خطيبى تركنى ومازلت احبه

انا كنت مخطوبة من شخص كان كويس جدا وبيحبنى جدا بس كنا بنتحط فى اختلافات زى اى اتنين مخطوبين وكان بيجى يصالحنى ويعتذر بس انا اخطات فى حقه كتير وكنت باجى عليه لو مش عاجبنى حاجة فى الشقة او التجهيزات اخاصمه وكده لحد ما اختلفنا مع بعض فى مرة بسبب انى ماردتش عليه ع التليفون وكانت حاجة هايفة بس اتضايقت وروحت كلمت والدته وهى والدته ما اصلحتش الموضوع بل على العكس بوظته اكتر وقالتله انى مش عايزاه وبالرغم من انه بعدها جالى وجاب باباه واخته وقعدو معايا ومع والدى وصالحنى وخلاص بس لقيته بعدها متغير وفضل يومين متغير وقالى احنا ننهى افضل وكانه بيرد لى كلمتى اللى قلتها قبل كده انا كنت بقولهاله لما بنتخانق بس ما اقصدهاش بس هو لما قالها حسيت انى هاينة عليه مع انه اول مرة يقولها انا دلوقتى ندمانة انى بافعالى ضيعته بس بردو مش عارفة هو ازاى اتغير كده بسهولة انا بقالى 10 ايام تقريبا فاسخة خطوبتى بس مش عارفة انساه لانى فعلا احببته بصدق ونفسى يرجع تانى اعمل ايه

مشاكل وحلول ذات صلة

• نفسيتي تعبانة ومش قادرة افكر ومخنوقة
• شاكك في خطيبتي وكنا نحب بعض قبل الخطوبه
• حب 5 سنين واجبروها علي حد غيري
• انفصلت عن خطيبي بسبب امي
• فسخت خطوبتي ورجعتله بس حاسة انه مش بيحبني زي الاول
• خطيبتى مش بتهتم بيا ولا بتتصل عليا
• حبيبي تركني وصديقتي ستفضحني