تنا عندي 16 سنه اتعرففت علي النت علي واحد مافهوش عيب وجميل اوي وظروفوا الماديه جميله وبيشتغل في شركه عندو22 سنه وعايز يطلب ايدي بس انا مش عارفه قالي الوقت اللي تقولي عليه انا تحت امرك وبيحبني بغباء بيموت فيا انا خايف اتخطب هو في بلد وانا في بلد بس قالي هاجيلك علي طول ياريت تقولولي اعمل ايه انا خايفه اوي بس انا هقرا فاتحه بس وبعدين بعد مااخلص ثانوي اتخطب اوفي 2 ثانوي وبعد الكليه اتجوز
الحب على النت
خايفه من الخطوبة بعد حب النت
اضيف بتاريخ: Tuesday, August 16th, 2011 في 17:03
كلمات مشاكل وحلول: الحب على الانترنت, الحب على النت, الحب على النت, مشاكل الحب
انا لااومن بالحب عبرالنت ولكن مانقدرش نحكم عل الناس كلهم انهم وحشين اوكويسين الالمانعرفهم عن قرب ونتعامل معهم هذاهوالصح خل الشاب يجي يزورالاهل ويتعرف على باباوماما وبعدين لكل حادثة حديث وكل شي حسب الفسمةوالنصيب وربي يسعدك ويكتب لك اللي في الخير
انا مو معك ندا بعدين كل شي مكتوب عند الله يعني دي قسمة ونصيب لو ربنا كتبهولها حتتجويزو المشكل هو انها صغيرة وهو كمان انا مبعتقد انا شاب عمروا 22سنة بيقدر يتحمل المسؤولية وهي كمان
لا زم انفكر في المستقبل وحقولكم حاجة الحب مالو نهاية ولا موطن انا مبقدر احكم على الاشخاص لانو في اشخاص كويسسين وكمان في اشخاص مو كويسسين ربنا يرزق ازواج صالحين
اعتقد انتى صغيرة وفى مرحلة مراهقة والحياى قدامك ولسة متعرفيش الدنيا مخبيالكاية
الحب ليس بسن بس اهم حاجاانه يكون بيحبك بجد متديش مشعرك معا انسان بيتحك عليك
ساعات بدخل مشاكل واكتشف ان هى مش مشاكل
لو الولد كويس وناوى بجد خير
ماييجى يطلبك ويخطبك كمان
مش مهم بقى هو من النت ولا من العفريت الازرق
المهم يكون شاريكى
وانك تبقى مخطوبة ليه احسن مايفضل يكلمك وانتى مش خطيبته
ويفصل يمنيكى ويوعدك بحاجات ومش هتحصل
يبقى الاحسن الارتباط الرسمى
وانتى مش خسرانه حاجة
انا من راي انتي لما تدخلى الجامعه هتلقى ناس احسن وهتلقى اللى يحبك ويتقدم ليكي وانتي دلوقتي فى سن مرهقه مش اكتر ولو خذتي هتندمي انك اخذتي لانك لما تشوف حد احسن من الناحية المادية وكاشخصية ممكن تغيير رايك وتقولى يارتني ويارتني وبجد انسي اللى انتي تعرفه من علىالنت وشوفي مذكرتك وبس ولما توصيلى مرحلت الجامعه بجد هتلقى نصيبك ده لا بلاش صدقني علشان بجدلان بعد كده هتندمي على اختيارك فى الاول اصبري انتي لسه صغيرة وشكرا
انا رائي انك عرفتي منين ان هو بيحبك عشان قلك انا بحبك هيحب واحدة ميعرفش عنها اي حاجة غير الكلام الي بتقولة عن نفسها وهو يعرف منين انك بتكلمية لوحدة ذي ما سمحتي لنفسك تكلمية هيقول هتكلم غيري وبعدين انتي تحبي واحد وتتعلقي بية وانتي متعرفيش عنة حاجة ازاي يعني تعرفي منين ان الكلام الي بيقولة صح او هو صادق فية ولو هو عاوز يفكر في الارتباط خلاص هيسيب كل الي حولية من اهلة وجيرانة واصحابة ومعارفة ويفكر يرتبط من علي النت واحدة ميعرفش اصلها وفصلها ذي ما سمحت لنفسها تكلمني هتكلم غيري ومهما تقولي وتحلفي هيكون في شك باستمرار نصيحة اوعي تصرحي بمشاعرك لاي حد بمجرد ان يقولك كلمة حلوا اتأكدي ان هو بيحبك بجد مش بلامن هو يقولة مفيش اكتر من الكلام لا بفعل هو يعملة عشانك يبقي بجد الانسان دي جدير بيكي عشان عمل من اجلك وربنا يوفقك يارب ويبعد عنك كل شر
انا ردى انك تصلى كتير وتطلبى من ربنا يساعدك فى الاختيار ويكون الشخص دة م عند ربنا وتفصلى بين مذاكرتة وبينك لا المذاكرة هيا مستقبلك برضو وتستشيرى حد كبير بترتاحيله فى الموضوع دة
معتش ف كلام يتقال والله بعد الا اخواتى قالوه ده ربنا يبارك فينا كلنااااااا وربناا يهديك يا اختى ف الله ويوفقك للخير يارب ………..بصارحه مفي غبار ع اى كلمه اتقالت من اخوتى كلام معتش ينفع اقول بعده حاجه لان كل حاجه اتقالت.بس.
بصي يا قلبي اقولها حب النت فاشل لدرجه 99% ومش بينجع وانتي لسه ادامك مستقبلك حتي لو جيه خطبك الاسم انتي عرفتيه منين عن طريق النت ولو حصل خطوبه في نقطه ان هتحصل مشاكل كتيره بسبب النت والشك هو للي هيخربها وهيقول للي خلها تتعرف عليا علي النت هتتعرف علي غيري ففكك منه وشوفي الاحسن منه حوار الحب عن النت
فاشل موووووووووت هو ممكن بيحبك او اعجب بطريقه افكارك بس ده كلام ويوم لما يختار هيختار واحده مش من التعارف علي النت خليكوا اخوات او معارف غير كده انتي للي هتجيبي وجع القلب لنفسك ولله صديقنيي لانه الحوار ده حصل مع اعز اصحابي والمصحف والنتيجه اتعكست علي صحبيتي مش عليه خليكوا اصحاب احسن لانه مجرد حب تسليه حتي لو بيحبك لما تيجوا تتدخلوا في الجد هيفكر كذا مره وهيتراجع صدقني اصل دي مشكله عامه مش خاصه وربنا يهديكي للصح
السلام عليكم
انا رأيي في حب في النت مش الكل وحشين الحياة فها الكويز و القبيح بص التعارف في النت ناقص لازم ابينلك نفس و هدف معاك و يطلب ايدك من ابوك مأقتا عشان تستريحي و تكملي درستك تمام
حبيبتى انتى مشكلتك الوحيدة انك صغيرة اوى على الخطوبة لكن غير كده مفيش مشكلة فى حب على النت وجميل ومحترم وبينتهى بجواز سعيد جدا ده من تجارب كتير انا منهم انا حبيبت واتخطبت واتجوزت عن طريق النت وفى منتهى السعادة اتكلى على الله وخليه يتقدملك بس حاولى بلاش جواز غير لما تنضجى شوية وربنا يوفقك ويجعل حظك زى حظى واحلى كمان
مش كل الناس ممكن تضحك عليى اعرفى هو على ايه الاول
اولا
يا حبيبتى انتى صغيره ومش قادره تحددى مشاعرك
ثانيا
وده الاهم مفيش حاجه اسمها حب على النت لانه بيتعامل معاكى عن طريق جهاز مش اكتر
ومع العلم ان فى شباب كتير اوى بتعتقد انك مش كويسه لانك اتعرفتى عليه من النت
حتى لو وعدك بمليون وعد هو فى الاخر كاذب مع احترامى للشباب المحترمه
نصيحتى ليكى خليكى فى مذاكرتك وخلصى دراستك افضل من اى شئ تانى لانها هى اللى هتنفعك بعد كده
ؤربنا معاكى ويقدملك الخير كله يااارب ويحميكى من كل شر
وافقي واذا اجا معناها جد بحبك لان انا كمان تعرفت على واحد من النت والحمدلله اجا على بلدي وانخطبت فلاتردي على حدا بحكي انو مافي حب عن طريق النت
خلى بالك من الكلام معاة وخلى حدود للكلام وركزى فى المزاكرة واول متخشى الجامعة من غيرمتفكرى خلية يتقدم فورا وفترة الخطوبة هتعرفك شخصيتة وطبيعتة وربنا يحميكى
مافيش حاجه اسمها حب عن طريق النت
ده كلام فاضى زكله بيضحك على بعضه
خلاص الحقى نفسك بدل ماتتصدمى
بصى انا واحده جربت حب النت ومع اول اما قلتله انا متقدملى عريس قالى انا اعملك ايه يعنى طبعا انا كرامتى نقحت عليا وقولت كده خلصت رغم انى كنت بقوله كده عشان اشوف هيعمل ايه وقعدت فتره واتقدملى عريس ودلوقت انا مخطوبه والحمد لله وجالى بعد 7شهور ال ايه مش قادر يعيش من غيرى والكلام ده من اول يوم سبته فيه بس مكنش بيشفنى فاتحه عشان يقولى كده مع العلم انه معاه رقمى وقال ايه عايزنى وانا مخطبوه استناه لحد اما يخلص السنه ال فضلاله فى الكليه طبعا انا معجبنيش الكلام وقفلت وغيرت الياهو والفيس ورقم الموبايل لانه باع اول مره هصدقه تانى مره “””” بصى ياحبيبتى لو انتى بتحبيه حددى معاه معاد يجى فيه يمكن يكون صادق ويجى ويمكن مايجيش يبقى انتى عرفتى بدرى “””” بس مش هيجى بنسبه 90%
لو هو مش مصرى يبقى ارفضى لانو هيتعبك بس لو مصرى مفيش مشكلة وافقى على الخطوبة الخطوبة اتعملت عشان التعارف هتعرفو بعض اكتر وساعتها هتقدرى تقررى اذا كنتى تكملى ولا لا عسى ان تكرهو شيئا وهو خيرا لكم وعسى ان تحبو شيئا وهو شرا لكم
مينفعش توفقى
وافقى
مترديش على حد منهم
دول هبل رسمي
في حب على النت
وخليه يخطبك لمنا يقولك اجيلك يبقى بيحبك
مفيش حاجه اسمها حب على النت
يوووووووووه هو اللى هنعيده هنزيده مففيش حاجة اسمها الحب من على النت هو ممكن تكون فية كل الكماليات بس انتى مترتاحيش معاه و الموضوع مش بالشكل او بالمادة الموضوع بالراحة النفسية و العشرة الجميين انتى متكلمتيش معاه فعليا او فهمتيه صح او فهمنتى نواياه بقولك ايه ماتفكرى فى مذكرتك احسن انتى داخلة على ثانوية عامة و دى هتحدد مصيرك
بصي انتي لسه صغيره مش قصدي انك في سن مراهقه وان ممكن متكونيش بتحبيه وانه بيلعب بيكي والكلام ده لان هو لو جه اتقدملك يبقي هو كده تمام بس انا بتكلم علي انك لسه قدامك العمر طويل بمعني انك لسه لما تروحي الكليه بصي تفكيرا حتتغيري وتصرفاتك حتتغير يعني الانسان بيمر بمراحل كل مرحله وليها حياتها بس لو انتي فعلا حاطه ده في بالك وان ده الانسان اللي عاوزاه يكمل معاكي حياتك يبقي خليه يجي يتقدم ولو اهلك وافقوا يبقي خلاص معناها انه فعلا محترم وانه كويس وبتمنالك السعاده
هو واضح انه جاد معاكى خليه يتقدم حالا علشان يثبتلك ان غرضه شريف … بس مش شايفه ان كده فترة الخطوبه هتبقى طويله اوى؟؟ فترة الخطوبه اما بطول بتبقى ممله اوى اقصى فترة سنه دة رايى بس لو انتى مستعدة انك تستنيه المده دى كلها يبقى اتكلى على الله ووافقى … بس مش تخلى علاقتكم تطور قبل ما يتقدم يعنى بلاش كلام فى الموبيل خليكى كده غاليه عنده متبقيش رخيصة وقت مايعوز يكلمك تكلميه وربنا يوفقك
الحقى نفسك و اتجوزيه حالاً
بس انتى لسه صغيره اصلا ع خطوبه بس ماعلينا اقولك نصيحة واحد بقاله 3 سنين بدخل شات وبنات وكل ده.بلاش احسن يابنت الناس مفيش حاجه اسمها حب من النت دى بتبقا فتره وخلاص وهو لو كان عرف واحده قبلك بنفس الطريقه اللى عرفك بيها كان ممكن يعمل نفس الحوار ده بس هو ليه هدف والله أعلم بنواياه بس ربنا معاكى ويحفظك من كل شر يارب
هو في بلد تانيه ازاي يعني مش مصري ولو مش مصري انا اول واحد اقولك لالالا طبعا
سبيه يجي يثبت حسن نيته ولو كان صادق في مشعره وحبه ليكي
لكن عاوز اقولك اياكي والكلام يطور ويدخل في مواضيع مش كويسه هتكوني تسليته الوحيده كل شئ لازم يكون بصفه رسميه هو ده الصح غير كده تسقط صورة البنت لاي رجل
والله الموفق