الحب على النت

حبيته من النت وعايزة اسيبه بس خايفة اجرحه

انا عندى 15 سنة اتعرفت على واحد من النت و حبيته بجددد وهو حبنى .. هو اللى صارحنى بحبه ليا بس انا برضو كنت بحبه .. مكملناش سنة مع بعض بس هو عندوه الثانوية ف 3 ثانوي و لازم يزاكر و يركز وعشان كدا مش بنتكلم اد كدا بقا بيكلمنى كل اسبوع مرة او كل اد اية .. يمكن دا اللى خلانى احس انو مبقاش يحبنى .. بس لقتنى انا كمان مبقتش بحبو اد كدا .. اهلى ماكانوش يعرفو .. بس امى عرفت ولما عرفت زعقت و حذرتنى من كدا .. وانا مبقتش راضية عن نفسى ولا اصحابى بقو راضيين عن كدا .. انا حاسة انى عايزة اسيبو عشان اسباب كتيرة اوى .. اصحابى .. امى .. ربنا .. كتير اوى اوى ومن جوايا عايزة اسيبو .. بس لما ااجى اصارحو بكدا مبقدرش و بحس انى مقدرش اعيش من غيرو .. نفسى احل المشكلة دى بطريقة متجرحوش .. و فى نفس الوقت متكونش صعبة عليا … انا مبعرفش اقولو انا لازم اسيبك وهو رد فعلو بيبقا مش لطيف .. تريقة او ميصدقش انى ببحبو .. فا بقيت بجد مش عارفة اية ياريت بجد الاقى الحل عشان انا تعبت من كتير التفكير ومش عارفة ازاكر …..

مشاكل وحلول ذات صلة

اضيف بتاريخ: Tuesday, January 11th, 2011 في 18:18

كلمات مشاكل وحلول: , , , , , , ,

15 رد to “حبيته من النت وعايزة اسيبه بس خايفة اجرحه”

  1. hala
    19/07/2013 at 10:45

    الله يكوووون بعونك بس الحل بسط اول حاجه انتى لزم تلتزمي بصلاه لنها بتحفظك ده حب مش جايز وصدقيني لو التزمتي بصلاه راح تبطلي تحبي وقوليله اتا مش عايزه احب ارجوكك تتركني بحالي وحاولي انك ماتكلمي

  2. ابواميرة
    26/01/2013 at 14:17

    انت مراهقة ودامش الحب اللي انت تتصوريه طيش شباب ومراهقين بيعدي اسمع كلام امك واقطع العلاقةمع الولد هذا واهتمي بدروسك ومستقبلك والعمرطويل قدامك حتعرفي الحب الحقيقي فيه وربي يهديك

  3. dody caty
    26/02/2012 at 13:55

    بص ياحبيتي انتي لسه صغيره اووووي ع الحب ده لسه قدامك من العمر كتييير وده في سن مراهقه وده غلط والحب ع نت غلط وانتي اصلا محبتوش بس حاولي تقوليلو اني مش هقدر اكمل معاك وده ياقلبي لعب عييال ربنا يقدملك الي في الخير خلي بالك من دراستك ومن نفسك

  4. كبرياء انثى
    10/07/2011 at 21:05

    هاد مو حب
    انتي ما حبيتي
    هاد اسمو مراهقة
    لانو الحب اكبر واصفى من هيك
    ما بعتئد الدراسة حجة مقنعة
    لانو بيئدر يفصل بينت دراستو بين ئلبو
    هشي يمكن كان اختبار لحبكم
    وانتي قيمي حالك

  5. بنوتة بتحب الحياة
    05/06/2011 at 05:58

    الحقيقة انا كنت عيزة بس الاخ زملكاوى قال على كل الى انا نفسى اقولهولك انا مش فهمة هو ادية موجعتهوش من كتر الكتابة بس هو والله قال كل الكلام قلى ممكن يقولها اخ لاختو ربنا يجزية خير اعملى بنصحتوة وانتى فعلا صوغنتوتة على الحجات علما بانى افى نفس عمرك بس مجربتش احب ومش عايزة يا ستى دا وجع دماغ ولو حبيت زيك كدة هتنتهى قصة حبى بنفس احداث قصتك فلية من الاول يا بنات ويا شباب احسبوها الاول وبعد كدة سيبوها على الله ومتئلوش الحب بيجى لوحدة لالالالالالا كل انسان ممكن يعمل كنترول على مشاعرة

  6. بنوتة بتحب الدنيا
    04/06/2011 at 06:37

    حببتى انتى زى اختى وادام انتى اختى يبقى لازم انصحك ربنا ادا لكل بنت فى الدنيا جوهرة جميلة اوى لازم كل بنت تحافظ على الجوهرة دى ومتخليش حد يخدشا الجوهر دى هى قلبك لازم تحفظى علية لية تخلية ينجرح ويتعزب لية كلنا منبدئهاش صح ونطلع الجوهرة بتعتنا فى الوقت المناسب يعنى لما نكبر شوية احنا لسة صغيرين وبعدين احنا مستعجلين على اية دا العمر ادمنا طويل والحياة حلوة واحنا لسة شباب لية منستمتعش بكل لظة فى الحياة من غير محد يجرحنا او من غير ما نجرح حد وانا احترمت ((اخويا اسامة)) لما ضحا علشان حد بيحبة( متخليش قلبك شارع اى حد يدوس فية خلية نجم من نجوم السما الكل يتمنى انو يوصل لية)

  7. فارس الظلام ؟؟؟مشفر خطر ابتعدو
    08/03/2011 at 03:53

    انا انسان اذن احس بحساس الباقين انتي لو بجد تحبي سبي لان الي يحب يسامح واذا قلتي لهو بتروي مثلا
    السلام ودردشه قليل لدي شي اقوله يقول تفضلي او شي ثاني قوليله لئسباب كثيره لا استطيع الاكمال و انتهت قصه الحب وئذا عن جد تحبني سبني واذا رد بغضب اذا هوه مبيحبكيش واذا انتي مش قادره تسبي انا مالي

    توقيع / شيطان لكن اطيب من ملاك

  8. أسامة
    26/01/2011 at 20:54

    يا اختى انا حبيت وحده و حصل نفس الموقف و هى قالتلى انها بتحب واحد تانى بعد ما حبتنى فترة قلتلها انتى حاسه انه بيحبك قالتلى اه قلتلها و انتى بتحبيه قالتلى اه قلتلها و انا مقدرش ارفضلك طلب انا من رأيى لو انت/ى بتحب/ى حد و حبكم ممكن يسبب ضرر لحد فيكم ممكن تضحوا بالحب
    انا عن نفسى لو بحب و حبى هيسبب ضرر لحبيبتى هضحى من رأيى انك تصارحيه لو هو رفض بجد بجد هو مبيحبكيش لو وافق يبقى بيحك و اللى بيحب بيضحى

  9. بنوته
    13/01/2011 at 03:46

    انتي لسة صغيرة اوي علي الحب والنت والكلام دة
    بصي انتي انتبهي لي مزكرتك ونفسك
    هو كمان بيحاول يبعد عنك عشان نفسو
    مقدرش يقولك نسيب بعض بس بيطمن عليكي من وقت لي التاني
    صدقيني انتي لسة صغيرة ولما تتدخلي الجامعه هتلقي نفسك محبتيش في حباتك
    ولو قبلتي شخص تاني وحبتية هتقولي دة اول حب في حياتك ومش هتقولي انك جربتي الحب قبل كدة
    ونصيحة اسمعي كلام ماما عن تجربه احيانن الاهل بيكونو صح في ارئهم واختيرهم لينا
    اسخيري وابعدي عنو ربنا يكرمك ويكرمو ان شاء الله
    اللي ليكي فيه نصيب فيه هتخديه
    وبالتوفيق ان شاء الله

  10. زملكاوى
    12/01/2011 at 14:16

    جاوبى على الأسئلة دى :
    – تفتكرى هتفضلوا تحبوا بعض 5 سنين لأدام بلاش 5 خليها 4 بس ( عدد سنوات الجامعة ) ؟
    معتقدش وعشان كدا احب اقلك انك صغيره ولسه العمر ادامك
    انتى بسم الله ما شاء الله 15 سنه يعنى 1 ثانوى او 2 ثانوى لسه بقاا سنين الجامعه
    ودى بقى بتتقضى بالطول والعرض
    انما ثانوى دى لازم تتقضى بطريق واحد بس وهى المذااااااااااااااكره والتركيز
    تخشى كليه هتلاقى راحه شويه ودخلتى عالم تانى خالص
    وانا مش بقلك سبيه واجرحيه , لأ لأن دا بيتعبنا كلنا وطبعاً هيقول فى نفسه انك مش كويسه
    وانك كنتى بتلعبى بيه ودا طبيعى لأنك قلتيله بحبك وجايه دلوقت تقولى عايزه ابعد بس خايفه
    تانى سؤال – انتى بتقولى انه بيتصل بيكى كل اسبوع عشان دراسته يعنى الراجل مهتم بدراسته وبرضو معاكى , ليه انتى بقى متعمليش كدا ؟
    بس بصراحه طالما مامتك مش موافقه وزعقتلك اسمعى كلمها وعشان تسبيه
    لازم هتحسى بالفرق بعد مايبعد عنك
    لكن حاولى تتحملى تعب اسبوع افضل من التعب اللى هيفضل فيكى بالشكل دا
    وعلى فكرة انتى بتقولى انه مش بيحبك اوى لأنه بيكلمك كل اسبوع !! لأ انتى غلطانه
    الراجل عنده ظروف ولو انتى مش هتقدرى ظروفه امال مين بقى اللى هيقدرها ؟
    عيزاه يسيب دراسته وينام على السرير كل يوم ويرفع فى رجله ويخبطها فى بعض وهو بيكلمك !!؟
    اكيد انتى عيزاه يبقى حاجه كويسه تتشرفى بيه
    لو عايزه تسبيه قوليله من وجهة نظرى :
    * انتى بتقولى ماما زعقتلك ,, وكمان هو بيكلمك كل مده كدا ( اسبوع ) صح ؟
    خلاص ركزى فى المذاكره وابعتيله مسج على الموبايل او على الميل بتاعه
    قوليله انا مش هعرف اكلمك مده كده عشان ماما عرفت لما الدنيا تروق وتهدى انا هكلمك
    وخلاص بقى انتم مع الايام هتنسوا وهو هيفهم دا مع مرور الوقت

    انا عارف انه حل مش اد كدا بس هو تقريباً الحل الوحيد عشان مش تجرحيه
    وكمان انتى اجمدى كدا وصلى على النبى وصلى وقربى من ربنا
    وحسى وتخيلى ان علاقتك بيه دى حاجه مش كويسه وبكدا هتنسى
    ذاكرى بالله عليكى وركزى وبكرا هتحبى وتتحبى بجد من واحد كبير وفاهم
    انما السن دا سن مراهقه كل حاجه بنشوفها فيها بتعجبنا ونمسك فيها زى الأطفال ونعيط عليها كمان
    انما مع الوقت عقلك هينضج وتحسى انك كنتى صغيره اوى
    وتبدأى تفكرى وتشوفى مين اللى مناسب ليكى وحياته وصفاته

    يارب اكون افدتك وان شاء الله ربنا يوفقك
    وعايزين مجموع بقى ومذاكره بتركيز
    وربنا يخليك مامتك يارب وتفضل على طول تنصحك وتبعدك عن الغلط

  11. كارولينا
    11/01/2011 at 20:52

    ياعيني ياروحي انتي بلشتي تحبيه وكان عمرك 14 يعني لساتك صغيره في شي هلئ اهم من الحب والكلام الفاضي لازم تخلصي دراستك تشوفي مستقبلك وبيجي وقت للحب كل شي بوقتو حلو لازم تحكيه انك لساتك صغيره وحابه تكفي علمك وهوي كمان ينتبه ع دروسو وكل شي بوقتو حلو اكيد رح يتفهمك وهاد الانسب الك والو

  12. dody
    11/01/2011 at 20:45

    بسى انتى لسة صغيرة انتى صرحية وقوليلة انتى هتتعبى شوية بس بعد كدا هتنسى وانتبهى للمذكرة وبعد كدا فكرى وربنا يرزقك باحسن منة وانا بردة كنت فى المشكلة دى بس من 4 سنين وربنا كرمنى ورزقنى بانسان كويس وانتى كمان ربنا يديكى

  13. حصل خير
    11/01/2011 at 19:48

    لسة صغيرة اوي ع اكلام دا شغلتي نفسك بتفاهات
    انا رائي هو الصراحة يعني تقوليلوا احنا الا بنعملوا دا لعب عيا ومش اسموا حب وانا مش اسمح لنفسي اني احب بالطريقة دي فرصة سعيدة جدا وياريت احتفظ بيك كصديق عزيز اواخ مقرب وبعد كاد مش تكلمية خالص خالص وياريت تمسحي ايميلاتوا من عندك ودي نصيحة اخت ليكي انتي في يوم هتحبي وهتتحبي بس بعد ماتحددي كريرك ومستقبلك فكري في دراستك وربنا يوفقك ويوفق الجميع

  14. nour
    11/01/2011 at 18:47

    انتى واجعة دماغك على الفاضى ياستى ولا هو بيحبك ولا انتى بتحبيه
    بلاش تفكرى او تدى الموضوع اكبر من حجمه

  15. NANA
    11/01/2011 at 18:29

    من رايي انك تقللي الكلام معاه بالتدريج لحد ما الامتحانات بتاعته تخلص وانتى تنسيه الموضوع دة خالص لحد ما تمتحنى ولما يجي الوقت تكون انتى طبعا مقلله الكلام معاه قوليله ان ماما عرفت وانها زعلت منى وان هى قالتلى انا متاكدة انك مش هتكلميه تانى لانى بثق فيكى وانا عمرى ما اخون الثقه دى كل ال اقدر اقولهالك انك بجد لو بتحبنى وعايزنى اثبتلى دة بالفعل ومش دلوقتى لان فعلا انتى لسه صغيرة حتى هو كمان صغير بس يعنى هو مش صغير اوى ممكن يبقي يشتغل فى الاجازة يعرف يعنى ايه مسؤليه يحوش تحسي انه هيتصرف عشان يعمل عشانك حاجة ولو فعلا بيعمل عشانك او هيعمل عشانك حاجةى يبقي بنى ادم كويس ولما يجى يتقدم وافقي عليه وربنا يوفقك بس اهم حاجة زى ما قولتلك الكلام دة تقوليه بعد الامتحانات عشان تعرفو انتو الاتنين تذاكرو وربنا معاكى ومعاه

اترك رداً أو حلاً لهذه المشكلة