أنا مخطوبة بقالي سنة أو أكتر و وخدا خطيبي عن حب و إقتناع بس أنا مسافرة مع أهلي بره مصر و بشتغل هناك و كده كل واحد فينا في بلد
و للأسف بيحصل بينا مشاكل كتييييير وعمال على بطال و يا ريتها بتكون على حاجات تستاهل!! و لكن للأسف هو بيشوفها حاجات كبيرة جداَ و بتجرح كرامته و يفسرها إني مش بحترمه و إنسانة أنانية و مش بشوف نفسي غلطانة مع إن المشكلة ممكن تكون بسبب إني إتأخرت عليه 10 دقائق عالنت مثلاَ عشان كنت بساعد أمي في حاجة و لما كلمته شرحتله أنا إتأخرت ليه وقلتله عادي حبيبي مش مستاهلة كل الحوار ده أنا مش سيباك فالشارع يعني بدل أقوله أنا أسفة
و بدل مل بيكون إختلاف عادي لا ده بيتحول لخناقة كبيرة و تجاهل و زعل يستمر بالأيام
و للأسف أنا حساسة جداَ و مجرد حد يكشر في وشي وأحس إني مظلومة ببكي وأكبر مشكلة ان أهلي فضوليين بطريقة يا ساااااااااتر يا رب و بيتحشروا بداعي و من غير داعي و طبعاَ المشكلة تكبر أكتر وأنا بصراحة إتخنقت و كذا مرة يحصل مشاكل و نتصالح و نسيب بعض و نرجع و كل ده على أمل أنه يهدى شوية و يعقل عشان الحياه بكمية المشاكل دي مش معقولة يعني
وكل ما أقول إحنا نبعد أحسن مقدرش أتخيل نفسي مع حد تاني عشان عارفة ان بجد عمري ما هلاقي حد يحبني ولا يحافظ عليه أو يعمل و لو جزء صغير من اللي بيعمله حبيبي عشاني
ساعات بقول يمكن هو كده بسبب البعد بس حتى لما نزلت أجازة كان نفس النظام و بصراحة هو حاول أنه يبطل يزعل من بعض الحاجات التافهه بس بعدين بقا بيزعل من حاجات تانية و يكبر الموضوع
أفيدوني بلييييييييييييييز أعمل إيه معاه
شوفي يابنت الناس مش عاوزك تتاثري بكلام -المدعوة- عذاب الحب- فهي غلطانة جدا ازي تطلب منك ترضيه وتعمل كل اللي هو عاوزه منك مهما كان دي تسمى وقاحة وقلة ادب والبنت المحترمة الشريفة العفيفة ابدا ماتعملش كدا ولاتفرط في كرامتها وشرفها مهما كانت الظروف وتحرص على سمعتها وسمعة اهلها نعم الاختلاف في الراي لايفسد القضية وبيحصل خلافات بين اي مخطوبين لكن انها توصل الى الاساءة والتجريح فلا وطالما انه يكبر الموضوع ويزعل من حاجات تافهه تحصل بينكما فلاانصحك بالاستمرار معو الافضل تركه وانهاء الخطوبة دي وربنا بيكرمك بحسن منه ياست البنات الف من يتمناكي والدنيا لسه بخير وفيها شباب ولاد حلال احسن منه مليون مرة
كثرة العتاب يفرق الأحباب
تستطيع كل زوجة مهما كانت أن تمنح حياتها السعاده وذلك من خلال نظرة منصفة لزوجها فهو مهما كان بشر
وعنما تريد الزوجة أن تجيا حياة مستقرة لابد أن تنظر إلى الجانب المشرق فى شخصية زوجها حتى تسير الحياة سعيدة هانئة وتعيش القلوب على الحب والسعادة
البعد هو السبب الاساسى فى مشكلتك فهو يحس انكى بتحققى احلامك فى السفر وانتى تعرفين الحياة فى مصر كم عى صعبة وخاصة على الشباب وايضا هو يوريد ان ينعم بفترة الخطوبة حاولى معة بهدوء ان تناقشوا سبب انفعالة بهدوء لان حتى وانتى فى اجاذة هو عارف انها مؤقتة وربنا يهديكم وحاولى ان تكونى صبورة معة لان حبيبتة بعيدة عنة غصب عنة
تركه برضه مش هيحل المشكله
نفس مشكلتى تقريبا مع خطيبى انه بيكبر المواضيع التافهه على فكره دى ممكن تكون تافه من وجه نظرى انا وانتى وبعض البنات
بس هم الرجاله بيقوا مكبرين الموضوع ع الفاضى
انا عارفت من كلامك انكم بتحبوا بعض اوى ومينفعش تسيبوا بعض زيى بالظبط
كأنى انا اللى بحكى مشكلتى مع خطيبى
بس الحل اللى انا شايفاه انكم تقعدوا مع بعض وكل واحد يقول وجه نظره
وتتكلموا فى موضوع انكم بتسيبوا بعض كل شويه دى لانها غلط انا بقولك مشكلتى زى مشكلتك بس الا فى حاجه واحده عمرى نا وخطيبى مسيبنا بعض حتى لو احنا مزعلين بعض جامد
وفى عز زعلنا بنتصل نطمن على بعض
بصى احسن نظريه لقيتها هتريح خطيبى بس طبعا دى بينى وبين نفسى (نظريح ريحى الزبون والزبون على حق)ههههههههه
انا بتكلم بجد
اعملى اللى هو عايزه وريحيه حتى لو انتى مش عايزه الحاجه دى من جواكى لو انتى مش عايزاها قوليله حاضر واعمليها وريحى دماغك وبلا مشاكل وزعل
واتكلمى معاه فى موضوع الزعل ده وقوليله قد ايه انتى بتحبيه وقد ايه انتى بتتقطعى من جواكى لما بيكون زعلان منك
وانك قد ايه نفسك تريحه وتشوفيه اسعد انسان فى الدنيا
قوليله احنا نقفل صفحه الزعل واننا نكبر اى موضوع ممكن يزعلنا من بعض
ونفتح صفحه جديده كلها سعاده وحب ولو انت شايف انى غلطانه فى حاجه فهمهالى وقولى عليها براحه كده وبهدوء هتلاقينى بسمع كلامك لانى بحبك وبحب الاسلوب الهادى الرومانسى معايا
طولت عليكى معلش لانى بجد حاسه بمشكلتك اووووى لانى فيها
مدام انه بيعمل من حبه قبه تركه هو احسن حل لمشكلتك