فى الاول انا عندى 17 سنه و جبت الاميل بتاعه من على موقع تعليمى يعنى انا اللى بدات التعارف بس ده كان بغرض الصداقه و الدراسه لاننا قد بعض فى الاول كان الكلام فى حدود الصداقه بس بعد كده بدا يتطور و انا كنت بكدب نفسى لانى مش كنت متوقعه انه يحبنى و هو ميعرفنيش و كده
بعد كده بدا يصرحلى بانه بيحبنى بس مقاليش الكلمه دى مباشره و سالنى ا1ذا كنت ابادله نفس الشعور مقدرتش اتحكم فى نفسى و فهمته انى ببادله نفس الشعور بس برده مش بطريقه مباشره
حيت بالذنب بعد كده و استغفرت ربنا و قلتله انه مش هينفع زعل و طلب منى انى امسحه فمسحته لقيته بيبعتلى تانى و يتحايل عليا انى اضيفه تانى و لننا هنبقى اخوات و بس
فوافقت قعد يقولى كلام برده كده بس انا كنت بعمل نفسى و لا واخده فى بالى خالص
شويه شويه مبقاش يكلمنى فى اى حاجه تخص حبه ليه متعلل باننا لما نخلص امتحانات يفضالى
خلصنا امتحلنات و لحد دلوقتى مكلمنيش فى حاجه و لسه محافظ على الصداقه و بس اوكى تمام
اللى مضايقنى بقى انى انا اللى بدور على حبه دلوقت و مش عارفه اتحكم فى نفسى و فى كلامى حاسه انى برخص نفسى خاصة انه متجاهل الى حد ما
اعمل ايه علشان ارجع نفسى زى الاول و ما اجريش و را الكلام ده خصوصا انى عارفه انه كلام فاضى بس و الله و الله ده بيحصل غصب عنى
الحب على النت
رفضت حبه مسبقا و الان انا التى بدور عليه
اضيف بتاريخ: Sunday, July 10th, 2011 في 06:30
كلمات مشاكل وحلول: الحب على الانترنت, الحب على النت, الحب على النت, مشاكل الحب
كل ماعملتي غلط كبير اوووي في حقك وحق اهلك وثقتهم فيك اقطع كافةالعلاقةمعه وتوبي لله واستغفريه من الذنوب والمعاصي وربي بيحميك ويسترعليك ويهديك
لا يا اختى ده مستحيل يكون حب انتى 17 سنه فى سن المراهقة عايزه حد يحسسك بأنوثتك ويسمعك كلام حلو وتحسى ان فى حد بتلفتى انتباهه بس مع الوقت هتنسى كل ده وهتنسيه خالص اصلا بس انتى حاولى تتحكمى فى نفسك وتقنعيه بطريقتك من بعيد انه اخ وصديق مش اكتر ساعتها هتقتلى احساسك بيه وتتغلبى على مشاعرك
بصي ياانستي ده مش حب انتي بدوري عالشخص ده لانوا كان مالي جزءمن حياتك
واختفى فجاء وبداتي تحسي بالفراغ من بعد ما غاب عنك ده بس نوع من الفضول
والغرور الي بتحبو اي بنت انوا يفضل شخص يحبها ويجري وراها اوي حد ميتعب ويروح
بصى يا ستى انا تقريبا قد عمرك وبدخل النت والشات عشان انا فى اجازة وده يعتبر تسالى مش اكتر ومليون واحد قالى انه بيحبنى ومعجب وكده بس انا عارفة ان ده هبل وتسالى وضحك وخلاص لانه مفيش حب على النت الا بنسبة ضئيلة جدا ثم انتى لسا فى بداية حياتك هو انتى خلصتى العالم الواقعى بتاعك ومش لقيتى فى حبك الحقيقى عشان تلاقيه فى النت والله معظم الحب اللى فى النت كلام بس ومممكن الصورة اللى انتى رسماها للولد ده فى خيالك مختلفة عن الحقيقة كليتا ثم مفيش حب فى السن ده انا 15 سنة ومقتنعة بكل كلمة بقولها ليكى واتمنى انك تتقتنعى معايا الحب بيكى من نظرة او كلام وجها لوجه مش مجرد قعاد على النت واظن انتى المفروض يعنى لو كان بيقولك بيحبك مش راح تحسى بالكلمة دى عشان انا كمان لما كنت بسمعها من النت مش كنت حاسة بيها بل على العكس بعرف ان الانسان اللى بكلمه مش كويس عشان بيبدا فى الكذب بكلمة بحبك دى وانا ابعد من نفسى قبل الامور ماتطور….انتى اللى عليكى ياستى ان تحطى الكلام ده فى دماغك كويس ان الصورة اللى انتى رسماها للولد ده احتمال كبير انها تكون غير الحقيقة كليتا وممكن لو شفتيه كمان تندمى انك عرفتيه واوعى تقتنعى باى صورة ممكن يبعتها ليكى ممكن تكون هى كمان كذبة عادى الزمن ده بقى فيه كل حاجة ممكنة….واحب اشكر كل الناس اللى ردو قبلى بجد الردود بتاعتهم جميلة اتمنى انهم يفودكى وانا كمان واتاكدى انه بيلعب بيكى وبمشاعرك مش اكتر واعرفى ان مش كل مايلمع ذهبا………سلام
لا بصى يا ستى دى مرحله مراهقه يعنى اللى انتى فيه ده مش حب بس هو مجرد اعجاب بالشخص نفسه وانتى بس بتدورى عليه لانك اصلا ف السن ده محتاجه حد يبادلك شعور الحب والحنيه لان لان من الطبيعى الانسانه العربيه وخاصه المصريه بتبقى لاقيه ضغط من اهلها عليها مثلا ليه اتأخرتى بره متتكلميش كتير اصحابك ف التليفون وكثره المعاكسات من الشباب ليها وده هو اللى بيخلى عندها مشاعر انها تحب بس انتى اللى فيه ده مش حب وهو ف حلين الاول انك تتقربى من ربنا وانتى هتنسى كل شئ حصل او انك ممكن تتعرفى على شب كويس هيقدر يحبك ويحافظ عليكى وعلى سمعتك قدام الناس واكررلك ده انتى مش بتحبيه اصلا انتى بس شاغله تفكيرك لان مفيش حد دخل حياتك الا هو لكن لو اتعرفتى على حد غيره من اقاربك مثلا او جيرانك او صاحبك ف الدرس وهكذا هتتأكدى ان ده مكنش حب ولكن مجرد احتياج للحب وابقى ادعيلى بقى لو لقيتى كلامى صح
انا تقريبا نفس مشكلتك دي واللي بحاول اعمله انى بخلى الحب اللي بحس نحيته داه مجرد حب صداقه لانى عارفه انى لو بعدت ومش كلمته تانى او قطعت علاقتى بيه مش هقدر وارجع اكلمه تانى ومش بعيد ارجع اانا اللى اقول انى بحبه اهم حاجه تخليكى قويه و اوعى تستسلمي وتقولى انك ضعيفه لان انت كيده بتوحى لنفسك انك مش هتقدرى تتحدي حبك ليه بس تجنبي انك تفكري ف حبك ليه او تفكري فيه طول الوقت
اساسا انتي من الاول غلطانه انك تبعتي ايميلك لولد وتكلميه وتتعرفي عليه الاول
وفي الحقيقة كل الكلام ده مراهقه حتى لو حب
انتي الافضل انك تقوليله انا مش هاينفع اكمل معاك صداقة لان مفيش صداقة بين بيت وولد
اعترف بحبه ليكي يبقى كويس بس على اتفاق وارتباط رسمي ومع اني عارفه ان الكلام ده في السن ده مفيهوش اي شيء رسمي ولا جد
واذا كان غير كده فخلاص متعلقيش نفسك بحد مش ليكي
عشان متغلطتيش وربنا ميزعلش منك
عمر الحب ما بيتحول لصداقه ابعدي وحاولي تنسي اشغلي نفسك باي حاجه بالمذاكره او اخرجي مع اصحابك وان شاء الله هتنسي انتي لسه صغيره وبكره تحبي وتتحبي
ليه لحتى تتخلصي منو؟؟؟؟؟
الحب مو جريمة
الحب حئك وحئو وحئ البشرية كلها
بس يمكن انتي اختيارك غلط
حاولي تلائي الحب الحئيئي وتعيشيلو
ما تتهربي من الحب لانو مولود بالفطرة
اوعى تتكلمى انتى خليه هو الى يقولك الاول عشان زى ماقولتى ماترخصيش نفسك يعنى حاولى تخليه يغير عليكى بكلامك قوليلو متقدملى عريس قوليه دا فى واحد معجب بيا جارنا اى حاجه من ديه ومتحسسهوش انك بتغظيه يعنى بطريقه غير مباشره واتقلى عليه اوى بس اوعى تقولى حاجه انتى دا رأى وابقى ردى
انا حاسة ان كرامتك هى اللى وجعاكى وانت عايزاه يجرى وراكى احذفيه وسبيه فترة وحاولى تتكلمى مع بنات زيك على النت بحيث تسدى الفراغ بتاعه ومعتيش تكلميه وبكده ترجعلك كرامتك وفى نفس الوقت معتيش تكلميه
انا صاحبة المشكله دى و كنت عاوزه اوضح ان انا عاوزه اتخلص من حبى ليه مش عاوزه افكره بحبه لانى مش عاوزه اعمل اى حاجه غلط يا ريت حد يقولى ازاى اتخلص من حبى ده انا عمرى ما كنت ضعيفه زى دلوقت
ولله هو الموقف صعب جدا
بس لو انتى وهو لسة محافظين ع الصداقة دا يبقى اول الطرية بأنك تخلية يرجعلك
يعنى حاولى بأن تلمحيلة بس بطريقة غير مباشرة وهو لو لسة بيحبك اكيد هيفهم وهيرجع زى الاول واكثر