي دايما ومش تعملي اي شئ خطأ ابدا ولو هو انسان كويس فعلا هيختار الطريق الصح علشان يفوز بيكي واكيد هو عارف ازاي يفوز بيكي وبطريقه رسميه مش تكلميه علي النت تاني علشان مش تقللي من احترامه ليكي ولو في الكليه وقت المحاضرات ممكن تعرفي اخباره ويعرف اخبارك بس بحدود .. ومش تخبي اي شئ علي ماما علشان هي خايفه عليكي وعاوزه مصلحتك واكتر واحده في الدنيا خايفه عليكي … قربي من ربنا اوي واصبري والي عاوز انسان ممكن يكسر الدنيا كلها علشان يوصل ليه .. ربنا يوفقك ان شاء الله
بصى انا رائ انو انتى ما تكلمهوش خالص لانو دة فية فائدة كبيرة جدا ليكى اولا الفترة دى هتبين حاجات كتيرة جدا فى شخصيتة ثانيا هتخليكى انتى مرتاحة نفسيا جدا لانو انتى كدة بتخونى اهلك بجد ودة حرام وربنا هيحسبك(طبعا انا عارفة ان انتى بتحبية ومش قادرة متكلمهوش بس ارضى ربنا علشان ربنا يرضى عليكى )عارفة انتى ان مكلمتهوش هتعلى فى نظرة جدا وهيتاكد انو انتى محترمة علشان بتنفذى الوعد اللى وعدتية لامك وهتبقى فى نظرة حاجة كبيرة وهيحبك اكتر
صلى تانى وشوفى اية اللى هيحصل