انا بحب شخص جدا وهو كمان بيحبنى جدا انا من محافظة وهو من محافظة تانية بنشوف بعض قليل جدا وفى أضيق الحدود لما بيكونوا زيارة عند خالتى وبسلم عليه هو أو باباه لمدة 5دقائق وبمشى يعنى وهما مروحين مش بقعد معاهم بنتكلم كتير فى التليفون مرة كونا بنتكلم على السن وأتفجأنا ان انا اكبر منة بسنتين وكام شهر زعلت جدا وهو كمان زعل ومتصلتش بية بعدها طول النهار لقيتة بيتصل وزعلان ازاى متصلتش يعنى خلانى عادى ونسينا السن وأحنا بنحب بعض بعد ما عرفنا السن بقلنا سنتين ولوقتى باباه رافض بيقول ازاى تاخد وحدة اكبر منك ب3 سنين هو حاول مع باباه وبيقول انه غبى ومش حيحس بينا وانا مش عارفة اعمل اية
الحب قبل الزواج
اكبر منه بسنتين وباباه رافض خطوبتنا
اضيف بتاريخ: Thursday, September 30th, 2010 في 01:20
كلمات مشاكل وحلول: الحب, الحب قبل الزواج, الخطوبة, الزواج, فرق السن, محافظة, مشاكل الحب, مشاكل الخطوبة, مشاكل الزواج
والله الحمد لله كل الحلول جيدة الصراحة ، و أنا كمان عايزة أشارك برايي ده و إن شاء الله يفيد
أختي الفاضلة ، زي ما قال الجميع فارق السن اللي بينكم عمره ما كان عائق أبدا أبدا فمثلا أنا عندي نفس لن أسميها مشكلتك بل أقول حصلي نفس موضوعك ده في الزواج خطيبي أنا أكبر منه بثلاث سنوات و أشهر ، و الحمد لله هو إنسان حضاري و متفهم و قالي مادام الحب موجود و أنا بحبك و انت كمان فالسن اللي بينا مش مهم أبدا ، هو أهم شي الحب و التفاهم الموجود بينكم أخيتي في الله ، لكن مشكلتي أنا أن والده رافض المسافة البعيدة اللي بينا مش السن ، المهم أختي توكّلي على الله سبحانه في هذه المسألة و ادعيه بقلب خاشع متيقّن و بإيمان بيه أنه سبحانه وحده القادر على حل مشكلتك و أكيد إذا كان زواجكما ببعض فيه خير لكما فأكيد ربنا سبحانه سيزوجكما برغم كل الرافضين ، و إن كان هو نصيبك فتأكدي بأن بشرا أو مخلوقا لن يبعدك عنه ، فقط خلي إيمانك و حسن توكلك على ربنا سبحانه و تعالى كبير و رددي بيقين و من قلبك دائما دعاء تفريج الهموم هذا “حسبي الرب من العباد ، حسبي الخالق من المخلوقين ، حسبي الرّازق الرّزّاق من المرزوقين ، حسبي الذي هو حسبي ، حسبي الله و نعم الوكيل ، حسبي الله الذي لا إله إلاّ هو عليه توكّلت و هو رب العرش العظيم” و خلي حسن ظنّك بالله كبير ، ربنا يحقق آمالك و آمال كل المؤمنين آمين ربنا يوفقكم جميعا لما يحبه و يرضاه آمين و السلام عليكم و رحمة الله و بركاته.
شوفي يابنتي مسالةالسن مافيهامشكلة اداانكم تحبو بعضاومتفاهمين ولايقين لبعضكم خلي احدمن قرايبك يقنع ابوك بالموضوع داوانشاءيوافق على زواجكم وربي يسعدكمافي حياتكم
انا اختى اكبر من زوجها وعايشين فى سعادة جامدة ياجماعة
تصحيحا للخطـأ سيدنا محمد كان اصغر من امنا خديجة ب 15سنة بس مش 45 وشكرا
مش مهم السن اهم حاجه يكون هو بيحبك وعايزك
وأنا كمان شاب وعندي نفس المشكلة ، والأكثر إننا في الجامعة وأنا لسه طريقي مليان وهي فيه ناس بتتقدملها وأنا عايش في هم
حبى بقلبك
واتجوزى بعقلك
انا كمان في نفس مشكلتك وانا وابن خالي بنحب بعض بس انا اكبر منه بحوالي عن سنه ونصف ومش عارفه اعمل ايه وخايفه لما خالي ده يعرف ممكن يقول ايه بس انا عمري ماحسيت اني اكبر منه بل بالعكس انا دايما بحس اني هو كبير اوي في كل حاجه وكنت عايزه ابعد عنه لما عرفت اني اكبر لقيت كل الي حوليه وصفوني بانسانه جاهله علشان فكرت في كده وقالولي اخر حاجه ممكن تفكري فيها هي فرق السن
ابدا السن مش عائق اهم حاجه التفاهم وطول مالست محافظه على شكلها ومهتمه بنفسها مش هيبان السن ولا حاجه وعن تجارب شفتها بعينى وناس اتجوزو بنات اكبر منهم بكتير ومع ذلك سعدااا اهم حاجه تختارى اللى بيراعى ربنا هو اللى مش هيتغير ولا هيبص لحد مدام باصص لرضا ربنا الاول….ربنا يكرمك يارب ويكتبلك الخير
ااختى الكريمه انا اخت لك قبل كل شىء اسمعى منى وفكرى ثم القرار ليس لكى بل له هو لقد تزوجت من رجل انا اصغر منه باربعه اعوام ولم يكن هذا الزواج مبنى على الحب زواج صالونات تزوجته وبعد فتره قالها كلمه واحده ياريتنى كنت اتجوزت واحده اصغر منى ب خمسه عشر سنه ياحبيبتى والله والله لو عملنا للرجاله زى القرود برده مش هنعجب علشان متحطيش السن عائق بصى وشوفى نسبه الطلاق فى مصر قد ايه دلوقتى وكلهم والحمد لله الراجل اكبر فى السن واصغر ف العقل حبيبتى انتى وهو مش محتاجين الا لشىء واحد علشان جوازكم ينجح اولا الحب موجود ثانيا موافقه والده لانها اهم هى اللى هتحافظ على الحب ده والل اهم من ده وده هو نفسه ياترى يوم ما تبدى رغبتك فى الجواز هيكون مستعد يعيش معاكى الباقى من عمرهياريت اكون قدرت اوصلك معلومه الحب + موافقه والده+استعداده هو = حياه ناجحه طول العمر اتمنى ربنا يوفقك
بابا عنده حق الستات شكلهم بيعجز بسرعه و الرجل عايزك شباب على طول و السنتين حيعملوا فرق بعد سنوات من الزواج و الرجل حيبدا يبص بره علشان يعوض الفرق دى نصيحه ليكى
عادي السن عمره مابيفرق ابدا مادام الطرفين متفاهمين مانا اكبر من خطيبي ب6 شهور عادي
على فكرة انا فى نفس المشكلة ومش لقى حل وبردوك نفس السن!!!!
على فكرة انا فى نفس المشكلة بس مش عارف اعمل اية ونفس السن بردوك !!!!
ميصحش يقول على ابوه غبى و عليه اقناعه بالتفاهم
طبعا السن مش عائق والرسول تزوج بالسيده خديجه وهى تكبره 15سنه
بس لازم يقنع والده
السن مش حاجه على فكره خالى حد من اهلك او قريبك المقربين لابوكى يفهمه ان السن مش حاجه عادى جدا وخاليه يقوله ان سيدنا محمد صلى الله عليه وسلم تزوج من سيدتنا خديجه رضى الله عنها وهى اكبر منه45سنه وان شاء الله ربنا يوفقكم مع بعض