مشاكل الحب والزواج

سبت خطيبي وعايزة ارجعله

انا كنت مخطوبه 9 شهور بس كنت عارفه الا نسان ده من 7 سنين بس مكوناش احباب كنا اصحاب بس كنا فين وفين لما نتصل ببعض انا حبيته بصراحه لما اتخطبتلو واديته حياتي كلها وانا حسيت انه حياتي وكل حاجه في حياتي اعتبرته امي وابويا ماما وبابا متوفين بس سبنا بعض انا منكرش اني ضيقته وكدبت عليه بس كنت خايفه انه يزعل مني ويتخلي عني عشان حبيته جدا بس كان دايما يشوفني وحشه ووساعات حلوه ودايما يشتمني باهلي مش عارفه ليه ودايما يقولي اني دايما نكديه ومقرفه بس انا ساعات ببقي حزينه عشان كان نفسي اهلي يبقوا معايا كلهم واحس ان ماما فرحانه بيا بس انا كنت بشوف انه بيكلم بنات وساكته ع نت واجنب وكان دايما يقولي ان انا بابا مليونير واقول انا مش بحب كده واقوله ربنا يبارك لبابك وكنا بنسيب بعض ونرجع نسيب بعض ونرجع وبيقولي انتي هتبقي فاشله في حياتك وبعد ماسبنا بعض كان عايز يرجعلي بس بشروط حفظ القراءن بس انا الحمدالله بصلي وكمان بدعي انه يرجعلي …بس بعد كل ده جرحني وعمال يقولي كلام قبيح عشان اكرهه بس عمري ماكرهته ابداااا ولسه بحبه لحد دلوقتي بس هو دلوقتي خطب وعايش معاها حياه سعيده انا حاسه بيه ومش عارفه اعمل ايه ؟

مشاكل وحلول ذات صلة

اضيف بتاريخ: Thursday, March 22nd, 2012 في 15:40

كلمات مشاكل وحلول: , , ,

5 رد to “سبت خطيبي وعايزة ارجعله”

  1. دودا
    04/06/2014 at 01:39

    والله ربناكبييييييير قوي وقادر يعوضك كل شئ بس قربي من ربنا وانسيه خالص علشان بجد ميستهلكيش ربنا يعلم ممكن تكوني دعيتي وقولتي يارب قربلي الخير وربنا خد حجا علشان يعوضك بالخير فا متزعليش خالي املك وايمانك ب ربنا كبير قوي قولي ديما الحمدلله كل مايصيبنا إلا ماكتبوه الله لنا الف حمد وشكر ليك يارب ياااارب رضيا ب قضاءك وي بنصيبي اللي كتبهولي ديمان حجا بتتقال وفعلا صح وحقيقه اللي مكتوب علي الجبين لازم تشوفو العين

  2. كراملة
    15/05/2012 at 13:02

    بجد انا حاسة بيكى كتيييييييير ربنا يقويكى وتقدرى تنسية

  3. يوما
    14/04/2012 at 03:54

    اقولك كلمة ومتزعليش منى بجد(فدااااااااااهية)سورى بس هو لو كان بيحبك كان ع الاقل حس بيكى وحاول يعوضك الحرمان مش يقولك انتى نكدية.. وبابا مليونير.. وانتى ازاى بجد كنتى مستحملة كل القسوة دى انتى تستهلى حد تانى يحبك بجد ويعوضك ويبقى كل حاجة ليكى ربنا يسعدك يارب

  4. املي بالله كبير
    25/03/2012 at 12:46

    يا حبيبتي لازم تنسيه مش هتنسيه الا اذا قررتي تنسيه بجد الخطوبه اجمل فترة في العمر وهو بيعاملك كده وانت خطيبته قادره تتصوري بعد الجواز هيعاملك ازاي ؟
    انت تستاهلي الي يحبك ويصونك ويخاف عليكي
    وهو خطب خلاص يعني لازم تفقدي الامل كرامتك وقلبك اغلى من انك تحبي واحد بيعاملك كده ونساك بسهوله
    وباين عليه انه محبكيش من البدايه لان الي يحب ميتصرفش كده

    وهتندمي جدا لو حاولتي ترجعيله خاصه بعد ما خطب كل الي هتاخديه الاهانه

    اكتمي مشاعرك قربي من ربنا وادعي انه يطلعه من قلبك ويرزقك الزوج الصالح

    ومش هتعرفي تعملي كل ده الا اذا قررتي انك تنسيه وجاهدتي نفسك وفقدتي الامل فيه ومن المنطق مافيش امل من واحد اخلاقه زي كده ومش بيحبك ولا بيحترمك

    عارفه انه صعب بس اقطعي علاقتك بيه نهائيا ومهما طول الوقت انك تنسي خلي كبريائك رقم واحد متتكلميش عنه ولا تقولي انك بتحبيه حتى لنفسك

    دوسي على قلبك معلش

  5. مني وخالد الكفراوي
    24/03/2012 at 18:54

    لااله الا الله يا بنت الحلال انسيه والله والله ميتستهلك معلش والله انا عيط وانا بقراء مشكلتك صلي وبدل متقولي يارب يرجع قولي يارب انسه وهتلقي غيرو واحسن منو ده انسان مغرور متكبر بمعن اصح انسان بيتكبر عليكي انت اتحرمتي من اهلك واهم الناس ليكي هم ابوكي وامك لااله الا الله يا حبيبت قلبي قربي لاربنا وانسي الانسان ده وده خاطب وسعيد يعني انتي مش فرقه معاه ربنا معاكي وياريت تقبليني اختك وصدقتك لو مش يضيق

اترك رداً أو حلاً لهذه المشكلة