انا بنت عمري 19 سنه طالبه في الجامعه انا الكبيره وعندي اخت معاقه بحبها كتير وتعتمد علي بكلشي تقريباً… من حوالي سبعه اشهر تعرفت ع شاب من النت كان علاقتنا صداقه كلا احترام وبعد فتره هو اعترف بحبو لالي وانا حبيتو وصرنا نحب بعض ونعشق بعض بجنون لدرجه مانتخيل انو ننحرم من بعض يوم واحد نحن كتير متفاهمين واي مشكله نلاقيلا حل بس المشكله الكبيره انو كل واحد منا بمنطقه ونحن بعيدين عن بعض وهو بسبب ظروف البلد ووضع الصعب مابيقدر يجي يخطبني اذا اجى رح يعرض حياتو للخطر وانا مابدي اخسرو وانا بعرف هالشي وبقيت معو وصار يترجاني ويقول لاتتركيني بموت بدونك وبدي اياكي بجنون واهلو بيعرفو بعلاقتنا وانا بحكي مع امو واخواتو البنات هو جد بحبني كتير وبدو اياني وماناقصو شي متعلم ومامن حالو وعندو بيت وكلشي .. من فتره صار يلعب براسي انا روح لعندو بس خفت وصرت ازعل وادايق من حكيو .. انا مافيني اترك اهلي واختي هيك كتير صعب اتركن وروح حاولنا كتير نلاقي حل ونرتاح بس ماعم نرتاح ومافينا نترك بعض نحن نعشق بعض بجنون انا بحبو مافيني بدونو وهو كمان هيك.. قلي انو ممكن يبعت اهلو لهون يخطبوني بس كمان خايفين اهلي يرفضو لانو انا وحيده ومابدن ابعد عنن وانا مابدي اترك اهلي واهرب لعندو هيك بدي اياه وبدي اتزوجو بس برضى اهلي واهلي من سابع المستحيلات يرضو والله وضعي صعب كتير ريحوني مشان الله شو بعمل لاقولي حل بهرب لعندو وبترك اهلي متعذبين وانا اكيد رح اتعذب والا ببقى هون وخليه هو يتعذب وانا اتعذب شوبعمل بدي حل يريحني انا وحبيبي واهلي ساعدووووووووني ..اسفه طولت كتير بالحكي بس جد تعبانه بدي حل مشان الله
يابنتي الغالية اهلك هم الباقيين لك وعمرهم مايتعوضوا اما الشاب يتعوض وهتلاقي احسن منه طالما انك تراعي الله عزوجل في اهلك وترضيهم ربنا بيرضى عليك ويؤفقك ويكرمك بكل الخير طوال عمرك اختك المعاقة بحاجة لك مثلما حكيت وبرضو اهلك حرام فكري فيهم وارفضي هذا الشاب اللي بدو يبعدك ويحرمك من اهلك واياك والاستمرار معو في العلاقة من غير رابط رسمي البنت المحترمة العفيفة الشريفة ابدا ماتعمل هيك تكلم شاب من وراء اهلها والحب الحقيقي يكون للزوج ومن خلال العلاقة الشرعية ربنا يصلحك ويهديك ويبارك فيك ويخليك لااهلك ولايحرمكم من بعض ويكرمك بابن الحلال الصالح اللي يستاهلك ويسعدك