الحب من طرف واحد

بيحبنى ولا انا موهومه

السلام عليكم تبدا قصتى مع شخص هوه قريب صحبتى وطلعنا رحله فى الرحله دى مكنتش مهتمه بيه خالص ولما رجعنا عرفت من قريبته انه قال لمامته انى احسن واحده فى الرحله وانه معجب باخلاقى فامامته اقترحت عليه انه يتزوجنى ولكنه لم يرد وانا بس عرفت الكلام ده ابتديت انجذب ليه على العلم انى فى واحد بحبه وبيحبنى بس انا غصب عنى انجذبت لقريب صحبتى وهوه ابتدى يعمل حاجات تبين حبه واعجابه وانا بقيت مش عارفه احب اللى بيحبنى ولا افكر فى قريب صحبتى ففكرت انى احاول اكلمه فى التليفون وكلمته وبقينا حبايب من غير ما يعرفنى مع العلم انى لم اقطع علاقتى مع اللى بيحبنى وابتديت اكلمه واتعلقت بيه لحد ما جه يوم وجرحنى بشئ وهو ميعرفش ان انا اللى بكلمه ولحد الان مش لاقيه حل لمشكلتى حاولت انساه ومقدرتش ارجوكم ساعدونى انا قلبى احتار بين اللى بيحبنى وانا كنت بحبه وبين انجذابى لقريب صحبتى

مشاكل وحلول ذات صلة

اضيف بتاريخ: Thursday, May 26th, 2011 في 00:41

كلمات مشاكل وحلول: , , ,

28 رد to “بيحبنى ولا انا موهومه”

  1. بوسى محمد
    31/08/2012 at 00:47

    خليكى مع اللى بيحبك احسن

  2. خريف متناثر
    05/08/2012 at 06:27

    حبيبتي ارجعي للشخص اللي يحبك لأن رح يحترمك وبعمروا ما حيجرحك أما الشخص التاني فاحذفي تفكيرك في لأن معجب وبس يعني مافي حب و وخصوصا انو طلبت ماميته منو يتزوجك وهو مارد يعني في تردد بالقصة وحافظي عالانسان الي يحبك لأن حيسعدك وبس

  3. ديدى
    20/04/2012 at 17:21

    انتى كدا خنتى اللى بتحبيه مجرد ان قريب صحبتك قال انه معجب باخلاقك يبقى انتى كدا محبيتيش حبيبك اصلا ومش هتكونى حبيتى قريب صحبتك زى ماخونتى حبيبك لو ارتبطتى بقريب صحبتك وواحد قال انه معجب بيكى هتتشدى له وهتخونيه ده يابنتى حب مراهقه مش اكتر لان لو حبيتى بجد لو حتى مين قال انه بيحبك مش هتهتمى وهيكون حبيبك بس اللى قدام عنيكى وهتشوفيه احسن واحد فى الدنيا

  4. سالى
    13/01/2012 at 00:05

    ده قرار قلبك انتى مش احنا اللى هنقول تعملى ايه فكر ى مين اللى بيخاف عليكى

  5. سالى
    12/01/2012 at 23:56

    خليكى مع اللى بيحبك اذاكان بيحبك بصدق بس دا قرارك انتى انتى اللى تقررى قلبك مع مين مش احنا

  6. هبه
    30/12/2011 at 15:13

    اختى الحبيبه ردى الى انا مقتنعه بيه هو ابعدى عن الاثنين وصلى هتلاقى ربنا فتح قلبك وعقلك ونور عنيكى على بيحبك بجد وممكن يسعدك انتى كده بتغضبى ربنا سيبى الامر فى ايد ربنا وهو اكيد هيخطارلك الصالح بس انتى ابعدى

  7. nana
    16/10/2011 at 19:02

    انتى خيانه كبيره اوى وحرام عليكى نفسك علشان ال بيحب بجد مبيففش احسن من ال بيحبه رواحى وصرحيه بكل حاجه وحاولى تصلحى من نفسك

  8. rania
    21/09/2011 at 22:22

    هقوليك حل اتصلي بيه وقوليله انابحبك شوفي هيقوليك ايه

  9. نورهان
    05/08/2011 at 08:59

    تعرفى انت يليق معاكى اغنية ايه بعد ما يعرف انك بتخونيه طبعا يسيبك و يجرحك و تقولى هنت عليك يرد عليكى و يقولك — انت كمان هنت عليا زى ما هنت عليك انا لا انا ليك و لاانت ليا مدام متمرش فيك === المطرب على حسين شكرالكم و ربنا معاكى و تقبلوا مرورى و تحياتى

  10. salah
    21/07/2011 at 06:27

    صراحه وماتزعليش انتى عمله زيى باظبط بستهبل مفروض نخلص للشخص اللى بنحبه انا مرداش حبيبتى تكلم حد غيرى وانتى ماترديش حبيبك يكلم غيرك صح يبقا مش تكونى انسانه انانيه وحبى لنفسك زى لما تحبى لغيرك وادعولى اتجوز الانسانه اللى بحبها

  11. gyut
    11/07/2011 at 12:53

    مينفعش تكونى بتحبى واحد وهو بيحبك وتعجبى بواحد تانى دى تعتبر خيانه لحبيبك

  12. نرمين ابراهيم محمود ابراهيم
    03/07/2011 at 02:11

    ياجماعة استنوا الاول نعرف هى عنده كام سنة لو كانت صغير فاعارفوا دى تبقى سنين مرهقة يعنى لا تحب الاولانى ولا الثانى

  13. رانيا
    13/06/2011 at 17:35

    اقولك على حاجه عشان ترتاحى خالص فى حكمه انا متبعاها فى حياتى وفدتنى كتير وعن تجربه اذا اردت شيئا بشده فاطلق صراحه فان عاد لك فهو ملك لك الى الابد وان لم يعد اليك فهو لم يكن لك من البدايه سيبى الامور تمشى على طبيعتها ولى هيرجعلك فيهم من غير سعى منك اكيد هو ده اللى يستحقق وربنا يوفقك يارب

  14. ماريا
    12/06/2011 at 15:35

    انتى لية اصلا تسيبي الي بيحبك وانتى بتحبية علشان واحد مجرد معجب بيكى انا حبيت ذيك تمام بس انا كرهت احب علشان الحب ماهو الا جرح كبير بس جيت في يوم انشد لواحد زميلىفيal classe

  15. مصريه وافتخر
    11/06/2011 at 20:28

    انتى كده خنتى الى بتحبيه وحرام انتى كده ظلمتيه سيبيه احسن لانك صدقينى الى بتفكر فى واحد تانى وهى بتحب واحد يبقى عمرها ماحبت ولا واحد فيهم لان الى بيحب حد مبيشوفش حد فى الدني دى غيره ربنا يهديكى

  16. هيام
    11/06/2011 at 00:43

    بصى ياحبيبتى البنت مننا لما تلاقى ولد مهتم بيها هية كمان تهتم بيه انتى مابتحبهوش انتى حبتيه بس علشان اهتم بيكى وانتى بتقولى انه عاجبه فيكى اخلاقك ليه انتى تحرقى الاعجاب وتكلميه سدقينى لو فى يوم من الايام عرف ان انتى اللى بتكلميه مش هيعبرك وكنتى سبيه هوة ييجى ويمد اديه وكمان انتى بتحبى واحد ليه تسيبيه وتبصى لغيره وخديها منى نصيحة خليكى مع اللى قلبك يختاره وخليكى مع اللي يحبك

  17. مي
    09/06/2011 at 08:58

    والله يا أختي أنا شفت مشاكل كتير مثل هذه حدثت لأصحابي وقررت اني أوجه حبي لربي وأوزعه بطريقة صحيحه مثل حب اخواتي وحب أصدقائي وأحافظ علي قلبي من هذا الحب الحرام(حب البنت للولد أو العكس) لكي أعطي حبي لمن أراد الله أن يكون زوجي كاملا بغير جرح ولا تجارب ولا غير ذلك قبل ختامي أدعو الله لكي بالهدايه يا أختي الحبيبة

  18. جودى
    06/06/2011 at 11:27

    خليكى فى اللى بيحبك وخدى اللى بيحبك ومتخديش اللى بتحبيه وانا رأيى من رأى حياتى كلها لله

  19. ماجد المصرى
    05/06/2011 at 20:02

    هى كلمه واحده بس هقولها بلاش ده ولا ده كبرى دماغك من الاتنين علشان لا بتحبى ده ولا بتحبى ده واستنى شويه لاحد ما تعرفى معنى الحب علشان تحبى وتعيشى حياه سعيده مع اللى انتى اخترتيه بقلبك وبحب حقيقى

  20. الفيلسوف
    05/06/2011 at 04:47

    سامحينى اختى الكلاااااام ده يدل انك فى غفلة كبيرة
    لا تجعلى ميولك وهواكى يتحكم فى انسانيتك وحياتك انتى كده بتظلمى نفسك وبتظلمى الشخص الى الاول الى بيحبك وهو ميستهلش ده , والى انتى فيه ده مش حب خالص
    والحب الى يبدأ فى غير رضى ربنا عمره ما هيسعد
    نصيحة منى ابعدى عما انتى فيه تماما عودى فاقتربى من الله ولا تشغلى بالك

  21. انووووووووووش
    04/06/2011 at 22:01

    انتي مع حبك لقريب صحبتك كنتي بتخوني حبيبك وده دليل علي انك مش بتحبي ده ولا ده احسن حاجه ليكي انك تعملي استخاره واللي فيه خير ربنا هيقدمه

  22. emey
    02/06/2011 at 00:02

    بسى انتى اعملى اختبار 2وهتشوف مين الى هيبيعك ومين اللى هيشتريكى انا شايفة كدة بس دى حاجة ترجعلك انتى ربنا معاكى

  23. smsma....
    31/05/2011 at 23:04

    يا حبيبتى انا بنت زيك و فهماكى وحاسة بيكى بس اللى انا اعرفه وماشية عليه هو المثل اللى بيقول خدى اللى بيحبك ومتخديش اللى بتحبيه لان طول ماهو بيحبك هيقدر يصونك وانشاء الله يوفق بينكم (اللى بيحبك) وتكونوا احلى اثنين والسلام عليكم.

  24. تحياتي
    27/05/2011 at 03:05

    انجذاب , اعجاب , تعلق ,مكالمات هاتفيه , حب!!! وهل من مزيد ؟؟ ما هذا !!اختي الحبيبه رفقا بقلبك فلقلب امانه اودعها الله فينا ليرى ماذا صانعوا فيه …دعك من هذه العلاقات الهامشية التي لن تجني من ورائها الا لالم والضياع صدقني ..اتبحثين عن الان النسيان ؟اتتسألين هل انتي موهومه ؟اخشى ما اخشاه عليك ان تتعقد الامور اكثر من ذلك لتبحثين عن ماهو اكبر من النسيان فهذا لعب بالنار ..نصيحه من اخت لك اقطعي هذه العلاقات المتعدده فورا واهتمي بشي يشغلك وعليك بالصلاة والاستغفار لتشعري بالراحه والطمأنينه …اسفه لو ردي لم يروق لك … تحياتي دعواتي للك بالتوفيق

  25. sa
    26/05/2011 at 22:16

    بصى ياحبيبتى انتى خليكىمع اللى بيحبك وسيبى اللى انتى بتحبيه لانة ممكن يجرحك وممكن يكون بيتسله ب بيكى خليكى مع اللى بتحبيه احس لانه بيحبك وهيحافظ عليكى وبيخاف عليكى ومش يقد ر يتسله
    بيكى ولا يجرحك لانه بيحبك اووى زى مانتى بتقولى خليكى معاه احسن
    وربنا يوفقك ويوفق الجميع

  26. حازم الاهلاوى
    26/05/2011 at 18:25

    اختى
    هو الحب ده في الاول كلمه وبنقولها كده وخلاص ولا ايه لازم تعرفي الاول هو ايه الحب
    وايه معناه وليه ربنا بيخلينا ننجذب لبعض عن طريق الحب اللى بيحطوا في قلوبنا
    ازاى بتحبي واحد وبتحبي كمان واحد طب والاولانى ده ايه عباره عن
    “” كيس جوافه “” مثلا اسف في اللفظ بس انك تحبي 2 في نفس الوقت دي حاجه صعب انها تدخل عقول الناس بالسهل ومفكرتيش في اللى انتى بتحبيه لو عرررررف انك بتحبي حد غيررررره هيعمل ايه
    مش قصدي حيعمل فيكي ايه قصدي حالته النفسيه حتبقي ازاى
    وحطى نفسك مكانه كدا وعرفتى انه بيكلم واحده غيرك
    حتعملى ايه ؟؟؟؟؟؟؟ طبعا حتقولى مفيش حب وان الولاد مش بيعرفوا يحبه
    وتروحي عامله اكونت ع “” الفيس بوك “” وتضيفي 4000 صديق عندك وتحطي صوره واحده
    او صوره حزينه ع البروفيل بتاعك
    يا حاجه ازاى تحبي 2 في وقت واااااااااااااحد والله مش قادر اصدق او اتخيل حتى
    بس حقولك ايه ربنا ممكن لا يخليكى تطولى لا ده ولا ده
    خديها نصيحه “” صغننه “” منى متدخليش نفسك في مشاكل ومتاهات انتى مش ادها .
    ربنا يهديكي ويوفقك

  27. حياتى كلها لله
    26/05/2011 at 09:15

    واضح انك محبتيش ولا واحد منهم لانك لو حبيتى حد كنتى اخلصتى ليه ولحبه تخيلي كدة لو هو عرف ان انتى اللي بتكلميه فون بعد ما اخد عنك فكرة كويسه ويلاقي انتى اللي بداتى بالخطوة دى شكلك هيبقي ايه ادامة وكمان حبيبك الاولانى لو عرف ان في حد دخل حياتك شكلك بردوا هيبقي ايه وساعتها هتخسري الاتنين اتقي الله في نفسك وفي القلب اللي حبك

  28. روان
    26/05/2011 at 01:22

    خاليكى مع الى بيحبك احسن

اترك رداً أو حلاً لهذه المشكلة