الحب على النت

الحب على الانترنت صح ولا غلط

بصو ياجماعه عايزكوا تشوفوا حل ..يترى الحب من على النت او الايميل ممكن ينفع وهل يترى هو صح ولا عادى؟؟ انا اساسا مليش فى الحب اوى ولا بكام اولاد لا فى الحقيقه ولا النت غير قليل ..لما الاقى شخص اتعلق بيا ومش رادى يسبنى وانا حيرانه مش عارفه اصدقه ولا اقول ده مجرد كلام ولا لعب ولا ايه بالظبط ..هو فى نفس سنى ومتفاهمين شويه…بس المشكله مش فى ده …انا المشكله مش عارفه حتى اذا كنت بحب ولا لا ..ازاى اعرف ده.يترى انا متعلقه بكلامه ولا ايه؟؟…انا كل شويه اشوف ناس تقول انا الحب ع الايميل والنت عاادى وممكن ينفع وناس بتقول لا وكل شويه اتلخبط مش عارفه اصدق مين ولا مين ولا اخد بنصيحه مين ..انا كل اللى خايفه منه انى بكون بظلم قلب بيحبنى …..
انا احيانا بقرر انى اتخلى عن الحب خاالص واستريح..بس يترى ده شئئ كويس ولا المفرود اعمل ايه؟؟ اصدق الناس اللى بتقول اه ولا اللى بتقول لا ولا اصدقه؟؟

مشاكل وحلول ذات صلة

اضيف بتاريخ: Wednesday, July 6th, 2011 في 05:48

كلمات مشاكل وحلول: , , ,

46 رد to “الحب على الانترنت صح ولا غلط”

  1. ابواميرة
    28/10/2013 at 10:08

    نحن لانعمم ان كل الناس اللي يستخدمون النت هم كذابين اومخادعين سواءمن الرجال اومن النساء شباب اوبنات كلاحسب دينه واخلاقه وتربيته ونشاته وليس نحكم على الاخرين لمجرد سماع كل مايتحدثون به ويقولوه بل ناخدالمفيدمنه لنافي حياتناونترك الوحش منه كي نحمي افكارناوعقولناومجتمعنامنه زي مسالة التعارف عبرالنت من الجنسين مع ان اغلبهاكدب وغش وخداع من الطرفين في مشاعرهم وعواطفهم تجاه الاخر لكن نصادف انه يوجدحالات صادقةوتصل الى الحب الكبير اللي يربط بين قلبين صادقي الاحساس والمشاعر ويودي للزواج في النهايةودي حالات كثيرةنجحت واصخابهاعايشين سعداءفي حياتهم الزوجية اللي كانت عن طريق النت بوسايله المختلفة من تويتر وفيس بوك وماسنجر وريبوت وغيرهاولاتحكم بالفشل في حياتنا على هذةالوسايل بل العيب فينا نحن البشر لانحسن التصرف والاختيارولانكن صادقين في نواياناولانحترم مشاعرالاخرين

  2. malk
    16/09/2013 at 05:24

    الحب الوحيد ال نقدر نقول علية صح هو حب لما تعرفى الشخص كويس انا على فكرة عمرى ماجربت يعنى اية حب ولا الكلام دا وانا فرحانة بحاجة زى كدا
    بس عندى صحبتى حبت من على النت والله العظيم طلع على النت حاجة وعلى الحقيقة حاجة تانية وبسببة هى دلوقتى بتعيد سنة منة لله اوعى تصدقوا اى حد على الفيس لان دا بيكون نادر اوى اوى والله العظيم واى ولد يقولك انا بحبك والكلام دا كلة اعرفى انة بيتسلة لانة عمر ماحد هيحبك من غير مايشوفك لكن لما يقولك انا بحبك والكلام دا اعرفى انى هو اشتغلاة مش اكتر
    وانا اسفة لو طولت

  3. mido
    19/04/2013 at 18:51

    بصي انا بحب من النت دلوقتي وبمووت في اللي بحبها لكن في مشكله هتجنني وهي ان ساعات بحس بعد ثقه ودي مشكله كبيره بحاول اقتلها جوايا لاني فعلا هموت وارتبط بحبيبتي رسمي قدام كل الناس

  4. ريكو
    19/07/2012 at 01:31

    غلط طبعا فكرى كدة ممكن واحد يحب واحدة كان بيكلمها من النت ازى وكمان حرام هو عنده وقت فبيسلى نفسه

  5. soso
    20/04/2012 at 22:35

    عادى يا جماعا الحب علي النت لاكن يكون بصدق اكيد ويكون بكلام محترم وحاولو تدخلو ربكم في الموضوع علشان يبقى في دايما بركة و يكون دايما الكلام لي حدود ولازم كل شخص ياخد حذرو علشان مايتصدمش في الاخر فايحط في نظرو دايما ان اللي قدامو ممكن يخدعو واتنمى للكل الناس التوفيق وربنا يرزق كل واحد اللي بيحبو ويعيش معاة علي طول باذن الله

  6. dodo
    04/04/2012 at 02:26

    عادي ما فيها شي ان كان الشب ييعرف صورتك وصوتك لانه اكيد في كلام عالجوال او الماسنجر وهو قاتل حاله عليكي وبحبك وين المشكلة ما بشجع هيك امر بس بنتقد بهيك وضع ..من تجربة شخصية لزميلة كانت تحب شخص وهي بتموت عليه كمان وهو اصلا الي بده يعرفها ع اخته واهله بس هي بتاجل الموضوع خوفا من اي تغيير وكتير بزعل عشان هاي تاجيلها للقصة وهو واعدها بالزواج بعد نص سنة من الان وبحبها كثير وبحكيلها بدونك انا بمووت وببكي دموع من حرقة قلبه عليها من البعد والشوق او ان حس انه رح يفقدها …الحب لا يرتبط باي مكان او زمان المهم القلوب والنفسيات للطرفين …وبالتووفيق

  7. انسانه بتمنى رضا ربنا دايما
    09/01/2012 at 18:59

    النت مجرد وسيلة تعارف مش اكتر ذى اى وسيه فالحياه لكن مايتبنيش عليه حب ياعنى عرفتى واحد خلاص مش بأيدك قالك بحبك اوكى بيتك مفتوح يجى يتأدملك وبعدين تعرفيه قدام اهلك وعلتك اولا مش هتسمحيله يقولك كنتى بتقولى وبتسوى واحنا لسه مافيش بنا حاجه وثانيه كفايه انك هتكبرى اكتر فى نظره لانك قدرتى اهلك قبل ما تقدره وساعتها فعلا هتكونى زوجه صالحه فى حياتك وربنا يكرمك فى حياتك ويقدملك كل اللى فيه الخير انتى وجميع نساء الامه الاسلاميه ياااااااااااااارب

  8. ايزيس
    01/12/2011 at 04:41

    مش عارفه بصراحه اقولك ايه…غير انه ممكن يكون بيتهيالك انك بتحبيه ممكن علشان كلمتيه وفتحتيله قلبك …ده مش معناه حب ده بس لانه مش شيفك مش عارفك زي ما تكوني بتحكي مع نفسك بصوت عالي مع واحدد حاسس بيكي بس مش شيفاه….ده هيالك انك بتحبيه مش اكتر لانك فتحتيله قلبك وهو كمان زيك…لان الحب صحيح مش جربته بس حساه انه اعظم من كده بكتير …اعظم من اننا نقعد علي النت ونكتب حاجات ممكن تكون تاليف وممكن تكون صح مع حد ما تعرفيهوش مزيف ولا حقيقي ومش لازم احساسك يكون صح ممكن تكوني الي حساه غلط وربنا يحفظك يا رب

  9. شيماء
    24/10/2011 at 23:01

    الحبعلى النت مش غلط ولا عيب العيب اننانسىء للحب ده وكمان صوابعك يا حببتى مش زى بعضها يعنى لو متأكده ان الانسان ده بيحبك بجد وده تتأكده منه من كلامه والمفروض تختبريه عشان تعرفى اذا كان هو محترم بجد ولا اى كلام ولازم كمان يكون بيحبك اوى ويقدر يستحمل اى حاجه عشانك مش يسيبك ويبعد عنك انا حبيت عن واحد عن النت وفعلا حبيته اوى فى البدايه كنت حاسه انه بيحبنى بس بعد كده تغير الوضع ده وبعدها كرهت حياته وكرهت كل حاجه وهو حاول انه يتأسفلى ونرجع لبعض تانى بس انا رفضت مع انى لحد دلوقتى بحبه وكمان خليت وحده صحبتى تكلمه عشان اطمن عليه كل شويه واعرف اخباره انا عمرى بجد ما حنساه لانى حبيته بجد وربنا يسامحه اولا واخيرا

  10. مودى
    18/09/2011 at 09:37

    انا احب اقولك حاجه واحده انا شاب و بحب بنت من على النت و لو وصفتلك مهما و صفت حبي ليها قد ايه مش هقدر اقولو انا بقولها كتير انها تقول لأهلها علشان انا مش بحب حب النت و كده و طلبت منها انى اقابلها بس مش من ورا اهلها علشان انا عندى اخوات بنات و ميرضنيش انى اعملها مشكله بس بجد الحب على النت موجود بس انا مش قادر اقول ان حب النت ممكن يفشل علشان بجد انا ممكن يحصلى حاجه لو الحب الي بينى و بينها فشل و الحمد لله احنا بقالنا مده مش قليله بس بردو مش كتيره وربنا يعلم انى غيرت فيها حجات كتير للأحسن مش للأسوء و ربنا يقدرنى و اخليها تكون زوجه صالحه بس انا لسه اول سنه فى الكليه يعنى مينفعش اروح اخطبها دلوقتى بس انا مش هسيبها انا ممكن بجد اموت لو حصل حاجه بينا وولله ده مش كلام انا بجد حبيتها و على فكره ده اول حب فى حياتى وانا الحمد لله انا مش من الشباب الى بتحب المشى مع البنات وكده اي نعم انا مش ملتزم اوى بس الحمد لله راضى عن نفسى و بحب البنت دى اوى و ربنا يقدرنى و تكون من نصيبى انتى فكرى كويس وربنا هيوفقك انشاء الله 😀

  11. soma
    16/09/2011 at 02:53

    الحب ع النت او اى حاجة تانية اسمة حب لكن ع حسب الشخص الى انتى عارفة انسان محترم عوزرا او لا انتى تستطيع تقيم هذة العلاقة من اسلوب كلامة معاكى لا انا اقدر اقيمها ولا غيرى مقدرش اقولك صح ولا غلط انتى شايفة اية دة رأيى

  12. أحببت ولكن ما هي النهاية
    08/09/2011 at 17:40

    أناأحببت شخص من على الفيس في البداية كان عملي إيضافة ونا أستقبلتها وبعدين أشاء القدر أني أتكلمت معاه مرة وقطعت وبعد ثلاثة شهور تقريباً كنت فاتحة صدفة وأتكلم معاية وبعدين عرفنا عن بعض حجات كتير لدرجة أني حبيتة وحبيت حتى أسمة وكل شخص يشبة لية وفي فترة لقيتة بيعترفلي على حجات كتير كان كدب عليا فيها ونا أطريت أسمحة لأني بحبة بس أنا نصحتي لكل البنات حتى لو حبيتي بأي طريقة من على النت من الشارع زميل صدفة بس أهم شيء من دة كل أنك تخدي حزرك لأن بعد الظن أسم وبردة ممكن تصدقي فية وفي الأخر هتخسري مستقبلك وتخسري عمرك معااااااااااااه وبتمنة ليا ولكل بنت أن ربنا يكرمك بشخص يحبها بصدق ويخاف عليها ويعترف بيها أمام الله وأمام العالم كلة “” وربنا يوفقنا أجمعين “”

  13. مش لازم
    01/09/2011 at 11:04

    مفيش حاجة اسمها حب النت يا حبيبتي احنا بنات ومش ينفع كدة

  14. مش لازم
    01/09/2011 at 11:03

    مفيش حاجة اسمها حب النت لان دة مش بيبقي حب دة بيبقي لا مئخزة مجرد دلع وجر البنات للغلط اعزريني بس هو دة الحل مفيش حاجة اسمها حب النت

  15. butterfly
    23/08/2011 at 01:54

    بصي يا حبيبتي مفيش قاعده عاااامه للموضوع ده
    فيه بيبقي حب عادي و بيتقابلوا و تلااقيه جارها ولا زميلها ولا حتي قريبها و بيفشل الحب ده
    يعني مفيش قااعده عااااامه
    بس قوليلو لو بتحبني تعالي البيت من باااابه
    و كده تبقي مطمنه انه عايزك بجد
    و متاخديش بكلاام النااااس في الحب لاانه مالهوش قااعده

  16. نونا
    02/08/2011 at 16:44

    الصراحة النيب بيجى لحد البيت والله وانتى لسة قدامك مستقبل طويل ياعنى على الاقل لما تحبى مش من النت لانك مش شايفة الى قدامك وعلى فكرة الحب الى بجد بيبقى عبارة عن نظرات عنين وصمت لحد ما يجى ويخطبك

  17. دودى
    02/08/2011 at 06:06

    الاحسن ليكى الية عايزك فى الحلال يشتريكى برضو فى الحلال والمفروض دة يكون مبدا منك سوا كان على النت او غيروة لانك لو كملتى معاة سورى هتكونى رخيصة فى نظرة مهما حصل حتى لو خطبك المهم دلوقتى خدى قرار صح ارجو انى اكون افدتك نصيحة من اخت

  18. نودى
    25/07/2011 at 14:28

    بصى انا هقولك حاجة واحدة الكلام الى بيبدا على النت بينتهى بردوا ن على النت فشوفى انتى هتبدئى قصة حبك ازاى علشان زى ما بدائيها هتنهيها

  19. mayada
    25/07/2011 at 01:03

    الحب ع النت فاشل والله
    دول ذئاب بشريه الواحد فيها بيتشكل حسب ما يعرف يوقعك وبعدين يجرك للغلط
    صدقينى حتى لو كنتوا بتحبوا بعض بجد وحصل نصيب
    هيبقا ف انعداااااااااااااااااااااام ثقه صدقينى والله
    هيشك فيكى طول الوقت

  20. مجنون بيكى
    24/07/2011 at 17:03

    ياجماعة النت دا وسيلة من وسائل التعارف ياعنى ممكن ربنا يكون كاتب لينا نصيبنا من عليه هى المشكلة مش فى النت المشكلة فى الشخص الى اتعارفنا عليه هوا مناسب لينا ولا لا وبعدين الانسان مهما كان ميقدرشى يكون وحش ويمثل دور انه كويس والعكس بردو اكيد ربنا عطينا عقل نميز

  21. نصيحة
    19/07/2011 at 11:15

    بصوى يابنتى الواحد طول مهو على الانترنت بقابل اشكال والوان ناس كتير بس كل واحد على النت يحاول يظهر بأحسن صورة لية يعنى انتى متعرفيش الشخص اللى بيكلمك شكلة او اخلااقة اية
    لازم تكونى قوية متستسلميش بسهولة

  22. جسد بلا روح
    18/07/2011 at 12:50

    بصي انا مش بؤمن جدا بحب النت وان وجد منه قليلا حب حقيقي الا انه ف اغلب الاحيان لا ينجح انتي بتعاملي مع اكونت او ميل والله اعلم وحده اي شخصيه حقيقيه ورا ميل دا ناس كتير صدقيني بتمثل المثاليه ع نت وبعدين نفكر باعقل كده واحد عايز علاقه جاده هايدخل نت ؟احنا بندخله نغير جو نتعرف ع ناس نتناقش ف مواضيع كده

  23. انا مسلمة
    16/07/2011 at 11:50

    بصى انا بمرر بنفس تجربتك واحد كان معايا فى المدرسة وعمررى ما فكرت فيه وقعدت اسئل نفسى ايه الى شددنى ليه معرفتش هى الحكاية بدات بالكلام ع النت وهو قريب صحبتى فانا بروح عندها واشوفه بس عمرى ما كلمته غير على النت بس انا اتعلقت بيه اووووى بس انا مقدرش اقوله اتقدم لاننا لسة هندخل جامعة السنة دى فالبطبيعى هيرفض انا بجد معرفش ايه الى جرالى انا كنت مانعة الحكاية بتاع الحب دى نهائى عشان الثانوية وكده والمشكلة انى معرفش انا بحبه ولا لا انا معجبة بيه ولا متعودة عليه بصى انا من طبعى انى قليلة لكلام حتى مع صاحباتى يعنى عمرى مابقول لحد على حاجة بس هو الوحيد الى قولتله كل حاجة بدون ما افكر وطبعا مترردة عشان اهلى لو عرفوا احتمال اموووت فيها لان المواضيع دى عندنا الغلطة بفورة مفيهاش سماح وانا مقدرة بس انا عارفة الى ممكن يجرالى لو كان بيضحك عليا بس بصى انا هقولك على حاجة اعمليها اختبريه يعنى قوليله موقف زى مثلا ان ف واحدة صاحبتك فى نفس ظروفك واحكى الحكاية بس المهم انه يقتنع بيها واختبريه فى كذا موقف وربنا يعمل الى فيه الخيرررر وانا كمان ربنا يستر عليا

  24. انا مسلمة
    16/07/2011 at 11:39

    صراحة التجربة دى انا مريت بيها ومعرفش ايه الى خلانى امر بيها يعنى هو زميلى فى المدرسة طول عمرنا

  25. مازن
    14/07/2011 at 15:16

    والله انا شايف ان مش كلهم زى بعض يعنى فى حب على النت بيبقى حقيقى وربنا يوفقك فى حياتك

  26. هياا بنت الشام
    13/07/2011 at 15:08

    حبيبة قلبي انا نفس قصتك تماما مريت فيها بسلام الحمدلله وقاومت وما ضعفت تركته لاني لما قلتله عن الزواج قلي بعد عشر سنين بحجةانو نحنا قد بعض وهو مراهق ولحتى يدرس ويكون نفسه والشباب ع النت بيقضوها تسلاية ع طول لا تصدقي حدا وانت هلأ على بر اتركي من هلأ وانسيه نهائيا من حياتك ومن تفكيرك متل يلي عم يضحك ع حاله لانو ما بتعرفي شوفي من ورا هل شاشة الوهمية اعملي بنصيحتي

  27. نسمه
    12/07/2011 at 04:53

    السلام عليكم انا رايئ انك اكتر واحده تقدرى تحكمى ع الحاله اللى انتى فيها لان عمر ماحد هيعرف او يوصل لاحساسك انتى او الطرف التانى انا مثلا بحب واحد وطلع احسن صدفه ليه كن اصدقاء وحكينا لبعض حاجات كتير كانت مضيقنا يعنى بمعنى اصح كنا عارفين عن بعض كل حاجه قبل مانحب بعض عمر مافى بنى ادام مهما كان يقدر يمثل مشاعر بالشكل ده كمان بيبان من تصرفاته خوفه عليكى وممكن يكون فعلا عنده ظروف تمنعه انه يتقدملك دلوقتى ده مش سبب علشان تسبيه بالعكس تتاكدى من ظروفه ولو شايفه انى انسان يستحق مش تفرطى فيه حتى لو هتستنى حبك ده قدر متعرفيش ممكن تقبليه فين وربنا خلى ده سبب بردو بس لليستعمله صح اهم حاجه انتى حافظى ع نفسك ومتظلميش حد

  28. دودو
    11/07/2011 at 16:02

    بلاشش حب النت اولا ولا اى حب الا فى الحلال بجد النت وباء اذا ضعفنا

  29. mayada
    11/07/2011 at 14:22

    بصى اولا انا المبدأ الى ماشيه بيه
    اللى بيبدأ غلط بينتهى غلط
    والكلام دا من اوله بادئ بغلط يعنى انتى تقدرى تروحى تقولى لباباكى ان بكلم واحد من ع النت ؟
    وبصى كمان حتى لو حصل نصيب عمره ما هيثق فيكى دايما هيبقي يشك ف كل حاجه
    صدقينى بيبقي ف انعدام ثقه

  30. والله حابب انصحك
    11/07/2011 at 02:29

    والله ياحبيبتي كدب في كدب والحالات النادره اللي بتبقا بجد بس بيبقا بينهم صله حتا لو شافو بعضهم مره واحده
    ياحبيبتي خدي بالك من كلاب السكك
    واوعي تخيبي ثقة اهلك فيكي وتكلمي حد غي حد اتقدملك من باب بيتكم ظوصدقيني الحب هيجي لوحده ياروحي

  31. SALLY
    11/07/2011 at 01:16

    انا شايفه انك تخلي الحب لبعد الخطوبه اكيد مش بيبقي بايدك بس حاولي عشان مش تنجرحي

  32. حبيت كتيييير بس ربنا هدانى
    10/07/2011 at 16:58

    اغلب الكلام الى اتقال من الزملا هنا مظبوط وهو إن افشل نوع للحب هو النت. ومع احترامى للاخ الى كاتب اننا غلط وان النت ده حاجه كويسه عشان هو لسه مرتبط بذكرى حبه القديم على النت هاقوله
    اولا: انت ازاى تحب والحده ماعرفتهاش قبل كده.
    ثانيا: ما بنى على باطل فهو باطل ده لو انت عايز حب حقيقى ينتهى بجواز مش حب مراهقه.
    ثالثا : وده الاهم اى شخص سواء بنت او ولد بيرسم لنفسه على النت صوره مش حقيقيه ازاى بقا هتعرف حقيقته وانه فعلا الصوره الى هو راسمها دى .
    انا بقول كده لانى تقريبا مريت بمعظم انواع الحب واكتشفت اخيرا ان 99% منها غلط ربنا يهدى الناس كلها . والى هيراعى ربنا هيلاقى الحب مستنيه .

  33. كبرياء انثى
    09/07/2011 at 23:26

    انا بنزري الحب الضيف اللي ع الباب ما بنعرف مين ورى لحتى نفتح
    الحب ما بيربطو مكان او حتى زمان
    الحب اشتياء وحاجتك لهاد المخلوء
    ازا ئدرتي تعيش بلاه فانتي ما بتحبي وازا ما ئدرتي
    فانتي بتحبي
    تحياتي

  34. دودي
    08/07/2011 at 21:43

    بصي ياانسة انا حبيت من علي النت وكان حب حقيقي واحنا دلوقتي مخطوبين

  35. توته
    08/07/2011 at 00:56

    السلام عليكم ورحمه الله وبركاته انا حرد بس بموقف معين ينفع تقرا كتاب ويعجبك اللي فيه اوي فتقول انك بتحب هدا الكتاب وعايزه يكون شريك حياتك وحاسس ان الحب ده حب العمر ده بالظبط زيه زي الحب علي النت انتي بتقري كتاب علي النت انتي مش شيفه روح الانسان اللي قدامك ولا احساسه ولا تصرفاته والحب اساسه الارتياح هل انتي بتبقي مرتاحه وانتي بصه للكمبيوتر حرام عليكم نفسكم وقلوبكم ربنا وصانا علي نفسنا واحنا بنضيع نفسنا وحطي في دماغك ان دي خيانه كبيره للانسان اللي ربنا كاتبه يكون شريك حياتك

  36. سها
    07/07/2011 at 16:27

    بصى انا كنت زيك وهقوللك الخلاصة الحب على النت كلام فاضى ولعب عيال وشغل مراهقة وكمان الحب الحقيقى هو الى بعد الخطوبة غير كدة غلط كبيييييييييييير

  37. banota
    06/07/2011 at 22:09

    حبيبتي لا طبعا ولو بيحبك وعايز يجيلك البيت دي حاجة مفيهاش هزار
    بس حافظي علي نفسك
    مفيش ولد ممكن يثق في بنت حبها من ع النت وهيا سابته
    قوليلوا عايزني تعالي البيت
    لو مجاش
    يبقي اعرفي انه كبر دماغه وكبري انتي كمان
    ربنا يقدملك الخير يارب

  38. طالبة رضا ربى
    06/07/2011 at 19:14

    انا عندى نفس المشكله دى بس برضو يعنى الوحدة متحبش هى اللى تفتح سيرة الجواز بتحب انها تيجى منه هو عشان يثبت حبه بيكون فيها احراج شويه وممكن كمان تاخدها من ناحيه انه لسه بيعرفنى اكتر وكده عشان يتاكد انى بحبه اووى لان كمان اى بنت بتسمع كلام حلو ورومانسى وبتلاقى اهتمام بتفكر انه بيحبها بجد انما دلوقتى للاسف اغلب الشباب بيضحكو على البنات تحت مسمى الحب عشان يضيعو وقتهم والسلام ولا بيهمهم مشاعر البنت ولا اى حاجة وبتنصدم فيه فى النهايه واحنا طبعا مش هنعرف نيتهم ايه لان دى حاجة فى علم ربنا بس المشكله ان الشباب دلوقتى بقم ياخدو الاوسكار فى التمثيل
    ربنا يصلح حال الجميع يارب

  39. وائل
    06/07/2011 at 16:02

    بصي حضرتك لو بيحبك وعايز يتزوجك قوليلو يجي يتقدملك في البيت وفترة الخطوبه هتبين الباقي ولو قالك بعدين ونتعرف هنا يبقي بلوك ودليت وتعرفية بكده علشان متسمحيش لحد بضحك عليكي ده ريئ والله اعلم

  40. روميساء
    06/07/2011 at 14:58

    الحب اللى على النت اغلبه كدب فى كدب ويتهيئ لكى انه ملاك بيعرفوا يتلونوا مع الموقف وحسب الشخصيه اللى قدامهم وناس كتير اتجوزت وقالت ان ازواجهم سالبين

  41. حازم الاهلاوى
    06/07/2011 at 12:25

    اختى
    الحب ع النت ..”” الحب في الجامعه ..” الحب في الشارع ” الجران ”
    كل دي انواع حب كلها فيها نسبه نجاح ونسبه فشل
    نسبه الفشل من ع النت اكتر بكتير من باقي الانواع التانيه بس فيه حب
    من ع النت بردوا بس قليل
    قلتى ازاى تعرفي انتى بتحبيه ولا لاء
    شوفي مشاعرك ايه تجاهه .. شوفي انتى بتفكرى فيه كتير ولا لا
    شوفي انتى بيهمك زعله ولا لا.. شوفي انتى بتفتحي النت علشانه ولا لا
    شوفي انتى مهتمه بيه ولا لا .. حاجات كتير بتبين للانسان اذا كان بيحب ولا لا
    بس انا اعتقد كدا من كلامك انك مش بتحبيه ولا حاجه يمكن
    قربتى انك تعجبي بيه او تتعلقي بيه
    او انتى محبتيهوش لان معندهوش ميزه شدتك ليه
    انتى ادرى بقلبك وشعورك
    لو عاوزه تتاكدي انه بيحبك ولا لا
    قوليله انا عنوان بيتي كذا كذا تعالى اتقدملي
    وانا وامى وابويه مستنينك
    اذا قالك ظروف ماديه وكلام من ده يبقي فكك منه
    قوليله لما تبقي جاهز ابقي تعالى بس
    ربنا يكرمك

  42. الجريحه
    06/07/2011 at 11:35

    اولا الكلام مع الشباب مع النت بيكون فيه احتمال حوالي 50% او 60% شي غلط او لعب من الشاب انتي علشان تعرفي هوا عاوزك و لا لا قوليلي عندك استنعدلد تخطبني و ترتبط بيا و اكون مراتك لو لقيتي انو عمال يجيب في حج مش مقنعه او بيتهرب ابعدي عنو و لو قالك اه عندي و تح موضوع تاني اعرفي انو كداب اما موضوع انك بتحبيه ابعدي عنو يومين او تلاته و قرري عن بعد علشان تعرفي تقرري كويس و ربنا يوفقك

  43. ملك
    06/07/2011 at 11:28

    حبيبتي عن تجربة مش فيه حاجة اسمها حب علي النت بجد و لو حبتيه و اتعلقتي بيه هتبقي فعلا بتظلمي قلبك بجد
    صدقيني يا حبيبتي انا جربت و كنت مترددة زيك لحد ما حبيته بجد و حب حقيقي و جا بعد 6 شهور باعني و جرحني كتير اوي و مريت بحالة نفسية وحشة اوي لحد دلوقتي مش قادرة اخرج منها
    ارجوكي بلاش تظلمي نفسك و قلبك و ترخصي نفسك
    كل دة لعب غير انه خيانة لثقة اهلك و لدينك كمان

  44. mado
    06/07/2011 at 10:53

    كلام فاضى طبعا انا ولد وعندى ميل واكونت على الفيس وعارف القصه دى كويس اللى عايزك بجد هيتقدم رسمى مش يقولك بحبك وهتقدملك ده ضحك على الدقون اسمعى نصيحتى وانتى على البر سيبك منه ونصيبك هيجيلك يعنى خلاص الشباب انتهت من البلد ولو خايفه على الظلم اطمنى الشباب غير البنات لانه لو شاريكى هيجى يتقدم لحد البيت مش هيرضى يكلمك من ورا اهلك وفرضا لو علقتى نفسك بيه واتقدملك بعد سنه واترفض لاى سبباو الموضوع متمش هتعيشى اسام حزن وكابه ونكد فانتى من الاول قوليله بصراحه بتحبنى اتقدم هيقولك ظروفى وجوباتى قوليله لما ظروفك تتحسن البيت موجود انما دلوقتى لازم اقطع علاقتى بيك لانى مش بحب اعمل حاجه من ورا اهلى اسمعى نصيحتى يابنت الحلال من شاب عايش على النت طول عمره وانتى حره بقا

  45. لولاة الشطورة
    06/07/2011 at 10:41

    انا انصحك انك تبعدى عن النت ده والله العظيم زى ما بقولك ومتصدقيش اللى يقولك بحبك لان مفيش حب فى الزمن ده
    وممكن بردو يكون بحبك بجد بس لو بيحبك اطلبي منة يتقدملك ويخطبك
    وشوفيه هيوافق ولالا لو وافق يبقي بيحبك لا موافقش اعرفي بقي انو مش بيحبك انو بيتسالى بيكي
    والاحسن ان البنت تستنى نصيبها ف بيتها انتى مش عارفة مكتوبلك ايه ممكن تخديه وممكن لا يمكن ربنا كاتبلك تاخدى واحد تانى
    الله اعلم

  46. FiGo شبح السلام
    06/07/2011 at 08:39

    بوصى يا انسه الحب على النت دا حب فعلا واى حد يقول غير كدا يبقى ما يعرفش ياعنى ايه حب اصلا مع لحترامى للجميع انا بقول كدا علشان انا حبيت بنت من على النت قبل كدا و سبنا بعض وعرفت غرها بس مش قادر انساها المهم انتى حاسه ايه من نحيتوا ؟ وحاسه ان هو بيحبك ولا لا ؟

اترك رداً أو حلاً لهذه المشكلة