مشاكل الحب والزواج

استنيت يتقدملي بعد الكلية وابوه رافض

في البدايه انا بنت عندي 22 سنه أعرف شاب من وأحنا صغيرين بس متكلمناش إلا لما دخلنا الجامعه
هو دخل كلية الطب وأنا دخلت كلية التجاره واتكلمنا وهو كان صريح معايا وقالي انه مش هيعرف يتقدم الا لما انا اخلص كليتي يعني بعد اربع سنين او ممكن استني سنه كمان بعد ما اخلص مع العلم طبعا ان في فرق سنين بين كليتي وكليته هو كليته 7 سنين واتفقنا وانا وافقت وقعدنا مع بعض خمس سنين لحد ما انا خلصت جامعه وقعدت سنه كمان بعدها بس اول مشكله حصلت ف النص ان هو وقع سنتين ف الكليه ورا بعض بسبب دكتور عنده ف الجامعه علشان قال رأيه بكل صراحه .. دي اول نقطه .. ثاني مشكله ان والده كان عاوزه يوم ما يرتبط يرتبط ببنت معاه ف الكليه دكتوره يعني .. بس هو مكنش عاوز كده .. وطبعا والده عرف انه بيحبني وعاوزني انا ووالده قاله ان انا اللي كنت السبب في سقوطه ف الكليه سنتين مع ان انا والله ما ليا أي ذنب
وكان رافضني تماما لسببين اني مش في كلية طب ثاني حاجه انه مفكر اني السبب في سقوطه السنتين
ووالده عملي مشاكل وراح لابن خالتي لانه عارفه وقاله كلام معرفتوش الا في الاخر
مرت الايام من الضغط علي والده لحد ما والده قاله روح اعمل اللي انت عاوزه وخد اي حد تاني معاك واتقدملها واتفق معاه ع كده
قام هو اخد جده ومامته وجم اتقدموا وقالوا لوالدي ان والده ادي تفويض لجده عشان هو اللي يتمم الموضوع واتفقوا اننا نتخطب 3 سنين علي ما هو يخلص وبعدين نتجوز وطبعا لاني بيجيلي عرسان كتير وبرفض ومع ضغطي عليهم فالبيت وافقوا
وكان الاتفاق اننا نلبس دبله ومحبس دلوقتي وكمان سنه نجيب الشبكه
المهم اللي حصل وبوظ الموضوع عندي ف العيله عرفوا الموضوع واننا قرينا فاتحه جه ابن خالتي عمل قاعده فيها خالي وماما وقالهم الكلام اللي والده قالهوله من كاااام شهر اللي هو ((( انه مش موافق عليا وان البنت اللي سقطت ابني كام سنه عمرها ما هتدخل بيتي وقاله اننا طمعانين فيهم ورد ابن خالتي وقاله انت متعرفش هما عندهم ايه مع العلم اننا مرتاحين ماديا جدا واياك تحاول تتكلم عنها وحش تاني وهزقه يعني )))
الكلام ده اتقال اليوم اللي المفروض هننزل فيه نجيب الدبل وطبعا بعد ما عندي عرفوا الكلام ده فشكلوا الموضوع ومتمش
أنا مش عارفه اعمل ايه ؟؟ بجد أنا بحبه وهو بيحبتي ووالده معاند جدا ف الموضوع مش عارفه ممكن نتصرف ازاي ؟؟ ساعدوني بأرائكم الله يكرمكوااا ..

مشاكل وحلول ذات صلة

اضيف بتاريخ: Friday, November 24th, 2017 في 15:47

كلمات مشاكل وحلول: , , , , , ,

ردود to “استنيت يتقدملي بعد الكلية وابوه رافض”

  1. المتواضع
    24/11/2017 at 19:58

    ابن خالتك خسيس ولا يستحق حتى الحديث معه و خطيبك رجل وقام بالواجب معك على اكمل وجه فلا تحسسيه ابدا بانه ندم للمحاربة من اجلك و لا تتركيه الا اذا طلب منك هذا المسالة معقدة جداً ولهذا دائما لا احب هذه العلاقات بسبب سوء الخاتمة وقليل جدا ما تقدر هذه العلاقات في اجتياز العراقيل مثل العائلية هذا ات تجاوزنا المادية
    في مجتمعاتنا للأسرة دور كبير في الزواج لعدة عوامل
    الان في ظل هذه الظروف حاولي مواسات خطيبك وقولي له ان الاقدار ستجمعنا في نفس الوقت ان كان لديك شخص يؤثر في والدك احكي له ممكن تتحل قضيتك مع والدك ويرضا على زواجكما لان الان المشكل تجاوزكما للاثنين ولا يوجد امل الا في انتظار الزمن ليجيب على استفساراتك

اترك رداً أو حلاً لهذه المشكلة