هى مشكلة تخص أخويا هو عنده تقريبا 22 سنة ومرتبط بواحدة عاطفيا وهى عندها تقريبا 19 سنة وبيحبها أوى أوى وهى ساكنة جانبنا وبتكلمنى وبتكلم مامتى من ورا أهلها لان بابها عصبى جدا وكان عارف أنها بتكلم أخويا وبعدين ضربها بكرباج وبيخلى أخوتها الآصغر منها يهنوها وهى بتحكيلى وبتحكى لأمى كدة هى كانت أتقرت فتحتها على أبن عمها وبعدين حصل مشاكل وسبتة وبعدين أتخطبت لواحد فى نفس الشارع بتاعنا وبعدين حصلت مشاكل جامدة وبعدين سابتة أخويا كان لسة بيكون نفسة وبعد ما كون نفسة وعمل شقتة ودلوقتى هو جاهز أنا قولت لبابا أنة عاوزها ومش عاوز حد غيرها بعدها بابا راح سأل أبن عمها واحد تانى قالة دى مقرى فتحتها وبعدين هى مخطوبة حاليا بس هى مش عاوزاة هى عاوزة أخويا مع العلم أنى بقالى فترة صغيرة جدا بكلمها بس فى أخر مكالمة هى كانت بتقولى أن أخويا مش بيكلما ومش راضى يرد عليها قولتلها عارفة لان مينفعش أنك تخرجى مع خطيبك وكمان تأنكشى فى أيدة ردت عاليا دة العادى لأنة خطيبى أنا قولتلها دة مش عادى لأن أنا كنت مخطوبة ومكتوب كتابى بس أنفصالنا ومكنش بيمسك أيدى الأبالظبط كدة 4 / 5 فى سنة ونص أنا أكبر منها وأصغر من أخويا عندى 21 سنة تقريبا هى كانت قايلالى أنها حكت لعمها وقالتلة أنها مش عاوزة خطيبها قالها ماشى أحنا حنعملوا موضوع شقة وقالتلى أنة أخر الشهر دة حتسيبة بس للأسف مرات عمها قالت لأمى أن فرحها قريب وبكدة هما بيضحكوا عليا وأنا مش عارفة أقولها أية ولاأساعدها أزاى
الحب قبل الزواج
مش عارفة حبيبية اخويا عايزاه ولا بتخدعه
اضيف بتاريخ: Thursday, March 24th, 2011 في 10:02
كلمات مشاكل وحلول: الحب قبل الزواج, مخطوبة, مشاكل الحب
ياحبيبتى لو بتحب اخوكى هتعمل علشانه المستحيل لكن هى كده مش بتحبه حاولى مش تكلميها تانى وتخلى اخوكى يبعد عنها ومش يفكر فيها خالص لانها كده خاينه لاخوى وخطيبها وبعدين لو بتحب اخوكى ايه اللى يخليكها تخرج مع خطيبها وكمان يمسك ايديها
تساعديها في إيه؟؟ أنتي شكلك طيبة أوي وبتحبي اخوكي أوي وخايفة عليه ربنا يخليكم لبعض يارب..
–
–
بصي يا ستي الأهل إللي يضربوا بالكرباج وشغل العربجية ده إعرفي بالظبط تفكيرهم عامل إزاي وتتوقعي معاملتهم كمان وتتوقعي منهم حاجة زي إلي مرات عمها قالتها لأمك دي ناس غلاوية وخاصة مرات عمها دي..
–
–
بصي بقا بنت جارتكم دي كده كده أخوكي مش بيرد عليها ومش بيكلها (مع غنك بتقولي إنه بيبحها بس هو كده جدع) أنتي بقا لو كلمتك قولتها بصي يا فلانة أنا أعرف إللي بتحب واحد ماتكونش في عصمة راجل تاني أي إن كان إرتباط أو خطوبة أو زواج وصاحب بالين كداب..
–
–
قوليلها إعرفي إنتي عايزة إيه ولو أنتي بتحبي خطيبك يبقا مايصحش تتصلي هنا تاني علشان أخويا ولو عايزة تكلميني وتتصلي بيا أنا أهلا وسهلآ لكن إبعدي خالص عن أخويا وإعملي إحترام للراجل إللي معاكي وإتقي الله.. إنما بقا لو بتحبي أخويا يبقا ماتحاوليش تكلميه خالص ولا توصليله غير لما تعرفي إنتي عايزة إيه احياتك حتمشي إزاي وساعتها أخويا حيكون مستعد يجيلك لحد باب البيت..
–
–
لكن إلللي هي بتعمله ده غلط وصاحب بالين كداب ومنافق كمان .. أنتي تحاولي تخليها تحط النقط علي الحروف بدل ما الدنيا كلها متعلقة في الهوا لا طايلين سما ولا أرض ولا عارفين إنها بتحبه وحتسيب خطيبها ولا عارفين غنها بتحب خطيبها وكده هي بتحور !!
–
–
عمومآ جربي الحوار الصريح وأنا حتابع وبلغينا بالجديد وإن شاء الله خيــــر وإللي فيه الخير يقدمه ربنا وخلي أخوكي يصلي صلاة الإستخارة ويتوكل علي الله ومايزعلش في أي حاله ولو خير ربنا يوفقه ولو طلعت مش بتحبه يبقا يحمد ربنا علي كل حال..
–
–
الله الموفق