الحب على النت

حبيته من النت وبيجرني للغلط اعمل ايه

انا اتعرفت على شاب من النت وهو معاية فى الجامعة بس اتخرج قبلى بسنة وحبيته وبيقولى انه بيحبنى وبيموت فيا كمان واتقابلنا فى الجامعة وحبيته اكتر من الاول وبعدين اتكلمنا كتير جدا والمفروض انه هتقدملى اول لما يشتغل واتشتغل بس وظيفة على قده وبيقولى انو حاسس ان الوظيفة دى مش اووى وممكن اهلى يرفضوه بسبب كدا بس وكمان انا طلبت منه كتير انى اتعرف على مامته او اخته واكلمها عشان اعرف انو صادق وكان بيتحجج انها مش فاضية مشغول بحاجات ولغاية اخر مرة خلانى كلمتها وديما يقولى لو حد من اهلك عرفو انى بكلمو او ليا علاقة بيه هيروح ويكلم مثلا اخوية اما المشكلة انه بيكلمنى فى حاجات المفروض انو مش يكلمنى فيها لانه بيحرجنى جدا وبكون مكسوفة وقولتلو كتيرر الاوووى وزعلت منه كتير اووى بسبب المواضيع دى انى مش يكلمنى فيها ولكن هو مش بيسمع كلامى و قبل كدا قررت انى هحزره بجد اننا مش نتكلم فى حاجة زى دى لكن انا خايفة اتصدم ودا يعتبر اول حب فى حياتى و اكون اتخدعت فيه وبتغير معاية وسعتها هتأكد انه بيضحك عليه انا بجد مش عارفة اعمل ايه ياريت حد يقولى اعمل ايه ارجوكم انا محتارة بجد؟؟؟؟

مشاكل وحلول ذات صلة

اضيف بتاريخ: Sunday, July 17th, 2011 في 14:43

كلمات مشاكل وحلول: , , , ,

15 رد to “حبيته من النت وبيجرني للغلط اعمل ايه”

  1. ابواميرة
    26/01/2013 at 14:25

    هولومحترم ومودب مايتكلم معك في الحاجات الوسخةدي الافضل لك قطع العلاقةمعه فورا لاجل كرامتك وسمعة اهلك واتركيه خالص وربي بيكرمك بالشاب اللي يستاهلك ويقدرك

  2. ايمان
    09/03/2012 at 01:50

    فعلا يا اخوانى كلامكم صح وانتبهى منه بيضحك علييييييكى

  3. صاحبة المشكلة
    14/10/2011 at 22:52

    انا اللى قولت المشكلة بتاعتى بس للاسف هوا تطاول لانى مش شوفت رسايلكو دى الا النهاردة بس بس للاسف هو وصل تقريبا لدرجة انه بيمارس شئ معين عن طريق التليفون ياريت حد يقولى ابدأ بأية وطريقة كلامى تكون ازاى عشان انا بجد تعبت وفى نفس الوقت انا بحبه وحاسة انو بيحبنى ارجوكم حد يقولى ؟؟؟؟؟؟؟؟؟؟

  4. سفير الغرام
    02/10/2011 at 16:15

    انتي ال غلطنا من الاول مفرود يوم ما بدء يكلم معاكي ف الحاجات دي توقفي مش اي حد ينحب او نديلو مشعرنا بسهولا

  5. هناء
    07/09/2011 at 11:17

    بصي الصراحة هو لو بيحبك وعارف انك هتبقي شريكة حياتة هيحترمك ويحافظ علي كلامة معاكي عشان مفروض انك كل حاجة لية بس طول ما هو مش بيعترمك باسلوب كلامة تأكدي اني هو ماحبكيش بجد هو عارف ان هو في الاول وفي الاخر مش خصران حاجة انتي الي هتخصري كل حاجة اكلمي معاة بس بجدية وقليولي انا انسانة مضربية صح ومش هتقبلي تسمعي اي كلام خارج وقليلوة انك كدا مش بتحترمني ولو حاول يكلم معاكي تاني بنفس الاسلوب مترتيش علية تاني خالص مهما يحاول يتصل بيكي وسدقيني هو هيتغير عشان هيحس انك بجد انسانة مضربية وعندك اخلاق وبالعكس هيتمسك بيكي اكتر من الاول وهيعرف انك بجد مفيش اي حد هيقدر ولا قدر يأثر عليكي وانك الانسانة الي هو يقدر يستأمنها علي اسمة بس في نصيحة ليكي غيري طريقة كلامك معاة يعني هو لاخطيبك ولا حاجة اكلمي معاة في حدود ومش كل كلمة حب تقليها اسمي منة ولو طلب انك تقليلة كلام حب عرفية ان لكل مرحلة وقت واللة لو عملتي كدا لتعرفي اني انا كنت صح وربنا يوفقك وياريت تطمنيني عملتي اي انا نفسي اكلمك ومش عرفة اوصلك ازاي.

  6. EMY
    01/09/2011 at 04:10

    بصى يا اختى انتى لازم توقفيه عنده حده لانه لو بيحبك زلام يسمع كلامك فى انا هو ميكلمكيش فى المواضيع اللى بضايقك ربنا معاكى

  7. الصحراويه
    18/08/2011 at 00:36

    اكيد ده بغرغر بيكي اياكي اياكي تسمحيلو بكلمه او شي ده بيمتحنك عشان فاكر كل البنات سايبه اتروكيه واستحملي وربنا وربنا وربنا هيحترمك اكتر وهيبوس الارض عشان توافقي علي الزواج وطول عمره ميشك فيكي ويحترمك لانك البنت صاحبة العفه والكرامه بارك الله بارك الله بارك الله فيكي والله ربنا هيجبر خاطرك وما هندمي حبيبتي تماسكي واستعيني بالله

  8. دينا
    17/08/2011 at 16:29

    خلى بالك ممكن يكون بيختبرك وقفيه عند حده خدى موقف متسكتيش على الغلط علشان تعلى فى نظره ويعرف انك بنت ناس ومحترمة … متغيرش يبقى تسبيه حالا لان بجد اغلب شباب النت بيتسلوووووووووو بيضيعو وقت مش اكتر وربنا هيرزقك بالاحسن منه بازن الله بالتوفيق

  9. نورا
    25/07/2011 at 16:12

    بصي مش تدي الثقه لحد مهما كان ليكي ومهما كانت روحك فيكي وفكري بعقلك وقولي هو قالي هاجي اتقدم لما القي شغل وهو لاقه شويه هيقولك استني لما اشتري العربيه استني مش عارفه ايه بصي دي كلها حجج فارغه وبعدين انتي مش سالتي نفسك هو لو حصل بينكوا حاجه ايه اللي هيحصل صدقيني هيديكي استماره سته ربنا معاكي وفكري بعقلك

  10. عبداللاه
    19/07/2011 at 11:55

    ربنا يحرصك ويصونك ويرزقك بالعفه ومكارم الاخلاق اختى انتى الاول صونى نفسك انتى تاكدى انهو هو مش هيصونها وحاولى تبعدى بجد الطريق الى انتى ماشيى فيها غلط واتمنا من الله ان يدلك على الطريق السليم وياريت انتى تحاولى تستخيرى ربنا فيه وهو ان شاء الله هيدلك على الصح وان شاء الله ربنا يوفقك

  11. جنا
    18/07/2011 at 17:01

    اختى بصى انتى لازم تحاولى انك تخلية يبطل الكلام وتقوليلوا انا بالنسبالك ايه واحدة عايزها تكون ام اطفالك ولا واحدة تتسلى بالكلام معاها وبعدين تقول انا ماضربتيكيش على ايدك انا عايزاكى تستخيرى ربنا وتشوفى نصيبك فين وهو لو بيحبك هيقدرك ويحترمك لو اخدتى موقف منه عشان طريقتة فى الكلام وبعدين احلى حب الحب الطاهر ودة نادر الوجود حاولى تحافظى على نفسك ولو قالك انو هو كدة ومش هيتغير سيبيه وخليكى عارفة انو هيندم وبهدين هيقول هى دية اللى اقدر اخليها ام اطفالى وممكن يرجعلك احسن من الاول وربنا يوفقك

  12. دموع منسية لفتاة الاحزان
    18/07/2011 at 15:58

    انتي ال غلطنا من الاول مفرود يوم ما بدء يكلم معاكي ف الحاجات دي توقفي عن حدو هو فاكر نفسو اية يا اختي الكلام مفرود يكون ف الحدود يعني حيحصل اية لما تسبي اكيد ف يوم حتحبي واحد محترم وازاي يعني ولد يقول كدة لفتاة واللة قلت ادب ولا يوجد حياء اسفة ع هذة الكلام

  13. mido0one
    18/07/2011 at 04:00

    بصى يا بنت الناس كويس انك لسه على الر قبل الفاس تقع فى الراس انتى لازم تحولى تخليه يبطل الحاجات دى والكلام ده ولو مبطلش يبقى يابنت الناس مش هتكون مشكله انك تسبيه وتنجرحى شويه احسن من ان تقعى فى الغلط معاها وسعتها هتقولى ياريت اللى جره ما كان .ويارب يسترها عليكى وعلى اخوتنا يارب علما بانى اصغر منك وزى اخوكى الصغير.

  14. حازم الاهلاوى
    18/07/2011 at 00:26

    اختى
    دلوقتى بيجر معاكى كلام والكلام بيجيب المشاعر
    والمشاعر هتثير شهوته وبعدين شهوتك
    وبعدين شقه وبعدين المصيبه الكبيره خساره الشرف
    وبعدين يسيبك لانك وافقتى معاه ع كدا
    شوفي
    خلي علاقتك بيه في الحدود الغايه ما يتقدملك
    يعني لازم يكون خطيبك ع الاقل عشان تخرجى معاه
    هو لا خطيبك ولا جوزك
    خليكي غاليه كدا دايما واوعي يضحك عليكي بكلمتين
    العيال بتوع الشات دول عيال تييييييييت معظمهم
    ربنا يكرمك

  15. sun
    17/07/2011 at 20:50

    حبيبتي نصيحه مني اوعي تخليه او تسمحي انه يتكلم معاكي كلام يتعدي الحدود فيها وعرفيه انه لو اتكلم معاكي في الكلام ده انك حتبعدي عنه بالرغم من حبك ليه لانك مش مستعده تخسري ربنا عشانه ولا عشان اي حد وتاكدي لو هو فعلا بيحبك حيرجع ليكي وحتزيدي احترامه في نظره وحيحبك اكثر ولو مرجعش ليكي تاكدي انه مش ليكي وان ربنا شايله الاحسن منه وانه كان بيتسلي وخلاص بالتوفيق ان شاءالله

اترك رداً أو حلاً لهذه المشكلة