انا فتاة فى 23 من عمرى منذ 3 سنوات حبيت شخص عن طريق شغلى فى احد الاماكن حبيته برغم معملته السيئة والغليظة احيانا ولكن هذة المعاملة كانت لا تقصر فينى او فى حبى لكن كان فى نفس المكان شخص اخر يحبنى وانا لا اشعر بيه حبنى كثيرا ولكن انا كنت متعلقلة جدا بالشخص الاول بس مشكلته انه كان خارج من قصة حب فاشلة وكان مصدوم ولكن كان عارف انى بحبه لكن لم اعترف له بشى حتى بعد مرور سنه وكمان انا سبت الشغل لاقيته اتصل بيا وقالى انه بيحبنى وعايز يخطبنى بس مش دلوقتى استمرت معاه لمده سنتين برغم انه قالى مش حنستنا كتير واستمرنا لمدة سنتين بس العلاقة كانت وحشة جدا على طول بنسيب بعض لسوء معاملته ليا وانه كان مش قادر ينسى حببته وكان بيقولى كده انها اول حب فى حياته برغم من كده كل مرة كان بيغلط فى حقى كنت برجع له وكان بيعتزر ويقول انا اسف انى ظلمتك معايا وانا حبقى كويس لحد فى مرة من المرات حدد ميعاد معايا ليقابل احد افراد اسرتى وبعد ذلك لاغى الميعاد لظروف ماديه هو قالى كده وكمان قالى لحد ما تتغيرى انا فعلا فيا شويه حاجات عايزة تتغير بس انا كنت خايفة اتغير عشانه وهو يطلع ما يستهلش كنت مستنيه ياخد خطوة جدية واتغير لكن هو اعتزر عن الميعاد لهذا السبب لحد ما اتغير انا الاول وانا زعلت وسبته وهو اتصل بيا كثيرا وانا لم ارد عليه لانه حطنى فى موقف مع اختى مش حلو لانها حولت تكلمه عشان الميعاد اللى هو كان جى فيه هو رد عليها وقالها اختك مش بتتغير وحاول يقفل ولم يعاود الاتصال مرة اخرة وانا ارسلت ليه رساله انه مش كويس عشان عمل كده مع اختى وهو رد عاليا انه كان بيحبنى بس بعد اللى عملته خلاص ما بقاش ينفع تفتكرو انى خليت اختى تكلمه ده غلط ده زعله انا مش عارفة اعمل ايه انا بحبه جدا ونفسى فى حل هل اتصال اختى ليه اهانه له وانى ما صبرتش عليه ولا انا عملت الصح وفى نفس الوقت صاحبه اللى كان بيحبنى نفسه يخطبنى مع انه عارف العلاقة اللى كانت بينى وبين صاحبه انا محتارة جدا ساعات بفكر انى اتصل بيه وفى نفس الوقت حاسة انه كان بيتلكك ليا انا عارفة انى طولت عليكم بس نفسى حد ينصحنى ويقولى اعمل ايه شكرا
الحب قبل الزواج
محتارة اسيب اللي بحبه ولا اكمل
اضيف بتاريخ: Monday, May 16th, 2011 في 19:48
كلمات مشاكل وحلول: الحب قبل الزواج, فتاة, قصة حب, مشاكل الحب
اختي احسن الك انك تفكرين صح وتنسين الناس اللي خدعوكي لاتحبي وتعيشي على امل شخص خدعك
الله يكون فى عونك وان الاول طلع واطى والتانى طلع اوطى منه فنسى الاول وانسى التانى وفكرى فى شخص جديد يحب وتحبيه بجد ولنتى كدا تعامتى من الاول والتانى وان ربنا ان شاء الله شيل ليكى الخير كله
ارجو ان رسالتى تتقرا (السلام عليكم ورحمة الله وبركاتة) انا مثل اختك واحب ان انصحك نصيحة تفضل دائما فى عقلك اولا:لا تندمى على خطوة اخذتيها فى حياتك ثانيا:تأكدى من حب الثانى اليك وان كان يحبك لا تفرتى فية لان الاول ليس يحبك حسب كلامك عنة انة كان خارج من مشكلة قبلك وكان يحبة. انة كان يريد منك ان تنسية الانسانة دى مش كان يحبك ولا شى ارجو ان تقكرى فى كلامى كويس لانة جايز يجرحك ولاكن كلامى كلة خوفا على مصلحتك مش اكثر ثالثا: لا تتصلى بية لان خطيبك لو عرف او حتى معرفش انتى بتجرحى كرمتة وبتظلمى نفسك وبتظلمى معاكى، وصلى صلاة استخارة للأول وللثانى وخذى خطوة ايجابية وليس سلبية وشكرا (السلام عليكم ورحمة الاه وبركاتة)
بصى يا اوختى انا هقولك جملة واحدة
“مش مهم انك تغير الكون… المهم انك تخلي الكون ما يغيركش”
انا متشكرة اوى لكل الردود والحلول بس عايزة اقولك حاجة يا لله الامر انا مش سازجة انا بس كنت بحبحه ومازلت بجد بحبه انتى عارفة يعنى ايه حد بيحب حد بجد بيبقى مش شايف فيه حاجة وحشه خالص وده اللى هو ما عملهوش معاياوكمان يا باسم انت عندك حق انا خايفة كتير اظلم التانى معايا لانه بجد شخص كويس واخاف انى حته ازعله لان ده مش جزات حبه ليا فمن الاحسن انى رفضاه وكمان يا فليسوف انت جبت من الاخر مع انها حاجة صعبه وشكرا لكل من رسالنى رجاء الدعاء بالتثبيت على الخير
كلمه واحدة بس هقولها جبي الي بيحبك بس
اختى فى الله نصيحة من اخت ليكى انا جربت الموضوع ده واكثر شىءندمانة علية انى صرحت بحبى له لانه لم يستهلو عيشى حياتك وانسه وحاسسية انة فقد جوهرة غالية الثمن
انتى لازم تكملى حياتك بعيد عن الشخص ده لانه واضح انو متعلق بحبه الاول ولا يجتمع اثنان فى قلب واحد انصحك انك تختارى الصح وان شاء الله ربنا حيوفقك
اسفة انى اقولك انك ساذجة ومسكينة قوى والله انا حصل معايا كده ومكنتش مصدقة ان فى بشر كده وقلت العيب فيا ولازم اتغير بس اكتشفت ان التغيير المطلوب انى ابعد قوى قوى وادوس على حب هيزلنى سامحينى لاده ولا ده مفيش فيهم اللى يستاهل دى جمعية عاوزين يقبضوها لبعض ارجعى لله واطلبى الخلاص
اسمعي انا مريت بنفس التجربة والله حب خمس سنوات متل عبلة وعنترة يعني مستحيل تقولي كداب كان كل يوم يكلمني كل يوم يشوفني ويقلي بحبك وبدونك حاموت واقلة يلا اخطبني يتحجج بلظروف لحتي صارلي 7 سنيين وانا انتظر الوعود واجري ورا قلبي الي دمرني الله يلعن ابوب الحب اكرة سيرة الحب وبلاخر بعد كل الانتظاروالصبر الا بهو خاطب بنت الجيران شوفي الصدمة 7سنيين حب وانتظار والان بتعالج عند طبيب نفسي اختي ابتعدي عنة ابتعدي وعارفة ليشزعل منك علشان قلتي لاختك وانكشف وهو مابدوا حدا يعرف لانوا بدة يضلوا يضحك عليك ويتسلي وبلاخر يرميك اقسملك هاد الي حيحصل لانوا كان هيك لما حكيت لاختي انجن وقال ليش؟
وزعل لانة كداب وغشاش ومش صادق مابدة حدا يعرف احنا للاسف بنجري ورا الي بنحبو وايش مابحكي من كدب بنصدق واحنا بنكون حابين نصدق علشان بنحب بس لالا فكري بعقلك مش بقلبكوابعدي عن جر الفراق ابعدي عن الصدمة ونزيف القلب خديها من مجربة الي بحبك بجيلك لحدك هو مش انتي وماتهيني نفسك اختي ابعدي ارجوك وابوس ايدك انا اتالمت جدا ماتكوني متلي والحب بعد الزواجوبس وبس وبس اما الباقي تسلية الله يبعدك عنة
السلام عليكم ورحمة الله وبركاتة اختى العزيزة انا كنت فى نفس المشكلة اللي انتى كنتى فيها بالظبط وكنت بعانى من العديد والعدي من المشاكل الاخرى كان بيخونى كل يوم والتانى مع ناس كتير وانا ما كنتش بقصر معاه في اى حاجة لحد ما جالي عريس وقولتلة رد عليا وقالي انى اشوف مصلحتى سيبتة خالص وصليت صلاة الاستخارة واستخرت ربنا لحد ما بينهولى ومن يوميها وقلبي الحمد لله اتقفل من ناحيتة نهائي ودلوقتى هيموت علشان يرجعلي وبيتكلم معايا تانى وانا فعلا اتغيرت
سلام عليكم اولا عايزة اقول لفيلسوف الصعيد انك فعلا فيلسوف لان جبتلها من الاخر وقولت حاجة انا فعلا كنت مجربها انا اتخطبت لواحد كان عارف اني كلمت صحبة وان صحبة اتقدملي واهلي مرضيوش المهم كان دايما شاكك في اي حاجة بقولها مكملناش شهر وفسختها لسبب تاني طبعا ولما سبنا فضل يجيب في سيرة اللي صحبة كثير نصيحتي ليكي متاخذيش دة ولا دة وربنا يرزقك بابن الحلال اللي يسعدك ويستهلك
الشخص الاول بيعاني و و عرف انك حبيتيه فقال ينسى معاكي عشان حياته تمشي بس هوه متردد كتيير هوه عايز عشان انتي مناسبة بس هوة مش قادر يبنسى حبيبته و كمان مش عايز يظلمك ..
الشخص التاني …. زييك بالظبط بالنسبة للشخص الاول …. يعني هوه حبك و انتي مش في دماغك و لو الشخص الاول سابك بتفكري تلجأيلو يمكن ينسيكي بس مش هيعرف و هتبقي معكننة عليه بس هيصبر معاكي ….
الحل …
كأني عندي 40 سنة هقولك … خدي اللي يحبك و متاخديش اللي تحبيه و ادام الشخص 2 بيحبك يبقى خلاص و انتي هتحبيه بعد الجواز و كل حاجة هتتنسى و ادام بيحبك أطمني …
كأني في سني 23 سنة بقولك … حب من طرف واحد ده فراغ عندك بتحاولي تمليه… الحب بيبقى في قمته من لهفة حبيبك عليكي زي لهفتك عليه … و ده محصلش لسة … يبقى عيشي حياتك عادي لحد متقابلي حب حياتك بجد و اللي معاه هتعيشي الحب بجد …
اتمنى لي و لكي حياة مليئة بالحب
باسم ماهر ،،،
حبيببتى ماتحيريش نفسك الخيره فبما اخترها الله لو ربنا ريد يكون زوجك لو الدنيا وقفت قدمكم للى عايزه ربنا حيكون وهو لو شاريك وبيحبك وملهوش غناء عنك حيعمل المستحيل ويجى يخطبك وعمره ماحيتخل عنك وربنا يقدملك للى فيه الخير ويرزوقك الزوج الصالح انت وبنات المسلمين اختك فى الله (ليالى )
اختي العزيزه …. الحب لايوجد فيه اني احب فيكي كذا واكره فيكي كذا …. لان الانسان عندما يحي شخص ما يحبه كما هو بعيوبه ومشاكله ايضا ..وهذه هي حلاوة الحياه ..فأحيانا تكون المشاكل هي الوقود الذي نستمد منه الامل …. فحبك له وانتي معه في العمل كان يملئ غروره بشئ ما في نفسه هو .. وعندما تركتي العمل شعر بفقدانك وبدأ يجري ورائك … ولكنه لم يكمل المشوار لانه غير صادق في حبه لكي … ولو كان يريدك فعلا كان اتخذ اي خطوه ايجابيه ..وقام بخطوبتك وخلال فتره الخطوبه يستطيع ان يطلب مني ماهو نوع التغيير الذي يريده ؟؟؟؟ ولكني احس بأنه لايريدك ؟؟؟ وهناك مثل عظيم ليتك تعملين به وهو ( من لايجعلني رموشا لعينه …. لااريده ترابا ادوس عليه ) فحافظي علي مشاعرك لمن يستحقها … ولا تتنازلي اكثر من ذلك …. فقد يكون زميله هذا الذي تتكلمين عنه هو لديه من الشهامه والرجوله اكثر بكثير … فلماذا دائما نجري وراء الذي لايريدنا ؟؟؟؟ ونهرب من الذي يبحث عنا ؟؟؟ فكوني اكثر واقعيا … ولا تعيريه اي اهتمام …وان كان فعلا يريدك فهو يعرف مكانك جيدا … وهو يعرف ويعلم ماذا يجب فعله في هذا الموضوع كي يفوز بكي … تحياتي لكي ودعواتي بكل توفيق ونجاح .
الاخت العزيزة نصيحة من اخ لك ابتعدي عن الاثنين معاً والله سوف يرزقك الزوج الصالح – الانسان الاول من الواضح انه يلعب بك ولن ينسي حبيبته الاولي طول حياته وسوف يجعل حياتك جحيماً والثاني سوف يعيش في شك من ناحيتك طول حياته وسوف لا يعطي لك الامان لانه يعرف انك كنت علي علاقة بغيره