انا سنى 22 سنه اتخطبت من حوالى سنه وشهر لشاب من منطقتنا يقال انهوا محترم وعلى خلق ومتدين ويعمل بالخارج فى البدايه كان كلاموا معايا حلو وبيقولى انوا بيحبنى اوى وانا كمان حبيتوا كنا سبنا بعض فى شهر 3 الماضى ورجعنا تانى لبعض بسبب انوا بيرجع فى كلاموا واتفاقيات وكان بقولى انوا كان بيهزر المهم رجعنا لبعض بعد موافقه الاهل والاتفاق من جديد وانوا مش يرجع فى اتفاقاتوا لأن دى شروط الجواز وكان كلام رجاله .. من حوالى 3 او 4 شهور سافرت زميله لى كانت بمدرستى ومن دفعتى لنفس الدوله اللى خطيبى بيعمل بيها وكان والده يعمل معه بالخارج طلب الوالد ان يعزم هذه الفتاه على الغذاء من باب الاصول ودى من بلدك ومعرفتنا المهم حصلت فى الفتره دى قبلها وبعدها خلافات بينى وبينوا على حاجات تافه ذى مثلا كنت انا مشغوله يوم اجازتزا فى عزومه بالبيت عندنا وكنت متسربعه وعاوزه اكلموا وكنت ببتعتلوا رسائل كل مثلا ساعه ساعتين حتى ما يحس منى بتجاهل وهذا الشىء غصب عنى والمفروض انوا يلتمس لى العذر ويقدر اتصل بيا يقولى لما يبقى ليكى خطيب تسألى عليه ابقى اتصلى تعبت انا اليوم ده وحسيت بضغط على اعصابى ومشاكل كتير على حاجات تافه منوا المهم فى يوم فتح الفيس بتاعوا لاقيت بنات مضافه عندوا مش محترمين بالمره بل وممكن اقول عليهم قمه السفاله والانحراف وجهتوا وسالتوا مين دول وعندك ليه قالى انا مش عارفهم دول مضافين عندى من ايام الكليه ايام ما كنت انا واصحابى بنتنافس مين عنوا اصدقاء اكتر م التانى قالى ادخلى امسحى واعملى اللى انتى عاوزاه عملت كده وقالى مش هعمل كده تانى بعدها عرفت منوا انوا كان كلم بنت قبل كده بعد ماخطبنى وجريتوا فى الكلام لحد ما اخذت الباسورد بتاعوا وقريت الكلام ولقيت كلام كلوا فاضى رغى على الفاضى وهو فى شغلوا ويقولى انا ماكنش فى نيتى حاجه واتخانقت معاه وباباه عرف ومامتوا ومامتى وبابايا والموضوع اتحل وخلاص واتعاتبنا واتصافينا وقالى مش هيعمل كده تانى من حوالى يومين دخلت على الفيس بتاعوا عرفت انوا كان بيعمل سيرش على صفح سكس وعلى بنات من منطقتنا كانت اكتر واحده البنت اللى كان خطيبها من اول يوم عرفنى فيه وهو كان بيدخل على صفحتها يوميا وحتى قبل معرفتى بيه واخر مره دخل عندها كان من شهر 5 وانا مش عارفه هو بيعمل كده ليه وعاوز ايه والمشكله انى لما كنت بقولوا انا عرفت انك عملت كذا يقولى لا انا مش عملت كده ولما يحس انى متاكده وعندى دليل يقولى مش فاكر وكان بيدخل على صفحه زميلتى اللى سافرت عندوا اكتر من مره انا بجد تعبت علشان كل ما تحصل مشكله كبيره يقولى هتغير وبعدها تظهرلى حاجه تانيه فيه وانا دلوقتى مش بكلموا وقولت ليه مش هنتكلم الا لما احس انى عاوزه اكلمك وسبنى افكر واصلى استخاره وانت كمان صلى يقولى لا انا مش هسيبك وعرفت كمان ماماتى وباباه باللى حصل لان دى مش اول مره تحصل مواقف مع البنات ايا كان الكلام بنوا وبينهم لان المفروض انوا حرام وان الخيانه مش بس بكلام حب انا اعرف انها بتبدا بكلام عادى ….. قولولى اعمل ايه انا مش عرفه اخد قرار
الواضح انو خطيبك ده بتاع بنات وسافل وبلاخلاق ولاتربية واحمدي الله انك عرفت حقيقته قبل فوات الاوان قبل ماتدبسي في زواج منه فتندمي طوال عمرك ارى ان تفسخ خطوبتك منه فورا وتاكدي انه لن يتغير اويتصلح حاله مهما كانت الظروف اتخذي قرارك فدي حياتك ولاحد يجبرك على الاستمرار معه وربنا بيرزقكي باحسن منه مليون مرة بابن الحلال الصالح اللي يستاهلكي ويقدرمشاعركي ويصونها ويسعدكي معه طوال حياتكي القادمة