انا بنت عمرى 17 سنه حبيت زميلى فى التمرين من 10 سنين وهو اكبر منى بسنه و هو ميعرفش وانا اعجبت به اوى عشان هو عاقل اووى ورزين وزكى ومتفوق وقبل كل ده متدين ودده اللى عجبنى فيه وعشان السبب ده اتحجبت من عمر 11 سنه عشان الفت نظره و بقيت اصلى عشان ابقى زيه وتفوقت فى دراستى عشانه و مع زلك عمر ما كان بينا اى كلام الا يادوب كام كلمه على مدار العشر سنين بس الى كان مصبرنى انه كان فى كل مره اشوفه يبصلى و يبتسملى و لحسن الحظ طلع ساكن فى الشارع الى ورايا المشكله انى بنت عاديه وفى مدرسه تجريبى وهو طلع فى جامعه من احسن جامعات مصر وبيسافر فرنسا كل سنه و عارف بنات مفيهموش غلطه دى مش قله ثقه بنفسى بس رحم الله امرئ عرف قدر نفسه انا مش عارفه اعمل ايه بس انا مبحبش اعلق نفسى وافضل احلم بحاجه انا واثقه انها بعيده اوووووى وفى نفس الوقت انا حاسه انى عمرى ما هحب حد تانى قولولى اعمل ايييييييه 7
مشاكل الحب
عشر سنين بحبه من طرف واحد
اضيف بتاريخ: Thursday, June 9th, 2011 في 13:45
كلمات مشاكل وحلول: الحب من طرف واحد, بنات, بنت, جامعات مصر, مشاكل الحب, مصر
ايه الكلام الفارغ والغير عقلاني الاتقوليه انابصلي علشانو وبعمل كده علشانو مافيش خوف من ربنا والا الشيطان اغواكي واضلك الطريق توبي الله واستغفريه من كل الذنوب والمعاصي واقطع العلاةمع السافل الحقيرنهايةوللابد وصوني شرفك وكرامتك وماترخصيهاابدا
لو رحتي قولتيله انك بتحبيه ممكن يقولك انا كمان بحبك بس كنت خايف اقولك لو بيحبك كان قالك اول ما شافك بس ممكن يحبك حب تسليه لو انت اللي قولتيله ولازم البنت اهم حاجة عندها كرمتها عشان مفيش اي ولد ممكن يحترمها انا قدك وحاسة
بصى يا اختى انتى لازم تتوبى وتستغفرى الله علشان انتى اتحجبتى عشانة انت كنت لازم تنوى من الاول عشان حبيبك وارضاء لله وبعدين حبك لية دة عادى اصل مافيش قلب مابيحبش انا زيك بردة بحب واحد بس مش معرفاة انا فى الاول زيك كنت عايزة حل بس قعدت مع نفسى وفكرت كويس وقررت ان انساة والله كنت كل اما انوى انساة اشوفة فى الشارع فا مش عارفة دة دليل على انى ماانسهوش مش عارفة بجد بس بردة لسة بحبة جو قلبى بس انتى من كتر حبك لية ولو نويتى نسيانة هتلاقى نفسك بتنسية اصل انتى الزم تبصى لبعدين هل هينفع يكون زوجك ولا لا دا الى مصبرنى قلت لو ليا نصيب فية هاخدو ولو مش ليا اكيد فى حد احسن وربنا مش بيعمل حاجة وحشة وعلى فكرة انا عندى 15 سنة وانا اكبر منه ب5 شهور
انتى مش مكسوفه وانتى بتقولى اتحجبتى وصليتى علشانو
يعنى مش علشان ربك ع كده لو قطع الصلاه انتى بردو هتقطعى الصلاه علشان تبقى زيو
ياحبيبتى حاولى تعيشى حياتك وانسي علشان مش تتعبى
وهو لو ليه نصيب معاكى اكيد هتقبلى انتى متعرفيش نصيبك فين
وشيلى اي تفكير من دماغك
وياريت تستغفرى ربنا علشان الكلمه الى انتى قولتيه دى
وعرفى ربنا انك بتصلى علشانو واتحجبتى علشان ربنا مش علشان بنى ادام زيك
ا اختى العزيزه انتى بتقولى انك اتحجبتى علشانه وبقيتى بتصلى عشانه والمفروض أنك بتصلى وبتتحجبى عشان ربك مش علشان حد وثانى حاجه انك لازم تقوليله لانك مينفعش تعلقى نفسك بيه أكتر من كده وهو مش حاسس بيكى ولو مش هتقدرى تواجهيه يبقى تبعدى نفسك عنه وياريت تفضلى دايما قريبه من ربنا
عندك حلين الحل الاول : انك تقابليه وجها لوجه وتقولى ليه انا بحبك من عشر سنين واتحجبت علشانك علشان الفت نظرك وانتباهك ومن كتر حبى بقيت اقلدك واصلى علشان ابقى زيك وبقيت متفوقه فى درستى اوى علشانك ودلوقتى انا مش هينفع افضل احبك واتعلق بيك اكتر من كده وانا مش حاسة ولا شايفة منك حاجة ونفسى اعرف انت ممكن تحبنى ولا انت مرتبط بحد تانى انا عايزة منك رد بس مش دلوقتى هسيبك تفكر يومين وبعد كده رد عليه وصدقنى انا مش هزعل من ردك مهما كان وفعلا لازم متزعليش من اى رد هو هيقولهولك لانك اصلا غلطانة فى حد يحب حد عشر سنين من غير مايصارحه بحبه صدقينى مفيش غير انك تصرحيه بحبك ووجها لوجه لو مش هتقدرى يبقى بالتليفون بس ده لو مش هتقدرى خالص من الاحسن والافضل وجها لوجه الحل التانى : لو مش هتقدرى تصرحيه بحبك يبقى من غير كلام ولا تفكير كتير تبعدى نفسك عنه وتنسيه تماما لانك لو معملتيش كده يبقى بتعذبى نفسك وخلاص وبتعلقى نفسك بيه على الفاضى لانه هيفضل مش حسك ولا شايفك لانه ميعرفش انك بتحبيه وعلى فكرة انتى لسه قدامك العمر ياما هتشوفى وتقابلى واكيد لو مش ليكى نصيب فيه اكيد هتحبى حد غيره بس فى الوقت المناسب والسلام ختام
بصى يا الحب من طرف واحد من اصعب انواع الحب بس 10 سنين محسش بيكى يبقى ده عمره ما هيحس وانتى لسة صغيرة وقدامك الحياة طويلة اوى فكرى فى غيره وحاولى تشغلى نفسك بحاجات تانية واتعلمى انك متحبيش حد غير لما يبدلك نفس الشعور فهمتينى
مين عارف يمكن يكون من نصيبك
و طالما أنتى متحجبة و بتصلى فكل راجل بيحب يرتبط بوحدة زيك عشان تكون زوجته تحمل أسمه وتصبح أم لأولاده.
بس ليه بتقولى بصلى عشانه و اتحجبت عشانه حتى لو كان هو الحافز ليكى بس فالأول و الأخر دة عشانك لتقويه علاقتك بالواحد الأحد.
فأدعى فصلاتك إذا كان فيه خير ليكى يقربه و يربطك به .
و أن كان فيه شر يبعدة عنك و ينسيكى إياه و يعوضك بالصالح.
اختى
لو حاسه ان مفيش امل يبقي خلاص
انسيه بقي هو انتى هتعملى ايه يعني اكتر من كدا
هتجيبي حبل وتشديه وتقوليله تعالى اخطبنى
لو بيبحك هيجيلك لحد عندك
لو لا لاء احفظى كرامتك
أختي الكريمة معلش خليني أجاوبك بصراحة بدون زعل يعني ..
في البداية انتي حبيته وانتي عندك 7 سنين ( بلاش نتطرق لموضوع حب المراهقة او الكلام ده خالص دلوقتي )
وانتي دلوقتي في سن 17 سنة يعني مش هقدر اقولك عديتي مرحلة المراهقة بس هقولك يعني خلاص بقيتي في مرحلة النضوج الفكري والعاطفي ..
انتي حبيتي قبل كده ,, او خليني أقول السؤال باسلوب تاني كانت ليكي أي علاقات مع شباب وعشان محدش يفهم غلط مثلا أولاد عمك أو أقاربك لمجرد صباح الخير او مساء الخير او الأحوال والأخبار ..
خليني أقولك اني من خلال كلامك ان ده مش موجود انتي ومن سن 7 سنين ممكن تكوني شايفة نفسك أقل من باقي البنات أو على الأقل انتي زي كل البنات مفيش فيكي حاجة مختلفة تجذب الشباب ليكي وده امر طبيعي ومش هقولك ان ده غريب بالعكس ده لازم يكون موجود لازم الانسان يحس وخاصة في المرحلة دي بالانجذاب للجنس الآخر وطلب ده بأي طريقة وبأي اسلوب …
هو متدين ( بلاش نتكلم انو منين متدين ومنين يعرف بنات مفهاش غلطة ) هو متدين وانتي بقيتي كده عشانه هو شاطر وانتي برده بقيتي كده عشانه كويس انه مش كان وحش كنتي بقيتي برده وحشة عشانه وهو ده أجمل ما في الحب أنو بيقدم الناس لقدام ..
بس خليني أقولك على حاجة توفر عليكي كل الكلام ده ..
انتي دلوقتي محتاجة تثبتي لنفسك انك زي أي بنت في الدنيا محتاجة تحبي وتنحبي وتعيشي حياتك بس هقولك ان ده بايدكي انتي …
هو حب جميل انك تطوري نفسك من اجله بس لازم تعريف شخصيته عن قريب لازم تروحيله تقوليله اتكلمني معاه اعرفي عنه أكتر مش يمكن كل إللي انتي قلتي عليه ده ستار بيداري بيها اي حاجة وحشة هو مخبيها او على الأقل وحشة ليكي انتي او مش متوافقة معاكي انتي ..
حاولي تحبي شخصيته وعشان تحبيها لازم تتعريفي عليها مش من المظهر او من الذكاء او من التدين لا من الأفكار من كل حاجة تانية ممكن انتي بفكرك ده توصلي نفسك لبر الأمان ممكن تخليه يحبك أو على الأقل هتعرفي راسك من رجلك وهتعرفي انو مش بيحبك أو خلينا نقول ان لسه مش جه إللي حبك وإللي ضلل عليكي بحبه وحنانه ويكون فعلا يستحقك
معلش اذا كنت طولت بس ياريت أكون أفدتك
لحل انك تدعى ربنا انه يكون من نصيبك وصدقينى فى بنت كانت نفس حالك ودعت ربنا واكتشفت ان الولد الى بتحبه هو كمان بيحبها وجه عشان يتقدملها فلو هو نصيبك يبقى متقلقيش ادعى ربنا ومتخفيش هتحبى يا اختى ولو قدرتى تعرفى عنه هو مرتبط مش مرتبط لو ليه اخت تجسي نبضها عادى طبعا من غير فضايح بس عشان لو كان مرتبط فلازم تبعدى فكرك عنه واجتهدى فى الدعاء
الحل الامثل: توبى الى الله و سيبك من التفاهات احفظى شرفك و خليكى مسلمه محترمه. لخصتى حياتك فى مطاردة واحد و نسيتى ليه رب العالمين خلقك؟ ايه الاعجاز فى انه بيسافر فرنسا؟!!! و شكلهم ايه البنات اللى مافهومش غلطه؟؟ نازلين من السما؟؟ و فين دى الجامعه اللى فى مصر اللى مافيش منها اتنين؟؟ بتقولى اى كلام و معايير تفكيرك سطحية جدا و اللى زيك هما اللى زودوا عدد العوانس فى مصر ل12 مليون. استنى نصيبك و دورى على شاب محترم ملتزم عاوز يبنى اسرة مسلمه محترمه.
عارفه المشكله ايه ان تقريبا مشكلتك نفس مشكلتي وانا كمان مش عارفه اعمل ايه فعشان كدا مش عارفه انصحك بحاجه تعمليهافيارييت لو حد فيكو توصل لحل لمشكلتنا يرد