انا عندي ٢١سنه ومن فتره واحد جارنا كلمني ع الفيس بوك وقالي كلام وحش جداا كلام عن الجنس وقالوه بكل صراحه طبعا انا مردتش عليه وقولتله استغفر ربنا وانا اصلا نفسيتي تعبت من كلامه ده خصوصا لأنه معروف بالاحترام جدا واخته صديقتي وبعد فتره كده لقيته بيكلمني تاني وبيقولي أنه عايز يخطبني وأنه بيحبني انا دلوقتي حيرانه لان اصلا هدفه في الاول كان الجنس فقط لكن دلوقتي بيقول أنه بيحبني خايفه تكون الخطوبه دي سبب أنه يرجع يكلمني ف الحاجات دي واكتر كمان
يابنتي ابعدي عن النار دي صاحب مصلحه حيخدها منك ويقولك باي باي ويتركك بين الحسره والالم والندم ولات حين مندم
بنيتي الله يرزقك خيرا منه
اللي بيتجراء على مكالمت الفتيات الغير محارم يكون بعلمك انه مش حيبطل مكلمات للبنات
وفي النها اقفلي ع الموضوع وماتفكري فيه ابداااا
وربنا بيرزقك الزوج الصالح
انتى جاوبتى على نفسك أصلاً. أكيد حينتهز الفرصة و يقعد يكلمك ف حاجات غلط و ممكن يحاول إنه يلمسك و انتى معاه. ارفضى الخطوبة دى طبعاً.
اختي العزيزة انت غلطانة لم تكلمت معه على الفيس بوك من البداية حتى لوكان ابن جيرانكم وطالما انه تكلم في الجنس والمحرمات فتاكدي انه شخص بلادين ولااخلاق ولاتربية وعن اي احترام تقولي عنه وهو لايحترم نفسه ولا الاخرين ولايستاهل الارتباط بك اعملي بلوك حظر ولاتردي على رسائله او اتصاله بك واذا لم يتردع ويتركك في حالك فمن الافضل اخبار اخته صديقتكي لاجل مايسبب لك مشكلة مع اهلك لوعرفو انه يكلمك وفي علاقة بينكما ربنا يسترعليكي ويكفيكي شره ويكرمكي بابن الحلال اللي يستاهلك ويقدركي ويسعدكي في الحياة