انا بحب واحد جدا وهو كمان بس للاسف انا عصبية وكل شويه اتنرفز عليه واقوله نسيب بعض ومش هينفع نكمل مع بعض انا زهقت عملت كده كتير لكن في مره كنا في الشارع واتنرفزت وقولتله مش عايزه اشوفك ورميت صورته ومشيت وهو جه ورايا وقالي علشان خاطري تقوليلي حصل ايه قولتله امشي من هنا مش عايزه اعرفك تاني المهم انه مشي فعلا وسابني بس فضل يتصل عليه وانا مش برد الاخر صاحبتي كلمتني قالتلي حصل ايه بينكم ده قلقان عليكي قولتله انا كويسه وقوليله اللي بينا انتهي , قالتلي ماشي كلمته وقالها فعلا كل اللي بينا انتهي وعمري ما هرجعلها وفعلا بعد عني ولما بيشوفني بيمشي ولو حاولت اكلمه يقولي مش فاضي بس رجعنا بعد 35 يوم رغم انه كان بيقولي انه حالف ما يرجعلي بس رجع , وبعد مارجعنا انا بردو فضلت زي ماانا ماتغيرتش وكنت بدايقه كتير اوي والاخر باباه كان تعبان عنده مرض مش كويس وكان مش بيكلمني كتير وانا اتديقت قولتله نسيب بعض لحد ما يبقي باباك كويس انا اتخنقت قالي هو ده اللي انتي عايزاها خلاص وسابني وقالي مش هبقي راجل لو رجعتلك ودلوقتي مش مع بعض من 5 شهور بس انا بحبه جدا وعارفه انه بيحبني بس خايفه يتغير ومش عارفه اعمل ايه نفسي ارجعله بجد انا عارفه اني غلطانه جامد اوي بس ندمت .
الحب قبل الزواج
بحبه لكن جرحت كرامته جامد اوي
اضيف بتاريخ: Tuesday, January 4th, 2011 في 16:15
كلمات مشاكل وحلول: الحب, الحب قبل الزواج, الحب قبل الزواج, الزواج, عصبية, في الشارع, مرض, مشاكل الحب, مشاكل الشباب
انا لو جرجت حبيبي بالعصبية انا قولتله انا غلطانة واسفتلة بس مش عرف اعمل اية
بس هو حبيبي سمحني كتير اوووي بس حبيبي عاوز حل مني انا مش عرفة اعمل
اية ممكن لو في حد عرف يقولي لوسمحته
هل انت مريضة نفسيا اوتعاني من ازدواج في الشخصيةحرام اللي تعمليه مع انسان حبك وصادق في مشاعره معك ارجعي لعقلك وبطلي عصبيتك المتهورةدي اللي تكره الناس فيك وخليك رقيقةالمشاعروهاديةورزينةالكل بيحبك ويتمنى القرب منك واولهم الانسان دا اللي مازال يحبك رغم كل اللي سويتي فيه وجرحتي كرامته في لحظات طيش وتهورمنك اعتذري له فورا وخليه يسامحك من كل قلبه بدلا ماتخسريه للابد
هو انا حبيبتي كمان هيك و كل مرة بتقول نسيب بعض و دلوقتي تمت سنة على تعارفنا بس انتي شوية فكري بالقرار الي تاخذي و هو من حقة يقول ما ارجع هو حاسس انك مش متمسكة فيه
انا بقي عكسك تماما انا بحب واحد جدا وهو كمان بس المشكلة انه بيحب يمشي اللي في دماغه وانا علشان بحبه بقول عادي وبستحمله لدرجة اني اخر مرة مكنتش غلطانةوكنت عند تيتة واداني معاد اروح فية وغصب عني تية قالتلي باتي معايا النهاردة وقلتلها مش ينفع واتصلت بيه قلتله قالي ماليش دعوة انتي اصلا مش بتسمعي الكلام وخلاني نزلت روحت وعلشان اتاخرت شوية لحد ما قدرت اقنع تيتة اني امشي وسمعت كلامه وروحت وانا ماشية بكلمه قالي انتي مش بتسمعي كلامي ومش هينفع نكمل مع بعض ودي تالت مرة يقولي كدا اعمل ايه؟
بصراحة أنا شايف انك مش بتحبيه انتى بتقولى أهو عريس وخايفة يضيع منك لكن لو بتحبيه بجد هتخافى على مشاعره دى حاجة
وممكن اكون ظلمتك فى الحكم ده وتكونى من النوع العصبي اللى بيتصرف بدون وعى
وعموما سواء كدة او كدة انصحك تصلى استخارة وتدعى ربنا كتيييييير وماتحاوليش تتكلمى معاه طول ماهو مش خاطبك لكن ممكن توصليله انك بتحبيه جدا ومستنياه يخطبك لانك شكلك مش مخطوبة والا ماكنتى خفتى انه يسيبك او يضيع منك
ربنا يهديك ويبصرك بالحق ويقدر لك الخير
اليحب بيسامح وهو واضح من كلامك عليه انو بيحبك قوي رغم انك مبتعملهوش كويس كان بيسمحك لو عايزة ترجعيلو ومقتنعة بقرارك حاولي تتغيري عشانو وعشن علقتكم متخلهاش تضيع ولو بتحبيه زي ما بتقولي فلازم تعوض علي عملتيه فيه تحترم مشاعره وتعامليه كويس
ربنا يهديكي انتى غلطتى اوى فعلا بس اذا بتحبيه هتعرفي اذاي ترجعيه اعملي اى حاجه وكل حاجه تقدمي بيها اعتذار ليه وتخليه يرجع على اد ماغلطتى فيه حاولي تصلحي غلطك فى حقه افضلي اتصلي بيه وابعتي فى رسايل واتصرفي تصرفات تظهر مدي حبك ليه ممكن اذا عارفه عنوانه تبعتي ليه ورد ولازم تعتذري عن تصرفك فى موقف باباه لائنك طلعتى صغيره اوى الموقف ده بجد قاسي جدا ربنا يهديكي واذا كان فيكي خير ليه يرجعه ليكي واذا كان شر يبعده عنك لانى بصراحه شايفه انه كويس ولا غبار عليه
على فكره انا كنت زيك بالظبط بس انا اتغيرت اوى لانى اتاكدت انى مقدرش استغنه عنه وبقيت اعمل كلحاجه عشان يرجع يحبنى اكتر من الاول وصدقنى انا بقيت استحمل منه حجات كتير يعنى مثلا استهتار بالكلام عدم اهتمام وحاجات كتير بقيت تزعلنى بس كنت بستحمله لانى غلط فى الاول حاولى انك تتكلمى معاه وقوليلوا يديكيه اخر فرصه لازم تعملى كل حاجه كويسه عشان يرجعلك ولو انتى جواكى حب كبير ليه هتتغيرى ومش هتخليه يضيع منك ابدا
السلام عليكم اه بجد انا لقيت في حجات كتير منكي انا بعملها مع حبيبي لكن برجع في وقتها اعتذر لو ومشكلتي كمان اني بتنرفز بسرعة لكن صدقيني هو لو بيحبك ضمان حيعدي الفترة دي عشان تحسي بغلطتك بس وانشاء الله يرجع ليكي بس بصي انتي حاولي اعتذري ليه الاول اذا كنتي متاكدة انك غلطي جدا وبعدين هوة المفروض يكون اتعود عليكي ويحاول يغير من نرفزتك دية امنياتي لكي بكل الخير
انا هقولك كلمة واحدة انتى مش بتحبية لانك لو بتحبية بجد وكنت اكتر واحدة عصبية فى الدنيا دى كلها مش كنتى هتفضلى كل شوية تقوولى لة مش هينفع نكمل سوا وكل ال بينا انتهى
ال بيحب بجد مهما حصل عمرو مايقدر يطلع الكلمة دى حتى لو حبيبو عمل اية
وكمان مش وقفتى جنبو انتى عاوزة واحد فى الحلوة بس
دة واحد كان محتاجلك المفروض تكونى جدعة معاة لحد لما ظروف بباة تتحسن مش تقولى لة انت لوحدك فى المرة ولما حياتك تحلو ابقى تعالى
سبحان الله ربنا يهديكى بس لو بتحبى بجد مش هتقدرى تطلعى الجملة دى ابببببببببببدا
uعلي فكره احنا بنتكلم بس كل اسبوعين تقريبا وكلام عادي وانا اللي بتصل بيه بس بير عليه من اول مره ولما يحس اني بعدت بيكلم صاحبتي وطبعا سيرتي بتتفتح ولحد قريب بيقول انه بيحبني ومش هيلاقي حد زيي بس انا جرحته جامد اوي وانا نفسه يرجعلي بس من جواه مش قادر وطبعا بيقولها مش تقولي الكلام ده بس هي طبعا صاحبتي وبتقولي كل حاجه
على اد الحب على اد الزعل وهوا حبك جدا علشان كده زعل منك جدا
بس على فكره اذا كان ناوى يرجعلك ولسه بيحبك مش كان هايستنى الفتره دى كلها علشان يرجع
هوا انجرح منك جدا ورافض الرجوع وده حقه
وجايز ربنا بينبهك لانها مش كانت علاقه رسمه شرعيه ادام الناس
وربنا يهديكى ويهدينى وجميع بنات المسلمين
مافيش حاجه اسمها حب الحب الحقيقى اللى بيكون فى اطار شرعى مش خروجات وكده نصيبك هيصيبك وحاولى تبعدى عنه ولو كان نصيبك هيجيلك بس كلام وتليفونات ده حرام واتقربى من ربنا وربنا مش هيسيبك ابدا
بجد حاجة غريبة ازاى تقطعى صورته وترميهاله فالشارع ازاى رضى على نفسه كده ده انا خطيبى لو بس كان غلطان فى حقى وصوتى على عليه غصب عنى الدنيا بتقوم وبعدها انا اللى بحس بالذنب واحس انى اهانت كرامته بمجرد ان صوتى على عليه رغم ان هو اللى بيكون مزعلنى اللى بيحب حد بيشوفه حاجة كبيرة اوى ويبقى عايزله الرضى يرضى كده ييجى خطيبى يقرأ مشكلتك عشان يعرف قيمتى والله يابنتى شكرا ليكى جدا عشان عرفتينى انى الحمد لله مش ظالماه معايا ورنا يهديكى عشان كده هتتعبى فى حياتك جدا وعصبيتك دى ممكن تخسرك ناس كتير وتلاقى نفسك فى وقت لوحدك
لو في سبب للعصبيه مكنتش حسيت بالذنب لكن علشان عارفه انه كان كويس وعمره مازعلني وانا كنت بقول الكلام ده من غير سبب , بس يمكن السبب كان جوايا لما انا حبيته جامد خفت انه يضيع مني وعلشان انا حاسه ان اي حاجه بحبها بتضيع مني كنت دايما خايفه ومتنرفزه مش عارفه ليه بس غصب عني حاولت اطمن نفسي كتير بس كنت خايفه , يعني من كتر حبي فيه وخوفي عليه ضيعته مني
السلام عليكم ايه ده ايه كل العصبيه دى ازاى تعملى كده مع واحد بيحبك انتى بجد اوفر قوى وده مش طبع البنات خالص ياريت تهدى اعصابك ولعلمك الراجل لما بتتجرح كرامته بيبقى واحد تانى حتى لو بيحبك هيتغير وهيكرهك لانك انتى السبب فى كده
حب إيه بقا إللي يخليكي تجرحي الراجل في كرامته للدرجة دي ؟؟
أنتي غتخليتي عنه في أشد وقت المفروض كان محتاجك جنبه تخففي عنه حزنه علي أبوه ومرضه وإللي عملتيه في الشارع ده مش المفروض يخرج من بنت مهذبة وهادية ..
أنا أسفة يا أستاذه انتي مش زودتيها انتي عكتيها علي دماغك..
فعلا حيحيس إنه مش راجل لو رجعلك بعد كل ده ده كفاية غنه إستحملك كل ده .. هي أي بنت عايزة يه غير واحد يدلعها ويحبها ويحسسها بنفسها ويعززها ..
أنتي إتغبيتي شويه في أفعالك وياريت تقوللنا بقا هو عمل إيه يستدعي كل ده؟؟أكيد حاجة ماتستاهلش أصلآ بس أنتي كده ركبتيه مافيش راجل يحب كده أبدا ولا بنت كمان وأنا واحده من البنات لو معززتش حبيبي وكرمته وماحترمتوش يبقا ماستاهلوش..
بصى الصراحة انتى زودتيها قوى انتى مش بس عصبية ومتسرعة كمان حاولى تعملى كنترول على نفسك وتصرفاتك ما تخسريش حد بيحبك للدرجة دى الحب الحقيقى مش هتلاقية تانى لان الحب مرة واحدة انتى بتدلعى بس دلع جامد شوية هو بيحبك واستحملك ماحدش هيستحملك بكرة ما تضيعهووش من ايدك اعتذريلة وحاولى وهيرجعلك عشان بيحبك بس مش كل مرة طريقتك هتخنقة لما ترجعة لبعض اوعى تتعصبى بالطريقة دى لان لو سامحك النهاردة مش هيسامحك بكرررة 0000
علي فكره انا بحبه جدا وبحترمه لكن انا عصبيه غصب غني اعمل ايه في نفسي هتغير ازاي مش عارفه هو انا كل حاجه في الدنيا هخسرها بسبب العيب ده انا فيه حاجات كويسه كتير لكن فيه عيب كبير هو العصبيه مش عارفه اتخلص منه لكن بجد خسرت كتير اوي اوي ومش عارفه اعمل ايه
اولا انتى بنت مش جنتل خالص البنت فى وقت الشدة لازم تكون راجل و تقف جنب حبيبها …. و لما انتى مدلوقة عليه اوى عملتى ليه كدا من الاول … و بتقوليلنا احنا الكلام ده ليه روحى قليله هو و مش فى التليفون روحى قابليه اعرفى بينزل امتا بيرجع امتى و قليله انا غلتانة و انا اسفة و يمكن يمكن يرجعلك …. و بصراحة لو عمل كدا و رجعلك يستاهل اللى حا يجرالو منك تانى
كل الى اقدر اقوله ليكى انك واحده مستهتره وصدقينى حتى لو رجعلك مش هتحافظى عليه
انتى عارفه الغلط فين وعايزانا نقولك ايه؟
يعنى جرحتيه وبعدين سبتيه فى ظروف مرض والده بدل ما تكونى جنبه.
بجد انتى انانيه جدا وماتستاهليش حبه
وهو ايه غاصب الراجل انه يستحمل عصيبتك ونرفزتك عليه وانك تهزيقه في وسطالشارع ويرجع ويكلمك ويتصل ويحالك الا اذا كان بيحبك من نحيته انما من نحيتك اكيد لا ني الست لما بتحب بتبقه محترمه اللي تحبه وبتعمله معامله تحسسه انه راجل وعنده نخوه وعزة نفس مش تهزق فيه وتتنرفز عليه لو اللي بينكم حب وارتباط وهايبقه جواز وبتراعي ربكم في بعض يبقه علي بركة الله لو مشي وكلام واكده يبقه راعي ربك في حالك واستغفري ربك
انا فى واحدة عملت فيا كدا بس الفرق ان انتى بتحبى وهو بيحبك بس هى طلعت مكنتش بتحبنى وبهدلتنى معاها جدا وبجد انتم يابنات رنا مش هيكرمكم لانكم لما بتلاقو شخص كويس وطيب ومستعد يموت نفسه عشانكم بتتنكو وبتعملو فيها انتم الرجالة والراجل بيبقا ست فعشان كدا لو بتحبى لازم تهينى كرامتك قدامه عشان يبقا الروس متساوية وزى منتى مرمطى يبقا خلاص بعدين انا مش عارف ازاى يثق فيكى بعد مقولتى لى لما باباك يخف نبقا نرجع لبعض قمة الاسوة وقمة عدم السئولية منك انتى بجد متستهليش الانسان ده انتى تستهلى واحد ان شاء الله اسى جدا ومش بيعرف اى رحمة او انسانية وهيكون عنده برود عاطفى وبرود تانى انتى فاهمه ان شاء الله
علي فكره انا بتنرفز اه لكن بعض دقيقه واحده بصالحه يعني مش كنت بسيبه ده كلام وخلاص لكن انا مكنتش اقدر ابعد عنه ابدا وهو عارف كده انا دلوقت بجد حاسه اني ضايعه من غيره نفسي ابقي معاه , وان المشكله كمان ان في واحده صاحبتي حاولت تبقي معاه لكن هو قالي انها كلمته وخدت رقمه من موبايلي ودي اكتر حاجه خلتني تعبانه اكتر من الاول لاني عارفه انه كلمها تقريبا اسبوعين وجاي يقولي انا كان نفسي تحسي باللي عملتيه وارد لك شويه من اللي عملتيه معايا ورجعنا نتكلم بس كان في برود في الكلام زهقت وبعت له مسج خلاص اللي بينا انتهي بجد ومش كلمته من شهر تقريبا خالص بس مش عارفه اعمل ايه انا بردو بحبه
انا زيك بالظبط علفكرة احنا بنحب بجد بس كرامتنا عندنا ملهاش حد ودة غلط اة يكون فى كرامة لاكن بالعقل احنا مجنين علطول حبيبى بيقولى كدةبس لازم تتغيرى لازم
على فكره اى راجل لما بيحب بيحب بجد وانا حبيت واحده وخطبتها وبعملها معاها اكتر من اللى حبيبك بيعمله مليون مره وهى كانت زيك
بس الراجل مهما يحب فبرده عنده كرامه وبتخرج وقت اللزوم مش معنى انه بيحبك تستغلى كده لا طبعا ماهو ممكن يرميكي ومليون واحده غيرك تتمنى الحب ده
وانا لما نفضت لخطيبتى هى اللى بدأت تتغير
انتوا مش عايزين الا كده ولا دلع ماشي معاكم ولا حنحنه خلاص اشربوا بقى
حتى ولو رجعتو مع بعض راح تكري تنفس الاخطاء الي بتعمليها
بدي اقول لكي انت لي لازمك تتغيري من نفسك عشان انت عصبية هو ولدو مريض وانت عملتي فضيحة عشان هو ما بيكلمك كثير وانت في هاللحضة لي لازمك تكلميه وساليه عن ولدو مش تخاصميه وتزعلي بدون سبب
عدلي نفسك وعرفي اخطاءك وكلميه واد لازال بيحبك راح ترجعو مع بعض
هو انتي شيفاة تحت امرك وقت ما تحبي تكلمي تلقي وقت ماتكوني مش عايزة تكلمي تالقي علي فكرة انتي غلطانة اوي لان المفروض انك لو بتحبي زي ما بتقولي كنت وقفتي جمبة في وقت مهنتة مش تبعدي عنة واحد باباة تعبان تقوليلو اسيبك لما يخف حطي نفسك مكانة كدا وبعدين هو شاريكي وحابك وانتي عمالة تشتري وتبيعي في كل اللي اقدر اقولهولك لو رجع ليكي حاولي تغيري من نفسك وقبل ما تقولي اي كلمة حطي نفسك مكانة اللي مترضهوش ليكي مترضهوش لحد لان هيجي وقت وممكن تحبي حد ويعاملك زي ما انتي بتعملي كدا لانة كلة سلف ودين واسفة لو كنت كلامي تقيل عليكي