مشاكل البنات مع الشباب

غلطنا وسبنا بعض وبعت يهددني

السلام عليكم
ياجماعة دى تانى مر
وارجوكو ساعدونى الاقى حل
مشكلتى م الاول خالص هحكيها علشان مش تظلمونى اوى انا عارفة انى غلطانة بس من فضلكو كفايا الى انا حساة دلوقت مش عايزة حد يدخل يهزقنى او يقولى غلط لان فات وقت الكلام دا خلاص وانا بجد تعبانة
مشكلتى بدات وانا ف تانية ثانوى امى وابويا انفصلو وانا كنت متعلقة ب امى جدا وكان نفسى اعيش معاها بس ابوى هدد انة مش هيصرف عليا وحصلت مشاكل كبيرة المهم انفصلو وقعدت مع بابا ومش بيخلينى اشوف امى الا بعد خناق ومشاكل كتير
انا وبابا مش ع اتفاق مع بعض مشاكل كتير مش متفاهمين ويعتبر اننا ف شقة واحدة اة بس كل واحد فعالم مايعرفش عنى حاجة ولا انا اعرف عنة حاجة
بعد الانفصال بقا يخرج ويسيبنى لوحدى اليوم كلة يعتبر من بعد مارجع من مدرستى ويرجع هو بالليل متاخر كان فين الله اعلم اسالة يتحجج ب اى كلام
طلبت منة يدخلى نت علشان زهقت من وحدتى وخصوصا مش بعرف اكلم امى كتير هى اشتغلت وبقت مشغولة عنى وشوية شهور واتجوزت وسابتنى ف وحدتى اكتر
دخلت نت وع مواقع شات اتعرفت ع ولد وفضلنا نتكلم ع الماسنجر وشوية وتكلمنا فون وشوفنا بعض كان هو كل دنيتى او هو حسسنى بكدا
علاقتى بة استمرت 3 سنوات مافيهاش حاجة تخوف او تخلينى اشك ف
بعد كدا ابتدى يطلب منى يجيلى البيت يقعد معايا عادى لانى قاعدة لوحدى ( عارفة انكو هتقولو غلط وعقلك فين ) بس اعمل اييييية انا معرفش عقلى كان فين ولا اعرف عملت كدا ازاى المهم مرة ف مرة جة وف مرة حصلت موصيبة حصلت مابينا الى حصل وباقيت مش بنت
بعدها لا باقيت طايقاة ولا طايقة نفسى وع غير المتوقع هو فضل ورايا برضو وجنبى انا استغربت لانى توقعت ان هو يبعد لانة خلاص لو كان دا الى عايزة
لاقيتة جنبى برضو وطلبت منة مش يتكرر الموضوع دا تانى فضلنا فترة عادى بعد كدا ابتدى يطلبب منى تانى وانا رفضت
وابتديت استحقر نفسى م الاول وتعبت نفسيا وباقيت اتعالج م القولون وكرهت الدنيا وسقط السنة وقتها ف الجامعة وبقت حياتى سودة
وهو اختفى من حياتى ومن فترة بسيطة لاقيتة باعتلى رسالة ع فيس بيهددنى انة معاة صور ليا وحاجات وانى لو مش طاوعتة هيفضحنى
انا شاكة ان هو مش معاة حاجة لانى سيباة بقالى سنة بيتهيألى لو كان معاة كان هددنى من اول ماسبتة خالص
المشكلة بجد كبرت منى اوى وانا مش عارفة اعمل اية لا عارفة ارجع بنت واعيش حياتى ولا عارفة اعمل اية بتمنى الاقى فيكو الرد بتمنى حد يساعدنى

مشاكل وحلول ذات صلة

اضيف بتاريخ: Sunday, January 13th, 2019 في 04:28

كلمات مشاكل وحلول: , , , ,

4 رد to “غلطنا وسبنا بعض وبعت يهددني”

  1. ابوالبتول
    03/07/2019 at 22:46

    انت جايه تقول اعذار فعذر اقبح من ذنب مهما كانت الظروف اللي حصلت لك من انفصال ابوك عن امك لايعطيك الحق في كل مافعلت من علاقة محرمة مع شاب عبر النت واستمرت الى انه يجيك البيت ويفعل بك الفاحشة وفي الاخر يرميك رمية الكلاب ويظل يهددك بالصور والفضيحة لك ولااهلك الان ادركت فظاعة تصرفاتك المنحطة والغير اخلاقية لزوم ترجعي لربك عزوجل وتتوب اليه التوبة الصادقة وتستغفريه وتندم على كل ماحصل منك فهو الغفور الرحيم ارحم بك من كل الناس يقبل توبة عباده المذنبين ويغفر ويسامح واياك ان تستجيب اوتخافي من تهديده القذر فهو شخص جبان لن يجرو على فعل شي لك طالما انك تايبه ونادمه على مافات اسال الله ان يسترعليك ويكفيك شره ويحفظك من كل مكروه ويؤفقك ويسعدك في هذة الحياة

  2. امى جبتنى والدنيا ظلمتنى
    18/06/2019 at 03:57

    بصى يا حبيبتى انا هقولك تعملى ايه انتى لازم الاول تنسى اىحاجه اسمها خووف وخليكى واصقه فى ربك واتقربى منه ومتبعديش ابدا وهو مش هيسيبك ابدا

  3. منى
    03/05/2019 at 14:23

    لاتبينين انك خايفه منه وخليك قويه صدقيني مايقدر يفضحك لانه اذا بيفضحك هو بروح فيها وادي ربك يستر عليك وتوبي واستغفري انا كان فيه واحد يهددني وخفت وطلعت معه وسوينا الفاحشه الزنا وعرفت امي وكلمت الشرطة والحين اروح المحكمه وبيت انفضح لاتستسلمين له والله تندمين

  4. عمر
    14/01/2019 at 00:29

    قوليله أعلى ما فى خيلك أركبه…هدديه انه لو مبعدش عنك وسابك فى حالك هتعرفى أهلك كل حاجه وهتروحوا تعملوا فيه بلاغ فى القسم إنه هتك عرضك وبيهددك بفضحك وساعتها الحكومه هيعرفوا يتعاملوا معاه فى القسم كويس أوى وكمان هيجبروه انه يصلح غلطته ويتجوزك أو هدديه إنك إنتى وأهلك هتروحوا لأهله وتفضحوه عندهم…
    الخوف من الفضيحه هو اللى هيتسبب فى الفضيحه….إوعاكى تستسلمى لتهديده وتنفذى طلباته لانك بكده هتبقى زى العبد عنده وهيفضل يبيع ويشترى فيكى.. النهارده هيطلب منك الجنس بكره هيطلب منك فلوس وبعده هيخليكى تمارسى الجنس مع اصحابه بالأمر..متخليهوش يشم منك ريحة الخوف ..إحساسه بخوفك من الفضيحه هو اللى هيخليه يتجرأ عليكى أكتر. لازم يحس انك بايعاها ومش باقيه على حاجه..إوعاكى يهمك منه.. خدى بالك من نفسك..ربنا معاكى

اترك رداً أو حلاً لهذه المشكلة