انا عندى 17 سنة و انا كتبت مشكلتى قبل كدة ان انا بحب واحد من طرف واحد بس انا عرفاة من زمان كنت بشوفة كتير ف الشارع وكنت مسترخماة اوى واول مرة شفتة فيها بيشتغل فى مكان امام بيتى مكنتش بحبة ولا طيقاة وبعدين هو اول مرة شفنى فيها كان بيبصلى وبيضحكلى وانا كنيت بدور وجهى وبعدين لما دخلت بعد كدة لقيتة بيضحكلى وبردة دورت وشى وبعد كدة هو شفنى فى الشارع كان واقف مع صحبة بصلى وكان بيكلمة عليا معرفشي بيقولوا اية وبعدين دخلت بعد كدة لقيتة بيضحكلى اوى فانا ضحكت ومن هنا انا بدات افكر فية وكنت سعات بزعل منة عشان حجات وسعات صحابى كانوا بيدخلولو كان بيهظر معاهم فى مرة وحدة صحبتى دخلت تشترى حاجة وهو واقف موبيلة رن صحبة قالو كلم راح واخد الموبيل وقال ايوة يا حبيبى انا مش فاضى دلوقتى اشوفك بكرة اكلمك بعدين واول ما افل راح باصص لصحبتى وقلها ايوة يا جميل عايز اية يا جميل صحبة قال له بلاش دى ملكشى دعوة بيها دى معانا فى الكلية قاله طيب يا عم هو انا عملت حاجة انا بعدت عنة بعد كدة لمدة شهرين وبعدين مقدرتش ورحت داخلة اول ما شفنى ضحك وبعدين حاول يمسك ايدى بس انا مردتش وبعدين انا عملت حاجة وندمانة عليها لحد دلوقتى انى اعترفتلة بحبى فى ورقة هو مقلش اى حاجة بس تصرفاتة اتغيرت بقى يغير وبقى ملوش دعوة بصحابى وكان بيزعل لما بزعل منة وبعدين دخلت من يومين اشترى حاجة كنت بضحك انا وصحابى كان بصصلى وبيضحك ولما بصيت ضحكلى اوى وانا دخلت انهردة بصلى عادى وكان مفيش حاجة كانت معايا صحبتى وصاحب الشغل بتاعة ووحدة ست غريبة وبعدين هو لابس دبلة فى ايدة معرفش هو خاطب ولا لبسها كدة بس دة لبسها من زمانصحبتى قالتلى دة شكلة خاطب بس هو ممكن واحد يكون خاطب ويعمل كل العمايل دى يعنى يبصلى ويعمل معايا كل دة وبعدين بيبص على بنات كتيراوى انا تعبانة اوى حد يقولى اعمل اية انا بجد تعبانة ارجوككم ادونى راى امشى بية ومحدش يقولى انسية عشان انا مقدرش انساة دة امام بيتى ليل ونهار بيشتغل ازاى اشوفوا كل يوم وانساة اعمل اية اعمل اية
الحب من طرف واحد
تعب الحب من طرف واحد
اضيف بتاريخ: Thursday, January 27th, 2011 في 00:08
كلمات مشاكل وحلول: الحب, الحب من طرف واحد, مشاكل الحب
خاليكي متكبره معاه وانسي انوا كان حبيبك و عمليه كانوا واحد زباله وانسي اي حاجه حصلت خاليكي فرش معاه ولا اكنوا موجود وخالي حزنك جواكي مش تبينيه
ايه العبط والهبل اللي انت فيه داكلهذاومش عارفه انوالولد بيغازلك وعاوزيسرح بيك ويتسلى كبري دماغك وبطلي تعطيه ريق اواعتبارووقفي عندحده ولوتطلب الامراشتكيه لاهله عشان يتادب ويبطل يتعرض لك عشان كرامتك والاانت خلاص عاوزه كداتبقى رخيصة وتستاهل مايجرى لك واكثرمن كدا
اذا كان هذا الحب الذى بداخلك حقيقى فلن يسمح لك قلبك ان تتركى هذا الحب ولكن الكرامة هى اغلى ما يمتلكه الانسان فد قدر عليك ان تتركيه وقلبك معه
انا رائى انك تفكك منوا عاشن دة واضح بجد انو بتاع بتاع بنات دة بيبص لاى بنت لو بصتلوا يهزر معاه ويضحكلها …..وانتى يا غاليه اتسرعتى انك قولتيله انك بتحبى ابقى اتاكدى الاول من حبه
ما ينفعش من الاول كنت تقولي له انك بتحبيه وبعدين دي ممكن تكون نظرات تسلية وهزار مش اكتر وكتير بيبقوا خاطبين ويعملوا اكتر من كده حاولي مش تضحكي له ومش تطلعي كتير ادامه وكمان تتقلي عليه علي الاخر حتي لو قالك انه بيحبك
على فكرة انا اصغر منك بكتير بس عقلى اكبر منك بكتير متئوليش الحب ومش الحب انتى ربنا اداكى جوهرة علشان تحتفظى بيها ومتطلعهاش الا فى الوقت المناسب الجوهرة دى هى قلبك انتى معرفتيش تحافظى عليها وفرطى فيها زمان الى انتى بتحبى دلوقتى وهتموتى علية بيلعب على غيرك وغيرك وغيرك وزمانة بيقول انا وحدة مش محترمة ويستهتر بيكى ادام زميلة والاخت الفاضلة الى بتؤلك كلمى مديرى وشوفية بيغير عليكى ولا لئةعلشان اية دا كلة يا بنات؟؟ معقولة بطفرطوا فى قلوبكم بسهولة كدة ومتئوليش انى مش حسة بيكى انا حسة انك مجروحة ومكسورة بس صراحة ملئتش ولا تعليق ممكن يفوئيك من عالم دزنى الى انتى عايشة فى مش كل حاجة بنتمناها بتتحقق بس ارجع وقول انك انتى الى غلطانة شباب اليومين دول بتوع بنات ونادر لما تلاقى فيهم شخصية محترمة بيفهم يعنى اية انك تكسر قلب انسان ؟؟ هتئولى ادينى غلطت وخلاص هئولك انتى لو بنت بتخاف على نفسها من الاخر هتسيبك من الموضوع دة من الاخر ومتخليش قلبك شارع اى حد يدوس علية خلية نجم من نجوم السما الكل بيتمنى يوصل لية
سيبك من حكايه الحب ومش الحب كل دى حوارات فاشله وبعدين فى حاجة بتقول كل شئ قسمة ونصيب فمتعشميش نفسك فى واحد ممكن يكون من نصيبك وممكن يكون مش من نصيب فسبيها لله اللى ربنا كاتبهولك انك تكونى من نصيبه وهو برضو يكون من نصيبك هو اللى هيكون وعلى راى المثل مهما القلب يحتار النصيب هو اللى يختار
وانتى رايحة وانتى جاية بصيله من تحت لفوق واعرفى ان نقطة ضعف الراجل من كدة وعايزة اقولك حاجة تلقيه خاطب وبيستعبط
اناحسة بيكى عشان انا بحب من طرف واحد وهو بردة بتاع بنات بس النو ع دة بيقول انا مش هخطوب وحدة كلمتها قبل كدة ومبتقيش عرفة بيفكرو فى اية حولى انك تحولى متكلمهوش
معلش انا مقلتش راى اقولك سيبيه يستوى ومره كده ادخلى بس متضحكيش وبيه وبعد كده اضحك مع صاحبه صاحب الشغل وشوفى هو هيعمل ايه لو كان بيحبك هيغير وممكن يقولك متكلميش حد تانى ولا تهزرى ولو مقلش حاجه يبقى مبيحبكيش وقبل متخرجى من المحل اساليه بدافع الهزار انت خاطب وحاطط الدبله فى ايديك ليه اتصرفى يعنى فهمتى واستر على ولايانا يارحم الراحمين
سيبك منة منة علشان دة شكلة بتاع بنات
واجهي حبك وقوليله انك بتحبيه ولو قالك بحبك يبقي عرفتي ولو مش قالك يبئي ممتعبيش وتبئي عرفتي كده وخلاص اصل مش ادامك غير كده